كلما احاول ان اصلح بينهما تخبرني امي اني اميل الى ابي وانها تكرهني واب يخبرني باني اميل الى امي
اصبحت اكرههم ولا احتملهم
وكلما خرج أبي الى العمل تتشاجر معي وتنعتني بالعمياء لاني ارتدي نظارات طبية وبالعانسة والبايرة
ودائما تقارني بصديقاتي و بنات عمي وتقول انهن نجحن و تزوجن الا انا بقيت عالة في البيت
أصبحت أكره نفسي واحسست أني حقاا عالة في بيتنا
مادام عمري الان 21 سنة وانا الكبيرة في بيتنا وانا عالة عليهم وكيف ساصبح بالنسبة لهم حينما أزداد عمرااا
فكرت وفكرت وفكرت وتوصلت لحل الحل ف الهروب من البيت
بالنسبة لحل الانتحار لا استطيع التفكير فيه كحل ابدااا قررت و سارحل ولا اريد احدااا ذئاب الشارع ارحم من من عائلتي التي تكسرني كل ثانية وكي لا اسمع كل مايكسرني والله الشارع ارحم منهم سأرحل و أهرب
معندك وين تروحي بنتي قعدي كيما ركي خيرلك وذئاب الشارع لي ركي تقولي ارحم من والديك مزل متعرفيهمش رجال تغلى وتسوى منجموش لذئاب الشارع بش تنجميلهم نتي مهما يكون متلقيش كي والديك ميغروكش بنات شارع اصبري ودعي لوالديك بالهداية
ضوك انت هاذو والديك و ربي وصانا بالوالدين خيرا راكي ماكيش صابرة و ماكيش قادرة تعيشي معاهم ؟ !
كي تخرجي برا شا غادي تصيبي فهميني ؟ ! رجال كيدايرين و ما سلكوش من الشارع رح تسلكي انت طفلة في عمرك 21 سنة يا اختي راكي في ربيع شبابك تهون عليك روحك يروح صغرك هاكا خسارة ؟ استغفري مولاك و صليلك ركعتين اطلبي ربي يهديك و يفرج عليك . . . والديك والديك ما يغرك حتى شي آخر ! و ما كانش الي يكره بنته أو ولده هاذي ديريها في بالك !
مستحيل يكون هداك هو الحل الوحيد
ربي قالنا
لا يكلف الله نفسا الا وسعها
يعني خمي اكتر اكيد هناك حلول اريح و احسن من هاد الحل
مانقدرش نقولكي بلي حيتك حياة و حاسة بيكي لان العائلة هي السند الاساسي بصح في نفس الوقت مشي ممكن ان الشارع حل
اقل حاجة دخلي لبيتك و غلقي الباب على روحك
منين ينادوكي ولديكي لبي طلباتهم من دون اي كلمة زيادة و عودي الى غرفتكي
و صلي و دعي ربي يفرجها عليكي و تاكدي انو صبركي على هاد الشي هو بابك للجنة
الله يعينكي و يقدركي
السلام عليكم
ولا حول ولا قوة إلا بالله
يا اختي لعزيزة اتقي الله واستغفري مولاك واحمدي ربي ليل مع النهار
الناس راهي تتمنى بيت يحميها من برد الشارع ونتي تتكبري عليها؟؟ ماش معناها راني ضدك
بالعكس حبيبتي علابالي محتاجة احتواء ومحتاجة صدر الأم الحنون وعطف الاب عليك، لكن الهروب ماش حل
أولا مهما كانت صفة والدين ماش حقك تعصيهم، اذا الله سبحانه وتعالى يقولنا حتى ولو باباك يشرب الخمر
ماش من حقك تسبو وتبقى تطيعو حتى آخر يوم في حياتك، يعني حتى ولو يماك تكرهك صح وتضربك
وتسبك ودير فيك المنكر ونتي تقابليها بالبر ومعرف لاكان يرضى عليك ربي، نسيتي شكون لي ولدك وتعب عليك؟
وكبرك وقراك، يا ختي لعزيزة لوكان تطلي على كل دار تلقاي فيها مشاكل تقطع القلب بصح حامدين ربي
نتي على الاقل عطاك ربي الصحة والوالدين ودار، الناس راهي تتمنا ولو ربع من الشي لي عندك،
شوفي اختي نقولهالك بصراحة وما يغيضكش الحال، نتي ناقصة دين، حاولي تتقربي شوي من ربي،
