مهبول جا يطلق سلابو -الجزء 4 -

Skor m@k

:: عضو بارز ::
أحباب اللمة
إنضم
12 جويلية 2010
المشاركات
5,514
نقاط التفاعل
22,594
النقاط
2,406
محل الإقامة
دلس
الجنس
ذكر
بسم الله الرحمن الرحيم
السلام عليكم


نكملو رحلت العرس لي بديناها هههه
مهبول جا يطلق سلابو -الجزء 3 -

المهم كي هبطنا من الكار وليت مدgللص لقفالي تاع لقمجة طاحو
حتى الفردة تاع الصباط ملقيتهاش غاضتني انا خارج م الدار ونسيرج فيها
بدينا نمشو انا ويما وطلعنا وحط الطلعة ولينا فايحين بلعرق تقول درنا مراطون هههه
حتى المح من بعيد شويا غاشي
هناك لمعت عيني بالدمع من شدة الفرحة هههه
لقد وصلنا رحت نجري لعند الناس وبديت نسلم ونبوس تقول نعرفهم وانا مالفرحة برك كي وصلنا
قلتلها ليما ادخلي لعند النسا انا راني هنا مريح برا


سطاليت في وحد لبلاصة انتظر الفرج من كاش واحد يعرضي للقهوة هههه
قابلت وحد الزوج شيوخة كبار تسمع غير التخرويش في فمهم
متفهمش كامل واش راهم يهدرو هههه
قلت نريح معاهم سور يقادروهم ويجيبولهم القهوة
اسنيت واسنيت واسنيت حتى عييت وجعت
ياعجابا طفل ملقيتو ولا كاش جان نgسسر معاه ولا نبعثو
خاطرش مجاياش تبعث شيخ ههههه


هاذوك الشيوخة تحلبولي بلي راني بلا صباط وبلا قفالي تاع لقمجة هههه
عمبالهم مهبول ولا طلاب
بقاو يتغامزو عليا وانا لا خبر والمشكلة كامل بلعكاكز ولعصي ههه
سكتو كامل الذبانة تسمعها تزنزن هناك عرفت بلي بعد السكون تأتي العاصفة هههه
وينوضو للجري مورايا ههههه ويايما وشحال يجرو هههه
انا قلت نديرلهم كي الارنب مع الفكرون
شيوخا يلحقوني مكاش منها هههه نجري بالتموليك هههه
ويامحاينكم وشحال يجرو نحس غير الزهط في ظهري وانا نعيط ياو ماشي مهبول خلوني نهدر معاكم
وهوما اللاخبر واحد فيهم مايسمعلي


المهم خوكم خفيف وظريف وشاطر بسلامتو كان هنا وراح ...
تخبيتلهم بين الشجر وعيطلها ليما
يا جدك وين راكي راني حاصل ولاد عمك جراو مورايا
قوليلهم بلي ماشي مهبول ياو انا نكوللهم
خلاص خلاص ضرك نبعث واحد لعندك يجيبك ويفهمهم .. عاود ولي لدار
المهم بديت مولي لدار والمشكلة نسيت الطريق ليها ونسيتها كامل وين جايا
قلت خلاص نريح فوسط الطريق الى جاز كاش واحد يوصلني لهناك
مريح نخمم في المشكلة لي تورطت بيها


حتى تحبس قدامي طونوبيل واي طونوبيل
ركبت ديركت محوستش نسقسي كامل المهم يوصلني ههههه
انا ركبت حتى نلقا لداخل فاميلية يا يما واي فاميليل
الزماgرا جاو للعرس ورفدوني فالطريق عينايا لا تصدقان
ونريح قدام جاسمين فالطونوبيل ( ياك حكيتلكم عليها ولا واقيل ماحكيتش )


واش نحكي واش نخلي الزين خارج من عينيها
شعارها هبال مطلوق وسورتو كي يجي شويا ريح ويديه هههه يامحاينك نروح معاه هههه


قلبي الصغير لا يحتمل من شدة الفرحة
نطقت يماها قالتلي شكونك انت جيت للعرس
قلتلها انا السكر وليد السكرية ههههه
ياه ياه كبرت الله يبارك ويماك واش راهي علاه مجبتهاش معاك
راهي فالعرس كنت ندور برك انا وجراو مورايا لكلاب طاحتلي الفردة تاع الصباط وتقطعتلي لقمجة
قالتلي خلاص وليدي جاب لحوايج معاه ضرك نمدلك تبدلهم


