لمرا لمحقورة عمرها لتشكي

أم منيــــــر

أم منيــــــر

:: عضو بارز ::
أحباب اللمة
إنضم
22 ديسمبر 2013
المشاركات
6,448
نقاط التفاعل
19,723
النقاط
651
محل الإقامة
تلمسان...الجزائر
الجنس
أنثى
السلام عليكم
هادي يومبن شفت فيلم على كانال آلجيري واحد مرتو حاقراتو و توصل بيها الامر حتى ضرباتو
راح قدم شكوى و ارفع عليها دعوة قضائية و كي سمعت هي راحت دارت محامي و قالت انها محقورة
في الاخير هو لي كان ينضرب و كل ما صرالو خرجت هي براءة لاخاطر بكات و شكات
و الظلم في الاخير هو لي ربح:mad:
حكيتلكم هاد القصة كمقدمة للموضوع نتاعي لان الواقع هدا هو
هادوك النسا الطايرات هما لي راهم يجيبو حقهم الباطل بالكدب و البهتان و تلقاوهم يبكيو بدموع التماسيح و يصرخوا باعلى صواتهم و تلقاو الكدب اكثر من الصح الا القلة القليلة فقط لي هم على حق و هي نسبة نادرة جدا
و هادوك المحقورات نتع الصح و الله ما يشكو لاخاطر الخوف سكن في قلبهم تخاف على روحها و على ولادها و على سمعتها و سمعة عايلتها ضحي بحقها على خاطر هاد الشي كامل
شفتهم بعيني ما عندهاش الحق حتى تناقش ول تقول رايها في اي حاجة و تخاف تحكي عليه حتى قدامنا فمابالك قدام دار الشرع ول القاضي ول المحامي
كاين لي تكون تكره الرجل و تلق السبة باش تنتقم منو لسبب من الاسباب و زاد القانون جديد تيهم و طيرهم في لعلالي
انا مرا و نخاف ربي سبحانو و ما نحبش الظلم
كل لي قرا موضوعي نقولو الله يعطيك الخير:d
​
 
رد: لمرا لمحقورة عمرها لتشكي

السلام عليكم
أهلا بيك ميمتي
والله غير مشكلة كبيرة تقريبا دايما تلقى فالمحاكم لمرا هي اللي تربح
اوو خاصة لي ميحشموش
تلقايها نهار كامل من محامي لمحامي تجري
اوو بلاك هي لي خارباتها من كل جيهة وتحوس تربح في القضية
الله غالب
أنا نظن بلي الدولة هي اللي كثرت على ما وصاوها
الحقوق كاملا للمرأة ظالمة أو مظلومة كيما قال بومدين في فلسطين
مرانيش على المرأة لي دافع على حقها
اوو بلاك متروحش للمحاكم كيما قلتي تقول خلي نصبر برك
ان شاء الله يهدينا ويهدي كل المسلمين
ربي يحفظك
الى تفكرت كاش تمنشير راني نولي هههه
سلام​
 
رد: لمرا لمحقورة عمرها لتشكي

وعليكم السلام
اهلا ام منير ايه راه كاين بعض النسا طايرين منعرف هدفهم حتى لو كان يقدرو يخبو الحقيقة ويبينو بلي راهم مضلومين وهوما اللي ضالمين واش يستفادو راها عدالة ربي كاينة يجيهم نهار يتفضحو متنفعهم دموع التماسيح هاديك
تحياتي ليك ام منير وشكرا على الموضوع
سلام
 
رد: لمرا لمحقورة عمرها لتشكي

السلام عليكم
نقولك واه كاينه ^^
محقورة ساكته ولي طايره تبكي وتشكي
والقانون الله يبارك ما خلا لراجل شا يقول اللهم اذا كان هو تاني واعر
شكرا اختي الكريمة
 
رد: لمرا لمحقورة عمرها لتشكي

السلام عليكم
أهلا بالغالية " أم منير" نورتِ قسم واش راك تهدر :$
وبارك الله فيك على الموضوع ، لأنو هادا هو واقعنا وهكا ولات الدنيا تمشي
المرأة لقات المساندة حتى تفرعنت، ونعترف بهاد الشي حتى ولو كنت مرأة
خاطر بكري كانت المرأة تتعرض للضرب من زوجها وللاهانة من عائلة زوجها
وبلا مهامها الشاقة كزوجة ، وهكاك كان فمها ساكت وعمرها لا خرجت سر من اسرار بيتها
ولا سمعت حتى والديها فمابالك المحاكم، كانت المرأة صبورة واكثر ما يهمها هو تحافظ على اسرتها
وعلى الاستقرار لولادها حتى ولو كان هاد الامر يسببلها القهر والالم وتتعرض للظلم
بصح دركا، راهي ولات سوبرمان -_- ماتخاف من والو وماتحشم من حتى عبد، يعني توصلت المرأة
على غسيل لماعن تخرب دارها وتروح للمحاكم؟ لدرجة كاين وحايد نعرفوهم من بعيد الكنة بعد 15 يوم من زواجها
طلبت الطلاق وراحت للمحاكم تطالب بحقها، هادي 15يوم زواج راهي تدور في المحاكم يا عجابة
وهادا خاطر لقات القانون في صفها وزيد راحت الحشمة والحياء من وجوهم، بكري الطفلة باه تهز
عينيها وتشوف مع يماها تحشم مع يماها ماش حتى مع باباها، ودرك تدخل للمحكمة وتتشاور مع المحامي
وتوقف قدام القاضي وتنشر سرها عند لي يسوى ومايسواش
يعني نختم كلامي بعنوان موضوعك" لمرا المحقورة عمرها لا تشكي" واذا شكات تشكي لربي سبحانو
ربي يهدينا ويحفظ بناتنا وان شاء الله ترجع لحشمة لنسائنا وطبعا حاشا لي ماتستاهلش
خاطر كاين درك من بنات هاد الجيل لي مازلت تحشم ومازال تستحي حتى ترفع صوتها
بارك الله فيك امي الغالية، وشكرا مجددا على الموضوع
ربي يحفظلك وليداتك ان شاء الله
تحياتي
​
 
رد: لمرا لمحقورة عمرها لتشكي

ربي يهدي كل مخلوق الظلم ظلمات يوم القيامة شحال بني ادم راح يعيش في الدنيا اخرتها الموت لازم نحطو راسنا على مخدة وحنا مظلومين ومش ظالمين ياربي يهدينا ​
 
رد: لمرا لمحقورة عمرها لتشكي

قال أم منيــــــر:
السلام عليكم
هادي يومبن شفت فيلم على كانال آلجيري واحد مرتو حاقراتو و توصل بيها الامر حتى ضرباتو
راح قدم شكوى و ارفع عليها دعوة قضائية و كي سمعت هي راحت دارت محامي و قالت انها محقورة
في الاخير هو لي كان ينضرب و كل ما صرالو خرجت هي براءة لاخاطر بكات و شكات
و الظلم في الاخير هو لي ربح:mad:
حكيتلكم هاد القصة كمقدمة للموضوع نتاعي لان الواقع هدا هو
هادوك النسا الطايرات هما لي راهم يجيبو حقهم الباطل بالكدب و البهتان و تلقاوهم يبكيو بدموع التماسيح و يصرخوا باعلى صواتهم و تلقاو الكدب اكثر من الصح الا القلة القليلة فقط لي هم على حق و هي نسبة نادرة جدا
و هادوك المحقورات نتع الصح و الله ما يشكو لاخاطر الخوف سكن في قلبهم تخاف على روحها و على ولادها و على سمعتها و سمعة عايلتها ضحي بحقها على خاطر هاد الشي كامل
شفتهم بعيني ما عندهاش الحق حتى تناقش ول تقول رايها في اي حاجة و تخاف تحكي عليه حتى قدامنا فمابالك قدام دار الشرع ول القاضي ول المحامي
كاين لي تكون تكره الرجل و تلق السبة باش تنتقم منو لسبب من الاسباب و زاد القانون جديد تيهم و طيرهم في لعلالي
انا مرا و نخاف ربي سبحانو و ما نحبش الظلم
كل لي قرا موضوعي نقولو الله يعطيك الخير:d
​
إضغط للتوسيع...

السلام عليكم
المرا الماصلا بيتها ليس من زجاج كل شيئ مستور ولي مشي ماصلا العكس الغسيل ديما منشور امام الناس
 
رد: لمرا لمحقورة عمرها لتشكي

شكرا على الموضوع انا حبيت نقول انو كاين بزاف نسا نساو الانوثة و الحياء اصبحوا كانهم رجال
 
رد: لمرا لمحقورة عمرها لتشكي

قال شمس الاصيل2:
شكرا على الموضوع انا حبيت نقول انو كاين بزاف نسا نساو الانوثة و الحياء اصبحوا كانهم رجال
إضغط للتوسيع...

