هاشتاG راني نشطح ههه

"viola"

:: أستاذة ::
أحباب اللمة
إنضم
9 جويلية 2014
المشاركات
5,855
نقاط التفاعل
24,393
النقاط
851
محل الإقامة
اوساكا..
الجنس
أنثى
السلاام عليكم و رحمة الله و بركاته

وشراكم لابااس ؟؟ و لا مشي لاباس معندي مانديرلكم راناا قااع :d:d

الموهيييييم جيت نقولكم Vيت Vيت على صاحبتي راحت للعرس و ماكتيفيا ال3G و هاناناي -__-

مخلاتش حاجة مصرعتناش بيها

#راها جات العروسة :-o

# هاهم حطو القاطو

مبعد طاقي بنت عمها معاها فالعرس #القاطو يابس ..

و تكومونتيلها الاخرى منهيه ..حاشا النعمة تقوشي مخبيينو مالعيد لول -_______-

#االعريس شباب عليها ..فلانة تشعر بالغيرة ههههه

#هام جابو الطعام -___-

و لي قاتلهم ارقدوا

#راني نشطح على أنغام ديديا :s

مبعد دير تصويرة تاع صنديلتها و نص حبة بقلاوة ..كلاتها مبعد قالت يابس -__-

ملاحظة:البقلاوة دزيرية و بالكوكاو ثان :d

مهم اني بلوكيتها المخلوقة خخخخ

شكرا لكم على حسن الاصغاء و المتابعة ..نلتقي فالطهارة تاع خو أميرة بأخلاقي خخخ

سلام
 
آخر تعديل:
رد: هاشتاG راني نشطح ههه

ههه موضوع زين كي مولاتو
راني نقصد زين العقلية هههه عندك لا تحشمي برك
المهم خيتو الناس اللي عايشة للهاشتاق واللي تبارتاجي كلشي
نقدر نقول مرضى وعندهم عقدة عالم افتراضي
تخيلي يوصل حتى يعيطلك صاحبكفي التيليفون
وانت كي البهلول فرحان عند بالك رايح يسقسيك على صحتك
وهو يقلك :ياخويا مانيش نشوف في الجماجيم نتاوعك وتعلياتك
وهذي صراتلي شخصيا
هذا تقدر تبلوكي الفايسبوك نتاعك على جالو وتقطع النت وتروح تسافر
لكاش قارة مافيهاش الريزو
ميرسي ختيتو ومرحبا بيك انا شخصيا توحشت مواضيعك

 
رد: هاشتاG راني نشطح ههه

السلام عليكم
ههههههههه يخي مهبولة الله يعطيك الربح راكي قاتلتني ضحك هاد اليامات
والله يا امونة مالقينا مانهدرو، درك الناس عادت تروح للعرس تتفرج وتفرح ولا تكونيكتي؟
ولات مرض صح، عدنا نروحو للاعياد الناس زعما تتجمل فيهم وتتلم وكل واحد حاكملي شوكة ولاتي يكونيكتي
زعما نهار العيد واش يكتبو -_- "راني سلمت على خالي" "او خالي عطاني دراهم العيد" هههه
"راهم حطو السينية " "المقرود راهو متصدر في النص ههه" والله تمسخير، كنا ساعات نصورو شوي باه نحتافظو
باللحظات ودرك بقلاوة معضوضة (سورتو لا عاد الطفلة هادي عضتها كبيرة غير ماتنعتش طرف البقلاوة خوفا على
مشاعر الاطفال ههههههه) وساعات تصور صباطها وساعات الكارلاج تاع لاصال، وراني مشيت وراني طحت والتوقاب
وكيما قلتي لي حاضرة معاها تردلها من هيه يجاوبو بعضاكم تما بعد علاه جايين تمرضو فينا -_- ولا مشتاقين هدرة
والله شي يجهل
شكرا فيوليتا على الموضوع راني نولي من بعد اكيد خاطر علاابلي عندهم مايهدرو ناس اللمة هههه
لازم نولي نتوقب على الردود
تحياتي

 
رد: هاشتاG راني نشطح ههه

االسلام علليكم حبيتي "voila"
هذا وان دخلت للمنتدى اول موضوع قريتو ليك قتلني ضحك قلت غير و الله رد
انا من ناس الهاشتاق خخخخ
حبسي حبسي ماشي كلش نجيب طول ماالاخير ههههه
#رايحة للعرس
كاش تقرعيجة فالبريفي هههه
شكرا عالموضوع ازين كيفك
سلآم
 
