الخدامة و اولادها

زاد الرحيل

:: عضو بارز ::
أحباب اللمة
إنضم
14 جوان 2016
المشاركات
4,624
نقاط التفاعل
8,126
النقاط
996
محل الإقامة
الجزائر
الجنس
أنثى
اليوم كامل النساء يبحثوا على العمل بكل الطرق و تحسبه اهم حاجة في حياتها ، فإذا كانت عازبة معليش ماكانش ورائها مسؤولية و اذا كانت عانس فاتها قطار الزواج يعني كبيرة في العمر معليش تخدم كي عاد الزمان ما يرحمش ، اما إذا كانت سيدة و عندها الاولاد و زوجها عنده مدخول لا بأس بيه فأنا نستغرب كي تتعلق بالعمل و تترك أولادها مهملين اما في الحضانة او عند أمها اللي هي بدورها تقوم بتشجيعها و تخلق بلبلة في البيت تفرح بأولاد بنتها و تحبهم لدرجة الجنون ، و تطرد ا ولا د ابنها على اساس انهم اولاد امرأة غريبة و لا تخليهم وحدهم في البيت و تغلق عليهم الباب .
حكاولي على وحدة تترك ولادها اللي اعمارهم بين 4 سنوات و سنة و نصف في البيت وحدهم نهار كامل ، بالنسبة الي هذي المرأة ماتستحقش تكون ام و راجلها ما يستحقش يكون أب و لو كانوا في الغرب كانوا رايحيين ينزعوا منهم ابنائهم
اما الحالة الثانية فالسيدة تبعد ولاية زوجها عن ولاية والديها حوالي 400 كلم ، تمسكت بعملها و بيان ساكنة عند اهلها بتشجيعهم و تركت زوجها وحيد تروح عنده 3 ايام في الشهر و كل مايكلمها عن رفضه لهاذي المعيشة تقول له ابني يبقا معايا و انتا ربي يهنيك و ماتزيدش تتصل بيا ، اخوها كي رفض هذا التصرف و قال اللي مانرضاهش لنفسي مانرضاهش لغيري ، كامل العائلة عاداته
نستغرب في الرجال نتاع اليوم اللي راحت منهم الرجولة و اصبحوا يبحثوا على المرأة الخدامة بشكل رهيب ، و تركوا اولادهم يترماو في الشوارع و يروحوا لأهلهم من الليل الى الليل . انا في رأيي الراجل نتاع زمان كانت عنده الشهامة و يخدم على زوجته و اولاده و هو رجل البيت اما اليوم اصبحوا رجلين في البيت
 
رد: الخدامة و اولادها

السلام عليكم
تم الاعتماد حبيبتي
وشكرا على الموضوع مع انو تحدثنا فيه من قبل لكن معليش
والله يا اختي درك في وقتنا كل واحد يعيش حياتو كيما حاب وخلاص، خاطر تختلف الافكار بين شخص وآخر
وكن تدخلي في الموضوع هادا ماتخرجيش منو، لأنو كيما قلتي مرأة عازبة تعين والديها وتعين نفسها عادي
مرأة متزوجة تصرف على يتامى ولا راجلها في الفراش معليش، لكن مرأة عندها ولاد وراجل ويقعدو يتمرمدو والله حالة
وحدة من العائلة ماعندهاش 10 ايام ولا 15 يوم من لي ولدت وراهي في جانفي تدخل تخدم اتخيلي ما يجي يلحق جانفي
الطفلة تولي 6 اشهر ولا 5 اشهر اتخيلي في برد الشتاء تخرجها وهي مازالت لحمة طرية محتاجة دفء واعتناء
تولي تطايش من دار لدار صدقيني حتى ولو حطتهم عند يماها وكانت تحبهم ماش رايحين يلقاو كيما حنان الام
درك لي عندها ظروف ولازم تخدم ربي يعينها ولي ولدها مازال في المهد يحتاجها وهي تخرج تحوس ماش حتى تخدم
هاديك نهار تدي التقاعد ماتلقى حتى واحد يونسها ورايحة تعيش نفس الوحدة لي عاشوها ولادها
المهم مانكترش الهدرة بزاف خاطر موضوع حكينا فيه بزاف
شكرا حبيبتي على الموضوع ربي يهنيك
تحياتي
 
