بطلت منروحش نحج .....

قال لؤلؤة قسنطينة:

السلام عليكم كارليتا
واسعد الله أوقاتكِ جميلتي
انا قلت بعتوك للحج وماحبيتيش تروحي ههههه
ربي يكتبلك ويكتبلنا ان شاء الله زيارة هاداك المكان الطاهر
اما بالعودة لموضوعك هي معليش الانسان يستقبل الضيوف ويفتحلهم دارو
ويوكلهم ويشربهم، الرسول عليه الصلاة والسلام أفقر الناس ولكن أكثرهم كرماً
بصح المشكلة ماش هنا، المشكلة في الضياف لي تجي تعيش عندك ماش تضايف هههه
تقعد عندك 10 ايام قبل الذهاب للحج و زيد 20 يوم بعد الرجوع من الحج ههه
وكيما قلتيها هادي ماكلة وهادي لحم وهادي قهوة وووو بلا ماتراعي ظروف الناس
هي مليحة الانسان يزور ويخفف الزيارة تاعو باه مايزعجش أهل البيت، بصح درك الناس
بالعكس ولاو يمشيو على كروشهم، جنازة يا عجابة ويروحو 3 ايام و3 ليالي وهوما تما
ياكلو ويشربو من ظهر أهل الميت، يروحو للأعراس ياكلو وزيدو يباتو و يزيدو يديو معاهم
الماكلة لعايلتهم ولجيرانهم وجيران جيرانهم، يعني هاد الشي ما يحبو لا ربي ولا عبادو
واش نقولو ربي يهدينا برك ويهديهم ويثبتنا على الطريق المستقيم
شكرا كارليتا ربي يهنيك حبيبتي
تقبلي مروري
​

إضغط للتوسيع...

قال hakim story:

السلام عليكم كي بديتي تحكي على الحج
نحكي لخيتي على نهار الخميس هذا واللي كان يصادف انو عمي وبنتو وزوجها وجارنا
جاو من العمرة ومن بين الاشيااء الرائعة في منطقتنا انو مايشقاش اهل الحجاج يغديو الناس
بل العكس الجيران واحبابو هوما اللي يقومو بالناس
مثلا كي جيت لقيت انو جداتي مع الوالدة نتاعي وبمساهمة جدي
كانو يوجدو في الكسكس و معاه اللحم الاحمر والفاكهة
وتغدى عندنا ما يقارب 45 رجل من اللي جاو يشوفو عمي
وهذي داائما يعني اي وااحد رايح يحج اكيد كاين اللي يتكفل بالناس اللي رايحة تزورو
اما الناس واللي هوما النساء اللي يدخلو لبيتو هاذوك يتصرف معاهم
المهم حنايا نحيو عليه بالاك نصف
وكاين حتى اللي هو يكون مسؤوول على عشااء النسااء او الغدا نتاعهم
وخلي هذيك المصاريف اللي يجيبوها للحاج
مثلا كاين اللي يجيب السكر والقهوة واشياء كيما هاذي
وكاين اللي يشري الخضر والفواكه لاهل الحااج
وكاين اللي يشري اللحم بانواعو
والحمد لله كنت معول ندير عليها موضوع لانو من بين الاشياء اللي نفتخر انو مازالت موجودة في العرش اللي انتمي اليه
لانو ماكانش في العروش الاخرى وبارك الله فيك
وكيما قلتي كاين اللي يعاني وكاين اللي يعاونوه سلام ..​

إضغط للتوسيع...

قال safouane batna:

كلها بدع لا اساس لها ، المهم أن يكون الحج مقبولا ان شاء الله و أن يرجع الحاج بخير لأهلو

إضغط للتوسيع...

قال hakim story:

السلام عليكم كي بديتي تحكي على الحج
نحكي لخيتي على نهار الخميس هذا واللي كان يصادف انو عمي وبنتو وزوجها وجارنا
جاو من العمرة ومن بين الاشيااء الرائعة في منطقتنا انو مايشقاش اهل الحجاج يغديو الناس
بل العكس الجيران واحبابو هوما اللي يقومو بالناس
مثلا كي جيت لقيت انو جداتي مع الوالدة نتاعي وبمساهمة جدي
كانو يوجدو في الكسكس و معاه اللحم الاحمر والفاكهة
وتغدى عندنا ما يقارب 45 رجل من اللي جاو يشوفو عمي
وهذي داائما يعني اي وااحد رايح يحج اكيد كاين اللي يتكفل بالناس اللي رايحة تزورو
اما الناس واللي هوما النساء اللي يدخلو لبيتو هاذوك يتصرف معاهم
المهم حنايا نحيو عليه بالاك نصف
وكاين حتى اللي هو يكون مسؤوول على عشااء النسااء او الغدا نتاعهم
وخلي هذيك المصاريف اللي يجيبوها للحاج
مثلا كاين اللي يجيب السكر والقهوة واشياء كيما هاذي
وكاين اللي يشري الخضر والفواكه لاهل الحااج
وكاين اللي يشري اللحم بانواعو
والحمد لله كنت معول ندير عليها موضوع لانو من بين الاشياء اللي نفتخر انو مازالت موجودة في العرش اللي انتمي اليه
لانو ماكانش في العروش الاخرى وبارك الله فيك
وكيما قلتي كاين اللي يعاني وكاين اللي يعاونوه سلام ..​

إضغط للتوسيع...

قال Djaouida:

سلام خيتو :-r
واحد لازم يرحب بالضيف تاعه يعني سي أوبليجي عليه
بصح مشكيلة في عرب كاين وحد كاليتي لا إله إلا الله
يقعد عام عنده تقولي منعرت شا دار وختي يحب يقعد
قاعد وماكلة تجي عنده يخلي سيد لي راح للحج يندم لي راح
خخخ مسكين ههه
حنا في عايلتنا حمد الله مكانش هذي ظاهرةيعني بعكس نتعاونو قاع علي ملومة
وفي نهارهم يروحو غاية متهنين منهم ههه

شكرااا ختيتو ربي يخليك :love01::thumb_up02:​

إضغط للتوسيع...

قال Hiba habouba:

و متنسيش يخس يجيب معاه الكادويات باش الناس ترضى عليه
هدو كامل بدعة و كل بدعة ضلالة تفكرت ولظ عم بابا نهار جا معرض مدار فات شي شهر هكداك دارلهم مرة وحدة في صالة ديراكات زعما مكانش الي يجي من بعد ولا قبل هههه و دار غير للرجال
يا ختي شعبنا كلش بخمم في كرشه ميحسنش العون ابدا ابدا ..درك من يخرج اسمه و هو يخمم ولش يفطرهم و يعشيهم و يجيب معاه خردوات و العرضات و القاطويات و المشروبات
...للاسف مزالنا نتبعو حجات كارثية مي لازم حنا نبدو نغيرو و كل واحد يغير روحه الناس تتبدل
شكرا على الموضوع

إضغط للتوسيع...

قال Telemly:

كيما قال صفوان كلها بدع
نحمد ربي سبحانه كان لي الشرف العظيم وين زرت بيت الله مرّتين رغم اني في أعز شبابي ؛ حمد لله
مي كانو يجو يشوفوني قبل ما نروح ؛ ماكاش الشوفان كي نجي LoL

إضغط للتوسيع...

قال روز:

صحيتي على الموضوع
الناس الي تجي للحجاج في الحقيقة هوما يستناو في الكادو فقط ،
منين تعطيه كادوه يهز روحو ويروح
للاسف العادة منتشرة كل ذيك الخساير وزيد الكادوات المسكين يتنتف ريشو
تفكرت واحد جا من الحج والناس الي جاتو
ولا واحد راح
قاعدين بايتن فايت السمانة وامبعد كرهو سقسو على الكابات وقتاش يتحلو ؟ قالهم اصبرو عليا شوي
قعد ايامات وهبط سيارة قالهم دراهمي قع شريتها سيارة لي ولاولادي ماكانش كادوات !
شوف العباد وين وصلو رواحهم بقلة القيمة

إضغط للتوسيع...

قال @R@ZIK:

السلام عليكم
يعطيك الصحة كارلا على الموضوع
الحمد الله اكرام الضيفواجب كيما قلتي بصح المشكل في الضياف الصامطين
كاين كيما قلتي لي معندوش شحال وهو يلم فيهم وكي يكثرو عليه الضياف تزيد عليه المصاريف
وكل منطقة وعوايدها والله يبارك على خوانا حكيم تقاليدهم معاونين بعضاهم ري يكثر من امثالها
وكيما قالت روز يجو علجال الكادو ربي يهدينا
حنا الحاج كي يجي رايح لازم يدير وعدة(زردة) ويعرض كامل الغاشي وكي يرجع بالسلامة يزيد يدير زردة اخرى ويعرضهم كامل وكاين لي يدير غير كي يرجع ويعرض نهار واحد ​

إضغط للتوسيع...