وصلنا لدار هبطنا قلتلو لوليدها انت صاحبي بصح مي نسيبي نقولك خير
قلتهالو مي بيناتنا ميفهمش العربية هههه
ودخلت خلسة الى المنزل باش نبدل قبل مايفيقو بيا
آه ونحطحطها يا محاينك ديكابريو وروز يغيرو مني هههه
خرجت من الشامرا حتى نلقى يما جايزا
آه واش راك دير هنا يا الموصيبة الدشرة كامل راهم يحوسو عليك غلطو فيك موقبيل هههه
ارواح تسلم على عماتاتك راهم يحوسو عليك


رحت معاها حتى دخلنا لصالون وهناك نلقى وحد 20 مرا مريحة هناك
انا وقفت وتجبدني وحد لمرا بوه عليك حشمت تسلم علينا
وكي كنت صغير كنت نبدلك ليككوش يا وحد لموسخ ههه
وهناك بدا التسلام غير لي يسلمو ربعة حناكي النار شعلت فيهم
وكل وحدة واش تهدر وحدة ايه كبرت وصلت وقت الزواج نقوللها اي صح
لوخرى صح واقيل نمدلو بنتي ( سور تكون تشبه لدروgبا ولا بارت ههه )
وانا لاأعبئ بهم عيني كامل في جاسمين هههه
كملتهم بالتسلام كامل تقول خدمت جورني وماشي خالص فيه هههه


وقفت قدام يما وقلتلها بصوت خافت وحزين
ياو جااااااااااعت
هاوسمعتني مولات الدار بوه بوه في داري ويجوع ارواح نديك للكوزينا تفطر
وصلنا الكوزينا ونلقى جاسمين مريحة هناك وحدها تفطر
قالتلي هذيك لمرا ريح قدامها ضرك نحطلك
هنا ايقنت اني في خطر يانريح معاها وناكل ويا نحشم وماناكلش هههه


في الحلقة الجايا نكملو واش صرا
استناوتي متتقلقوش ومتغيروش برك هههه


ماديروش عليا
سلام​
 
آخر تعديل:
رد: مهبول جا يطلق سلابو -الجزء 4 -

السلام عليكم
هههههههههههههه آه يا مالك نحيتلي الغبينة الله يفرج عليك ههههههه
ضحكتني سورة سكر ولد سكرية ههههههههه يخي مهبول يخي وزيد تقول ماديروش عليا؟
ياو لازم نديرو عليك كاشما خليت هههههه علابالك للدرك راني نvيبري ههههه مازلت نضحك ههه
وعجبتني العربية مخلطة بشوي دارجة "
حتى المح من بعيد شويا غاشي"هههههههه "وهناك لمعت عيني" حطيتها الغناية
تاع الرسوم المتحركة تاع القناص "قد لمعت عيناه" ههههه
يا درا واش حكاية جاسمين هادي؟ لي شعرها يدي فيه الريح هههه نستناو التكملة خويا مالك
وبالاك تخليها مور العيد ويبقى قلبنا يحرق رانا نستناو في لاسويت بالاك طول علينا
بالتوفيق خويا راك قتلتني ضحك هههه
سلام
 
رد: مهبول جا يطلق سلابو -الجزء 4 -

السلام عليكم
ياخاااه سكر هادا نتااا والله ماعرفت
تبدلت بالكستامااا والgرافاطا بالاك نتا العريس واحنا لا خبر
امممممم اهدر تشو اهدر .... زعما جاستن ماتقبلش بيييك
هيه قولها 10 منك في مارساي نورمال خخخخخ
وداك الشعر حمبوك رانا صايمين حكيلي تشو احكيلي بيناتنااا ماتقول لحد
من بعد يااااك سكيمي غير انا ويااااك .... علابالي ليوووم نجيبو السحووور ههههه
نضربوها بهبلة ياااك
تجي عليك الغنية تاع سابق ولاحق يااا برييد هوما يحسبوني نتفرجلهم خخخ
صحاا قولي هاد العرس تاع موا مسعودة مازال مايبداااا بانزهاو بن عمي فوكرتنااا
شوي غومانسية شوي شطيح ها بويا خيي شوقتنااا درتلي سوسبانس سكر
الله يحلي يامااااتك ان شاء الله ماتكونش برك رااااحت وخلاتك يامااا نندب حناكي بالقرداااش
قاع هاد الزين والدين ورضاية الوالدين يسمحو فيه امبوووحااال

