الشيفة أم منير-ضيفة المطبخ اللماوي العدد الثــآلث-

قال Malika Tlm:

السلام عليكم
اهلا وسهلا بالاخت ام منير
شرفتينا
سوف اعود باسئلتي وجدي روحك ختي
سلام

إضغط للتوسيع...

قال ياسمينور:

اهلا بالأخت أم منير
نورتينا
الله ينورك حبيبتي
اسئلتي:
برأيك هل الطبخ فن او مهنة
فن بالدرجة الاولى لان المهنة تقدري تقومي بيها مجبرة بصح كي يكون عندك دوق تدخلي للمطبخ و تتفني و تخدمي من قلبك
ما اهمية الطبخ بالنسبة لكي
اول شي نسعد زوجي و اولادي بالشي لي يحبوه
اكون سعيدة كي نطيبلهم حاجة يحبوها
اعطينا مكونات الطبخات التالية:
شخشوخة
ماشي نتاعنا و الله نحبها و متمنية نحضرها و ناكلها بصح الله غالب هي نظن من الشرق و الله اعلم
مرق الزيتون
الدجاج الزيتون البصل زيت قرفة حب طماطم مرحية ملح سكنجبير و فلفل اسود
الملوخية
نفس الشي كما الشخشوخة ما نعرفهاش و صراحة ما حبيتهاش :d
ماهي البهارات التي تستطيعين التخلي عنها
الكمون
اعطينا طبخة مميزة لكل فصل من فصول السنة
فصل الشتاء عندنا البركوكس حااااارو الوبيا بالخرشوف و كل الاكل لي فيه مرق
الربيع " كاين الجلبانة مع القرنيع... الفول ...و السلطات بالاضافة الى الحريرة و الشربة
الصيف" كل ما هو خفيف كما الشكشوكة بالفلفل ...فريت اوملات ...البيتزا وسانويشات خفيفة على حساب السخانة
الخريف"كما في الصيف و زيدي عليها الحمص بالبدنجان و تاني الشوفلور بكل وصفاتو يعني مرة مقلي بالبيض مرة مرقة مع الحمص و مرات قراتان
كيف كان اندفاعك نحو الطبخ وهل ظل كما هو؟
صراحة كنت مجبرة في صغري ما كنتش نحبو بزاف بصح مع الوقت رجع حاجة حلوة وواجب من واجباتي اليومية

--لي عودة----​

إضغط للتوسيع...

قال Hiba habouba:

مرحبا بيك طاطا ام منير .واش راكي ؟؟ .ان شاء الله منقرقجوكش باسألتنا ههههه
نبدا بسؤال صغنون اول طبق ليك بعد الزواج ...واش كان

إضغط للتوسيع...

قال سكون الفجر:

السلام عليكم ورحمة الله ..
و عليكم السلام و رحمة الله تعالى و بركاته
كيف حالك خالتي الغالية أم منير؟ إن شاء الله تكوني بخير
الحمد لله بخير بارك الله فيك
ما شاء الله عليكِ شطورة من وقت كنتي صغيرة ربي يحفظك
و يحفظك انت كدلك يا زهرتنا

هل تحبي صنع الاطباق الرئيسية أكثر ام الحلويات؟
يعني على حسب المزاج
من بعد اذنك هل لكِ ان تصفي لنا اجواء تحضير الكعك قبل عيد الفطر؟
اوووه اجواء رائعة و خاصة بالليل و انا احضر الحلوى مع العائلة و صوت الشريم يدوي المنزل في صلاة التهجد ما في اجمل من هيك
و الاطفال دايرين بينا و يحاولو ياخدو منا شوية عجين ليلعبو بيه والله روعة و متعة
كم صنف تطهين في اليوم؟!
على حسب الميزانية مرات اطبخ حتى الخمس او ست اصناف و مرات اكتفي بصنف او صنفين
ما أكثر طبق تستمتعين بتحضيره؟
الكسكس يوم الجمعة و كدلك استمتع بتحضير البيتزا و خصوصا ادا كن عندي تنوع في المكونات

بارك الله فيكِ اختي الطيبة وربي يحفظك
و انت كدلك حبيبتي يا طيبة القلب
اتمنى لكِ طيب المقام بيننا عزيزتي

إضغط للتوسيع...

قال Õssămă ḿςã:

هل توجدين الطبخ جيدا؟

إضغط للتوسيع...