رد: الخدامة و اولادها

انا معاكم في الراي
و هكذا حتى الرجال لي فنيانين و ماحبينش يخدمو مايزيدوش يتحجو و يقولو النساء راهم كامل بلايص الخدمة تاعنا
هو الله لا يخلي حتى وحدة تحتاج للخدمة الانها فعلا مطحنة لو تكون تخدم و تزيد ترجع للدار و تقضي شغل الدار .. ربي يعينها
و يعطيكي الصحا اختي على الموضوع
 
رد: الخدامة و اولادها

راه كل شيئ ممكن في هاد الوقت
عجيييييب و غرييييييب
 
رد: الخدامة و اولادها

السلام عليكم
اليوم الواقع راه يفرض علينا لازم يكونو في زوج خدامين بش تعيشي
عمل المراة لا دخل له بالتربية
رانا نشوفو نسوة قاعدين فالدار لا خدمة لا والو ، غي المسلسلات و الفيس
واولادهم تلقايهم اما مع طيور الجنة اما فالشارع يربيهم على لا ادري
اذن المشكل ليس في العمل ولكن في المراة نفسها
اذا كانت ذكية قادرة توفق عادي

دمتم بود
 
رد: الخدامة و اولادها

السلام عليكم
موضوع يكاد يكون موضوع العصر
برأيي المرأة سواء كانت عاملة أو لا هي مطالبة بتنظيم وقتها حتى لا نظلم المرأة العاملة فقط
هناك ماكثات في البيوت وأولادهن شبه مشردين !!
وأنها تتوقف عن العمل أمر صعب كيف تدرس 15 سنة أو أكثر لينتهي بها المطاف مثلها مثل
تلك التي لم تتحصل بحياتها ع شهادة تؤهلها لأي عمل حاشى لله أن أستصغر أحدا بكلامي هذا
ولكن هذا من باب المقارنة تستحق أن ترى ثمرة تعبها وأن تأمن لنفسها ولأولادها مستقبل زاهر
ولا يخفى ع احد منا الظروف المعيشية والمصاريف ومطالب أطفال الزائدة
صار من الضروري امتلاك جهاز كمبيوتر وهاتف والعديد من أمور التسلية
هذا وقت صعب جدا
الله المستعان
وربي يوفق كل ام في تربية أولادها لانه من المؤكد انه لا يوجد ام تبتغي لفلذة كبدها الضياع

 
رد: الخدامة و اولادها

السلام عليكم
أختي مانوافقك 100% مانعارضك 100%
يعني %50 %50 هههه
نرجعو لموضوعنا حبيبتي مش كل مرأة خدامة مهملة لزوجها وأولادها
صدقيني تربيت على يد ءم عاملة وأب عامل وقريت فالحضانة وكل إخوتي
ومع النظام الناجح الي رسموه والديا تربينا أحسن تربية
فطورنا ناكلوه فالبيت عشانا فوقتو حوايجنا في مكانهم
وخرجنا كامل قاريين والحمد لله وعن نفسي سأكون مرأة عاملة ان شاء الله وسأحذو حذو أمي بتوفيق من الله
وهذا يعتمد على حرص الأم وتنظيمها أكيد
وماننساش الأم الماكثة في البيت لأن من أنجبت أمي وربتها وشجعتها هي أم جاهلة ضحت لتنوير عقول أبناءها
ربي يوفقكم الكل
 
رد: الخدامة و اولادها

سلااام عليكم

هذا الموضوع يشعلني طول ..

اختي كل واحد و ظروفو ..و تفكيرو ..يعني عادي لو كانت المرأة متزوجة بأولادها و تخدم ..مفيها حتى مشكل مهم تكون متأكدة من روحها انها قادرة على شقااها
مش لازم انك تكوني عااملة معناتها تكوني مضيعة دارك ..شفنا الكثيييييير و الكثيييييير من العائلاات لي الام و الاب خدامين و مربيين ولادهم احسن تربية

ونزيدلك حاجة ...كاين وظائف يكون فيهاا عمل المرأة ضروري مثلاا قابلة فالسبيطار ..متقوليليش لالاحلال تروح المرأة تولد عند طبيب و حرام تخرج هي تخدم ..
و لا تولد في دارها في قصعة و داوي بالدباغة و العرعار مثلا ..