ياجدك طرطقت بالضحك راني بانهبل جدك وتقول ماديروش علياااا يعطيك النو
هدرتك حلوة كيفك الله يزين ياماااتك ويرزقك كل خير

جليلو خيك مر من هناااا .... راني معروض للعرس بالاك تنسى ولا تقول منا ولا
هايوااا دييير حسابك من دروك هيهيهيهيهيهيهي :p

 
رد: مهبول جا يطلق سلابو -الجزء 4 -

سلام عليكم سكر وليد السكرية ههههههه

ههههههههههههههههههههه ياااا جدك مرييض ههههه

اني نستنا فيك تفطر مع جاسمين متبهدلناش برك يرحم والديك هههههههه

دير لافار و كيتجي للدار نمد لخويا ياكل واش يحب هههههههههه
 
رد: مهبول جا يطلق سلابو -الجزء 4 -

السلام عليكم أيها المناضل
واش قتلك هذا العام آه واش قتلك حط عينك في عيني وقولي واش قتلك
ماشي قتلك مابقيتش تروح لعراس يابن عمي عندك تاريخ حافل مع لعراس العرس لي تروحلو تخليه ودير فيه المشاكل اسمع نتفاعمو من ذرك نهار يكتب المكتوب ونعرضك لعرشي ماتجيش حتى تقطع لروحك هاذ النحس الخاص بلعراس خخخخخ
بيناتنا في حكايتك قدرت نتخيل كل شيء مبصح سكر بالكوستيم وضارب فيها تبييشة وحطة هنا مخي قالي إيرور الله غالب هههههه
وزيد بوووووه نندب تحشم تاكل قدام جاسمين انا نقولك كول وماتحشمش على خاطر لوكان تشوفها هي كي تكون وحدها كيفاه تاكل تولي تشك شكون الراجل بيناتكم اذا انت ولا هي هههه
المرة الجاية كي يكون عندكم عرس ادوني راني نحب لعراس
ربي يحفظك خويا مالك في انتظار ماسيحدث مع جاسمين الميڨرية
تحياتي
 
رد: مهبول جا يطلق سلابو -الجزء 4 -

سلام عليكم
ياه ياه واش هذ الحطة الله يبارك ههههههه
كنت رايحة للمسابقة نتاع جليلوس مي رجعت شفت سمحت في النقاط و جيت نقرا ليستوار هههههه
مي علاش لحقت للجزء لي عندي سمانة و انا نستنى فيه و حبست :mad: هههههههههه يا درا واش صرا ان شاء الله تقدر تاكل و ما تحشمش هههههه
الله يعطيك الصحة وحد الاسلوب هايل تخيلت القصة بليديتاي ههههه :p السيد سكر طلعت عندك مغامرات و حكايات مع لعراس
تقبل مروري و تحياتي و في انتظار البقية :$ صحا فطورك
 
رد: مهبول جا يطلق سلابو -الجزء 4 -

ههههه هرمنا من اجل هذه اللحظة التاريخية هههه
نقرا بشوية و مبعد نحط تعليق مسڨم ههههه
بصح مهبول من الدرجة الاولى خخخخ
 
رد: مهبول جا يطلق سلابو -الجزء 4 -

السلام عليكم
هههههههههههههه آه يا مالك نحيتلي الغبينة الله يفرج عليك ههههههه
ضحكتني سورة سكر ولد سكرية ههههههههه يخي مهبول يخي وزيد تقول ماديروش عليا؟
ياو لازم نديرو عليك كاشما خليت هههههه علابالك للدرك راني نvيبري ههههه مازلت نضحك ههه
وعجبتني العربية مخلطة بشوي دارجة "
حتى المح من بعيد شويا غاشي"هههههههه "وهناك لمعت عيني" حطيتها الغناية
تاع الرسوم المتحركة تاع القناص "قد لمعت عيناه" ههههه
يا درا واش حكاية جاسمين هادي؟ لي شعرها يدي فيه الريح هههه نستناو التكملة خويا مالك
وبالاك تخليها مور العيد ويبقى قلبنا يحرق رانا نستناو في لاسويت بالاك طول علينا
بالتوفيق خويا راك قتلتني ضحك هههه
سلام

السلام عليكم
اهلا بك ختي مريم
شفتي الميزيريا لي راني فيها ههههه
وهاذي كامل في خاطرها لمسودت الراي هاذي هههه
متخافيش نكملها قبل العيد الى كنا عايشين
وماتموتيش مانتحملش المسؤلية تاع الوفات تاعك هههه
ربي يحفظك ختي
 
رد: مهبول جا يطلق سلابو -الجزء 4 -

السلام عليكم
ياخاااه سكر هادا نتااا والله ماعرفت
تبدلت بالكستامااا والgرافاطا بالاك نتا العريس واحنا لا خبر
امممممم اهدر تشو اهدر .... زعما جاستن ماتقبلش بيييك
هيه قولها 10 منك في مارساي نورمال خخخخخ
وداك الشعر حمبوك رانا صايمين حكيلي تشو احكيلي بيناتنااا ماتقول لحد
من بعد يااااك سكيمي غير انا ويااااك .... علابالي ليوووم نجيبو السحووور ههههه
نضربوها بهبلة ياااك
تجي عليك الغنية تاع سابق ولاحق يااا برييد هوما يحسبوني نتفرجلهم خخخ
صحاا قولي هاد العرس تاع موا مسعودة مازال مايبداااا بانزهاو بن عمي فوكرتنااا
شوي غومانسية شوي شطيح ها بويا خيي شوقتنااا درتلي سوسبانس سكر
الله يحلي يامااااتك ان شاء الله ماتكونش برك رااااحت وخلاتك يامااا نندب حناكي بالقرداااش
قاع هاد الزين والدين ورضاية الوالدين يسمحو فيه امبوووحااال

ياجدك طرطقت بالضحك راني بانهبل جدك وتقول ماديروش علياااا يعطيك النو
هدرتك حلوة كيفك الله يزين ياماااتك ويرزقك كل خير

جليلو خيك مر من هناااا .... راني معروض للعرس بالاك تنسى ولا تقول منا ولا
هايوااا دييير حسابك من دروك هيهيهيهيهيهيهي :p


السلام عليكم
مرحبا بيك خويا جليلو علبالك ضحكتني كثرمن الموضوع تاعي ههههه
وليزيميقري هاذو شفتهم يباسيونا ويحصلوناا ممبعد يروحو لبلادهم هههه
اه يا خويا انا ديما عندي عقدة مع لعراس تصرا تصرا حاجا ماشي مليحة هههه
بلاك تصدقلي الميقرية هذي ونعرض خويا علاه لالا ههههه
بصح منعرف كيفاه تخلاص عليا الحلقة الجايا ههههه
يعطيك الصحة خووو
 
رد: مهبول جا يطلق سلابو -الجزء 4 -

سلام عليكم سكر وليد السكرية ههههههه

ههههههههههههههههههههه ياااا جدك مرييض ههههه

اني نستنا فيك تفطر مع جاسمين متبهدلناش برك يرحم والديك هههههههه

دير لافار و كيتجي للدار نمد لخويا ياكل واش يحب هههههههههه

السلام عليكم
هكذاك ختي فولا ديريلي الكوراج شويا باش نريح
الى قدرت ناكل بلا مانهدر راني مليح هههه
خاطرش تبقى للجوع ومتهدرش معاها ماشي شغل هههه
 
رد: مهبول جا يطلق سلابو -الجزء 4 -

السلام عليكم أيها المناضل
واش قتلك هذا العام آه واش قتلك حط عينك في عيني وقولي واش قتلك
ماشي قتلك مابقيتش تروح لعراس يابن عمي عندك تاريخ حافل مع لعراس العرس لي تروحلو تخليه ودير فيه المشاكل اسمع نتفاعمو من ذرك نهار يكتب المكتوب ونعرضك لعرشي ماتجيش حتى تقطع لروحك هاذ النحس الخاص بلعراس خخخخخ
بيناتنا في حكايتك قدرت نتخيل كل شيء مبصح سكر بالكوستيم وضارب فيها تبييشة وحطة هنا مخي قالي إيرور الله غالب هههههه
وزيد بوووووه نندب تحشم تاكل قدام جاسمين انا نقولك كول وماتحشمش على خاطر لوكان تشوفها هي كي تكون وحدها كيفاه تاكل تولي تشك شكون الراجل بيناتكم اذا انت ولا هي هههه
المرة الجاية كي يكون عندكم عرس ادوني راني نحب لعراس
ربي يحفظك خويا مالك في انتظار ماسيحدث مع جاسمين الميڨرية
تحياتي

السلام عليكم
خلاص يا ختي فهمتك وفهمت الدرس مي الله غالب
كنت فاللمة ندودر حتى جات يما مكاش كيفاه منديهاش
واون بلوس الميقريا فاللعب يامحاينك هههه
ونخليها تضيع فرصة العمر
حبيتيني نبقى هنا في الجزائر ههههه
الى جا ختشبك من لانغليز وعندو ختو قوليلو راهي ختك محكومة هههه
بيبيلي نجي لعرسك ممبعد هههه
يعطيك الصحة ختي مجاجو الحمد لله ياك الباك سلامت حتى تلخرتلي نسقسي ختي مريم عليك
 
رد: مهبول جا يطلق سلابو -الجزء 4 -

سلام عليكم
ياه ياه واش هذ الحطة الله يبارك ههههههه
كنت رايحة للمسابقة نتاع جليلوس مي رجعت شفت سمحت في النقاط و جيت نقرا ليستوار هههههه
مي علاش لحقت للجزء لي عندي سمانة و انا نستنى فيه و حبست :mad: هههههههههه يا درا واش صرا ان شاء الله تقدر تاكل و ما تحشمش هههههه
الله يعطيك الصحة وحد الاسلوب هايل تخيلت القصة بليديتاي ههههه :p السيد سكر طلعت عندك مغامرات و حكايات مع لعراس
تقبل مروري و تحياتي و في انتظار البقية :$ صحا فطورك

السلام عليكم
انا عمبالي متعجبكمش لحكايا سورتو جاسمين هههه
هذا هو السوسبانس يا محاينك ماشفتيش الافلام كيفاه يخلوك حاصل هههه
هكذاك انا نخليكم حاصلين مع السوسبانس هههه
معلباليش كيفاه تخلاص عليا هههه
يعطيك الصحة ختي​
 
رد: مهبول جا يطلق سلابو -الجزء 4 -

ههههه هرمنا من اجل هذه اللحظة التاريخية هههه
نقرا بشوية و مبعد نحط تعليق مسڨم ههههه
بصح مهبول من الدرجة الاولى خخخخ

السلام عليكم
هكذا تقوليلي مهبول وانا السكر وليد السكرية ههههه
متهرميش مزال الخير للقدام
اقرايها مليح ممبعد ولي​
 
رد: مهبول جا يطلق سلابو -الجزء 4 -

استغفر الله وعلاه تكدب هاكا ياخي كنت ثما انا صار انتا سكر وليد طاطا سكرية
راك مسجل هنا ثاني وين نروح نصيبك فالكوزينة وصيبتك تبع في جاسمين بصح بيناتنا محكيتلهومش كل شي ياك كي دخلت باش تسلم خخخخ تقول ماتعرفش بنات قدك تسلم عليهم بصح مقلتلهومش كي وصلت عندي باش تسلم عليا قلتلك لالا خويا انا منسلمش على الرجال خخخخخخ خليتلك خدودك اوناتونت

وزيد جاسمين راهي بنت خالتي وخوها لي عطالك الحوايج تاعو مخرجوش كامل عليك خاطر انت اصلا مكرفس قاع ههههه مجاوكش شابين
المهم راك معروض للعرس تع خويا مع جاسمين وماتنساش تجيب بابي مشوار معاك باش تبكي مليح
صحيت خويا وصحا صحورك
وانا ثاني مديرش عليا
 
رد: مهبول جا يطلق سلابو -الجزء 4 -

السلام عليكم و رحمة الله تعالى و بركاته
هههههههههه ههههههههه على المسكين حالتك تقطع القلب بكيتني ووووع ووووع
ههههههه شح شح شح فيك راك عارف علاش !!!!

تستهل العصا لوكان غير حكموك الشيوخا و عطاولك طريحة مسڨمة
بصح روح ربي فتح عليك بفيلو سمين هاذي
و لا منعرف واش يسموها
ههههههه و الله تقتل بالضحك يا جدك
و في الاخير السيد ملح يقولك مزال مخلاصتش القصة
كانت باينة تكمل كيما هاك خخخخ
رح يتزوج بيها و تديه لفرانسا و مبعد يجيب طاشمة بزاوز
و تحاوزوا هو وياهم و يولي للجزائر يدي وحدة بايرة خخخخخ يخاه عالوخضة هههه

المهم يعطيك الصحة مالك
بارك الله فيك لانك راك تنحيلنا على خاطرنا و تضحكنا شوية
صح فطورك
 
رد: مهبول جا يطلق سلابو -الجزء 4 -

استغفر الله وعلاه تكدب هاكا ياخي كنت ثما انا صار انتا سكر وليد طاطا سكرية
راك مسجل هنا ثاني وين نروح نصيبك فالكوزينة وصيبتك تبع في جاسمين بصح بيناتنا محكيتلهومش كل شي ياك كي دخلت باش تسلم خخخخ تقول ماتعرفش بنات قدك تسلم عليهم بصح مقلتلهومش كي وصلت عندي باش تسلم عليا قلتلك لالا خويا انا منسلمش على الرجال خخخخخخ خليتلك خدودك اوناتونت

وزيد جاسمين راهي بنت خالتي وخوها لي عطالك الحوايج تاعو مخرجوش كامل عليك خاطر انت اصلا مكرفس قاع ههههه مجاوكش شابين
المهم راك معروض للعرس تع خويا مع جاسمين وماتنساش تجيب بابي مشوار معاك باش تبكي مليح
صحيت خويا وصحا صحورك
وانا ثاني مديرش عليا

السلام عليكم
صار هكذا تفضحي فيا قدام الناس
حتاني جاسمين عاودت لعبتها بيا راني كارها ضرك
قوليلو لخوك غير يديها على خاطرش رجلبها فايحين متغسلهمش هههه
وانا نقول علاه ضربوني بعين صافيك غرتو مني
آه كي ندي جارتي علجية هههه
يعطيك الصحة ختي
 
رد: مهبول جا يطلق سلابو -الجزء 4 -

السلام عليكم و رحمة الله تعالى و بركاته
هههههههههه ههههههههه على المسكين حالتك تقطع القلب بكيتني ووووع ووووع
ههههههه شح شح شح فيك راك عارف علاش !!!!

تستهل العصا لوكان غير حكموك الشيوخا و عطاولك طريحة مسڨمة
بصح روح ربي فتح عليك بفيلو سمين هاذي
و لا منعرف واش يسموها
ههههههه و الله تقتل بالضحك يا جدك
و في الاخير السيد ملح يقولك مزال مخلاصتش القصة
كانت باينة تكمل كيما هاك خخخخ
رح يتزوج بيها و تديه لفرانسا و مبعد يجيب طاشمة بزاوز
و تحاوزوا هو وياهم و يولي للجزائر يدي وحدة بايرة خخخخخ يخاه عالوخضة هههه

المهم يعطيك الصحة مالك
بارك الله فيك لانك راك تنحيلنا على خاطرنا و تضحكنا شوية
صح فطورك

السلام عليكم
علاه غرتي مني كي نديها ميقرية هههه
علبالك خلاص بطلت منهدرش معاها الحلقة الجايا تشوفي كيفاه نرميلها الماء ههههه
باشش ماتغيروش كامل
اصبري برك تشوفي كيفاه نحطحطها ونخرجلها طاي طاي هههه
يعطيك الصحة
سلام
 
رد: مهبول جا يطلق سلابو -الجزء 4 -




هههههههههههههههههههه
وش هالتبهدايل تشف

المهم لقيت حاجة تفرح في الاخيرهههه
 
رد: مهبول جا يطلق سلابو -الجزء 4 -

هههههههههههههههههههههههههه مازالك مع المعاناة هههه ان شاء الله برك تكون نهاية سعيدو وتشوف جاسمين وتبدل رايها ههههه والله ضحكتني صح بعد
على سلامتك كي جراو موراك الحمد لله ماحكموكش برك سي نو يريشوك الشياب ما يفهموا والو
في انتضار الحلقة القادمة ماطولهاش علينا تعيش
 
رد: مهبول جا يطلق سلابو -الجزء 4 -




هههههههههههههههههههه
وش هالتبهدايل تشف

المهم لقيت حاجة تفرح في الاخيرهههه

السلام عليكم
مزال مفرحت انا راني في حصلة وانت تقوليلي فرحت ههةه
مزال الخير للقدام خخخخخخ
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top