سؤال للأزواج؟؟؟

أعطيونا رايكم ربي يحفظكم

السلام عليكم ورحمة الله وبركاته : أريد أن أسأل المتزوجين وحتى غير المتزوجين عن رأيهم في الزواح من فتاة تبعده في المسافة اي ولاية غير ولايته ان كان هنا من الشباب أو الفتيات من هو معني بهذه الحالة أو سمع عنها او له أحد الأصدقاء أو الأهل يعيشها، خاصة مع اختلاف العادات والتقاليد، ماهي محاسنه وماهي المشاكل التي ربما تعترض هذا الزواج وهل من يعمل في مجال تقل فيه الراحة نسبيا قد يواجه مشاكل في التنقل خاصة اذا كانت الزوجة ترغب في الذهاب لأهلها لظروف خاصة مثلا أفيدونا بارك الله فيكم

رد: سؤال للأزواج؟؟؟

ياسيدي 42 واحد شاف الموضوع ولا رد اعطيونا رايكم برك هههههههه

رد: سؤال للأزواج؟؟؟

السلام عليكم وصباح الخير عليكم
لازمك تسنى للصيف باه نجاوبك ههههه ونحكيلك على محاسنو والمساوئ
تاعو
باعتباري رايحة نخوض هاذ التجربة و نعيش هاد الحالة (زوجي من قسنطينة)مانكذبش
عليك متخوفة شوية كيما قلتي خاصة مع اختلاف العادات واختلاف
العقليات و البعد و زيارة الاهل كيفاه راح تكون و و و
لكن انشالله يكونو الناس لي رايحة عندهم ملاح معايا و يعتبروني بنتهم
باه نتأقلم و يهون علي البعد على عايلتي و المدينة الي كبرت وتربيت
فاها
على كل حال هذا مكتوب ربي و الصح في الهنا و ماناش الاولين
كاين غيرنا زوزو من غير ولايتهم وراهم عايشين لاباس والحمد لله
عالعموم موضوع في الصميم نتمنى يتفاعلو معانا أصحاب الخبرة
باه يفيدونا و ينحيو علي شوية تخمام هههه
تقبلو رأيي ^^

رد: سؤال للأزواج؟؟؟

قال hadjer 23:

السلام عليكم وصباح الخير عليكم
لازمك تسنى للصيف باه نجاوبك ههههه ونحكيلك على محاسنو والمساوئ
تاعو
باعتباري رايحة نخوض هاذ التجربة و نعيش هاد الحالة (زوجي من قسنطينة)مانكذبش
عليك متخوفة شوية كيما قلتي خاصة مع اختلاف العادات واختلاف
العقليات و البعد و زيارة الاهل كيفاه راح تكون و و و
لكن انشالله يكونو الناس لي رايحة عندهم ملاح معايا و يعتبروني بنتهم
باه نتأقلم و يهون علي البعد على عايلتي و المدينة الي كبرت وتربيت
فاها
على كل حال هذا مكتوب ربي و الصح في الهنا و ماناش الاولين
كاين غيرنا زوزو من غير ولايتهم وراهم عايشين لاباس والحمد لله
عالعموم موضوع في الصميم نتمنى يتفاعلو معانا أصحاب الخبرة
باه يفيدونا و ينحيو علي شوية تخمام هههه
تقبلو رأيي ^^

إضغط للتوسيع...

الحمد لله لقيت شكون كيفي مانيش وحدي انا مزال راني فالطريق بصح ان شاء الله ماتكونش عوائق وتكون مفاهمة من الجانبين بالرغم من انو كاينة ناس تقول بللي صعيب وراح تتعب ان شاء الله يسهلنا ربي كامل

رد: سؤال للأزواج؟؟؟

نتمنى من الله عز وجل يكملك بالخير
هدا مكتوب ربي
اهم شي هو التفاهم بين الزوجين طبعا البنت يتغير عليها الجو و تجيها الحالة صعيبة شويا يصح كي تلق الناس ملاح و الله توالف و تتاقلم مع الحياة الجديدة و الظروف الجديدة تاني لاخاطر ماشي ساهلة تكون كابرة في بيئة و تلق روحها في بيئة مختلفة تماما
على هاديك لازم تساعدها انت باش تتاقلم بسرعة
اما فيما يخص الزيارات العائلية لازم في العطل تديها تزور الاهل نتاعها مهما بعدت المسافة لانه واجب عليك
انا مثلا كنت في تلمسان تزوجت في غيليزان زوجي اصلو من تلمسان بصح كانو عايشين تما
لقيت اختلاف 360 درجة بصح الحمد لله لقيت زوجي واقف معايا بشويا لحتى والفت الجو الجديد
لو كان كان زوجي غابني ما نقدرش نوالف
والحمد الله راني رجعت لولايتي بحكم ان زوجي من هنا و عندو رزق هنا في تلمسان استقرينا نهائيا هنا
المهم اهم شي لازم توقف معاها و تكون لها السند القوي لان البنت تفارق اهلها حاجة صعيبة بالبزاف فما بالك تبدل حتى الولاية لي زادت و كبرت فيها
ربي يتمم لك على خير و يسعدك انت وياها