حكاولي على وحدة تترك ولادها اللي اعمارهم بين 4 سنوات و سنة و نصف في البيت وحدهم نهار كامل ، بالنسبة الي هذي المرأة ماتستحقش تكون ام و راجلها ما يستحقش يكون أب و لو كانوا في الغرب كانوا رايحيين ينزعوا منهم ابنائهم

شوف اسيدي كون جاو فالغرب ينحولهم ولادهم ..جامي سمعت بيهااا هاذي وكلنا نعرفو كفاه عايشين لهيه ..
اذا مش خدامة تخرج تحوس مع صحاباتها و الاولاد فالدار وحدهم و ميلحقوش 18 كل واحد يستقل بنفسوو و عادي مينحولها ولادها ما والو...

اما اني نرّسم قبول الراجل للزوجة العاملة مقيااس للرجولية و انو لي يفضلها عاملة راه ديوث هنا منوافقكش قاااع ..

و اللي ميحبش يديها خدامة من حقو عادي الحاجة برك لي حبيت نوضحها انو العاملة ماش مهملة ..و انو الراجل لي يدي العاملة ماش ديوث

و السلام
 
رد: الخدامة و اولادها

العاملة نصف ربة بيت حتى ما نقولوش ماهيش ربة بيت
تقدر تربي اولادها لكن
نعطيك حاجة
اخرى ومقارنة احسن هكاك باش ما نهبطو مستوى نتاع اي واحد :
ربة بيت مثقفة وتحسن تربية اولادها وتكون ماكثة في البيت
احسن من امراة مثقفة عاملة نصف ربة بيت
هذا اللي عندي
لانو فريمون كاين ماكثة في البيت ملاعلاقة بالتربية
تفتحلها غير الميكرو نتاع الدار والنت
تلقى اللي جام في الصفحة نتاع الفايسبوك نتاعك اكثر
من اعمال البيت كذالك كاين عااملة ولا علاقة بالتربية
ولا بالاهتمام بزوجها
وكاين عاملة مثقفة ونصف ربة بيت مي ولادها يخرجو معقدين
الله غالب نقص رعااية
وانا مع الاختيار الاول نجيب وحدة قارية وممكن خريجة جامعة وتريحلي في
الدار وتستعمل القرايا نتاع 15 سنة باش تخرجلي ولاد ظرااف وشابين اوكي خيتو سلام ..

 
رد: الخدامة و اولادها

السلام عليكم
تم الاعتماد حبيبتي
وشكرا على الموضوع مع انو تحدثنا فيه من قبل لكن معليش
والله يا اختي درك في وقتنا كل واحد يعيش حياتو كيما حاب وخلاص، خاطر تختلف الافكار بين شخص وآخر
وكن تدخلي في الموضوع هادا ماتخرجيش منو، لأنو كيما قلتي مرأة عازبة تعين والديها وتعين نفسها عادي
مرأة متزوجة تصرف على يتامى ولا راجلها في الفراش معليش، لكن مرأة عندها ولاد وراجل ويقعدو يتمرمدو والله حالة
وحدة من العائلة ماعندهاش 10 ايام ولا 15 يوم من لي ولدت وراهي في جانفي تدخل تخدم اتخيلي ما يجي يلحق جانفي
الطفلة تولي 6 اشهر ولا 5 اشهر اتخيلي في برد الشتاء تخرجها وهي مازالت لحمة طرية محتاجة دفء واعتناء
تولي تطايش من دار لدار صدقيني حتى ولو حطتهم عند يماها وكانت تحبهم ماش رايحين يلقاو كيما حنان الام
درك لي عندها ظروف ولازم تخدم ربي يعينها ولي ولدها مازال في المهد يحتاجها وهي تخرج تحوس ماش حتى تخدم
هاديك نهار تدي التقاعد ماتلقى حتى واحد يونسها ورايحة تعيش نفس الوحدة لي عاشوها ولادها
المهم مانكترش الهدرة بزاف خاطر موضوع حكينا فيه بزاف
شكرا حبيبتي على الموضوع ربي يهنيك
تحياتي
و عليكم و السلام و رحمة الله تعالى و بركاته
نشكرك غاليتي على اعتماد الموضوع ، و انا طرحته مجددا لان مشاكل العاملة متعددة ، و هاذي المرة طرحت مشكل الاولاد اللي يعيشوا وحدهم كيما الايتام و امهم حية ترزق ، نستغرب لما تتركهم و تتعلق بالعمل بدل ما تتعلق بيهم خاصة اذا كانت مكفية في حياتهاو عندها كل الضروريات .
الاولاد اغلى من الدراهم بكثير
تقبلي مني فائق الاحترام و التقدير
 
