التبهدايل...نتاع المضايقآت؟!!!

قال ديسق:

وعليكم السلام ورحمة الله وبركاته

صراحة ما لقيت واش نقول .. ربي يهدي الناس وربي يحفظ الأخوات من كل الشرور

الله يحفظك اخت الكريمة وربي يبعد عليك المشاكل من هذاك النوع

دمت بخير :graduation:​

إضغط للتوسيع...

قال لؤلؤة قسنطينة:

السّلام عليكم
تم الإعتماد غاليتي
نتي قتلتيني وماخليتي فيا والو ههههههههههه
ليوم الشباب تاع اللمة يديرولك هجوم ههه, بديتها انا البارح وليوم نتي كملتيها
وزدتي ضحكتيني كي قلتي هو يجري وانا نجري هههههههه خاطر هادي صراتلي مرا
استناي نحكيلك مرة صراتلي حاجة روحت للدار زرقة من الخلعة قلت ليوم مانروحش للدار حية
مالا انا كي ننزل من البيس تاع الجامعة يحطني شوي بعيد و يعني واحد المكرا اسكتي برك
المهم نجيبها على رجليا نمشي مابين 10 حتى 15 دقيقة هكاك
المهم وكي يحبسني البيس كاين زوج طرق يديو للدار, الأولى جاية مابين الديار والتانية تحتها يعني ورا الديار هادوك وجاية على الطريق
وانا نخاف منهم فيزوج, يعني كن نمشي لي مابين الديار نخاف منها خالية وكن نمشي على الطريق يبقاو السيارات هادوك معديين ويتوقبو عليك
ومابين الطرق فيزوج كاين طرقات توصل بيناتهم, يعني كن تكوني تمشي في الطريق اللولة وتحبي تبدلي الطريق تلقاي هبطة تديك تما
المهم النهار هاداك قررت نمشي في الطريق لي مابين الديار , وكانت في القايلة والدنيا خالية, وكانت قبلي طفلة وقبلها واحد
هيا هاداك العبد يمشي زوج خطوات ويدور يشوف معانا و وانا بعد توسوست وحسيت قلبي ولا يشطح ههههه
بصح كي شفت الطفلة قبلي درت بيها شوي شجاعة , ومن بعد بقينا نمشيو وصلنا للهبطة لي على اليسار لي تقدري تبدلي منها الطريق لي حكيتلك عليها
وفي نفس الوقت كاينة طلعة على اليمين تديك لبلاصة خلاف, ساع نلقى في السيد طلع من الطلعة هيا حمدت ربي والطفلة دخلت في واحد الدار
يسما لحقت لدارها بقيت غير انا, مالا كملت نمشي وحدي وغير قربت من الطلعة هاديك نلقى في الراجل مخبي تما ورا السور ويستنا
ويبد اقلبي يرجف, قلت كن نكمل مارايحة الدنيا وتولي خالية وراهو ناوي على الشر , وليت هبطت وهربتلو جهة الطريق ههههه
قلت على الاقل كاين سيارات, هيا انا مشيت شوي وقربت نلحق للطلعة لي تقدري بيها تبدلي الطريق ههههه
ونلقى في سيارة حبست قدامي وحلي الشوفور الباب وقالي اطلعي
يا يما واشوا هادا ؟؟ بقيت نشوف معاه ونهربلو من الطلعة ههههههه , انا غير خلصت الطلعة باه نكمل بين الديار شكون نلقى؟؟
السيد تاع الحكاية القديمة ههههه علابالك كي شفتو حبست في بلاصتي لدرجة عينيا دمعو من الخلعة
ساع لقيتو شاف معايا وراح دخل لواحد البلاصة و يدهرلي غضتو ههههه
وليت رحت نجري طيارة للدار مزية تما مابقاش بزاف ونلحق
صدقيني كل يوم نمشي والخلعة حاكمتني ,و نزيدلك حاجة ( علابالي طولت عليك ههه) مرة انا طالعة نقرا وعينيا في الارض ديما
كاش نهار يخطفوني هههه, مع طلعت راسي نلقى في واحد هابط ويشوف معايا وليت نزلت عينيا , هو غير لحق قدامي وعدا عليا
ناض يعيط عليا يا ختي يا ختي, انا علابالي بلي هو وماحبيتش ندور, وكي شفتو بقا يعاود وليت حبست وشفت معاه وقتلو انعم
نلقاه جا ليا قالي حبيت نسقسيك نتي تسكني في البلاصة فلانية؟؟ بقيت نشوف معاه قتلو لالا اسمحي, واصلا البلاصة لي يهدر عليها جاية الفوق
وانا يشوف فيا طالعة على 8 تاع الصباح يعني سؤال ماش في محلو ههههه, المهم سامحيني طولت عليك
ربي يهديهم ان شاء الله
شكرا حبيبتي على الموضوع
تحياتي​

إضغط للتوسيع...