رد: سؤال للأزواج؟؟؟

ان شاء الله ربي يحفظكم على النصائح

رد: سؤال للأزواج؟؟؟

رد: سؤال للأزواج؟؟؟

السلام عليكم .
لا يوجد مشكلة في العادات والتقاليد فمهما تكن العادات مختلفة فالامر يمكن التحكم به والتعايش وسطه . ولا يوجد اختلاف مصيري وجذري بين عادات الوطن الواحد . يوجد مناطق من بلدنا اكتسبت عادات منطقة اخرى بسبب الزيجات والمصاهرة لهذا فالزواج من خارج العائلة يزيد في تماسك المجتمع وترابطه . هذا ايجابي .

فقط المشكل او المخاوف التي يتوجس منها الجميع هي امكانية السفر عند الرغبة او الحاجة للزوجة . والتفكير في ان الارتباط بزوج من خارج المنطقة يعتبر نفي او ترحيل غير معروف العواقب وقد تكون العودة الى الاهل صعبة وعائق ومامدى تقبل الزوج للسفر وخاصة مامدى تقبل اهل الزوج ( في حال كان السكن جماعي ) لانو نعلم جميعا ان اهل الزوج بالنسبة للزوجة هو الهاجس الاكبر في كل الحالات سواء سفر او غيره . والزوج غالبا غالبا ينشطر بين الطرفين وهنا تقع العقبات والجدال .

نصيحتي للزوجة ان تكون على قدر المسؤولية وتكون حكيمة في تفكيرها وان تحاول التحكم في عواطفها واشتياقها لاهلها وتوازن بين اشتياقها لاهلها وارتباطها بالاسرة الثانية وان تشغل بالها وتفكر وتستعد وتحضر لوضعها الحالي بدل التفكير في وضعها السابق حتى يستقر وضعها ويطيب عيشها . اظمني اولا استقرارك وحب زوجك لكي ثم فكري في العودة لاهلك .

ونصيحتي للزوج ان يكون حكيم ومتفهم وغير اناني ويعلم جيدا ان الفترة الاولى تكون عواطف الزوجة متموجة ومرتبكة وتكون حساسة جدا . يحاول قدر استطاعته معالجة الاوضاع بحكمة وصبر جميل حتى لا يظلم او يقطع الروابط الاسرية ويهدم حياته الزوجية .والاجمل ان يوفي بوعوده ولا يخلفها .

وعلى اهل الزوجين مساعدة ابنائهم والعطف عليهم والاحسان اليهم بالقول والتصرف ويعلموا ان هذه حياة خاصة بين الزوجين .
وجدنا بعض الاهل ما شاء الله في التعامل مع الزوجة الجديدة من منطقة اخرى لا تكاد تشعر بالفرق لما يكون الاب والام متفهمين واخلاقهم عالية وتصرفاتهم شرعية ويخافون الله في بنات الاخرين ويجعلوا الوافدة الجديدة واحدة من الاسرة اكيد الزوج سيكون مرتاح حتى وان كان عمله صعب او مرهق سيكون مرتاح في قراراته ومنها قرار زيارة اهل الزوجة من وقت لاخر حتى وان لم يكن هناك سبب او ضرورة .

وقضية السفر ترتبط بعدة جوانب من حياة الزوج وظروف عمله ( حر او موظف او أجير )
ووضعيته داخل عائلته وطريقة سكن الزوجين ( مستقبل او مع العائلة )
امكانياته المادية ( لديه وسيلة تنقل خاصة او يستعين بالمواصلات )
توفر من ينوب بالسفر من احدى الجانبين كالاخوة او الابوين
في الاخير يبقى تقدير اسباب ودواعي السفر والحاجة الى ذلك من طرف الزوج يوجد من يسمح بذلك في امور محددة وضيقة جدا كالمرض او الموت لا قدر الله وهذا يخضع لمدى تفاهم وتقدير الزوجين لبعضهما وتفهمهما .
المهم في الامر كله ان لا تغلب الانانية بينهما فالزوجة لا تستغل الوضع فتضيع زوجها الذي هو بحاجة اليها في سفر غير ضروري والزوج لا يكون اناني فيحرم زوجته من رؤية اهلها ( كيما نقولو تبرد قلبها برؤية ابوها وامها ) فلا افراط ولا تفريط ولايظلم احدهما الاخر خاصة اذا كانت الامكانيات متوفرة والظروف ملائمة لماذا يقع التعنت .
والزوجة يجب يجب ان تراعي امكانيات زوجها ولا ترهقه فحاله قبلتي بها في البداية فلا تنكريها فيما بعد وتنزعجي منها .