اقراي قرآن .. استغفري .. اقراي اذكار، قومي الليل ، والله ربي رايح يبدل لحزن لي في قلبك لسعادة وانا متأكدة
خاطر قبل اشهر جات وحدة كيفك تشكي نفس المشكلة وقالت نخرج من الدار ولما تبعت نصايحنا صدقيني رجعت
وقالت بلي كنت غالطة بزاااف، خاطر الشارع ما يرحمش، ولاد صغار ملايكة خطفوهم من ديارهم وندبولهم بلا
مايحن قلبهم خلي يا نتي يرحموك، مالا ختي ماتبعيش الشيطان و اياك وغضب الوالدين مهما يديرولك، لأنو
قادرة بالبر تاعك ليهم تصلحي الامور بيناتهم، واذا اضطر الامر اكذبي عليهم باه تصلحي مابيناتهم
وربي يجيب الخير ان شاء الله
بالتوفيق
نسقسيك برك..... نتيا مسلمة ؟ كلمة "الله" او ربي او الحمد لله ماكتبتيهاش يا اختي وين راه ربي؟ وين راه القرآن لي قالك اصبري والله ونحكيلك واش عشت انا ....ايه خلي خلي واش يبان من هاذو بصح ماقولتش نروح للشارع العكس والله صبرت وربي راه جازاني خير الجزاء "هل جزاء الاحسان الا الاحسان" بصح كي تروحي للشارع باه راح يجازيك؟ ونوصيك في الشارع ماكانش ذيوبا ...ذيوبا راحو بكري دوركا غير الشيطان ويحير فيهوم... تطفريها غير في عمرك والله اصبري وتعلقي بربي راح تحسي بسعادة حتى وانت في وسط المشاكل هاذيك السعادة تاع الايمان بالله والله راح يفرج عليك عاجلا ام آجلا كيما أنا وعادت هاذيك حكايات من الماضي ساعاااااات وين نتفكرها بصح لوكان روحت للشارع لوكان دورك يا اما هبلت او مت!!! علاه هاذ الحالة وربي قال لا يكلف الله نفسا الا وسعها
حطي ربي في قلبك راكي في مرحلة الامتحان ...لازم تجيبي نتيجة مليحة واستنياي ولد الحلال لي يهنيك ان شاء الله
الحياة مستمرة سواء ضحكتي أم بكيتي ختي .. لا تحملي نفسك هموماً لن تستفيدي منها.. الشارع مذلة،و الرجال وحووش ولله ما يرحموك.
قيل: "القلق لا يمنع ألم الغد؛ ولكنه يسرق متعة اليوم".
21 سنة راكي دراري و مازال تزيدي تشوفي.
ربي يهنيك...
الله يهديك هاذا ما نقولك
الشششششارع لآ يرحم ؟ أفترضنآ أنك أقمتي ف منزل عمك أو عمتك الـى متى يسآندوك من الاحسن البقآء ف المنزل والدعآء من الله تعالى وتتصلح الامور ان شاء لله
ربي يصلح حالك ختي و الله غير غضتيني راكي صغيرة على
هذا التخمام
و احمدى ربي عندك والديك حتى لو يديرو لك هاك
راه كاين الي متمني يكون عندو والديه يدابزو و يضربوه المهم يكونو في ظهرو
و هذا راه ابتلاء من ربي اصبري و احتسبي الاجر
و ربي ان شاء الله يفتحلك باب الفرج من حيث لا تدرين
امييييييييييييين
ههههه اختي قالتلك عمياء تتقلقي من هذي الكلمة! يعني كل مشاكل بيتكم هذي يا اختي الامور تصرا عند بزاف ناس وشحال من ناس سمعنا بان عاىلتهم تفككت و تطلقوا ااباىهم وخفنا نشوفوا اولادهم مدمرين لكنا شفناهم صابرين وراضيين بالقدر
اختي واجبك انت انك تدعي لوالديك ربي يهديهم ويثبتهم على الصواب
كل يوم ادعي ربي وكوني على يقين ان الله لن يختار لكم الا افضل الاحوال مهما كنت ترينها سيىة لانه يعلم وانت لا تعلمين
وكوني قوية غاليتي واصبري على امك فهي تمر بظروف جعلتها تتكلم معك بقساوة عامليها العمل الحسن واتخذي لها الف عذر لا تنسي انها امك وتحبك اكيد وان تراك يوما بعيدة عنها ستتالم اترضين لها الالم والحرقة مرتين!!