رد: الخدامة و اولادها

انا معاكم في الراي
و هكذا حتى الرجال لي فنيانين و ماحبينش يخدمو مايزيدوش يتحجو و يقولو النساء راهم كامل بلايص الخدمة تاعنا
هو الله لا يخلي حتى وحدة تحتاج للخدمة الانها فعلا مطحنة لو تكون تخدم و تزيد ترجع للدار و تقضي شغل الدار .. ربي يعينها
و يعطيكي الصحا اختي على الموضوع
شكرا غاليتي على مشاركتك ، و صح اصبحوا الرجال يقعدوا في الدار و يربيو الاولاد و تعودوا على هذا الشيء و اصبحوا ما يحوسوش على الخدمة و لا هازين همها لانه كاين اللي يخدم عليهم و هذا خطأ المرأة ماشي خطأ الراجل لانها اللي قبلت هذا الشيء
شكرا غاليتي
 
رد: الخدامة و اولادها

راه كل شيئ ممكن في هاد الوقت
عجيييييب و غرييييييب

شكرا غاليتي على مشاركتك
صح أصبح كل شيء عجيب و غريب في بلادنا
تحياتي
 
رد: الخدامة و اولادها

السلام عليكم
اليوم الواقع راه يفرض علينا لازم يكونو في زوج خدامين بش تعيشي
عمل المراة لا دخل له بالتربية
رانا نشوفو نسوة قاعدين فالدار لا خدمة لا والو ، غي المسلسلات و الفيس
واولادهم تلقايهم اما مع طيور الجنة اما فالشارع يربيهم على لا ادري
اذن المشكل ليس في العمل ولكن في المراة نفسها
اذا كانت ذكية قادرة توفق عادي

دمتم بود

و عليكم و السلام و رحمة الله تعالى و بركاته
اعتقد انو المرأة في البيت اليوم تجاوزت حكاية المسلسلات و اصبحت حكاية قديمة بالنسبة اليها ، اما بالنسبة لطيور الجنة الجميع يتفرجها يعني ابناء الخدامة و ابناء الماكثة في البيت و مهما اجتهدت ماتقدرش توفر الحنان الكافي لاولادها
نعرف وحدة مهندسة ماكثة في البيت و عملت خياطة ، مدخولها يتجاوز 20 مليون للشهر ، قالت لنا احسن من الوظيفة مئة مرة و في نفس الوقت غربي ا ولا دي و مانهملش زوجي يعني امراة مثقفة و عاملة و ماكثة في البيت برأيي تخطيط رائع
تحياتي
 
رد: الخدامة و اولادها

السلام عليكم
موضوع يكاد يكون موضوع العصر
برأيي المرأة سواء كانت عاملة أو لا هي مطالبة بتنظيم وقتها حتى لا نظلم المرأة العاملة فقط
هناك ماكثات في البيوت وأولادهن شبه مشردين !!
وأنها تتوقف عن العمل أمر صعب كيف تدرس 15 سنة أو أكثر لينتهي بها المطاف مثلها مثل
تلك التي لم تتحصل بحياتها ع شهادة تؤهلها لأي عمل حاشى لله أن أستصغر أحدا بكلامي هذا
ولكن هذا من باب المقارنة تستحق أن ترى ثمرة تعبها وأن تأمن لنفسها ولأولادها مستقبل زاهر
ولا يخفى ع احد منا الظروف المعيشية والمصاريف ومطالب أطفال الزائدة
صار من الضروري امتلاك جهاز كمبيوتر وهاتف والعديد من أمور التسلية
هذا وقت صعب جدا
الله المستعان
وربي يوفق كل ام في تربية أولادها لانه من المؤكد انه لا يوجد ام تبتغي لفلذة كبدها الضياع