رد: هاشتاG راني نشطح ههه

ههه موضوع زين كي مولاتو

يزين حالك :d

راني نقصد زين العقلية هههه عندك لا تحشمي برك

هههه وجه الحيا على خاطر خخخ

المهم خيتو الناس اللي عايشة للهاشتاق واللي تبارتاجي كلشي
نقدر نقول مرضى وعندهم عقدة عالم افتراضي

هي ساعات كاين صوالح يتبارطاجاو :p نهرب في روحي من قائمة المرضى برك هه:d

تخيلي يوصل حتى يعيطلك صاحبكفي التيليفون
وانت كي البهلول فرحان عند بالك رايح يسقسيك على صحتك
وهو يقلك :ياخويا مانيش نشوف في الجماجيم نتاوعك وتعلياتك
وهذي صراتلي شخصيا

ههههههههههههههههههه نجمجملك في ذيك الدار خخخ

هذا تقدر تبلوكي الفايسبوك نتاعك على جالو وتقطع النت وتروح تسافر
لكاش قارة مافيهاش الريزو

و الله ماعلابالي علاه بصح كي قريت هذي العبارة جات في بالي تاع لا تتزوج اجمع المال و سافر هههه

ميرسي ختيتو ومرحبا بيك انا شخصيا توحشت مواضيعك


تتوحشك الجنة خيوو مرسي ليييك
 
رد: هاشتاG راني نشطح ههه

السلام عليكم

و عليكم السلاام

ههههههههه يخي مهبولة الله يعطيك الربح راكي قاتلتني ضحك هاد اليامات

:d:p

والله يا امونة مالقينا مانهدرو، درك الناس عادت تروح للعرس تتفرج وتفرح ولا تكونيكتي؟
ولات مرض صح، عدنا نروحو للاعياد الناس زعما تتجمل فيهم وتتلم وكل واحد حاكملي شوكة ولاتي يكونيكتي
زعما نهار العيد واش يكتبو -_- "راني سلمت على خالي" "او خالي عطاني دراهم العيد" هههه
"راهم حطو السينية " "المقرود راهو متصدر في النص ههه" والله تمسخير، كنا ساعات نصورو شوي باه نحتافظو
باللحظات

و الله مرgتها ذاك النهار ...كون دارتلنا بث مباشر خير -__- كي شغل معلابالناش وش يصرا في الاعراس :down:

ودرك بقلاوة معضوضة (سورتو لا عاد الطفلة هادي عضتها كبيرة غير ماتنعتش طرف البقلاوة خوفا على
مشاعر الاطفال ههههههه)

معضوضة ؟؟ممم أضن أن مصطلح منهوشة هو الأصح في حال الطفلة عضتها كبيرة هههه ..مريم لا مفهمتيش منهوشة و الله منقدر نفهمااالك هههههههههههههههههههه

وساعات تصور صباطها وساعات الكارلاج تاع لاصال، وراني مشيت وراني طحت والتوقاب
وكيما قلتي لي حاضرة معاها تردلها من هيه يجاوبو بعضاكم تما بعد علاه جايين تمرضو فينا -_- ولا مشتاقين هدرة
والله شي يجهل

يسمع بيهم مارك يخبط راسو على مسمار هههه

شكرا فيوليتا على الموضوع راني نولي من بعد اكيد خاطر علاابلي عندهم مايهدرو ناس اللمة هههه
لازم نولي نتوقب على الردود
تحياتي


يعطيك الصحة مريهااام زهيتيني هههه
براحتك توقبي و مذابيك اضاربيلنا مع كاش وحدة راه ضايق خاطرنا ههه
سلامي خيتي
 
رد: هاشتاG راني نشطح ههه

فيولا تعرفي ردودي عليك ديما هههه
لي عجبتني الشاب ديديا مليح نعرفو تاع اولاد نايل ولا واحد اخر
المهم حبيت لو كان كملتلك على الماكلة بالاك زايدة ملح و الكسرة مسوس
الله يمسس ايامها هههههه
و ماحكاتلكش كيفاه خلاها خاتشيبها تروح
المهم سلمي عليها
سلام
 
رد: هاشتاG راني نشطح ههه

االسلام علليكم حبيتي "voila"