قال Salam Fleur:

:-o:-oالسلام عليكم

ارواحي انا نحكيلك ...لعجب ... الليسي و الجامعة يي كنت نقرا فيهم لما نخرجوا على 17 تلقاي الدنيا معمرة و الغاشي يتبع كي البهائم

اما حكايتي انا .. هوما بزااف حكايات بصح لي قالتلهم رقدوا ...صراتلي عندها عام ونص

هذاك النهار خدمت حتى 18 و خرجت ميتة بالعيا بديت على 9 .. و انا هابطة في الطريق كانت خالية لانه العادة نهبط نلقى صحاب الليسي و الجامعة هذاك النهار قريب ماكان حتى واحد ... الطريق هاذيك بين الديار بصح مانطولش فيها يا ربي 2 قايق و نخرج للطرييق الكبيرة

المهم لقيت السيد يعيطلي ... يا الاخت دقيقة نهدر معاك ... انا قلت كاش ماغبرتلوا الطريق .... حتى نصيبوا قالي عجبتيني و شحال وانا عساس عليك ...... :-o:-o

قتله كيفاه ... قالي عندي بزااف و انا نحوس نهدر معاك و مالقيتش الفرصة ....

انا دهشت ... كيفاه عساس عليا ....

قالي ما امنتينيش ....... و بدا يعددلي في الحوايج لي نلبس .........

:-o:-o:-o:-o:-o:-o:-o:-o:-o

و لقيته قريب يدخل فيا ... و انا هذاك نهار م العيا طلمست ... وليت قتله ربي يسهل عليك و هابطة ... و جات في بالي ان نخبطوا بالكلاسور .. بصح قلت نصبر نوصل للطريق لكبيرة و نديرها باه التبهديلة تكون على المباشر و يحشم على عرضوا و مايزيدش يدور بيا .... حتى صبتوا سبقلي الطريق ... و قالي راني سيريوا معاك ... قتله يا وليد الناس مادامك عسيت عليا سما تعرف باب داري و تعرف شكون انا و شكون ولي امري ... نورمالموا تروح ليه ماشي تجي عندي ...... و بدا يتفلسف عليا و انا نهدر معاك الاول و نتعرف بيك باه نروح نهدر مع باباك ...... قلتله بعدلي من الطريق سينوا نلم عليك امة لا اله الا الله .. ولا قالي اصبري اعطيني رقم الهاتف تاعك ... ديرتلوا ايهيه يا سيدي واش شفتني ماشية و نوزع فيه على الغاشي ... قلتله مانمدش ... و لا مدلي رقم تاعوا ... و قالي خممي و ردي عليا ... وراح ... و انا روحت للدار من الباب ..... دارلي بابا واشبيه وجهك كحل ... قتله والوا .. ورحت جارية للكوزينة نحكي لماما ... انا نحكيلها و هي ميتة بالضحك

بعد اسبوع انا خارجة من الخدمة على 12 حتى سوطة قدامي كي القرد و جابلي صاحبه معاه ... و انا سمانة و انا نوجد في روحي ... هو جا .. سلام عليكم .. و عليكم السلام ,,, قالي خممتي ... قلتله ... فواش نخمم ... قالي فواش قتلك ... قتلك وواش قتلي .. قالي باه نتعرفوا ... قتله مانيش تاع تعارف .. عينك فيا تفضل نمدلك عنواني و رقم هاتف الاب تاعي ... و بدا انا موحال ندي واحدة مانعرفهاش ... قتلهل هيا ربي يسهل عليك .. و نزيد تديرونجيني ماتفراش معاك ... تربية الخاسرة و زايد زعمة جايبلي في صاحبك معاك باه تدي رايه و لا واش .. حاسبين في بنات الناس لعبة بين يديكم ... فرجت فيه خلق ربي ... صاحبتي كانت معدية ...تشوكات كي راح جات عندي قاللتي يا المهبولة ماخافتيش منه .... ماتمسخرش بيا ... الخوف من ربي ماشي من واحد كيما هذا

نهار حكيتها لراجلي ... مات بالضحك ... قلتله انت و ماما فهموني علاه راكم تضحكوا ... قالي على الجايح هذاك ..... مالا حفظ حوايجك ... هههه ... و ليت حوايجي كامل بدلتهم الله لا تربحوا

و اخيرا خلصت ..... علابلي هدرت بزااف ......

اه نزيد حاجة ... كاين نوع تاني مالازمش تهدر معاه خلاص لانه لو تهدر معاه تم يحسب روحه ..... مرات نحط في الثقيل و نعدي بصح مرات تتحتم عليك ترد عليه


شكراااا على الموضوع ​

تقبلي مروري

إضغط للتوسيع...

قال أحبك ياجزائر:

سلام الله عليكم
كل كلمة قلتيها صح والله ما غلطت وما عسانا سوى نقول ربي يحمي بنات الفاميليا ويصونهم الحالة صعبة مع هذا الجيل التافه الذي نسأل له الهداية

ملاحظة بسيطة : أقسم بالله حتى لا نظلم الرجل كثيرا ،اليوم حاجة جديدة البنات يتالبوا الأولاد، والله شخصيا صرات ليا مع بنت وصديقاتها ، رجعت كي نشوفهم نبدل الطريق ؟ غريبة كرة المتالبة غريبة
والله المستعان
​

إضغط للتوسيع...

قال Śkør ɱ@қ:

السلام عليكم
الله غالب ملقيتش واش نقوللكم اصبرو برك

بصح والله غير ضحكتوني قتلتوني من حكاياتكم هههههههههههههههههه
هم يبكي اوو هم يضحك خخخخخ

لي عودة​

إضغط للتوسيع...

قال Śkør ɱ@қ:

السلام عليكم
الله غالب ملقيتش واش نقوللكم اصبرو برك

بصح والله غير ضحكتوني قتلتوني من حكاياتكم هههههههههههههههههه
هم يبكي اوو هم يضحك خخخخخ

لي عودة​

إضغط للتوسيع...

قال AmiR@RoRo:

السلام عليكم

اواااه الموضوع هدا راه فيه الشك راه غي تع فضايح هههه
المهم كما قلتي الامثلة راهم بزاف والتافهين والفاضيين شغل كترو
ما يلقى مايدير يبدا يدور ببنات الناس
كي شفت العنوان تفكرت وحد القصة مش بزاف ملي صرات وهي لي كامل ركبتلي السكر كتر من لي قبلها ولي بعدها هههه
المهم هدا ياسيدي كنت فمرحلة التسجيلات وبقيت رايحه جايه نجيب فالوراقي والى آ خره ..
المهم كملت التسجيل وخرجت
نلقى وحد السيد واقف وبقا .. آنسة آنسة ماديتهاش فيه قلت يمسخر ملا بقا ورايا شوي وقالي والله نسقسيك برك انا مش منا اصلا
ومن هدرتو جاتني صح مش من الولاية ملا درت ليه قلت بلاك كاش ما يسقسي على بلاصه ولا قتلو انعم وش تحوس قالي برك حبيت نسقسيك آسكو مخطوبة ولا سيليباتار خلعني قتلو لالا متزوجة ( منعرف كفاش خرجت الكلمة ههه)
ايا وطريق كاملة وهو جايبها ورايا آنسة ماقال آنسة وزيد الطريق كانت خاليه هداك وين زاد خفقان القلب ههه
وسيرتو كاين وحد الدروبا جايين خاليين وقط مايدور فيهم وهو ورايا آنسة والله برك ناوي الحلال والله ماني تع تمسخير والله حاب نتعرف عليك عجبتيني وباينه متربية وناس ملاح وطريق كامله وهو والله والله ولي ضحكتني كامل بدا يملي فالنيميرو ديالو زعما ويقولي حفظتيه ؟ ههههه وانا من جيهة خايفه ومن جيهة حاكمني الضحك
قتلو في خاطري امشي عليا كي نتا كي لي قبلك لي ناوي الحلال يجي للدار
تبعني لحتى درت للدار لحتى وقفت عند الباب وشاف الجماعه قدام الدار عاد باش سرح رجليه وراح
والحكايات بزاف يلا بقينا نحكو مانخلصوش علابالي ديجا طولت هههه
يعطيك الصحة اختي على الموضوع راه يكشف الكثير خخخ
ربي يهدي شباب اليوم وتحية للي خاطيه التمسخير
ومن جهة تانية راه كاين العكس بنات يضايقو فالشباب ويتقربولهم وشفتها قدامي الله يستر وين عادت البنت تعني الحشمة درك ولات تخرجها طاي طاي يعجبها واحد تروحله هههه لا حياء لا حشومه
ربي يبقي الستر
سلام

إضغط للتوسيع...

