يلا فهمتوا فهمونا

ريحـان

:: أمينة اللمة الجزائرية ::
طاقم الإدارة
إنضم
24 نوفمبر 2015
المشاركات
13,660
الحلول
1
نقاط التفاعل
25,713
النقاط
2,306
محل الإقامة
الجزائر ♥
الجنس
أنثى
do.php



واش ركم اهل اللمة انشاء الله تكونو بخير
المهم ما نطولش عليك ،في بالي موضوع محيرني
كيما تعرفوا كي نحبوا نجوزوا الباك كامل نتمانو نديوه وندخلوا للجامعة
كاين ناس يدخلوا للجامعة بعقلية نتاع كملنا القراية ، المهم هذا مشي موضوعنا
في الصباح تلقا كامل الجامعين خاصة السنة اولى يجيوا على8نتاع الصباح ويقعدوا حدا لي بلوك وين يقروا
وحدين متجمعين واخرين متكيين على الحيط يجي الاستاذ يدخل للكلاس يلقاها فارغة
الاستاذ يخرج حدا الكلاس باش يشوفوه التلاميذ ويدخلو ....ولي يضحك بزاف الطلبة يطلوا على الاستاذ يستناوه يدخل
انا مافهمت والوووووو....شكون يدخل الطلبة ولا الاستاذ ...كل واحد يستنى الاخر يدخل
ولي يضحك اكثر تلقى طالب جامعي حاط رجله على الحيط ..ويعاود يبدل الرجل الاخرى باش يرتاح
يعني عيان و ما يدخلش للكلاس ...انا مافهمت والووو لفهمتو فهمونا.





هذا اول موضوع لي هنا ...نتمنى تساعدوني وتنبهوني على اخطائي​
 
آخر تعديل:
رد: يلا فهمتوا فهمونا

مرحبا بيك وبأول موضوع ليك اخت ياسمين
موضوعك هو موضوع يتعلق بالآداب العامة داخل الحرم الجامعي لا اخفيك انني احيانا انتظر حتى يدخل الاستاذ
ثم ادخل بعده واحيانا كثيرة فور ان ارى الاستاذ قادما حتى اجلس في مقعدي
مشكلة الطلبة الجدد هي عقلية الثانوي اللتي لا تزال مترسخة في اذهانهم
يجب ان نفصل بين عقلية الطالب الجامعي والطالب في الثانوي لان في الجامعة لا يحضر احدهم والده اذا وجدت مشااكل لكنه مسؤوول
عن كل افعااله الاستاذ حينما يجيئ الى القسم او قاعة المحاضرة عليه ان يجد كل الطلبة ومن حقه طرد الطلاب المتاخرين او الذي يدخلون بعده
بالتوفيق اختي ..
 
رد: يلا فهمتوا فهمونا

مرحبا بيك وبأول موضوع ليك اخت ياسمين
موضوعك هو موضوع يتعلق بالآداب العامة داخل الحرم الجامعي لا اخفيك انني احيانا انتظر حتى يدخل الاستاذ
ثم ادخل بعده واحيانا كثيرة فور ان ارى الاستاذ قادما حتى اجلس في مقعدي
مشكلة الطلبة الجدد هي عقلية الثانوي اللتي لا تزال مترسخة في اذهانهم
يجب ان نفصل بين عقلية الطالب الجامعي والطالب في الثانوي لان في الجامعة لا يحضر احدهم والده اذا وجدت مشااكل لكنه مسؤوول
عن كل افعااله الاستاذ حينما يجيئ الى القسم او قاعة المحاضرة عليه ان يجد كل الطلبة ومن حقه طرد الطلاب المتاخرين او الذي يدخلون بعده
بالتوفيق اختي ..
شكرا اخي على مرورك المتواضع على موضوعي
بارك الله فيك
do.php
 
رد: يلا فهمتوا فهمونا

الشعب dz واحنا كامل نتمناو نطلعو للجامعة مي مش بهاذ الطريقة هههههههههههههه

اسعدني مرورك وتعطيرك لهذه الصفحة
لكي خالص احترامي
 
رد: يلا فهمتوا فهمونا

السلام عليكم

شوفي نرجع بالذاكرة ... يا يما حاسة روحي شبت خخ

حنا كنا نروحوا نحكموا لبلايص ههه و نروحوا لبرة نشموا الهوا هههه ... من بعد كي يجي الاستاذ ندخلوا .... تعجبني اللقطة هو ماشي و حنا وراه ههه تقولي جيش تاع القراييين

اما هاذيك تاع الاستاذ لداخل وهوما يطلوا كي كنت نقرا جامي شفتها .. نجيوا نلقاوه لداخل طول احكم بلاصتك ..... بصح كي وليت نقري شفتها

مرة انا لداخل و هوما علابلهم بيا اني لداخل وكل زوج دقايق يجي يطل عليا واحد فيهم ..... و راهم قاعدين برا مريحين اسكتي برك ...قلت و الله ماهدرت معاهم وصلت غير ربع هزيت بكاجتي و رايحة جاو يا استاذة ياك نقراو قلتلهم واو علابلكم بلي رايحين تقراو .... وهذا وينكم نعرضكم بالاك باه تدخلوا .... و لا نجي نسلككم .... قتلهم اخر مرة ..تبدا على 9:30 جيت و لقيتني تدخل تقعد في بلاصتك ... من تم مازادوا داروهالي ....

