جديد منتدى عالم المرأة الخاص --- خصوصيآت بنـــآت ʚïɞ [ ركن سـري خآص ~ ]

قال صآحبة القبعة الحمرآء:

السلام عليكم ورحمة الله وبركاته

صباح الخير ...

خوتي أنا ما فهمتش عليكم والله !! عملت موضوع تعبت فيه وأنا نكتب ونسق باه في اللخر نلقى طلبات سواء في الرسائل ولا في التقييمات تاع ناس ما قراوش خلاص الموضوع !!

علاه نعملو في مواضيع مالا ونتعبو ونوضحو كي واحد ما يقرا !!

في الموضوع كتبت كلش يتعلق بالركن من شروط الانضمام لطريقة الانضمام بصح نلقى طلبات انضمام بلا توفير شروط !

لي عندها فوق 500 مشاركة تعمل 5 مواضيع مفيدة لعالم المرأة بعيدة على التكرار والأفكار المستهلكة ومرحبا بيها في الركن لي ماهيش ناوية تعمل 5 مواضيع ومش حابة تتفاعل ولا تتعب في المنتدى تتجنب تطلب الانضمام وخلاص !!

لي توفر شروط الالتحاق تبعث رسالة لمشرفات الركن ولا ليا وفيها روابط المواضيع لي عملتهم .

الركن ما عملناهش باه نحكيو ولا نتشايخو ولا نردوه دردشة راه ليه هدف من بعد يبان وقت يتلم في الغاشي مي عالشوفة هذي راح يبقى كيما راه ويتغلق وما استفدنا منو شي ولا يتغير الهدف تاعو ونسغلوه لوظيفة أخرى !!

ردي اعتبروه رد عضوة وجعها قلبها ما يمثلش الإدارة .

سلام .

إضغط للتوسيع...

قال Ľă Mîšš HîBă:

ياختي سايسي روحك برك يخي ماكفرناش بربي درتي موضوع وعلابالانا بيه وشفناه وعلابالي هاد الرد موجه ليا انا اكزكت باسكو انا لي مافهمتش نقطه تاع 5 مواضيع

نحساب وكان قلتي جديده لاني انا دايره اكثر من 5 مواضيع

وانا راني نلح ع الانضمام لاني عندي مواضيع حابه نطرحها ونتناقش فيها مع الاعضاء لانها تهمني هاد مكان واسمحيلي ايلا ديرونجيتك بلميساج تاعي ان شالله لوله ولاخره

إضغط للتوسيع...

قال Twinkle Stars:

هههه والله موضوعك مفهوم.. متخافيش ختي.. مبعد يجوك..بناات صح متوفرة فيهم الشروط..
أن شاء الله مبعد مدة.. نحاول ندير المواضيع الي نقدر عليها.. المهم في مجال الماكياج منعرفش.. خارج ذلك المجال نحاول نفيدكم.. وندخل.. مي مش دوك
تحياتي أختي مون لايت

إضغط للتوسيع...

قال Missou25:

انا معجبتنيش الفكرة لاني عضوة جديدة يعني هذا فيه نوع من الاحتكار و الانحياز و الفكرة تخدم الاعضاء القدماء لا اكثر

إضغط للتوسيع...

قال صآحبة القبعة الحمرآء:

أهلا أختي مرحبا بيك في المنتدى

الموضوع ليس موضوع احتكار بقدر ما هو موضوع ثقة ! في الركن ستكون هناك أسرار وأمور خاصة ولا يعقل أن نضيف إليها عضوات مازلنا لا نعرفهن ! لهذا مطلوب 500 مشاركة حتى نعرف العضوة من خلالها وأيضا مطلوب 5 مواضيع حصرية لمنتدى عالم المرأة فلا يعقل أن نضيف عضوة ليس لها اهتمام بهذا العالم لتأتي وتقرأ أسرار الغير وفقط !!

المسألة فيها أمور شخصية وفيها أيضا دفع للتفاعل والمشاركة أكثر من أجل الانضمام .

لكن على حسب ما لاحظت الكل يريد الانضمام بدون بذل أي مجهود يعني جهودنا في توفير جو للبنات لا تعني شيئا !!

شكرا على كل حال .

إضغط للتوسيع...