رومنسية الرجل الجزايري تحت المجهر

لاريمان · 24 جويلية 2016

في كثير من المرات نصادف تعليقات على الرجل الجزايري والرومنسية اثنان
وبزاف مرات نلقاو الزوجات يشكيو من جفاء الزوج وانه تبدل
واش يبدل الزوج قبل ولا بعد....
ممكن تكون المسؤولية الجديدة تخليه يتبدل وينظر للامور بزاوية اخرى عكس المرأة بطبيعتها انها جنس لطيف
هل الجزايري ميقدرش يحكم ريتم واحد في تعامله مع حواء
علاه ديما لما يقارنو الجزايري مع الشرقي نلقاو الشرقي يتفوق على ولاد لبلاد
هل طبيعة المجنمع كل واحد فيهم هي من تتحكم في المشاعركل واحد
خليونا ننزلوا لارض الواقع
الشاب الجزايري راهو روميو يقدر يربط قداه من علاقة في ان واحد ويتحكم فيها حتى يجي على راسو
الزوج يقدر يعبر عن مشاعره في الحرام وبدون خجل لكن مع زوجته تلقاه سي السيد امر طبق
بلامنطول واش رايكم في الجزايري له علاقة بالرومنسية ولا لا وان ما يقال عنه اشاعات
تحية لمن يمر ويرد

Skor m@k · 24 جويلية 2016

رد: رومنسية الرجل الجزايري تحت المجهر

السلام عليكم
واش من رومنسية محسوب النساء عندهم رومنسية تاع لميس ولا كاساندرا
كل واحد وعقليتو ولا ينوض صباح ربي الواحد مزوج وهي تبدا تغلي فوق راسو
ممبعد يقولك رومنسية مليح هي تقولو سكني وحدي يا وجه الشر
وهو يقوللها أحبك وانا اعشقك ويبدا الشعر ويغني لغنا تاع حسني
اياو بركاونا الرومنسية عندها وقتها ولا بغيتو كل دقيقة
وعلاه انتم معشر النساء علبالكم لي ماعندوش رومنسية مايحبش
كل واحد وعقليتو
بصح بيناتنا واش معنتها الرمنسية انا مفهمتهاش
الى كاش واحد فاهمها يقولي
مرانيش عليك ختي راني نهدر علي لي يقول مكاش رومنسية هههه
شكرا لك اختي

يونس قاسم · 24 جويلية 2016

رد: رومنسية الرجل الجزايري تحت المجهر

الجزائري و الجزائرية لا علاقة بالرومنسية

ضآحكة مستبشرة · 24 جويلية 2016

رد: رومنسية الرجل الجزايري تحت المجهر

السلام عليكم
شكرا لك اختي على الموضوع

هههه يآ ختي انا منكذبش عليك و الله معلبالي واش هي الرومنسية هاذي خلاص
لا المرأة و لا الرجل الجزائري يتمتعان بها
المرأة تريد ان يكون الزوج لطيف و حنون و ذو كلام غزل .....ااه
و الرجل يكره المرأة كثيرة الكلام المعسول
كل حاجة عندها وقتها و كذلك الرومنسية لها وقتها و مكانها

كلا الطرفان يتفقدان لها

هههه و الله راني غير نخرط معلباليش خلاص واش راني تقول
عالعموم بارك الله فيك على الموضوع

ماكانش · 24 جويلية 2016

رد: رومنسية الرجل الجزايري تحت المجهر

كل واحد وكفاه، لكن الاكثرية لاعلاقة وهو الي خلى الحالة تتتخلط

Hakan · 24 جويلية 2016

رد: رومنسية الرجل الجزايري تحت المجهر

البلاد اللي مافيهاش امراة تقول لراجلها " تؤبرني ابن عمي " ماهيش رايحة تلقاي فيها راجل يقول "يسلملي الخجلان انا " سلام

فيتامين سي · 25 جويلية 2016

رد: رومنسية الرجل الجزايري تحت المجهر

ههههههههههههههههههههههههههههههههههههههههههههههه ................خطا تقني ..خربتيلهم في الوتر الحساس
المهم نجاوبك واد كي يمشي مع وحدة كما قلتي في الحرام معندهمش مسؤووليات ..خرطي و خلاص
اما زوج متزوجين عندهم بزاف أمور يتناقشو فيها أولادهم دار و تبقا عقليات كاين الراجل يعبر بافعاله ماشي يقول و يقول و يقول ميعرفش ..بصح يطبق .....تبقا عقليات تختلف .................................................................................