اعينيها واعيني اباك وحاولي تهداة اجواء البيت ببسماتك.. وان تشاجروا لا تسمعيهم وادعي لهم فقط
ولا تفكري مجددا في الخروج من البيت والا رايت ما تعلميه من وحشية..
وانت تعلمين ان فتاة رقيقة وعاقلة مثلك لا يمكنها تحمل ذىاب تملصوا من الانسانية
السلام عليكم اهلا اختي الكريمة : مانيش عارف علاه بعض الناس اللي تشوف في بنت تلبس نظارات نتاع شوفة ما تعجبهمش
ياي وين رايحين تلقاو احسن من جمال الطبيبة اللي تلبس نظارات على مدار اليوم
اهلا بيك اختي في هذا الركن الي ان شااء الله تخرجي منو بنتيجة اذا مالقيتيش حل اكيد رايحة تكسبي دعوة خير ان شااء الله تعاونك
قريت المشكلة نتاعك مرتين واكتشفت شيئين : اولا : انت انسانة عاقلة
ثانيا : انت انسانة بحاجة لقليل فقط من الاستماع
الاول: ان شااء الله مانكونش خايب لانك لو لم تكوني عاقلة ما طرحت مشكلتك هنا
الثانية : واللي متاكد منها انو لو وجد الانسان اللي يسمعلو رايح يرتاح ويخمم باحداث ثورة في المحيط نتاعو ماشي حتى يهرب
المهم ختي نحيلنا حكاية الهرب من بيتك واسمعي لخوك حكيم يعطيك شويا نصائح بااش تهدي الاوضاع الموجودة في البيت
لانو نظريا لقيتك ما تعرفيش تتعامل مع مشاكل الوالدين نتاعك وماكيش انسانة ضعيفة ايمان مي خاصة شويا فقط من الرزانة
ونضن بنت مولات 21 سنة مازالها صغيرة وبعيدة قليلا على المشاكل وتحب دائما الهدوء
المهم ختي نبدا نحكيلك على كيفاش تحلي مشاكل والديك :
نعرفو معنى المشاكل بين الوالدين واللي مبدأها الغالب هم الاولاد يعني الام تتقابض مع الوالد على جالك وانت ممكن حابة تهربي
ولا العكس الاب مهتم بالصحة نتاعكم وانت حابة تهربي عليه يعني تروحي ولا تجي كاين احد الطرفين راهو يحبك مي ما يحبش يبين
اختي في الله صاحبة النظارات الجميلة والعيون الهادئة لازمك تعرفي انو اثناء اشتعال النار لازم ما يروحش الواحد مباشرة باش يطفيها
يعني لازم ياخذ احتياطاتو هكاك مشاكل الوالدين يااختي لازم كي تشوفي بروبلام بين والديك لازم ما تتدخليش بيناتهم وكي يحكم كل واحد مكانو احكي معاه بكل ادب وبكل حكمة ولازم تعرفي انو كل واحد وطريقة الحكاية معاه يعني الهدرة اللي تحكيها مع الوالدة ماهيش الهدرة اللي تحكيها مع الوالد
يعني مثلا :
تروحي للوالد نتاعك تحبيلو راسو وتقولي انت هو مول الدار وانت اللي لازم تدافع علينا وانت وانت حتى يشبع من الحكاية نتاعك
وراني نقلك رايحة تسمعي كلام ممكن ماهوش مليح لكن لازم تواصلي وتقوليلو عندك الحق وكذا وكذا
الام كذالك :تقوليلها انت مولاة الدار وانت الملكة نتاعها وما يصلحش هكاك والوالد نتاعي قادر يتزوج غيرك ولوكان مايحبك ماراهو صابر معاك وانت تعرفي الحكاية الاولى .