و عليكم و السلام و رحمة الله تعالى و بركاته
نشكرك غاليتي على مشاركتك و نحترم رأيك كيعاد الاراء تختلف بإختلاف الاشخاص ، لكن في يومنا هذا ماكانش ام ماهيش قارية يعني الجزائر محات الامية ،و اللي ماوصلتش للجامعة توجهت لمراكز التكوين و دارت صنعاء ليها
صحيح انو الخدمة مليحة لكن نخدم المجتمع و نترك اولادي يترماو فأنا نرفض هاذي الفكرة
جهاز الكمبيوتر ماكنش بيت مايمتلكهش ولو كان تحت خط الفقر
نحب نشوف ثمرة العلم تظهر في الابناء اولا و هذا ا حسن بكثير
شكرا لكي غاليتي
 
رد: الخدامة و اولادها

السلام عليكم
أختي مانوافقك 100% مانعارضك 100%
يعني %50 %50 هههه
نرجعو لموضوعنا حبيبتي مش كل مرأة خدامة مهملة لزوجها وأولادها
صدقيني تربيت على يد ءم عاملة وأب عامل وقريت فالحضانة وكل إخوتي
ومع النظام الناجح الي رسموه والديا تربينا أحسن تربية
فطورنا ناكلوه فالبيت عشانا فوقتو حوايجنا في مكانهم
وخرجنا كامل قاريين والحمد لله وعن نفسي سأكون مرأة عاملة ان شاء الله وسأحذو حذو أمي بتوفيق من الله
وهذا يعتمد على حرص الأم وتنظيمها أكيد
وماننساش الأم الماكثة في البيت لأن من أنجبت أمي وربتها وشجعتها هي أم جاهلة ضحت لتنوير عقول أبناءها
ربي يوفقكم الكل
و عليكم والسلام و رحمة الله تعالى و بركاته
شكرا لكي حبيبتي على ردك الرائع و الواعي اللي احترم المرأة الماكثة و ايد المرأة العاملة ، و مهما وفرت المرأة الخدامة لاولادها فأكيد رح يتعبوا في طفولتهم
الام اللي تترك ولدها على 6 اشهر طوال النهار و تحطه في الحضانة اللي المغربية تكره منه لانو عندها البلاد بزاف وماهوش ابنها اصلا يعني تحطه في السرير وتخليه وحده نهار كامل يقدر يحكموا حتى التوحد
شكر غاليتي
 
رد: الخدامة و اولادها

السلآم عليكم ورحمة لله وبركآته
أحسنتي أخيآر النقطة هذه تحديدآ ^^ مع متطلبآت المعيشة حآليآ أصبح على الرجل والمرآة التكـفل والعمل بمصآريف المنزل !! ^^
الغلآء المعيشي !!
كمآ نلآحظ حآآليآ أغلب المنآزل العآئــلية تمتلك أفرآد يفوق عددهآ 7 أشخآص !
هل الوآلد قآدر على التكفل وحده إذآ مكآن يمتلك وظيفية ربمآ حتى أستآذ أصبحت صعبة طبعآآ ^^
ولكـن توجد هنآك قنآعة_والحمدلله :) كآيـن لـ عآيش بآقـل وفي أحسن الظـروف ^^
،،
عمل المرآة لـيس ظروري !! صحيح ربمآ المرآة تجيهآ صعيبة حيث تدرس وتحصـل أعلىى المعدلآت وفي الآخير يشترط عليهآ المكوث في المنزل ! هنآك حآلآت ؟
*/ إذآ كآن الرجل قآدر على التصرف وحده لمذآ عمل المرآة لآجدوى منه !
*/ مع الحيآة الصعبة والشآرع أصبح لآيرحم وكمآ تعلمون !! :/ (المخذرآت،السرقة،القتل ) الشآرع لآيرحم يآسيدتي !
هل الجيـرآن قآدرين على التكفل بأولآد في ظروف طبعآ لآ ؟ ،، هل الكُل يضمن الخير لـأولآدك !! ،،
هل تستطيعين يآسيدتي أن تغآمري ببيتك (أولآدك وزوجك ) من أجل العمل وأموآل الدنيوية ؟؟
هل تستطيعن إهمآل دورك كـزوجة عند الرجوع من المنزل بعد الظهيرة ولآيـجد الغدآء !! أليس هذآ تقصير ؟؟ (شآئع في هذآ الوقت ) !!
تقـدري تفقدي أحوآلك أولآدك (ربي يرزقنآ الذرية الصآلحة ) ربمآ بغيآب 8 سآعآآت يوميآ عنهم بسبب الظروف ؟
هل تعتقدين أن الشآرع والنآس يهتمون لآمرهم ومآذآ يفعلون طبعآ لآ؟
هنآك الكثير والكثير !! ^^
لآبآس بتحصيل شهآدة عليآآ ـ هذآ في فآئدة لـزوجك وأولآدك
تربية صآلحة،، تعلـميهم !! آليس هذآ مرآدك في الحيآة أن يكون أولآدك أكثر نجآحآ ؟؟

ولله أعلم
رآي شخصيـ فقط !
 