قال AmiR@RoRo:

السلام عليكم

اواااه الموضوع هدا راه فيه الشك راه غي تع فضايح هههه
المهم كما قلتي الامثلة راهم بزاف والتافهين والفاضيين شغل كترو
ما يلقى مايدير يبدا يدور ببنات الناس
كي شفت العنوان تفكرت وحد القصة مش بزاف ملي صرات وهي لي كامل ركبتلي السكر كتر من لي قبلها ولي بعدها هههه
المهم هدا ياسيدي كنت فمرحلة التسجيلات وبقيت رايحه جايه نجيب فالوراقي والى آ خره ..
المهم كملت التسجيل وخرجت
نلقى وحد السيد واقف وبقا .. آنسة آنسة ماديتهاش فيه قلت يمسخر ملا بقا ورايا شوي وقالي والله نسقسيك برك انا مش منا اصلا
ومن هدرتو جاتني صح مش من الولاية ملا درت ليه قلت بلاك كاش ما يسقسي على بلاصه ولا قتلو انعم وش تحوس قالي برك حبيت نسقسيك آسكو مخطوبة ولا سيليباتار خلعني قتلو لالا متزوجة ( منعرف كفاش خرجت الكلمة ههه)
ايا وطريق كاملة وهو جايبها ورايا آنسة ماقال آنسة وزيد الطريق كانت خاليه هداك وين زاد خفقان القلب ههه
وسيرتو كاين وحد الدروبا جايين خاليين وقط مايدور فيهم وهو ورايا آنسة والله برك ناوي الحلال والله ماني تع تمسخير والله حاب نتعرف عليك عجبتيني وباينه متربية وناس ملاح وطريق كامله وهو والله والله ولي ضحكتني كامل بدا يملي فالنيميرو ديالو زعما ويقولي حفظتيه ؟ ههههه وانا من جيهة خايفه ومن جيهة حاكمني الضحك
قتلو في خاطري امشي عليا كي نتا كي لي قبلك لي ناوي الحلال يجي للدار
تبعني لحتى درت للدار لحتى وقفت عند الباب وشاف الجماعه قدام الدار عاد باش سرح رجليه وراح
والحكايات بزاف يلا بقينا نحكو مانخلصوش علابالي ديجا طولت هههه
وواش لاحظت تقريبا نفس الحكايات متشابهة ههه هنا تعرفي بلي هاد النوع لي يتمسخر يخمم بطريقه وحده
يعطيك الصحة اختي على الموضوع راه يكشف الكثير خخخ
ربي يهدي شباب اليوم وتحية للي خاطيه التمسخير
ومن جهة تانية راه كاين العكس بنات يضايقو فالشباب ويتقربولهم وشفتها قدامي الله يستر وين عادت البنت تعني الحشمة درك ولات تخرجها طاي طاي يعجبها واحد تروحله هههه لا حياء لا حشومه
ربي يبقي الستر
سلام

إضغط للتوسيع...

قال لؤلؤة قسنطينة:

السّلام عليكم
تم الإعتماد غاليتي
نتي قتلتيني وماخليتي فيا والو ههههههههههه
ليوم الشباب تاع اللمة يديرولك هجوم ههه, بديتها انا البارح وليوم نتي كملتيها
وزدتي ضحكتيني كي قلتي هو يجري وانا نجري هههههههه خاطر هادي صراتلي مرا
استناي نحكيلك مرة صراتلي حاجة روحت للدار زرقة من الخلعة قلت ليوم مانروحش للدار حية
مالا انا كي ننزل من البيس تاع الجامعة يحطني شوي بعيد و يعني واحد المكرا اسكتي برك
المهم نجيبها على رجليا نمشي مابين 10 حتى 15 دقيقة هكاك
المهم وكي يحبسني البيس كاين زوج طرق يديو للدار, الأولى جاية مابين الديار والتانية تحتها يعني ورا الديار هادوك وجاية على الطريق
وانا نخاف منهم فيزوج, يعني كن نمشي لي مابين الديار نخاف منها خالية وكن نمشي على الطريق يبقاو السيارات هادوك معديين ويتوقبو عليك
ومابين الطرق فيزوج كاين طرقات توصل بيناتهم, يعني كن تكوني تمشي في الطريق اللولة وتحبي تبدلي الطريق تلقاي هبطة تديك تما
المهم النهار هاداك قررت نمشي في الطريق لي مابين الديار , وكانت في القايلة والدنيا خالية, وكانت قبلي طفلة وقبلها واحد
هيا هاداك العبد يمشي زوج خطوات ويدور يشوف معانا و وانا بعد توسوست وحسيت قلبي ولا يشطح ههههه
بصح كي شفت الطفلة قبلي درت بيها شوي شجاعة , ومن بعد بقينا نمشيو وصلنا للهبطة لي على اليسار لي تقدري تبدلي منها الطريق لي حكيتلك عليها
وفي نفس الوقت كاينة طلعة على اليمين تديك لبلاصة خلاف, ساع نلقى في السيد طلع من الطلعة هيا حمدت ربي والطفلة دخلت في واحد الدار
يسما لحقت لدارها بقيت غير انا, مالا كملت نمشي وحدي وغير قربت من الطلعة هاديك نلقى في الراجل مخبي تما ورا السور ويستنا
ويبد اقلبي يرجف, قلت كن نكمل مارايحة الدنيا وتولي خالية وراهو ناوي على الشر , وليت هبطت وهربتلو جهة الطريق ههههه
قلت على الاقل كاين سيارات, هيا انا مشيت شوي وقربت نلحق للطلعة لي تقدري بيها تبدلي الطريق ههههه
ونلقى في سيارة حبست قدامي وحلي الشوفور الباب وقالي اطلعي
يا يما واشوا هادا ؟؟ بقيت نشوف معاه ونهربلو من الطلعة ههههههه , انا غير خلصت الطلعة باه نكمل بين الديار شكون نلقى؟؟
السيد تاع الحكاية القديمة ههههه علابالك كي شفتو حبست في بلاصتي لدرجة عينيا دمعو من الخلعة
ساع لقيتو شاف معايا وراح دخل لواحد البلاصة و يدهرلي غضتو ههههه
وليت رحت نجري طيارة للدار مزية تما مابقاش بزاف ونلحق
صدقيني كل يوم نمشي والخلعة حاكمتني ,و نزيدلك حاجة ( علابالي طولت عليك ههه) مرة انا طالعة نقرا وعينيا في الارض ديما
كاش نهار يخطفوني هههه, مع طلعت راسي نلقى في واحد هابط ويشوف معايا وليت نزلت عينيا , هو غير لحق قدامي وعدا عليا
ناض يعيط عليا يا ختي يا ختي, انا علابالي بلي هو وماحبيتش ندور, وكي شفتو بقا يعاود وليت حبست وشفت معاه وقتلو انعم
نلقاه جا ليا قالي حبيت نسقسيك نتي تسكني في البلاصة فلانية؟؟ بقيت نشوف معاه قتلو لالا اسمحي, واصلا البلاصة لي يهدر عليها جاية الفوق
وانا يشوف فيا طالعة على 8 تاع الصباح يعني سؤال ماش في محلو ههههه, المهم سامحيني طولت عليك
ربي يهديهم ان شاء الله
شكرا حبيبتي على الموضوع
تحياتي​

إضغط للتوسيع...

قال Żăβäńã đż:

بالنسبة للموضوع واش راح نقول راح نقول واش نعرف عن تجربة و بلا زعاف شوفت شباب منحرفين يتبلاو اي وحدة و لكن كي يشوف وحدة مستورة و الله ما يهز راسو من الارض و لا يقول كلمة راح تقولوا مستورين نقولكم سامحوني السترة تغير مفهومها مع الاسف اي وحدة تحط فولارة تقول راني متحجبة و مستورة مي راهم يتبلاو فيا و انا نقول و السروال لي راح ينطق مسكين و الفيزو و . . . الخ وين راها السترة اليوم نادرا وين تشوف مراة حقيقة انا نشوف شبه انثى و فيها شبه راجل * سروال + باسكات . . . * مع فائق احترامي الكلام يطول كثيرا اتمنى ان الفكرة وصلت . . . سلاااام​

إضغط للتوسيع...

قال Żăβäńã đż:

شحال يهدروا البناااات :-o
و الله العظيم تعبتوني على خاطر بطبيعتي كي نشوف موضوع نحب نشوف كل الاراء و نعطي رايي مرة واحدة باكبر اختصار ممكن :down:
لؤاؤة آخر انذار ليك رد اخر كيما هادا نقولهم يبعثولك القندورة الحمرا ديراكت :sport01:​

إضغط للتوسيع...

علاه عليك هادا الشعب كامل حكا جاتك غير عليا
مالا من اليوم ندير ماش غير جرنان مكرا :tongue02:​