قال أم ياسمينdz:

يعطيك الصحة
يعني كسرتكم ماشي كيما تاعنا لأنو هاذي حنا عندنا تعتبر احد انواع الخبز ماشي الكسرة
ممكن الفرق في الطاجين لأنو طاجين الطين ميطبش كيما طاجين الحديد
وطريقة العجن تاني هاذي استنتجتها احنا الشرق نعجنوها بطريقة انها لمرا تحط مايدة وفوقها قصعة للحيط وتتكى على العجينة تعجن بطريقة التقطيع باليدين وتركز على ذرعيها وجسمها كامل يتحرك
شفت طريقة الدلك عند دار شيخي اسهل بكثير من طريقتنا في العجن
وتبقى هاذي بلادنا وعاداتها
وحنا استفدنا من بعض وتوسعت ثقافتنا في الأكل
احنا ما عندناش فرق بين الكسرة و الخبز
الفرق في التسمية برك كاين لي يقول كسرة و كاين لي يقول خبز و الطريقة وحدة هي هي
احنا تاني كنا ندلكو لعجين في الارض تفرشي قطعة نتع قماش خشين تحطي عليه القصعة و هات يا دليك حتى تفشلي
درك الحمد لله ريحنا منو رانا نخلطو برك كما قتلك من قبل
وسؤال آخر:


الحريرة انتم تطيبوها في رمضان ؟ كيما الشربة فريك ولا تعملوهم في زوج
لالا احنا نديرو لحريرة بالتشيشة ماشي لفريك ول كاين لي يديرو الفرينة ول المايزينة باش يعقدوها مليح
و كاين لي يديرو شربة
انا رمضان كامل حريرة بالتشيشة راجلي يحبها
تعجبني الحريرة تاعكم تهبل
تسلمي دوماج جيتي بعيدة لو كان راكي قدامي نبعثلك كل مرة قدرة حريرة

إضغط للتوسيع...

قال ياسمينور:

هاني رجعتلك طاطا ام منير

مرحبا بيك
انشالله مانكون عضوة تقيلة على قلبك
ابدا على قلبي مثل العسل
لخاطر راكي عارفا الاخت ملاك. تشرب دمنا لوكان ما نتهلوا فيك
ربي يخليك و يخليها حبيبات قلبي
اسئلتي :
الحياة بدون طبخ كيف هي بالنسبة لكي
ما زال ما جربتهاش و اكيد تكون صامطة لا خاطر الطبخ ضروري ما تقدر حتى امراة تستغني عليه
على ماذا تركزين في طبخك
النتيجة نتع الطبخة
نصيحتك للطبخات المبتدئات
لازم تجربي اي حاجة تعجبك و ما لازمش تخاف من الكوزينة
لازم جراة و شجاعة باش تنجح و تصبح طباخة ماهرة
ماهي نظرة للمرأة التي تعتمد على الاكل الجاهز رغم انها غير عاملة
صراحة هادي امراة جايحة لان اي امراة حتى و لو تخدم لازم ترجع للكوزينة و لازم يكون عندها وقت للطبخ و الاكل نتاع برا مهما كان شباب بصح نملوه و نحوسو على حاجة نتع الدار

اما يلا كان قاعدة في الدار واش دير كي ما طيبش
انا صراحة الاكل نتع برا ما نحبوش الا الفروج المشوي طبعا لي نحبو :d
هل طبخت اكلة ولم تتناوليها
نعم انا ما نحبش الحوت و كي يجيبها راجلي نطيبها و نتفنن فيها بصح ما ناكلهاش حتى الدوق ما ندوقهاش
هل اكلت في مطعم واكلت اكلة جديدة وتمنيت الحصول على وصفتها
ابدا لم آكل في المطعم لحد الآن منا القدام الله اعلم
نروح برك لمحلات الحلويات ناكل حاجة حلوة كي نكون في السوق :p
بصح راني متمنية نروح لمطعم سوري باش ناكل الكبة السورية ان شاء الله تتحقق امنيتي

لي عودة--------​

إضغط للتوسيع...

قال ЯέКîά Яồมkà:

السلام عليكم ورحمة الله وبركاته
و عليكم السلام و الرحمة و الاكرام
اهلاااا وسهلااااا بخااالتو ام منييير تحت المجهر هههه لا لا ضيافة رائعة باذن الله ^^
اهلا بجارتي لعزيزة ربي يحفظك
خالتوو راكي غير جارتي ، شفت الشعب طاح عليك بالاسئلة على تلمسان ههه
تقريبا طيابنا واحد
ماعليش مرحبا بيك و بيهم
ايه طيابنا واحد سي نورمال نفس المنطقة غمضة عين كما يقولو نلق روحي في بلعباس
برك قوليلي كعك تلمسان داك اليابس ههه نمووت عليه تعرفي الوصفة نتاعه ؟

إضغط للتوسيع...