رد: الخدامة و اولادها

سلااام عليكم

هذا الموضوع يشعلني طول ..

اختي كل واحد و ظروفو ..و تفكيرو ..يعني عادي لو كانت المرأة متزوجة بأولادها و تخدم ..مفيها حتى مشكل مهم تكون متأكدة من روحها انها قادرة على شقااها
مش لازم انك تكوني عااملة معناتها تكوني مضيعة دارك ..شفنا الكثيييييير و الكثيييييير من العائلاات لي الام و الاب خدامين و مربيين ولادهم احسن تربية

ونزيدلك حاجة ...كاين وظائف يكون فيهاا عمل المرأة ضروري مثلاا قابلة فالسبيطار ..متقوليليش لالاحلال تروح المرأة تولد عند طبيب و حرام تخرج هي تخدم ..
و لا تولد في دارها في قصعة و داوي بالدباغة و العرعار مثلا ..



شوف اسيدي كون جاو فالغرب ينحولهم ولادهم ..جامي سمعت بيهااا هاذي وكلنا نعرفو كفاه عايشين لهيه ..
اذا مش خدامة تخرج تحوس مع صحاباتها و الاولاد فالدار وحدهم و ميلحقوش 18 كل واحد يستقل بنفسوو و عادي مينحولها ولادها ما والو...

اما اني نرّسم قبول الراجل للزوجة العاملة مقيااس للرجولية و انو لي يفضلها عاملة راه ديوث هنا منوافقكش قاااع ..

و اللي ميحبش يديها خدامة من حقو عادي الحاجة برك لي حبيت نوضحها انو العاملة ماش مهملة ..و انو الراجل لي يدي العاملة ماش ديوث

و السلام

و عليكم و السلام و رحمة الله تعالى و بركاته
نشكرك اختي الغالية على مشاركتك و نحترم رأيك كي عاد ما لازمش يوافقني لانو الاراء تختلف ، و بعيد الشر عليك من الاشتعال .
بصح انا مستائة من كلمة القصعة لسببين
الاول انها تخدش الحياء العام ، الكلمة تخلق صورة في ذهن القارىء و احنا عندنا اخوة في الله يشاركونا في الموضوع يعني عيب
السبب الثاني انك تستهزئي بجدتي و جدتك و كامل الجدات
اما الدباغة و العرعار لكان كنت تعرفي فوائدهم ما كنت تضحكي عليهم ، و الادوية الحالية مشتقة من الاعشاب لا اكثر
اما العمل فلاحظي اني قلت ما عليش العمل للعزباء و العانس و المرأة الغير ولودة و المطلقة ، وقال لي ابن خالتي المحامي و هو يضحك (شفتي النساء نتاع المتارنيتي كامل انا اللي طلقتهم و بسرعة و فرحوا كامل ) . كيعاد الراجل كره يرجع ام في الليل يعني يغطي و يوجد الرضاعة . و كاينة الارملة يعني هاذو كامل معليش يخدموا بسبب حاجتهم للدراهم و حاجة المجتمع ليهم ، يعني كي نقصوا المرأة الام المجتمع مايتضرش و الاولاد ثاني .
تحياتي لكي غاليتي
 
رد: الخدامة و اولادها

العاملة نصف ربة بيت حتى ما نقولوش ماهيش ربة بيت
تقدر تربي اولادها لكن
نعطيك حاجة
اخرى ومقارنة احسن هكاك باش ما نهبطو مستوى نتاع اي واحد :
ربة بيت مثقفة وتحسن تربية اولادها وتكون ماكثة في البيت
احسن من امراة مثقفة عاملة نصف ربة بيت
هذا اللي عندي
لانو فريمون كاين ماكثة في البيت ملاعلاقة بالتربية
تفتحلها غير الميكرو نتاع الدار والنت
تلقى اللي جام في الصفحة نتاع الفايسبوك نتاعك اكثر
من اعمال البيت كذالك كاين عااملة ولا علاقة بالتربية
ولا بالاهتمام بزوجها
وكاين عاملة مثقفة ونصف ربة بيت مي ولادها يخرجو معقدين
الله غالب نقص رعااية
وانا مع الاختيار الاول نجيب وحدة قارية وممكن خريجة جامعة وتريحلي في
الدار وتستعمل القرايا نتاع 15 سنة باش تخرجلي ولاد ظرااف وشابين اوكي خيتو سلام ..