انا اظن بعض رجال نساو رجولتهم
 
الرومنسي الجاد، تم حظره "حظر دائم". السبب: مخالفة القوانين
رد: لمرا لمحقورة عمرها لتشكي

وي صح كاينة نسا عندهم وقفة تاع راجل و خزرة تاع راجل و لافوا تاع راجل تاني خخخ حاجة مليحة وماشي مليحة هنا
بصح تبهديلة مرا توقف في دار الشرع فما بالك توقف مع راجلها !!
جنس يا لطيف فكرتيني ف المخلوقة لي رماها راجلها بيها بولادا يعني ولادو تاني منين حكى مع شمس الدين قالو ايلا عجباتك شيخ جوز بيها نتا خخخخخ مصبت نقول راه مداير عفسة مليحة ولا مقودة
 
رد: لمرا لمحقورة عمرها لتشكي

انا رجعت عندي حساسية لما نسمع موضوع عن العنف ضد المرأة
كثروا بزاف تلقايها لاباس بيها خدامة ما خاصها والو و تقولك راني محقورة و حقي ضايع
واش حبيتي اكثر من هاد الشي و هاديك المغبونة لي راها بين اربع حيطان لا خرجة لا دخلة و ممنوع عليها حتى تحكي براحة واش تقول
كل مرة يديرو حاجة كما هادي المرا لي راها في لعلالي تزيد علوا و لي راها مغبونة و محقورة تزيد غبينتها
هما راهم يناديو بحقوق زيادة للمرا لي راها قريب تخرج الرئيس و تدي ببلاصتو و ما زال ما عاجبها حال
اما هاديك المغبونة جامي تهدر و تشكي لانها من جهة تخاف من راجلها الحقار
من جهة اخرى تخاف على مشاعر ولادها كما كان الحال هدا باباهم و ما يحبوش عليه و هي ما تحبش تقهرهم
ومن جهة خرى تخاف على سمعة العائلة و المحيط نتاعها تلقاها تدوب كالشمعة و فمها ساكت
و كاين صنف وسط تطالب بحقوقها و لكن بوساطة من العائلة او المعارف دون شوشرة
اما هاديك لي دير فوضى و زيطة و زمبليطة كل شي كدب و تمثيل لتنال المزيد و باش تقهر الراجل اكثر و اكثر لانوكاين بزاف النسا لي يكرهو الراجل و تقولك هو علاش ايه و انا لالا علاش مسموحلو كدا و كدا و انا لالا
يا عجبا ربي سبحانو خلق و فرق و كل واحد اعطالو دورو في الحياة و مكانتو من المستحيل باش لمرا تاخد مكان الراجل مهما حاولت
شكرا لكم جميعا على المرور الطيب و بارك الله فيكم:regards01:
​
 
رد: لمرا لمحقورة عمرها لتشكي

السلام عليكم

بارك الله فيك أختنا الكريمة أم منير على موضوعك
قلت هنا*كل لي قرا موضوعي نقولو الله يعطيك الخير*
*بل الخير كله بوجهك والله نسأل لك العفة والحياء والعيشة الهنية*
حقا إنه من المؤسف أن يرى الإنسان في مجتمعه المسل هكذا تصرفات سلبية تنخر قيم ومبادئ الفرد والسرة والمجتمع ككل والسبب القانون الوضعي بالدرجة الأولى ثم إنقراض فحولة الرجال وشيمهم ثم إنسياق المرأة خارج المألوف والعرف وقبله الدين التي تجردت من خلقه تماما. إن هذه المرأة لو أطاعت ربها لطاعت زوجها ولو أن زوجها عرف حدود ربه لعرفها حدودها ولم تتماذا عليه لا باللسان ولا باليد.
وكما أننا نتألم لبعض أخواتنا وأمهاتنا اللواتي يعانين من الحقرة والتهميش من الوسط المقرب ناهيك عن العالم الخارجي صراحة كاين شحال من مغبونة تعاني وساكتة حتى لفكرت تشتكي ماقدرتش تدي بجبروت الظالم ولكن لهن الله*كما جاء في الحديث القدسي*** وعزتي وجلالي لأنصرنك ولو بعد حين***
كما أحيي بعض من سبقوني من الإخوة والأخوات لردودهم كانت في المستوى قالوا ووفوا​

تقبلوا تحياتي
 
رد: لمرا لمحقورة عمرها لتشكي

السلام عليكم اختي ام منير
يعطيك الصحة ختي موضوع هايل هدا وراه قدامك الدليل
كاين شي نسا يا لطيف منهم كامل مضاهر الانوثة معندهاش
تلقايها تهدر وتعلي صوتها علي الراجل وقدام الناس
صدقوني مرة وانا فالسوق امراة دابزت مع راجل بهدلاتو والغريب هو محل فمو حتي بكلمة هدي حالة هدي
اما يا ختي فدار الشرع حدث ولا حرج تلقايها ضالمة وتعلي صوتها والله فالاخير
تنجح وتدي حقها بالكدب بصح نسات بلي كاين رب جليل راه يشوف كلش
وهديك المحقورة نتاع الصح والله متقول كلمة تلقايعها تبعث المحامي يتكلم فبلاصتها وفالاخير تخسر القضية
المهم مدام كاين الله نتوكلو عليه وهو سبحانو يدي حقنا وانا واحدة منهن
تقبلي تحياتي اختي العزيزة
 
يجب عليك تسجيل الدخول أو التسجيل للرد هنا.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top