bilel.dz · 25 جويلية 2016

رد: رومنسية الرجل الجزايري تحت المجهر

المشكل انو الجزائري ميحبش الساهل مثلا كيف يرتبط و يعرف روحوا راح يكمل حياتوا مع زوجتوا ينحي كل الرومنسية من راصوا
لخاطر راح تكرهلوا زوجتوا حياتوا اديا لمن كنتي تقولها و اديا كيفاه و فهمني في اديا و الاكثر من ذلك انوا ادا عبر هو هي تحشم و متردش ليه تولي تسقسي مع انها علبالها بالمعنى و الجزائري مقلاق كيما تعرفوا يعني كلمة كلمتين معجبوش الموضوع يبدلوا وكاين ي ميحبش يعبر باه يدير حدود في زواجوا لخاطر جرب من قبل و شافها حاجة متخرش عليه وهكذا اذا تبعنى راح نلقوه موضوع كبير و مكانش لي راح يعترف انوا الجزائري رومانسي لخاطر الافلام التركية خلات البنات تبني حياة وهمية وكيف متتحقش اك الحياة الاكثر من خيالية الدزيري يخلص

zohor kfz · 25 جويلية 2016

رد: رومنسية الرجل الجزايري تحت المجهر

نحكيلكي على لي شايفتهم
اولهم بابا
يكون في الدار بابا الله يبآآآآآآرك يدلل في الوالدة و شايلها على كفوف الراحة و اكيد بدون كلام رمنسي بصح الافعال تبين انو يحبها من قلب قلبو
لكن منين يخرج لبرا الله تقول راجل واحد اخر ... خفي تمشاي متهدريش عجبتكي هديك الحاجة ديها و سكتي .... اذا مفهمتلو والو
خوتي مكانش لي متزوج
ولاد اعمامي كاين واحد في دار و التاني من دار عمي واحد اخر ... قمة الرمنسة و الله
ممممم اه خوالي الله يبآآآارك حطىن نساهم في عينيهم واش من دلال و واش عز الله يزيدهم اكثر و اكثر
نجي نشوف نسبة الرمنسية في العايلة
عندنا 4 رجال رمنسيين من بين 25 رجل في العايلة

لاريمان · 25 جويلية 2016

رد: رومنسية الرجل الجزايري تحت المجهر

بارك الله يكم على ردودكم
تدخلات قيمة
شكرا لكل واحد باسمو

GI Joe · 26 جويلية 2016

رد: رومنسية الرجل الجزايري تحت المجهر

hh dhahketni ta3 l djinss latiff, leh ya3ni aki tchoufi f les algeriennes ki char9iettes w les europeenes thani?? ghir jib les couches w a9dhi hhh weech raha dir c la vie
haakdek radjel 3andou des reponsabilitès 9abl, w binou bin martou aw ykoun romantique machi godem ness w lemra li tgoul 9abl l mariage kan roma tique hata hia kanet tbyen ghir l positive w lklem lehkow

ميساء سوسو · 12 أوت 2016

رد: رومنسية الرجل الجزايري تحت المجهر

الرجل الجزائري يقدر يعبر على حبو و الرومنسية ديالو بطرق مختلفة ويقدر حتى بالعنف الحلو و هذه هي طبايعو لازم برك لمرا تفهمو وماشي كيما تشوف في الافلام التركية تسنى حنا في الواقع نسيو برك نفهمو الراجل على خاطر واذا حب يحب بقوة

ميساء سوسو · 12 أوت 2016

رد: رومنسية الرجل الجزايري تحت المجهر

و اللله الراجل الجزائري حنين وشنو ما يعرفش يعبر على واش يحس و الرومنسية عندو يعبر عليها بطريقتووهذا هو لي يميزو

رومنسية الرجل الجزايري تحت المجهر

لاريمان

:: عضو بارز ::

Skor m@k

:: عضو بارز ::

يونس قاسم

:: أستاذ ::

ضآحكة مستبشرة

:: عضو بارز ::

ماكانش

:: عضو بارز ::

Hakan

:: مراقب عام ::

فيتامين سي

:: عضو بارز ::

bilel.dz

:: عضو بارز ::

zohor kfz

:: عضو بارز ::

لاريمان

:: عضو بارز ::

GI Joe

:: عضو بارز ::

ميساء سوسو

:: عضو منتسِب ::

ميساء سوسو

:: عضو منتسِب ::

المواضيع المشابهة