الاكيد ان العملية في البداية ( ما قبل التأقلم والانشغال ) تكون صعبة على الطرفين وربما يكون فيها جدال لكن مع المدة تتأقلم الزوجة في وضعها ومع انشغالها بتاسيس اسرة وربما بيت مستقل وقدوم الاولاد والانشغال بتربيتهم والامور المعيشية سيكون التفكير في السفر للزيارات متباعد وفي مناسبات وظروف محددة جدا . ولا تدري الزوجة المفاجئات والصدف في حياتها من زيارة لاخيها او ابويها او اختها او غيرهم ( لا توجد شجرة بدون عروق ولا يوجد غصن بدون شجرة اكيد . فلتهدئ ولتهنئ وتطرد هذه الافكار السلبية والمخاوف من مجهول غير حاضر تتوكل على الله وتجعله هو المعين عزوجل في مشوارها تحفظ دينها وزوجها وتكرم اهله والله لن يضيعها مادامات هي قائمة بواجباتها الزوجية . لا ان تضيع زوجها وزواجها وتخلق المشاكل ثم تبحث عن السفر الى اهلها وربما يكون حينها سفرها الاخير .

وتبقى العطل هي المتنفس الوحيد للزوجة حيث يكون لها الوقت الكافي لزيارة كافية وافية . فلا تتسرعوا .

وربي يوفق الجميع .

رد: سؤال للأزواج؟؟؟

رد: سؤال للأزواج؟؟؟

قال hadjer 23:

السلام عليكم وصباح الخير عليكم
لازمك تسنى للصيف باه نجاوبك ههههه ونحكيلك على محاسنو والمساوئ
تاعو
باعتباري رايحة نخوض هاذ التجربة و نعيش هاد الحالة (زوجي من قسنطينة)مانكذبش
عليك متخوفة شوية كيما قلتي خاصة مع اختلاف العادات واختلاف
العقليات و البعد و زيارة الاهل كيفاه راح تكون و و و
لكن انشالله يكونو الناس لي رايحة عندهم ملاح معايا و يعتبروني بنتهم
باه نتأقلم و يهون علي البعد على عايلتي و المدينة الي كبرت وتربيت
فاها
على كل حال هذا مكتوب ربي و الصح في الهنا و ماناش الاولين
كاين غيرنا زوزو من غير ولايتهم وراهم عايشين لاباس والحمد لله
عالعموم موضوع في الصميم نتمنى يتفاعلو معانا أصحاب الخبرة
باه يفيدونا و ينحيو علي شوية تخمام هههه
تقبلو رأيي ^^

إضغط للتوسيع...

ربي يهنيك اختي
لكن من عنابة إلى قسنطينة راه ماكانش فرق كبير يعني راكي رايحة عند جيرانك برك
ونفس العادات تقريبا تسمى المنطقة نفسها الشّرق
ربي يهنيك ويسعدك ان شاء الله تتأقلمي في ساع ومتلقاي صعوبات.

رد: سؤال للأزواج؟؟؟

قال iman-dz4ever:

انا نفس الحالة بصح في اختلاف بسيط انا و راجلي رايحين نسكنو
بعيد و الاهل يبقاو هنا
و منيش حابة نوسوس بهذو الامور مخليتها على ربي كيما جات جات
مرات نقول مليح يكون كاين الجيد في حياتنا و مرات لالا
نقول منصبرش على دارنا
والله معرفت راني معاكم اذا تعرفو كاش نصائح راني في المتابعة
....
​

إضغط للتوسيع...

عادي اختي مادام يكون معاك راجلك متخافي حتى من حاجة
وزيد نقولك الوحدة كي تزوز بعيدة على الدار فيها فايدة أخرى :thumb_up02:
تشبع تحواس وتتعرف على ولايات بزاف
ماش زي لي تتزوج في نفس ولايتها تبقى تم بعد

هيا افرحي ومتتقلقيش :bravo01:

رد: سؤال للأزواج؟؟؟

قال أم ياسمينdz:

ربي يهنيك اختي
لكن من عنابة إلى قسنطينة راه ماكانش فرق كبير يعني راكي رايحة عند جيرانك برك
ونفس العادات تقريبا تسمى المنطقة نفسها الشّرق
ربي يهنيك ويسعدك ان شاء الله تتأقلمي في ساع ومتلقاي صعوبات.

إضغط للتوسيع...

يعيشك اختي ربي يطمنك
انشالله ربي يسهل ليا و لكل البنات
ونكونو ڨد هاد القرار ونتحملو مسؤولية
الزوج والزواج عامة
شكرا جزيلا ليك ^^

رد: سؤال للأزواج؟؟؟

الشكر الجزيل للجميع سواء من تدخلو أو من قرأ الموضوع فقط والله طلعلي المورال كي لقيت ناس هنا نفس وضعيتي أنا موالف بالغربة ماعنديش مشكل تقريبا ستة سنوات والفتها ، لكن المشكل في أهل الفتاة الذين هم مترددون لا لشيئ سوى بسبب البعد حسبهم وخوفهم من المحيط العائلي والاجتماعي للمنطقة خاصة وأنهم من الوسط البليدة بالضبط ونحن من منطقة الأوراس التي لها عادات وتقاليد ربما أعمق قليلا من بعض المناطق مما جعلهم يتباطؤون في الرد، ولكن كما يقال كل شيئ بالمكتوب ان شاء الله ربي يوفق ونصل لتوافق مع أهل الفتاة لأني خاصة وأن أهلي متفهمون ورحبو بالفكرة ربي يحفظكم ان شاء الله

رد: سؤال للأزواج؟؟؟

السلام عليكم
مكان حتى مشكل إذا الهناء كان كاين

رد: سؤال للأزواج؟؟؟

رد: سؤال للأزواج؟؟؟

رد: سؤال للأزواج؟؟؟

قال safouane batna:

الشكر الجزيل للجميع سواء من تدخلو أو من قرأ الموضوع فقط والله طلعلي المورال كي لقيت ناس هنا نفس وضعيتي أنا موالف بالغربة ماعنديش مشكل تقريبا ستة سنوات والفتها ، لكن المشكل في أهل الفتاة الذين هم مترددون لا لشيئ سوى بسبب البعد حسبهم وخوفهم من المحيط العائلي والاجتماعي للمنطقة خاصة وأنهم من الوسط البليدة بالضبط ونحن من منطقة الأوراس التي لها عادات وتقاليد ربما أعمق قليلا من بعض المناطق مما جعلهم يتباطؤون في الرد، ولكن كما يقال كل شيئ بالمكتوب ان شاء الله ربي يوفق ونصل لتوافق مع أهل الفتاة لأني خاصة وأن أهلي متفهمون ورحبو بالفكرة ربي يحفظكم ان شاء الله

إضغط للتوسيع...

يا خويا والله ما عليك غير تستخير ربي
لكان الطفلة هدي فاها خير راح ييسرلك
ولكان ما فاهاش خير ربي ادرى بمصلحتك
و ماتقلقش روحك ماهي إلا مسألة وقت و دلال
من أهل الفتاة ههههه فكرتيني براجلي كي جا
يخطب و بابا طول في الرد عليه ولا يتسائل كيفك
إذن يا خويا هوّن عليك و التأخير في الرد على الامور
هادي امر طبيعي ورأي الطفلة هو الاهم لأنها كي تقبل
هي والديها مايديرونجيوكش ياسر ههههه
وأخيرا دير حاجة وحدة في بالك بلي كون تكون الطفلة
هادي من نصيبك مايمنعكم لا عادات وتقاليد لا بعد المسافة
لا وااالو اسمحلي خويا طولت عليك ربي ينولك الي في بالك
و يسهللكم ^^

رد: سؤال للأزواج؟؟؟

السلام عليكم

حسب رايي الشخصي عادي جدا هذا الامر المهم الزوجين يكونوا متفاهمين والعايلات تاني

عندي وحدة قريبتي واعتبرها كاختي الكبرى تماما تزوجت بواحد من تبسة

وراهم عايشين ما شاء الله مايخصهم والو.. وحتى اهلها واهلو وملاح مع بعضهم والحمد لله

رد: سؤال للأزواج؟؟؟

هذا ماريد زوجة ليس من ولايتي يجب ان لاتكن عندها حتى قرابة من ولايتي ومتعرف حتى واحد بعيدة بعيدة بعيدة