و عليكم السلاام

هذا وان دخلت للمنتدى اول موضوع قريتو ليك قتلني ضحك قلت غير و الله رد

كثر خيرك هههه نرجعهالك في عرسك ان شاء الله هههه

انا من ناس الهاشتاق خخخخ

اهلا بك ضيفتي العزيزة ..معنا عينة من هذه الحالة النادرة اللي عندو سؤال يتفضل يسألها هههه

حبسي حبسي ماشي كلش نجيب طول ماالاخير ههههه
#رايحة للعرس
كاش تقرعيجة فالبريفي هههه

يا ودي فالبريفي قااع و معليش النسا وش خدمتهم ههه

شكرا عالموضوع ازين كيفك
سلآم

يزين حالك خيتوو ربي يحفضك
شكرا
 
رد: هاشتاG راني نشطح ههه

فيولا تعرفي ردودي عليك ديما هههه

اهلا ..واه واه نعرف خيي ههه شهادتي فيك مجروحة خخخخ

لي عجبتني الشاب ديديا مليح نعرفو تاع اولاد نايل ولا واحد اخر

هو هو تاع انتي هي اللي ساحرتني خخخخ

المهم حبيت لو كان كملتلك على الماكلة بالاك زايدة ملح و الكسرة مسوس

واقيل عجبها الطعاام خخخ

الله يمسس ايامها هههههه

ههههههههههههه :bravo01:

و ماحكاتلكش كيفاه خلاها خاتشيبها تروح

الطفلة بايرة كثر مني وشمن ختشيب مسكينة ههه

المهم سلمي عليها
سلام

وش نسلملك عليها بلوكيتها صايي قلتلها قيم اوفر خخخخ
صحيت يونس خويا نورت
 
رد: هاشتاG راني نشطح ههه

يعطيك الصحة مريهااام زهيتيني هههه
براحتك توقبي و مذابيك اضاربيلنا مع كاش وحدة راه ضايق خاطرنا ههه
سلامي خيتي

ههههههه لالا منهوشة مصطلح عظيم اكيد نعرفو هههه
ماش كيما مالك البارح قالك تبوغرو ولا معرف واش (كي نحب نتفكرها نتفكر البغرير ههه)
بصح قولولي واشوا الهاشتاق هادا؟؟ تابع للفايس بوك ولا كيفاه
انقذي اختك الزوالية لا علم لها بهذه المصطلحات :p
 
رد: هاشتاG راني نشطح ههه

سلام عليكم
و كالعادة اصبري نضحك ههههههه:) هههههه:) هههههه:) كملت الحمد لله :p
ايا نرجعوا للموضوع صح هذوا الناس كاين منهم بزاف انا غربلت قائمة اصدقائي هههههه الحمد لله لانو كان فيها شوية غاشي كيما هكا حتى لحقت وحدة قاتلي متزيديش تحكي معايا مدرتليلش جام :mad: قلتلها هو ليك جام من النوع الرفيع مباشرة الى لا اضدقاء ههههههه ياو كي ينوضوا الصباح مازال مغسلوش وجههم تصورلك القهوة هههههه يعني ادق الاشياء يصوروهم سبحان الله انا نظن هذ الناس عندهم عقدة و لا مخلوعين .... بؤساء :(
المهم هذي صاحبتك غير قوليلها تجري على روحها اذا عاودتي تلاقيتيها
ربي يهديهم و يهدينا ان شاء الله
شكرا على الموضوع بارك الله فيك
تقبلي مروري و تحياتي :regards01:
دمت بود
 
رد: هاشتاG راني نشطح ههه

السلام عليك
ههه قتلتيني بالضحك يا بنت عمي خخخخخخخخخ
و الله صرعونا فالفايس بهذو العفايس أنا لي خلعتني و ركبتلي الحمى وحدة العروسة حاطة منشور كاتبة خلاص راني في دار راجلي هذا وين وصلت :-o
هذي راهي معرسة عروسة في دار راجلها زعمة مشاكيتش
مرات نحس الفايس بوك تعمر مراهقين و مراهقات
يعطيك الصحة على الموضوع الباهي :bravo01:
 
رد: هاشتاG راني نشطح ههه

السلام عليكم

هههه ~ أخبآر على المبآشر ~

بصح مآفهمتش حآجة علآش ديمآ نفس التعليق تع هي العروسة مآجآتش شآبة هههه

~​
 
رد: هاشتاG راني نشطح ههه

ههههه جماعة لي ينشرو قصة حياتهم في المواقع حتى عمي قوقل يسمع بيهم ...
فكرتيني في وحدة درك او طيشتها عليا كانت تاني صارعتني بالأمور هذي وكل مرة تعملي طاق حتى تلعت ولدرك جوجل يشهد عليها هههه غير ما نكتب اسمها يخرجلي الأرشيف معبية قصة عمرها في مليار موقع اهئ اهئ اهئ ...
المهم
# راها رجعت الكونكسيون :p
 