وفي الاخير يااختي الكريمة يعني سبحان الله نهار تكوني رايحة تحكي مع احد الطرفين اقراي الآية الكريمة :
رب اشرح لي صدري ويسر لي امري واحلل عقدة من لساني يفقه قولي من سورة طه
وفي الاخير خليني نضحك معاك شويا باش نحولك هذي الغمة ..
عمرك 21 سنة وتحكي على البايرة يخي مهبولة يخي يااختي 21 سنة راكي ملكة مازالك كيما نقولولها ولية عهد
وان شااء الله يتم ترشيحك لملكة ماتخافيش في الذكور كاين اللي يعشق النظارات مالا حاولي من ضرك تكوني طبيبة ههه
ربي يوفقك ان شااء الله في حياتك اما حكاية الهربة علابالي ختي العزيزة ماديرهاش لانو بنت فاميلية وتعرف واش دير
ربي يفتح عليك بيبان الخير وسلام .
uقبل منحكي على موضوعك منكدبش عليك ضحكت عليك و على روحي نقولك علاش ؟؟؟؟ :-o باختصار ختك منا دايرا نواضر و اختك منا راهي في 20 دور و ماشي متزوجة هههههه تكلي راكي تعايري فيا مثلا نجي معاك نلعب ولا نحرم
نرجع للموضوع تاعك كامل يجي وقت نخمو هكدا زعما انا مخممتش !!!!!!
اولا نحكي على المشاكل كي تحصلي نتي في الوسط ديريها قانون كي يكونو متقابضين لازم تبعي حاجة انا منشوف منسمع منهدر يعني تكلي مكان والو متجي مع اي طرف راهم في بيت ديري سبة روحي لبلاصة وحدخرا باسكو هما 5 دقايق مشكل ينحل و نتي تاكلي المشكل كي تدخلي و لا تحكي تزيدي تشعلي المشكل
حاجة زاوجة كلمة بايرة مكانش باسكو باختصار كاين حاجة اسمها مكتوب مكتوبك مزال ميجي لازم تدعي ربي و تستغفري تلقي مكتوبك جاي
و نواضر كما شفت ناس يشوفو و دايرينهم سيرتو درك فكرتيني قبل ختي مكانتش دايرة نواضر و تضحك ماشي بزاف من لي صرات جيت خارجة خماري مكور و درت نواضر ختي قالتلي نتي تتزوجي و تضحك قلتلها ايه معجبكش خرجت مع ماما والله الى في طريق جات عندنا مرة تحوس عليا و مكانش في المكتوب المهم نواضر ماشي معناها عمية العما لي معندهش قلب و ختي مزادتش بزاف و دارت نواضر ولات تشجعني ههههههههه
ياختي مكانش لي هاني مي الهرةب ماشي حل كخلي في النت كاين ادعية ملاح داومي على سورة البقرة الاستغفار كلش ينحل باسكو برا راح تموتي و تغضبي والديك
والديك يحبوك و يحبو مصلحتك
لما تجربي حياة الشارع وحدها فقط ستسطيعين المقارنة ايهما ارحم حياتك مع عائلتك بخيرها و شرها ام حياة الشارع
لن اقول لك ما يجب ان تفعليه
لكن ما يلمك غير داركم اذا ما نفعوكش اهلها ينفعوك حيطانها راهم ساترينك
ربي يجيب الخير حبيبتي
ولي لعقلك
السلام عليكم
والله يا ختي مانيش رايحة ننصحك لأنو الخاوة و الأخوات
ماخلاوليش وش نقول بارك الله فيهم نتمنى تسمعيلهم
وتعملي بهدرتهم و ان شالله شدة و تزول و ربي يعينك
و يهديك و يريحلك بالك
أختي هروب من البيت ليس حل صحيح بعكس تما وين تزيد مشاكل تاعك
متخليهمش يلعبو مشاعرك وأما علي زواج بيدي الله وحده حني نهدرو برك
مكانش بيت مفيهش مشاكل وخلي امانك بربي كبير ونتي سمعي هدرة لراكي
باغية تسمعيها وهدرة زايدة Gلعيها من رأسك و نشاء الله ربي فرحك ويفتح
عليك باب الفرج سلاامممم
l hadra sahla
skhatlek trig kima f les films !! tsoufri chwi w mba3d ydji l prince charmant ymen3ek m dhyaba !!!
