~ مقــــآرون ~
درته اليوم بعد مآ لقيت الثلآجة فآرغة من اللحم والبابا غآئب عن البيت
لآزم البديل
بسم الله
طريقة التحضير:
في قدر، نرآبي حبة بصل ونضيفلها الملح والتوابل: فلفل اسود، فلفل احمر، سكنجبير، شوية كمون، ثوم غبرة، 1 م ك طماطم مصبرة، حبة طماطم نرابيها، 2 م ك زيت
نخلط الكل ونحطو يتقلى مليح على نار هادئة
بعد ما يذوب البصل نضيفله اوراق رند، عود قرفة، حمص، و حبة بطاطا مقطعة مكعبآت، قصبر ومعدنوس
نخلط الكل ونمرق بالماء الساخن
خليتو على نار جد هادئة مدة ساعة ونصف
بعدها ضفتله 1 ماجيقو او جومبو
وضفت المقارون ، خليتو يغلي مدة 10 او 15د تقريبا
لازم يتخلط مرة على مرة، حتى انتفخ تماما
وهآك دبرتلهم فطور وتهنيت منهم
ســـــــــلآمي
آخر تعديل بواسطة المشرف:
