الله ينورلها حياتها اللي تفيدني

اولا انا صاحبة مشكل(ارجوكم هل انا ظالمة)عودو اليه لفهم مشكلتي اكثر ....امس الجمعه دهبت انا و زوجي عند عزوجتي دخلنا سمعنا هدرة فالصالة راجلي مابغاش يدخل حشم انا دخلت لقيت وحدة حبيبتهم مع راجلها سلمت عليهم و سلمت على سلفت عزوجتي و على عزوجتي(سلامها باارد)تحسها باللي تكرهك .....المهم جمعت نضحك و سقييتها على حماتاتي اللي هوما متزوجات malgré راني نشوفهم و هوما مايكلفوش روحهم يسقسو عليا ....بدات عزوجتي تطلق فالمعاني فلانة خلات بلاصتها نقية كي دارت دارها فلانة و فلانة......انا سكت و تشوكيت و حشمت قدام ضياف.....كي خرجو رحت نطيب القهوة و راجلي و سلفتها كانو فالكوزينة وهي كانت هاد تخرج فالضياف انا سقسيت سلفتها على تارمو تاع لقهوة ماسمعتنيش عاودت سقسيتها ماسمعتنيش(ماعلاباليش يلا بالعاني) التالتة كي سقسيتها جات عزوجتي داخلة راحت لراجلي قاتله راك مداوي معاها!قالها لا...قاتله مالها رافدة نيفها عليا و كيفاه انا هنا ونتي تسقسي في سلفتي علا تارمو...قتلها والله ماكان حاجة والله ماراني مشنفة و التارمو قبل ماتجي سقسيتها وماسمعتنيش و سلفتلك راه مولات الدار(بصح هادي سلفتها ماتخطيهاش)قاتلي لا.لا انتي والفتي تحقريني في رمضان تاني درتيلي هاكا وانا نسكت مانبغيش نخبر ولدي المهم ماخلتنيش قااع نهدر و راجلي امرني باش نسكت منبعد خرج راجلي قتلها قوليلي فاش ظلمتك فاش قصرت ماتهدرش معايا نيشان و كلامها قاع تجريح و انا نتبع فيها كي لكلبة حشاكم من دار لختها و هي غير تزيييييد......والله كتشفت بزاف امور هي اكتر من منافقة و تبغي شر لولدها و بغات.لموضوع يكبر.المهم قعدت عندها درت لعشا كي جا راجلي قتله وين كنت قالي علاش تحوسي....و مابغاش قاع يهدر معايا و العشا ماتعشيتش والله ريقي ناشف ماللي جيت عندها ماكليتش وزيد الزعاف من فوق وكي روحنا للدار راجلي قالي علاه ماتسقميش روحك قتلو شا درت قالي شوفي روحك قتله انا ماشنفتش اصلا و هي بدات تمعني عليا قدام ضياف(بصراحة اول مرة نهدر عليها و هيا خلاتني ندير هاكا)قتله لوكان قتلها علاه راك تهدري عليا.نعجبك!قتله انا سكت و مارديتش و قتله انا على جال هادو صوالح مانيش نبغي نروح.....وقعدت نبكي والله مارقدت وهو منايفني حرت واش ندير قاع الليل وانا نخمم والله يلا نلعبها و نعاونها و فالعيد انا قلت لولدها شريلها ...وهي تكرهني ماعرفتش علاه و المشكلة انا مانهدر حتى لواحد ونخاف على الوالدة تاع لاخاطرش قاست بزاف في حياتها و كافحت علا جالنا و ابي متوفي الله يرحمه و الله كي دارتلي هاكا قتلها راكي في بلاصة كلش(عمامي اخوالي ....)...ياخواتاتي فيدوني ربي يجازيكم الحل وين راه والله كنت عايشة احلا عيشة مع راجلي و نضن دارتها بالعاني خاطر فحياتي ماشكيتش منو.....يا الله هادا وين عرفت الدنيا صح كي دايرة

رد: الله ينورلها حياتها اللي تفيدني

رد: الله ينورلها حياتها اللي تفيدني

يا أختي الله يهدي عجوزك و انت ماراكيش ظالمة سوء تفاهم برك انا نصيحتي ماتهدريش حاجة ماشي مليحة على عجوزك قدام راجلك مهما دارتلك هو يعيا و يولي و يروح الزعاف و يبان الصح من بعد و عجوزك الله يهديها و انت حاولي تفهمي راجلك بالسياسة و هو مالازمش يحكم عليك بلا ما يسمع منك و منها المهم انت ما تزيديش الطين بلة و تجبديله قاع واش دير يماه
اصبري و ربي يفرج عليك يقولو ( ان الله يظهر الحق و لو بعد المدى ) يجي النهار وين تتكاكى و تعرف واش راها دير و الله يعينك

رد: الله ينورلها حياتها اللي تفيدني

رد: الله ينورلها حياتها اللي تفيدني

رد: الله ينورلها حياتها اللي تفيدني

قال BLEU PEARL:

السلام عليكم يا أختي ماراكيش الأولى وماكيش التالية
وش نقولك الرجال كامل هكذا يماهم يماهم
أنت ماغلطتيش مي نوصيك ايااااااك واياااااااك تجاوبيها ولا تقطعي فيها ولا تشتكي منها لزوجك ولا غيرو لأنو مكاش الي يحبلك الخير اباغ يماك وباباك
الناس الي تفرغيلهم قلبك يدورو عليك
وراجلك بعديه على دوك المشاكل
وعجبتيني كي قلتي نقولو اشريلها ووو....
شوفي ابقاي تربحيلها فالملاحة مش لوجهها ولا وجه راجلك لوجه ربي
كي تروحي لعندها احكمي روحك وكيما نقولو غير رضيها وقوليلها انعم يما
شوفي باه راجلك يتيقن بلي انت صح مليحة كي تخرجي تقضي معاه اشريلها لحاجة المليحة جبة شابة وخيمار وبارفان المهم قيس مصروفكم كل مرة وغلفيهم ودخليهم فيدك في عيد ميلادها كرميها يقاطو وهدايا حتى وتبقى فعقليتها خلي ديما الملاحة من عندك تعيا ويلين قلبها
المهم انت عايشة وحدك تهنيتي الحمد لله
اختي ننصحك من قلبي اياك واياك تعانديها وتسمعي لروحك وانت زعفانة خليها لربي
وتهلاي فروحك وفزوجك
وربي يهنيكم​

إضغط للتوسيع...

شكرا اختي الفاضلة تآجرين انشاء الله على النصيحة والله المورال راه فالزيرو من نهار الجمعة مافاتتليش لقمة ربي يجيب الخير

رد: الله ينورلها حياتها اللي تفيدني

قال حيلتي في حسن نيتي:

يا أختي الله يهدي عجوزك و انت ماراكيش ظالمة سوء تفاهم برك انا نصيحتي ماتهدريش حاجة ماشي مليحة على عجوزك قدام راجلك مهما دارتلك هو يعيا و يولي و يروح الزعاف و يبان الصح من بعد و عجوزك الله يهديها و انت حاولي تفهمي راجلك بالسياسة و هو مالازمش يحكم عليك بلا ما يسمع منك و منها المهم انت ما تزيديش الطين بلة و تجبديله قاع واش دير يماه
اصبري و ربي يفرج عليك يقولو ( ان الله يظهر الحق و لو بعد المدى ) يجي النهار وين تتكاكى و تعرف واش راها دير و الله ظيعينك

إضغط للتوسيع...

شكرا ربي يجازيك اختي ياربي يبان الحق

رد: الله ينورلها حياتها اللي تفيدني

قال لؤلؤة قسنطينة:

السلام عليكم
ربي يهنيك ختي لعزيزة وربي يفرج عليك
اولا ختي لعزيزة لازم تعرفي بلي في العالم هادا كاين المئااات لي راهم يعانيو، نتي على الاقل عندك دارك تروحي ليها وعندك عجوزتك تبعتلك لمعاير وكلشي، كاين صدقيني لي ساكنة معاهم ويضربوها وماعياو يسيقو بيها الدروج تجي تحل خزانتها تلقاهم جبدولها حوايجها يلبسوهم بالاشهر ويقطعوهم وكلي يقولولها اخبطي راسك في الحيط، ماش قاعدة نقولك حالتك ساهلة ولا بصح قاعدة نبينلك بلي كاين نقاط ايجابية في مشكلتك لازم تغتانميها، شوفي كاين عدة حلول لمشكلتك اولا بالاكي تقيسي عجوزتك ولا توصلي تسبيها خاطر الام تعتبر حاجة مهمة عند الزوج ومايرضاهاش تتقاس ولو كانت ظالمة ومانظنش اصلا راكي رايحة توصلي لهاد النقطة خاطر قريت في موضوعك بلي حتى نتي تحبي يماك وكيما تحتارميها ماش حابة تقللي احترام مع عجوزتك وهادي نقطة مليحة
وتبين بلي نتي بنت فاميلية ومتربية وخاطيك المشاكل، درك اول خطوة لازم تبعيها هي مصالحة مع عجوزتك، العجوزة مهما كانت تبقى ام وعندها قلب علابالي كاين لي مايحبسها والو ومهما واش ديري معاها ماترضاش بصح نتي جربي زهرك، النية الطيبة والمبادرة الحسنة دايما تغلب ان شاء الله، نتي حاولي تشري هدية لعجوزتك تروحي تزوريها وتحكي معاها بينك وبينها بلا تدخل زوجك يعني كلي بنت مع يماها خاطر كن تدخلي راجلك في النص كلي تعتابريه واسطة في النص على عكس كي تروحي وحدك باه تبيني كلي المبادرة من طرفك ماش من طرف راجلك، وتقدري حتى تطلبي من راجلك المساعدة في اختيار هدية وتبينيلو بلي تحبي يماه وحابة تصالحيها وروحي احكي معاها فهميها بلي نتي ماش تكرهيها ولا بالعكس مادابيك تتاخذيها ام تانية ليك واذا فرغت قلبها فيك معليش اسمعيلها وحاولي تكوني ذكية في تعاملك معاها وقوليلها نبداو صفحة جديدة، اذا رضات معليش واذا مارضاتش وتوصلت تسبك ولا تطردك اخرجي بلا ماتردي عليها، درك اذا مانجحتش الخطة هادي عندك طرف آخر لازم تربحيه وهو زوجك، راجلك مالازمش تكوني معاه عنيدة خاطر الرجل يكره كره شديد المرأة لي تخشن راسها وتقولو انا وانا دارولي ويماك وغلطت في حقي وراك معاهم ولا راك معايا اتجنبي هاد الامور، راجلك لازم تكوني معاه ذكية ماش عنيدة حاولي تكسبيه بينيلو بلي عمرك لا تكرهي يماه ولا ناويتلها الشر استفسريه في امور مثلا قوليلي واش تحب يماك كهدية ولا كأكل نديولها حاجة معانا حاولي تدخليه كطرف للوصول لحل لهذه المشكلة، اما آخر واهم حل هو الصبر والدعاء، قد ماتصبري وتقابلي السيئة بالحسنة والله ربي يجازيك على حساب قلبك كاين لي آذاوها وسكتت وحملت كي عداو سنوات اعتارفو بيها وقالولها نتي بنت عايلة خاطر الحق عمرو لا يتخبا، وتاني ماتنسايش الدعاء في السجود ولا في جوف الليل ادعي ربي يفرج عليك ويحنن قلب عجوزتك عليك ويصلح زوجك ويكون ليك سند (اكيد ماش ضد يماه) لكن يتفهمك فقط، اصبري فقط اختي خاطر تباتي مظلومة ولا تباتي ظالمة وزيد جاتك من ام زوجك كن صديقتك نقولك اقطعي علاقتك بيها لكن الام تاعو راهي جنة ليه ودعوة شر منها ليه تخليه يندم، مالا حاولي تكوني كي الميزان توفقي بين راجلك وعجوزتك وربي يسهلك كل خير ان شاء الله، وزيدي اسمعي لآراء باقي الاخوات يقدرو يفيدوك
بالتوفيق ان شاء الله
​

إضغط للتوسيع...

ماشاء الله كلامك موزون و نصيحة اجمل واستفدت بزااف منها....لكن بغيتك تعرفي علياصوالح:انا ماللي تزوجت ماهدرتلهش على امه و هاد المره حتى مين زعف عليا قتلو مادرتلها والو و ماشنفتش يعني ماهدرتش العيب....و حاجة اخرى انا هي تجرح وانا نقولها ماعليش سمحيلي و انا نعرفها حنينة و تربت يتيمة بصح صفة النفاق فيها انا بغيت نكونو عايلة وحدة مارانيش من نوع اللي يبغو يبعدو الابن على والديه بالعكس انا نقوله هادي عيب ديرها و هادي صح و كي تدخل عليهم اضحك .....انا هاد لمرة غير سمعت حماتي مرضت و هي تسكن شوية حدايا والله غير تقلقت و قتلو اشريلي صوالح ندخل عليها على رغم هي قاع ماتسقسيس عليا ...المهم انا طلبت السماح بصح راني باغية الطريقة تكون شابة ومميزة باش لقلوب تصفا والله مانقدر نعيش نورمال و انسان زعفان مني

رد: الله ينورلها حياتها اللي تفيدني

رد: الله ينورلها حياتها اللي تفيدني

حبيت نسقسيك سؤال علاش راكي تروووحي عندها أصلا ....مراهي لا امك لا خالتك و كل ما تروحي ترجعي بمشكل كبير من الأفضل تبعدي وتشدي دارك و يا دار ماجاك شر
راني حاسة بيك عندنا كيفهم في لافامي الحل الأول قطعيهم مي متمنعيش راجلك منهم بغا يروح يروح هديك امه اما نتي متتحاسبيش عليهم علاش كل مرة مرضة روحك و تروحي
حاجة زاوجة نتي أصلا معلابالكيش بروبلام لي عندها معاك و هي مجرد غيرة ممكن منها او بناتها قالولها كلام ربي يهديهم و ادا نتي عارفة بلي مدرتي والو متروحي متضطري تطلبي سماح و تولفيهم على الطبيعة هدي و وكلي ربي صباح و عشيا... ربي يعدهم عليك
بزاف يقولك عامليها مليح و مراناش ضد هدي النقطة اما تطلبي السماح بلا غلطة اليوم و غدوا يجي نهار تندمي ..مرانيش نحكي من عدم نحكي على حياااااتي .....كاين ناس من ناس كاين ناس لي يضروك اليوم و بالحنانة تجيبيهم وكاين ناس قلبهم اسود اليوم و غدوا و لي بعده ميتبدلوش انت ادرى بيها و بحياتك واش طبقي درك و راجلك سيي قعدي معاه قليله فهمني المشكل لي نايفتني عليه واش هو و بالحنانة خليه يهدر متتعصبي متبكي ..تفرج بادن الله و متعييش روحك معاهم ..عباد تخمم على الجنة و عباد لاهية بالمشاكل و تفرق بين الديار ...

رد: الله ينورلها حياتها اللي تفيدني

قال Hiba habouba:

حبيت نسقسيك سؤال علاش راكي تروووحي عندها أصلا ....مراهي لا امك لا خالتك و كل ما تروحي ترجعي بمشكل كبير من الأفضل تبعدي وتشدي دارك و يا دار ماجاك شر
راني حاسة بيك عندنا كيفهم في لافامي الحل الأول قطعيهم مي متمنعيش راجلك منهم بغا يروح يروح هديك امه اما نتي متتحاسبيش عليهم علاش كل مرة مرضة روحك و تروحي
حاجة زاوجة نتي أصلا معلابالكيش بروبلام لي عندها معاك و هي مجرد غيرة ممكن منها او بناتها قالولها كلام ربي يهديهم و ادا نتي عارفة بلي مدرتي والو متروحي متضطري تطلبي سماح و تولفيهم على الطبيعة هدي و وكلي ربي صباح و عشيا... ربي يعدهم عليك
بزاف يقولك عامليها مليح و مراناش ضد هدي النقطة اما تطلبي السماح بلا غلطة اليوم و غدوا يجي نهار تندمي ..مرانيش نحكي من عدم نحكي على حياااااتي .....كاين ناس من ناس كاين ناس لي يضروك اليوم و بالحنانة تجيبيهم وكاين ناس قلبهم اسود اليوم و غدوا و لي بعده ميتبدلوش انت ادرى بيها و بحياتك واش طبقي درك و راجلك سيي قعدي معاه قليله فهمني المشكل لي نايفتني عليه واش هو و بالحنانة خليه يهدر متتعصبي متبكي ..تفرج بادن الله و متعييش روحك معاهم ..عباد تخمم على الجنة و عباد لاهية بالمشاكل و تفرق بين الديار ...

إضغط للتوسيع...

رد: الله ينورلها حياتها اللي تفيدني

قال حياتي ابنتي:

ماشاء الله كلامك موزون و نصيحة اجمل واستفدت بزااف منها....لكن بغيتك تعرفي علياصوالح:انا ماللي تزوجت ماهدرتلهش على امه و هاد المره حتى مين زعف عليا قتلو مادرتلها والو و ماشنفتش يعني ماهدرتش العيب....و حاجة اخرى انا هي تجرح وانا نقولها ماعليش سمحيلي و انا نعرفها حنينة و تربت يتيمة بصح صفة النفاق فيها انا بغيت نكونو عايلة وحدة مارانيش من نوع اللي يبغو يبعدو الابن على والديه بالعكس انا نقوله هادي عيب ديرها و هادي صح و كي تدخل عليهم اضحك .....انا هاد لمرة غير سمعت حماتي مرضت و هي تسكن شوية حدايا والله غير تقلقت و قتلو اشريلي صوالح ندخل عليها على رغم هي قاع ماتسقسيس عليا ...المهم انا طلبت السماح بصح راني باغية الطريقة تكون شابة ومميزة باش لقلوب تصفا والله مانقدر نعيش نورمال و انسان زعفان مني

إضغط للتوسيع...

رد: الله ينورلها حياتها اللي تفيدني

ياطفلة اخطيهم ماتروحيش ليهم راكي تحوسي تديري المشاكل لروحك تاكدي مايرضاوش عليك حتى تديري وش تديري وماتخلطيهمش اجبدي باش مايحرشوش راجلك عليك انتي راكي محظوظة عايشة فوهران يعني تقدري تروحي وتخرجي لاماكن اخرى علاش راكي تروحي لعجوزتك وماتهدريش لراجلك عليهم بزاف يعني عادي وتيقني يقين تام انهم مايرضاوش عليك ماتحلليهمش وديري قيمة لروحك وقوي شخصيتك وماتخليهم يتدخلو فخصوصياتك وماتحوسيش على الزعاف راكي حامل حافظي على حملك وتاكدي انك مدام تخالطيهم بزاف مدام يأذوك بزاف وخصوصا لو حرشو راجلك.لبنات يحلمو باش يديرو ديار وحدهم باش يبعدو المشاكل وتحررو وانتي راجعة ليها خوذي نصيحة مجربة.

رد: الله ينورلها حياتها اللي تفيدني

قال لؤلؤة قسنطينة:

سامحيني ختي هبة بصح مانوافقكش على كلامك
نتي قلتي شدي دارك مايجيوك مشاكل،يعني ماشي ميجوكش هما ادا حبو يجو يا لون تكوني في نهاية العالم مي تخفف منهم احسن لانها هكدا مع نهاية تطفر فيها وحدها كاين لي بعيدة عليهم من ولاية لولاية ويجيوها لدارها ويمرضوها
حنا مشكلتنا انو كي يواجهنا مشكل نقطعو العلاقات طولماشي تقطع مي هي تعرف معامن راهي و عقليتهم و اخلاقهم ..كاين لي تنفع معاهم مواجهة و كاين لي لالا انا نفضل المواجهة منكدبش يقعدو كامل و تقوللها يما عندك مشكل معايا غبنت و دايراتك في مقام يما هدا امر مفروغ منه ..بصح ادا الأخت متقدرش تواجه احسن ما كل مرة تروح و يصرا مشاكل تحبس كثرة الروحات و الجيات من مناسبات و لا مرة على مرة عادي لانه ماشي واجب عليها زيارتهم واجب على راجلها برك رحم تاعه هو و ليست هي تروح او لالا معندهاش اثم وهادا خطأ عندك مشكل حلي المشكل وحدوعلى حساب الطرف التاني كفاش داير
كاين غصن معوج نسقيه ونرتبو حتى ينبت ماش نقطعو ولا نقطع جذع الشجرة كاملة
وماتنسايش هادي راهي ام راهي هي بجل على ولدها من مرتو، مارانيش ضد الاخت وعلابالي بمعاناتها
بصح هي راجلها لقاتو واجد ويماه 25 سنة وهي تتعب عليه وتصبر على مصايبو ونهار يجي دورها
تتقلق نطيشوها؟؟ معاك و ماشي معاك ..اسفة بصح انا شفت حاجة تانية تبقا ام و ام حقودة لي تحب ولدها مهما كان متضرهاش و تخسر دارها و لي عندها بنات تحن على بنات الناس كما تدين تدان لا ماش هكا مهما ولو فيها العيوب السبعة تبقى يماه وتبقى تطلب منها السماح ولو مظلومة هنا ضدك ..نقولك محكيتش من عدم اليوم تطلبي سماح يوالفو علاش تطلب سماح ضرتها دربتها علاش تكبر و نفسيتها مريضة ..مغلطتش متطلبش السماح في نفس الوقت متاديهاش ملازمش نكونو بدرجةيعني حنان لي نلقاو رواحنا رحنا للغباء بطريقة أخرى ....اليوم غدوا عام و رجعيلي خبر ترجع والو و ماشي هي لي تعاني أولادها لي يعانو ..كي يرجعو يروحو يولو يحتقروهم و اكيد نقولك هي تعرف معامن راها و حتى و هكدا لما تسمعي مشكلة من طرف و من زوج اطراف ماشي كيفكيف
لازم نتعلمو من رسولنا الكريم اهل مدينتو دارو فيه لي مايتندارش وعمرو لا حقد عليهم ولا فقد الامل منهم قلتيها رسولنا الكريم منجموش نكونو كيفه
والجزء لي لونتهولك بالاحمر كان اكبر دليل على كلامي خاطر قلتي "ناس" والناس يبقاو برانية بصح الام قلتلك حكيت على روحي ..شفت قصتها و قستنا تتشابه في حاجات انا جداتي او عماتي نعتبرهم الناس احسن هدا قلب تسامحي اليوم و غدوا يجي نهار تكرهي
عندها معاملة خاصة نتي قلتيلها مارهي لا يماك ولا خالتك صح، بصح راهي ام اعز شخص على قلبها وهو راجلها حوست عليها مهما ام متاديهاش و جامي جامي توصل كلام ليه امك عملتلي مهما كان بصح هي انسان تاني ماشي غير عجوزتها لي انسان هي تحس تتالم تبكي
واذا خسرتها تخسر راجلها، مالا نظن قطع العلاقات ماش حل بالعكس لازم تتقرب ليها اكثر باه تربحها في صفها
واعتذر على تدخلي لا عادي بالعكس نفرح نلقا ناس كيفك ممكن غالطة انا ولا انتي كما قلتي كي نحكو و نواجهو نعرفو اخطائنا
تحياتي :regards01:
​

إضغط للتوسيع...

و نقول للاخت صاحبة المشكلة مكانش لي يحلهالك كما نتي تحليها تعرفيهم كامل حوسي الأسباب و علاش لا قدر الله كان الحل تنقصي الزيارات ممكن او بلاك تبدلي المعاملة معلاباليش ممكن تولي تهديها حجات نتي جربي جربي جربي كل الحلول و دعي ربي يحنن قلبها نتمنى متوصليش انك متروحيلهمش بصح في هدي الدنيا توقعي أي حاجة أي حاجة أي حاجة ...و كل هدو المشاكل تبقا فيهم قضية اخلاق
و نقولك حاجة قالتهالي اختي نعاملوهم باخلاقنا منسبوهمش و مدابزوش معاهم بصح منحبوهمش ولا نقدر نسلم عليهم و لا نقدر نضحك معاهم ..نتي من هدي الجملة تنفعك البديا عامليهم باخلاقك ماشي باخلاقهم .......ادا كنتي صبورة غلقي ودنك خليها تحكي بلا بلا بلا بلا
و نقولك تفرج تفرج تفرج .امتحان من عند ربي و ادا شفتيها نغلقت في وجهك عرفي بلي ربي راح يحلك الف باب غير صبري

رد: الله ينورلها حياتها اللي تفيدني

اختي أنا ننصحك ديري قيما لروحك هذه نصيحة عن تجربة وماتحليش على حاجة ما درتيهاش ويروح زمان وتولي ليك اما عن زوجك اذا كان يعرفك صح يعرف شكون ظالم وربي معاك لأني حاسا واش راكي تعاني
أنا يا اختي كي نكون رايح لعجوزتي نحس راني رايح لحبس .............*

رد: الله ينورلها حياتها اللي تفيدني

قال Amel Timida:

اختي الصبر مفتاح الفرج​

إضغط للتوسيع...

عندك الصح اختي

رد: الله ينورلها حياتها اللي تفيدني

قال Hiba habouba:

حبيت نسقسيك سؤال علاش راكي تروووحي عندها أصلا ....مراهي لا امك لا خالتك و كل ما تروحي ترجعي بمشكل كبير من الأفضل تبعدي وتشدي دارك و يا دار ماجاك شر
راني حاسة بيك عندنا كيفهم في لافامي الحل الأول قطعيهم مي متمنعيش راجلك منهم بغا يروح يروح هديك امه اما نتي متتحاسبيش عليهم علاش كل مرة مرضة روحك و تروحي
حاجة زاوجة نتي أصلا معلابالكيش بروبلام لي عندها معاك و هي مجرد غيرة ممكن منها او بناتها قالولها كلام ربي يهديهم و ادا نتي عارفة بلي مدرتي والو متروحي متضطري تطلبي سماح و تولفيهم على الطبيعة هدي و وكلي ربي صباح و عشيا... ربي يعدهم عليك
بزاف يقولك عامليها مليح و مراناش ضد هدي النقطة اما تطلبي السماح بلا غلطة اليوم و غدوا يجي نهار تندمي ..مرانيش نحكي من عدم نحكي على حياااااتي .....كاين ناس من ناس كاين ناس لي يضروك اليوم و بالحنانة تجيبيهم وكاين ناس قلبهم اسود اليوم و غدوا و لي بعده ميتبدلوش انت ادرى بيها و بحياتك واش طبقي درك و راجلك سيي قعدي معاه قليله فهمني المشكل لي نايفتني عليه واش هو و بالحنانة خليه يهدر متتعصبي متبكي ..تفرج بادن الله و متعييش روحك معاهم ..عباد تخمم على الجنة و عباد لاهية بالمشاكل و تفرق بين الديار ...

إضغط للتوسيع...

ياختي شكرا والله راني نروح مانبغيش القطيعة وهادي امو و سعادتي مرتبطة بيها يعيا الراجل يبغي المرا بصح كي تجي في والديه يحبس قلبه و يخدم عقله انا من النوع اللي نضحي بسعادتي علا جال الناس ونقول يجي نهار نلقى الخير و ربي راه يشوف رغم اني ندليييييييييت بزاف مي معليش نرقد مظلومه و مانحطش راسي علا لمخدة وانا ظالمة .اختي الله يهدي العباد هادا مانقولو

رد: الله ينورلها حياتها اللي تفيدني

قال لؤلؤة قسنطينة:

سامحيني ختي هبة بصح مانوافقكش على كلامك
نتي قلتي شدي دارك مايجيوك مشاكل، كاين لي بعيدة عليهم من ولاية لولاية ويجيوها لدارها ويمرضوها
حنا مشكلتنا انو كي يواجهنا مشكل نقطعو العلاقات طول وهادا خطأ عندك مشكل حلي المشكل وحدو
كاين غصن معوج نسقيه ونرتبو حتى ينبت ماش نقطعو ولا نقطع جذع الشجرة كاملة
وماتنسايش هادي راهي ام راهي هي بجل على ولدها من مرتو، مارانيش ضد الاخت وعلابالي بمعاناتها
بصح هي راجلها لقاتو واجد ويماه 25 سنة وهي تتعب عليه وتصبر على مصايبو ونهار يجي دورها
تتقلق نطيشوها؟؟ لا ماش هكا مهما ولو فيها العيوب السبعة تبقى يماه وتبقى تطلب منها السماح ولو مظلومة
لازم نتعلمو من رسولنا الكريم اهل مدينتو دارو فيه لي مايتندارش وعمرو لا حقد عليهم ولا فقد الامل منهم
والجزء لي لونتهولك بالاحمر كان اكبر دليل على كلامي خاطر قلتي "ناس" والناس يبقاو برانية بصح الام
عندها معاملة خاصة نتي قلتيلها مارهي لا يماك ولا خالتك صح، بصح راهي ام اعز شخص على قلبها وهو راجلها
واذا خسرتها تخسر راجلها، مالا نظن قطع العلاقات ماش حل بالعكس لازم تتقرب ليها اكثر باه تربحها في صفها
واعتذر على تدخلي
تحياتي :regards01:
​

إضغط للتوسيع...

فعلا انا نتمشى علا هاد الطريق انا ماللي جيت مادرت مشكل ما رفعت صوتي كنت عايشة معاها مانخليها دير والو وقاع تجرحني مانوصلش لهدرة لولدها و انا كيما مانبغيش علا والدتي حتى هي مانبغيش عليها انا والله قعدت ندعي في ربي باش قلبها يحن من جيهتي و تعرف قيمتي

رد: الله ينورلها حياتها اللي تفيدني

ممممممممممممممممممممممم بصح على حساب مشمت من ترضى الدل مرة لسعادة الناس غدوا يوالفوك و ترجعي لا شيء ماشي نحطمك بصح راكي دايرة قانون خاطئ لكل شيء حدود .............عندك حل روحي و لما تعيط ديري روحك متسمعيش او متروحيش او ناقشيها في الامر اما باش تندلي تاكدي متضريش نفسك تضري ولادك
و اكيد متضلميش
مبغيتش نحط حكايتنا لانه مرات كنت نحط شويا بصح درك نخليها في القلب خير ما كل ما نتفكر نوض نبكي في اللمة ههههههه بكية تاع الضحك
المهم تعلمت أمور منها و نقولهملك مي انتي ديري بعقلك وشخصيتك يعني هنا نحكو نحكو نحكو مع تالي كامل واش قلنا ممكن تستفادي او لالا ..اعتبريها مجرد فضفضة
المهم عمرك متدلي روحك مهما كانت ام زوجك غدوا تحكمها عزة النفس و رواحي نتي و سلكيها ترجع تضلم و تضحك ..مرض هدا توالف يوم يومين صعيبة
تانيا اولادك اليوم تسكتي على الظلم تكبريهم يسكتو و يخافو و قادرة تعقديهم لالا كبيريهم ميضلموش بصح عندهم راي و ميسكتوش للظلم و كاين 10000 حل بلا متقطعي الرحم
3/راجلك كي يسقسيك قوليله مكان غير الخير معاها
و دايما دعي ربي و القطيعة للزوج ماشي ليك حوست عليها لانه انت ماشي منهم متتحاسبيش بصح متمنعيهش و كما نقولو بعد على الشر و غنيله
و متنسيش حوسي على السبب علاش تدير هكدا
كاين ناس يتنكسبو باللسان الحلو من تجربة اختي قالتلي بلسان الحلو نقضي صالحتي و كاين عباد يخص تكون عندك تقة في نفسك انت معامن راكي خدمي على حسابهم

تفرج بادن الله

رد: الله ينورلها حياتها اللي تفيدني

قال لؤلؤة قسنطينة:

والله يا اختي بلا تذكريلي والو اصلا في ردي السابق قبل مانسمع عليك والو قتلك راكي بنت فاميليا خاطر الشي لي ماترضايهش ليماك ماترضايهش لعجوزتك
وصدقيني ماكانش انسان يمشي بنيتو ومايديش اجر عليها اذا ماش في الدنيا تديه في الآخرة، وكلامي لي قتهولك تاع بالاكي تزيدي هدرة ولا تخشني راسك مع
راجلك كانت نصائح عامة ماش نقصدك نتي بالذات خاطر كن جيتي ماش متربية كن راكي من زمان سبيتيها ولا قطعتي علاقتك بيها كيما يدير باقي الشعب
وكيما قتلك البارح مشكلتك فيها نقاط ايجابية لازم تغتانميها خير ماتشوفي للنقاط السلبية كيما قلتي عجوزتك حنينة وتربات يتيمة يسمى اليتم هاداك تفرغو
في ولادها، علابالي حالتك صعبة بصح اي ام في الدنيا هادي مهما واش يديرلها ولدها تغير من زوجة ابنها كاينة لي ماتبينش وكاينة لي تبين وماتقدرش تتحمل
خاطر تشوف ولدها تعبت باه تجيبو للدنيا وسهرت عليه نهار كان مريض ونهار كان يقرا وكان حتى لي خرجت تخدم على جالتو وفي الاخير تشوفو يروح عليها
ويفضل مرأة اخرى ويشريلها دار وينفصل عليها علابالي من حقو بصح قلب الام هادا ماعندنا مانديرو، درك اتخيلي بنتك برك تغيب عليك يوم تهبلي فمابالك
براجل سنين وهي تربي فيه، على هادي لازم تتحمليها واذا حابة تصالحيها كيما قتلك اضربي عصفورين بحجر واحد قولي لراجلك حابة نصالح يماك وحابتك
تساعدني باه نختارلها هدية تفرح قلبها صدقيني وحدو يولي يصرف ويشريلك اجمل هدية ويرضى عليك في نفس الوقت خاطر راكي تتقربيلو من احب شخص
على قلبو + كي تروحي تقدمي الهدية لعجوزتك وتصالحيها روحي وحدك واهدري معاها بينك وبينها باه تبينيلها بلي المبادرة من عندك ماش من عند راجلك
خاطر كن تدخلي عليها نتي وراجلك وهدايا تقولك هو لي سيف عليها تجي ودراهم بني لي يشريو في الهدايا وكلشي مالا روحي وحدك ولا كان شريتيلها مثلا
قندورة ولا قوليلها راني خيرتلك اللون هادا خاطر شباب ويخرج عليك باه تحسسيها بلي بذلتي جهد باه تفرحيها على هادي قتلك كوني ذكية معاها
اذا رضات الحمد لله وتتصلح الامور واذا لالا على الاقل ضميرك مهني وصددقيني ختي يجي نهار تستعرف بيك كاين لي نعرفهم سنين وهي مرمدة وجا نهار
وقالولها نتي كنز وماعرفنالوش قيمتو، يعني اربحي آخرتك وواش عندك في الدنيا وزيد اربحي مستقبلك باه مايتوصلش ولدك ولا بنتك ولا كنتك خطرة خلاف
يعاملوك بالاسوء يعني بيها اربحي دنيتك وآخرتك وراجلك، وكتري الدعاء واصبري ومايكون غير الخير خاطر حاسة كاين امل في حكايتك وان شاء الله خير
بالتوفيق
​

إضغط للتوسيع...

بوركت اختي الكريمه......انا من النوع اللي لوكان مانحلش مشكلة نمرض...وفعلا عادة ثلات ايام مريضة ماناكل مانضحك بصح راجلي صالحني قبيلة وقالي كبري قلبك و كي تسمعي حاجة ديري روحك ماشي عليك قتله انا امك نبغيها وعلى عيني و نخدمها بقلبي المهم ترضى عليا...فرح بززززاف و قالي تروحي عندهم مع لحشية قتلو نروح ونبات زاد فرح:yahoo01:المهم كي جيت كانت عزوجتي و شيخي و حماتاتي و حمايا حاضرين رحت جمعت حداها بجلابتي و سلمت عليها و عنقتها و قتلها بنتك غلطت و جات تطلب السماح فرحت وقاتلي راك مسامحة:bravo01ههههههههههههههه علا الرغم هي اللي غلطت ...ماعليش)قاتلي اقلعي اجابتك و شربي القهوة معايا......وضرك راني بايتة عندهم