essobri khir lek, ki yethawchou matedokhlich binethom khalihom whadhom
mamak esobri "la hadretha w ed3i l rabi sobhanou
l 9raya hoti rassek mlih mlih hia li tmen3ek mich trig, sinon et3almi aye haja f dar au cas ou
allah ykoun f l"awn
في بادئ الامر استغربت من عنوان الموضوع، وقلت في نفسي بما أنك قد قررتي الرحيل والهرب، فما الفائدة اذن من
اخبارنا بذاك الخبر ؟!!
الاجابة عن السؤال هو أنه يوجد شيء ما في داخلك أنت في حد ذاتك لا تعرفين ما هو، هذا الشيء تحكم فيك وبعث لنا
رسالة (مشفرة) وهذه الرسالة مفادها أنك (مترددة وخائفة) لذلك فأنت غير جادة في الهروب، لأنك هنا للمساعدة لحل
مشكلتك ولست هنا لكي يساعدك الأعضاء في أفضل طريقة للهروب من منزلك !!
فهمت من كلامك وكما تفضل الأعضاء الأفاضل من خلال ردودهم أنك لا تعرفين ماذا يوجد في الشارع أو المكان الذي
تنوين الهروب إليه، ولكن اسمحي لي أن أقول لك ماذا يوجد في الشارع وذلك بشهادة بنت فرت يوما ما من عائلتها وهي
شهادة حية، وأترك لك أن تحكمي إن كان الشارع أرحم أم لا، ولكن الذي أنا متأكد منه أن الشارع أبشع وان كانت هناك
كلمة أخرى أشد بشاعة من كلمة (بشع) فتلك هي !! الشارع أبشع بكثير مما ستقرئينه في الموضوع اسفله:
هل ستعجبك يا ترى تلك المعيشة التي تعيشها تلك الفتاة، ولاحظي كم هي الآن مشتاقة فقط لحظن والدها، مشتاقة لدفء
اسرتها، هذا الشيء لن تجديه في أي مكان في العالم، فقط يوجد في الاسرة.
هل تعجبك تلك الحياة فعلا؟!! الذوبان في المعاصي، الشهوات،.. كل ما حرمه الله تعالى!! معقولة أنت ستقدمين على ذلك !
الذي يفكر باللجوء للشارع -واسمحو لي أن أقولها- هو انسان لا يؤمن بوجود الله تعالى.
كيف؟!!
لأن الذي يؤمن بوجود الله يؤمن بالآيات التي وعدها الله بعباده.
الذي يؤمن بوجود الله يؤمن بأن بعد كل العسر يسر، ولاحظي كيف أن كلمة العسر أتت معرفة وكلمة يسر نكرة، أين
السر؟ السر في الموضوع أن العسر محدود بينما يسر غير محدود، لأن بعد كل العسر سيكون هناك فرج كبير وجدا جدا
جدا، ومتى يكون هذا الفرج؟ سيكون هذا الفرج لما تحسنين الظن بالله، تحسنين الظن بواضع القوانين، الله عز وجل هو
الذي وعد عباده بأنه ان احسنا الظن به فإنه لن يخذلنا باذن الله.
ولكن أن كان ظنك شرا فإن الله عز وجل سيحرك كل جنوده في الارض لكي يعطيك ما تفكرين به، والجزاء من جنس
العمل، وعندما تفكرين بأفكار سلبية، فأنت تعملين على شيء يمقته الله عز وجل وسيكون غاضبا عليك، وسيسخر كل
جنوده لكي تحصلي على ما تتمنيه اي الشر !!
وكيف تعرفين أنك تحسنين الظن بالله؟ الأمر بسيط ..