قال ياسمينور:

رجعتلك هههههه
اهلا بيك
اخوانا راهم في قيلولةهههه
اسئلتي :
هل أعطيت لكي وصفة خاطئة عن قصد
صادفت ناس ما يحبوش يمدو الوصفات من الاساس... نفوس مريضة الله يهدينا
هل تحفظين الوصفات او تدونيها
الوصفة لي ما فيهاش مكونات بزاف نحفظها بصح لي تكون كثيرة المكونات ندونها
بصح مرات ندونها في ورقة و ضيعلي درك درت كراس كبير و راني نكتب فيه
ايهما احسن مقروط الفرن او القلي
بالنسبة لي المقلي لانو يجي احمر من كامل النواحي و يجي بنبن هدا رأيي الخاص
هل سبق وان اشتريت حلويات العيد
ابدا حتى في السنة الأولى نتع زواجي كنت بالحمل و كان حاب زوجي يشري و انا ما قبلتش
نخدمو بيديا انظف و اضمن و نحب هاديك الربلة نتع العيد :sport02:
هل شاركتي في مسابقة طبخ خارج المنتدى
لالا
اذا اتيحت لكي الفرصة لكي تشاركي في برنامج طبخ فهل تشاركين ؟
لالا

لي -- عودة-----​

إضغط للتوسيع...

قال ЯέКîά Яồมkà:

شكرا ليك خاالتووو ربي يحفظك ♥
ويحفظك بنتي وينورك :love01:
نزيدوك شوية اسئلة ^^
مرحبا بيهم :sport01:
واش طيبتي اليوم الفطور ؟ باه نشوف لا نجي ولا لا خخخخ
هههه الفطور مقارون بلاصوص والايسكالوب يادرى تحبيه ولا لا هههه
هل انت من النوع اللي يطيب خبز الدار بزاف ام مرة على مرة؟
نطيبو دايما ويوميا مرات نكتر ندير على حساب يومين
خبز السوق نشروه غير كما يتشهاوه ولادي مرات
خالتو فطورك غالبا هو عشاك ولا ديما لازم يكونو مختلفين؟
لا تقريب دايما ما يكونو مختلفين
مرات يكون فطوري هو عشايا مع بعض الاضافات
الجمعة ضروري تعملي طعام او بركوكس؟
طعام ضروووووري وراجلي وكان مايكونش الطعام الجمعة يقولي كلي مافطرتش ههه
كي راجلي يكون مسافر ما نديروش ندير اي حاجة اخرى
التقنتة خالتو ديروها كيما نتاعنا شادة روحها شوي ولا كيما ناس الوسط والشرق شفتها تجيهم جارية ^^

إضغط للتوسيع...

قال نجيب:

الكسكس بالجمعة راه داير حالة عندك يا ام منير و انا كل جمعة في تلمسان و معلبليش ههه

ربما راكي سلكتي من أسئلة توتة الغائب الاكبر في هد الموضوع

ام منير ما عندي حتى سؤال حتى انا راني تلمساني يعني نفس الطبخ ههه

اتمنالك اقامة طيبة مع الاعضاء و ان شاء الله يستافدوا من الخبرة نتاعك

​

إضغط للتوسيع...

قال Malika Tlm:

السلام عليكم
و عليكم السلام
راني رجعتلك ختي باسئلة خفاف وساهلين هههه
اهلا بيك و باسئلتك
ماهو الزيت لي تستعملو ام منير فالطبخ ؟
فلوريال
هل اختي من النساء لي كي تجرب طريقة ومتنجحش فيها متعاودش التجربة؟
اكيد كي نجرب وصفة و ماتنجحش ما نزيدش نعاود و هاديك الوصفة ننساها
كيفاش تتعاملي مع الوصفات يعني يلا شفتي طريقة صعيبة تجربيها ولا لا؟ولا تجربي الا الوصفات السهلة؟
اكيد الوصفات السهلة و عندي تحدي نحب نجرب الوصفات الصعبة بصح لازم يكون عقلي مرتاح و يكون مزاجي عال العال
واش هو احساسك كي تجربي وصفة وتنجلك؟والعكس صحيح ؟
نكون في قمة السعادة كي ننجح في الوصفة من اول مرة
و كي ما ننجحش نحس بخيبة امل
نتمني منكونش طولت عليك
لالا اكيد ما طولتيش و ادا عندك اي سؤال راني هنا
خفاف وساهلين هههه
صح
ربي يوفقك ختي
انا وياك
تحياتي

​

إضغط للتوسيع...