بسم الله الرحمن الرحيم
السلام عليكم
راني وليت بمواضيعي الطريفة بعد ما درت الجزء 1 و 2
هامليك لي مشافهمش
حياتي المجنونة آآآخخخخخ ~~ الجزء 1~~
حياتي المجنونة آآآخخخخخ ~~ الجزء 2~~
ان شاء الله منكونش صمطت عليكم بزاف
بصح مديروش عليا هههه
على بركة الله نبداو
في وحد الصباح المسمش نهضت على عياط أمي وسراخها
نضت نشوف واش كاين ..لقيت خويا الصغير يبكي اوو يما تعيط عليه
قلتلها يما واش دار الموصيبة
قالت أمي .. شوف خوك البقوقو واش دار
راح للمارشي ..و بدل أن يشتري حذاءا كما ادعى ... اشترى فأران
واش نديرو بالفيران .. ما تنتكل ما تصيد كاش حاجا
خزرت في خويا لقيتو يبكي اوو شد زوج فيران في يدو غاضوني الفيران
قلتلها لأمي يبقاو معايا مقابل أن أدفع لأخي ثمنهما و أعتني أنا بهما
فوافقت أمي بشرط غسل الماعن كل يوم لمدة شهر -- للضرك مزالني معاهم ههه ---
سقسيت خويا... ما جنس الفأرين :s:p...
خويا خبير في الحيوانات .. شد الفأر الأول قلب على ظهرو
قال لي .. حط قدامو إناء حليب إن شرب فهو فأر و إن شربت فهي فأرة
ريح مالسقاطة ديالك ولا ضرك نرميهم ...
قالي نتمسخر برك ياخي موسوس خخخخخ
فقال الأصفر بالأسود ذكر و البرتقالية أنثى
مي غسي خويا انتلف ضرك هههه
فكرت طويلا في اسم لهما ... و فجأت لقيتلهم اسمين هي هي هي
عنتر وعبلة قصة العشق الفأراني ههههه
خرج عليهم مليح خخخ
هنا بدات قصتهما الجميلة
كل يوم أمر على الفأرين اللطيفين .. اضع امامهما الحليب فيشربان معا في تجانس
عنتر يدع عبلة تشرب أولا
ينحني أمامها ويناولها كأس الحليب وهو ينظر اليها نظرة عاشق :love01: خخخخ
وهي يحمر وجهها :$ وتبتسم
يناولها كأس الحليب
فتشرب حتى تشبع .. ثم يشرب هو
والدموع تسيل من عيني وقلبي يخفق لمنظرهما
اوو اوو واش بيكم بديتو تتخايلو خخخ
بيه بيه عمبالكم مهند مع نور ياو فيران هاذو خخخخ
أيا نكملو
كي يكملو الطعام ينامان بهدوء .. يدفئ أحدهما الآخر ...
و أنا اراقب و أتجسس و أتلصص و أتكصص وأتلمص وأتحصص ووو .. ~ ههه منعرف واش معنتهم خخخ ~ على تصرفاتهما .... و أستمتع بذلك
كل يوم يأتي أفكر في شيء ... مينتا يزيد عندهم فار ونسميه الزوبير هههه
باش ميديرليش التبهدايل مع كاش فارة وحدخرى هههه
كبر الفأران ... و بدات حوالهم تتغير ...
مولاوش يباتو كيف كيف ... ولاو ديما يدابزو .. خاصة وقت الطعام
حترت في واش صرالهم ... عندهم مشاكل مع بعضاهم مفهمتش علاه
و في إحدى الليالي الهادئة ... جات فأرة من الشارع تجول أمامهم ...
خزرو فيها عنتر وعبلة نضرة حب :love01:
فقتلهم أنا ههه
حتى بداو يدابزو و يخربش الواحد منهما الاخر بعنف
تحطمت كل أحلامي الوردية والبنفسجية وحتى الكحلة هههه ...
و فشلت محاولاتي للصلح بينهما في الخير هههه
حتى قريب جبت محامي ههههه
فلجأت لآخر حل ...... أمي
أخبرتها بالقصة .. من أولها لآخرها ..
فاتجهت أمي للفأرين و بعد نظرة فاحصة سألتني ... ما كان اسم الفأر الذكر ؟؟
فقلت عنتر
فنظرت الي نظرة مستغرب
ثم قالت ...فأراك .. كلاهما كلاهما عنتر !! غير اجري على روحك جيبلهم زوج عبلات هههه
هناك عرفت بلي الزهر في جيها وانا في الجيهة الأخرى
مديروش عليا
ان شاء الله في أعداد قادمة بحول الله
سلام