هل أنت على يقين تام وكبير بأن (رب المستقبل والمتحكم فيه) بأنه سيعطيك:
زوج تتمناه كل فتاة وتعيشين معه في قمة السعادة وراحة لبال، في بيت يحلم به أي شخص في العالم، عندك أولاد ما شاء
الله، بنات وذكور، والدتك سعيدة وفخورة بك وهي تزورك من حين لآخر، وهي متأسفة على كل الصفات التي نعتتك بها
لما كنت قبل سن 21 سنة، والدك هو الآخر فخور بك ويتخذك أنموذجا يحتذى به في الصبر والمثابرة والتحدي وعدم
الاستسلام، أولادك من حين لآخر تأخذينهم لبيت جدهم وأمك وأبوك في قمة السعادة عند رؤية الأحفاد،.. وغير ذلك من
المشهد.
ان كنت تفكرين بمثل تلك الأفكار الايجابية فهنا أنت على يقين بأن الله عز وجل سيعطيك ما أنت موقنة به، وهذا لأنه يقول
في محكم تنزيله: (ذَٰلِكَ بِأَنَّ اللَّهَ لَمْ يَكُ مُغَيِّرًا نِّعْمَةً أَنْعَمَهَا عَلَىٰ قَوْمٍ حَتَّىٰ يُغَيِّرُوا مَا بِأَنفُسِهِمْ ۙ وَأَنَّ اللَّهَ سَمِيعٌ عَلِيمٌ)
هل رأيت من قبل أم حنونة وكانت بالنسبة لك أحن الأم في العالم؟ المفاجأة في الأمر بأن الله عز وجل أحن من تلك الأم
على عباده، ولكن فقط عندما تطبقين كلامه وتحسنين الظن بما وعده لك.
ففي الحديث القدسي يقول الله عز وجل: (أَنَا عِنْدَ ظَنِّ عَبْدِي بِي ، إِنْ ظَنَّ خَيْرًا فَلَهُ ، وَإِنْ ظَنَّ شَرًّا فَلَهُ)
توبي الآن توبة نصوح وتوضئي وصلي ركعتي النافلة وقومي بالدعاء والتضرع لله عز وجل، وقولي له بأن يسامحك
على كل تلك الأفكار السلبية التي استعمرت عقلك في يوم ما، وقولي له بأنك على يقين تام وثقة كيبييييييييييييييييييرة جدا
بأنه سيعطيك ما تستحقينه وبأن مستقبلك سيكون أفضل بكثييييير جدا وجدا وجدا، لماذا؟ فقط يا ربي لأنك خالق هذا الكون
وخالق قوانين السعادة والهناء، وخالق المستقبل وأنت من سخر لنا جنودك في الارض لكي ننعم بحياة سعيدة.
بشأن والديك أنصحك بأن لا تدخلي في شجاراتهما وتجنبي أي تدخل لك في أي مشكل بينهما، لأنه وحسب ما قلته فإن ذلك
يسبب لك المشاكل، فقط يمكنك أن تفعلي شيء واحد، ماهو؟ اللجوء إلى رب العباد وترك الأمر له، بأن يصلح أحوالهما
وبأن يبعد المشاكل عن البيت، ودائما توقعي وانظري صورتهما في المستقبل وهما أفضل والدين في العالمين وبأنك
محظوظة جدا بوالدين رائعين مثلهما،..
الأمر ليس هين عليك، قد تأخذي من ردود الأعضاء جرعة من الحماس والتفاؤل ولكن الأجواء قد تعود كما كانت من قبل،
ولذلك ادخلي من حين لآخر لهذا الموضوع، ومن الاحسن لك أن تأخذي لك كراس وتدونين فيه قصة جميلة لك، تتوقعي
من الله عز وجل بأنه سيحقق لك ذلك وسترين كيف أن الشيطان سييأس من ألاعيبه عليك، هذا لأنه يريد أن يأخذك إلى
التهلكة، وأنت اختاري: هل تفضلين حزب الشيطان ام حزب الله؟!!
انت من يقرر، وحدك قادرة على فعل ذلك بكلمة واحدة
أنا
أختار
الله
هيا يا الشيطان امشي بعيد واترك الاخت لحالها، فقد اختارت الله ^^
