حلوه بالخبز المطحون

Oum Loukmane

:: أستاذة ::
أحباب اللمة
إنضم
22 ديسمبر 2014
المشاركات
2,248
نقاط التفاعل
5,761
النقاط
126
العمر
54
محل الإقامة
تيارت
الجنس
أنثى
السلام عليكم اخواتي بناتي

اليوم جبتلكم حلوه بماده متوفره بكثره في البيوت الجزائريه الخبز وبهذه الوصفه الخبز ما نرموهش يبسيه وطحنيه وتستعمليه في وصفات متنوعه وهذي وصفه ناجحه وحصريه لمنتدانا الغالي

طولت عليكم

المقادير
250غ زبده طريه
200غ سكر عادي
250غ خبز مرحي
100غ ميزينه
2بيض
1 خماره ناقص شوىه (7غرام)

التزين
مربي المشمش

اما نوات كوكو او قوفريط مرحي خشن اوكوكاو

طريقة التحضير

الزبده طريه مليح +البيض +السكر خلطي مليح حتى تحصلي على كريمه ثم اضفي خليط الخبز والميزينه والخماره خلطي مليح لميها بالفرينه حليها



قطعيها بطابع القوفريط





طيبهم في فرن ساخن من قبل لما تخرجيهم من الفرن خليها في الصنيه حتى تبرد حطي حبه فوق حبه بعد ما تحطي المربى من بعد فوتيهم من الحواف في النوات كوكو او كوكاو او القوفريط هذا اختياري ويمكن تحطي خطوط شكوله





وهذا شكلها النهائي هذي الكميه تصنع 50 حبه
والى الملتقى سلام:regards01::regards01:
 
آخر تعديل بواسطة المشرف:
رد: حلوه بالخبز المطحون

kont ndir bih ghir l besboussa
doka had l gateau thani
mayzid yeb9a hata morceau

mercii
 
رد: حلوه بالخبز المطحون

kont ndir bih ghir l besboussa
doka had l gateau thani
mayzid yeb9a hata morceau

mercii

بهذي ألطريقه ما نرميش الخبز وعندي وصفه اخرى ان شاء الله مره اخري نحطها
 
رد: حلوه بالخبز المطحون

شكرا لك على الوصفة
هايلة حتى انا كنت ندير بيه بسبوسة و خبز الباي
راكي زدتيلي فكرة جديدة بارك الله فيك

 
رد: حلوه بالخبز المطحون

شكرا لك على الوصفة
هايلة حتى انا كنت ندير بيه بسبوسة و خبز الباي
راكي زدتيلي فكرة جديدة بارك الله فيك


عفوا أختي جربتها وتشوفي حلوتها
 
رد: حلوه بالخبز المطحون

فكرة هايلة وفي نفس الشئ اقتصاية يعطيك الصحة اختي
 
رد: حلوه بالخبز المطحون

فكرة هايلة وفي نفس الشئ اقتصاية يعطيك الصحة اختي

الله يعافيك حنو نه شكرًا على الرد
 
رد: حلوه بالخبز المطحون

يعطيك الصحة ديتي فينا الاجر عاى الخبز كنت نحوس على وصفة تاع قاطوا كيما هذا تقييمييييييييييي
 
رد: حلوه بالخبز المطحون

يعطيك الصحة ديتي فينا الاجر عاى الخبز كنت نحوس على وصفة تاع قاطوا كيما هذا تقييمييييييييييي

هذي هي الفائدة من اللمه نفيد ونستفيد الله يحفظك
 
رد: حلوه بالخبز المطحون

السلام عليكم و رحمة الله و بركاته

يم يمممم اعقلي درتيه و انا مانيش في الدار

ضوك نديره و ما نعطيكش تذوقي ههه

يسلمو دياتك ♥

 
رد: حلوه بالخبز المطحون

السلام عليكم و رحمة الله و بركاته

يم يمممم اعقلي درتيه و انا مانيش في الدار

ضوك نديره و ما نعطيكش تذوقي ههه

يسلمو دياتك ♥


وعليكم السلام ورحمة الله
إصنعيه برك ومع ليش ما تذوق نيش
 
رد: حلوه بالخبز المطحون

ربي يجازيك ختي ويعطيك الصحة
والله ستفدت من هاد الطريقة وان شاء الله نرجبها في القريب العاجل
 
رد: حلوه بالخبز المطحون

ربي يجازيك ختي ويعطيك الصحة
والله ستفدت من هاد الطريقة وان شاء الله نرجبها في القريب العاجل

عفوا أختي جربيها فهى لذيذة واقتصادية
 
رد: حلوه بالخبز المطحون

عفوا أختي جربيها فهى لذيذة واقتصادية

:dركزيلي على نرجبها خخخخخخخخخخخ
ربي يبارك فيك ختي و يعطيك الصحة على كل شي راكي تقدمي فيه ويخليلك اولادك
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top