رد: هاشتاG راني نشطح ههه

ههههههه لالا منهوشة مصطلح عظيم اكيد نعرفو هههه
ماش كيما مالك البارح قالك تبوغرو ولا معرف واش (كي نحب نتفكرها نتفكر البغرير ههه)
بصح قولولي واشوا الهاشتاق هادا؟؟ تابع للفايس بوك ولا كيفاه
انقذي اختك الزوالية لا علم لها بهذه المصطلحات :p

هههه اياا ملييح كي تعرفيه :bravo01:

الهاشتاق حسب معلوماتي القصيرة خخخ هو هذااك المربع الصغير لي فيه الحواشي ههه يزيدوه للكلمة باه يصنفو المنشورات و لا مش عارفة
كان مالاول فالتوتر و قوقل + برك مبعد داروه فالفيس و الانستغراام :s
 
رد: هاشتاG راني نشطح ههه

سلام عليكم

و عليكم السلاام

و كالعادة اصبري نضحك ههههههه:) هههههه:) هههههه:) كملت الحمد لله :p

بالشفا عليك خخخ

ايا نرجعوا للموضوع صح هذوا الناس كاين منهم بزاف انا غربلت قائمة اصدقائي هههههه الحمد لله لانو كان فيها شوية غاشي كيما هكا حتى لحقت وحدة قاتلي متزيديش تحكي معايا مدرتليلش جام :mad: قلتلها هو ليك جام من النوع الرفيع مباشرة الى لا اضدقاء ههههههه

هذاك ما ينفع ..و لا البلوك بنكهة الدلاع و تهناي يا الgرعة من حك الراس هههه

ياو كي ينوضوا الصباح مازال مغسلوش وجههم تصورلك القهوة هههههه

ههه ياااإلهي على طريقة فهد العتيبي خخخ

يعني ادق الاشياء يصوروهم سبحان الله انا نظن هذ الناس عندهم عقدة و لا مخلوعين .... بؤساء :(
المهم هذي صاحبتك غير قوليلها تجري على روحها اذا عاودتي تلاقيتيها

اوكي نقولها ههه

ربي يهديهم و يهدينا ان شاء الله
شكرا على الموضوع بارك الله فيك
تقبلي مروري و تحياتي :regards01:
دمت بود

اللهم آميين
مشكوورة الزينة يعطيك الصحة​
 
رد: هاشتاG راني نشطح ههه

السلام عليك

و عليكم السلاام اهلا

ههه قتلتيني بالضحك يا بنت عمي خخخخخخخخخ

هههه

و الله صرعونا فالفايس بهذو العفايس أنا لي خلعتني و ركبتلي الحمى وحدة العروسة حاطة منشور كاتبة خلاص راني في دار راجلي هذا وين وصلت :-o
هذي راهي معرسة عروسة في دار راجلها زعمة مشاكيتش

ها تبرادي :-o و هذا وين وصلت ثان :s

مرات نحس الفايس بوك تعمر مراهقين و مراهقات

ياودي اطفال اvريوار خخخ

يعطيك الصحة على الموضوع الباهي :bravo01:

يسلمك.. صحيتي خيتي نورتينا :-r
 
رد: هاشتاG راني نشطح ههه

هههههههههههههه منجمتش بالضحك
ههههههههههههههههههههههه تخيلي مولات العرس امي معاها ..متخلي فيها والو تاكلها حية
عجبتني الفكرة نسييها ......................هع هع هع
نخمم مع اختي و نديروها و نشوف شا يصرا ههههههههههه..زعما شحال من وحدة تبلوكيني
 
رد: هاشتاG راني نشطح ههه

السلام عليكم

هههه ~ أخبآر على المبآشر ~

بصح مآفهمتش حآجة علآش ديمآ نفس التعليق تع هي العروسة مآجآتش شآبة هههه

~​

و عليكم السلاام

هههه اوااه لازم ..حبيتيهم يقولوا زينة وقيل ؟؟ ماذا عن العادات و الاعراف يا اختاه ؟؟ وش يقولوا علينا الناس هههه

ربي يهدينا و صايي

صحيتي توينكلوو :graduation:
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top