و انا رغم اني نضحك معاهم بصح جامي دارولي الفوضى بصح كاينة استاذة تخدم معايا عندها سوق مايحترموهاش كامل ... احنا كانت تقرينا واحدة صغيرة خلاص بصح نحترموها و كي تبدا تشرح واحد مايهدر و لي يستهزا بيها احنا بعد لي نبهدلوه ....

دركة كل جيل و كيفاه راه ماشي

شكرا على الموضوع عجبني

بارك الله فيك
 
رد: يلا فهمتوا فهمونا

اصبر عليا ندي الباك هذا العام و نفهمك مليح هههههههههه
 
رد: يلا فهمتوا فهمونا

هدي امور تصرى لانه تغير الوقت تغيرت العقلية
وهدا لي شفتيه غير شوية
كاين امور اكثر من هاك
 
خفيفة الروح، تم حظره "حظر دائم". السبب: مخالفة القوانين
رد: يلا فهمتوا فهمونا

مشكورة حبيتي على الموضوع
 
رد: يلا فهمتوا فهمونا

الشبعه واش دير .. الناس شابعه بلا ما تعيا و زيد يطلعو و يولو دكاترة بلا يعياو تاني عندهم الدراهم و المعريفه في كلش امالا علاه يطيحو برواحهم و يحسبو الاستاذ و يضيعو الوقت في القراية ؟؟؟؟؟؟ لا حول ولا قوة الا بالله
 
رد: يلا فهمتوا فهمونا

مشكورة على الموضوع

تحياتي
 
رد: يلا فهمتوا فهمونا

تفهم ....ترعف(نزيف الانف )

ههههه
 
رد: يلا فهمتوا فهمونا

المقصود ان هذا الامر محيّر و مقلق
وهذه المقولة
(تفهم ...ترعف )
هي مقولة نقولوها عندنا في الجلفة وما جاورها
و كلمة ...ترعف ....معناها سيلان الدم من الانف
ههه
فهمتي ؟؟؟

هههه
 
رد: يلا فهمتوا فهمونا

هادي الناس الي تروح لـ la fac باه تلعب و تتمسخر و المشكلة انو في طلبة يدرسوا تخصصات صعبة نوعا ما تحتاج للحضور الدائم يقراوا تخصصات طبية او تقنية او في مدارس عليا او تحضيرية و هوما ماشيين بنفس العقلية ..
مستوى التعليم العالي راه يتمشى و يولي متدني
 
رد: يلا فهمتوا فهمونا

الطالب الجزائري فقد الامل من القرايه لعده اسباب ومنها
*لما تفقد المصداقيه في توزيع النقاط والاستاد يفقد الظمير المهني وتعود النقطه كيما يحب الاستاد واش من القلب لي يخلي الواحد يقری ويبحث
# تقری وتتعب وامبعد مصيرك الشارع هذا الشي يخليك تندم علی كل نهار قريت فيه
# ما اهميه الشهاده اذا كان العالم والمثقف سمحنا فيه وخلينا اصحاب المال والنفوذ هما كل شيئ

لذاك معظم الطلبه يعتبرون مرحله الجامعه عباره عن سياحه من نوع خاص وخاص بالجزائرين وفقط لان في الدول الاخری طالب العلم يتعامل معه كا ابن الملك لانه هو مستقبل تلك الامه
 
رد: يلا فهمتوا فهمونا

موضوع مليح بزاف
بروبلام مراهش في الجامعة ولا الشارع و لا المدرسة راه في الاخلاق يا اختي الاخلاق مكانش واع واش رانا شايفين دوري شويا في الولاية تشوفي العجب و اكيد الانسان يتمشا بنفس الاخلاق يعني هو لي راه برا راه الداخل تلقي الاستاد و خارج نطاق الاخلاق اكيد حاجة عادية تلقي طالب ميعرفش حاجة اسمها تربية ....ربي يهدينا و يهديهم
 
رد: يلا فهمتوا فهمونا

أرجي أختي نربح سنة ونفهمك ههههه

شانgول الله يهديهم برك....
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top