نشكرك اخي في الله على مشاركتك ، و نوافقك في وجهة نظرك
انا نقول انو شيء جميل انو المرأة تكون مثقفة و ماكثة في البيت و تستطيع خلق اعمال اخرى تمارس في البيت دون المشاكل و في نفس الوقت مع ابنائها ، نعرف العديد من خريجات الجامعة توظفوا و لما اصبحوا امهات توقفوا عن العمل بطلب من ازواجهن و وافقوهم الرأي ، و في رأيي الرجل هو المسؤول عن هاذي الحاجة
وحدة من قريباتي جمركية وصلهم قرار نزع الحجاب و رفضت رفض شديد و بقوة بقات اخر وحدة متحجبة و زوجها يقول لها نحي الحجاب ياخي انا المسؤول و راني موافق قبل مايحاوزوك و كيفاه راح يصرا لنا و نسى رب العالمين
ربي يرزقك الزوجة الصالحة
تحياتي
 
رد: الخدامة و اولادها

السلآم عليكم ورحمة لله وبركآته
أحسنتي أخيآر النقطة هذه تحديدآ ^^ مع متطلبآت المعيشة حآليآ أصبح على الرجل والمرآة التكـفل والعمل بمصآريف المنزل !! ^^
الغلآء المعيشي !!
كمآ نلآحظ حآآليآ أغلب المنآزل العآئــلية تمتلك أفرآد يفوق عددهآ 7 أشخآص !
هل الوآلد قآدر على التكفل وحده إذآ مكآن يمتلك وظيفية ربمآ حتى أستآذ أصبحت صعبة طبعآآ ^^
ولكـن توجد هنآك قنآعة_والحمدلله :) كآيـن لـ عآيش بآقـل وفي أحسن الظـروف ^^
،،
عمل المرآة لـيس ظروري !! صحيح ربمآ المرآة تجيهآ صعيبة حيث تدرس وتحصـل أعلىى المعدلآت وفي الآخير يشترط عليهآ المكوث في المنزل ! هنآك حآلآت ؟
*/ إذآ كآن الرجل قآدر على التصرف وحده لمذآ عمل المرآة لآجدوى منه !
*/ مع الحيآة الصعبة والشآرع أصبح لآيرحم وكمآ تعلمون !! :/ (المخذرآت،السرقة،القتل ) الشآرع لآيرحم يآسيدتي !
هل الجيـرآن قآدرين على التكفل بأولآد في ظروف طبعآ لآ ؟ ،، هل الكُل يضمن الخير لـأولآدك !! ،،
هل تستطيعين يآسيدتي أن تغآمري ببيتك (أولآدك وزوجك ) من أجل العمل وأموآل الدنيوية ؟؟
هل تستطيعن إهمآل دورك كـزوجة عند الرجوع من المنزل بعد الظهيرة ولآيـجد الغدآء !! أليس هذآ تقصير ؟؟ (شآئع في هذآ الوقت ) !!
تقـدري تفقدي أحوآلك أولآدك (ربي يرزقنآ الذرية الصآلحة ) ربمآ بغيآب 8 سآعآآت يوميآ عنهم بسبب الظروف ؟
هل تعتقدين أن الشآرع والنآس يهتمون لآمرهم ومآذآ يفعلون طبعآ لآ؟
هنآك الكثير والكثير !! ^^
لآبآس بتحصيل شهآدة عليآآ ـ هذآ في فآئدة لـزوجك وأولآدك
تربية صآلحة،، تعلـميهم !! آليس هذآ مرآدك في الحيآة أن يكون أولآدك أكثر نجآحآ ؟؟

ولله أعلم
رآي شخصيـ فقط !

و عليكم و السلام و رحمة الله تعالى و بركاته
بالفعل يا اخي الكريم ظروف المعيشة صعبة ، لكن القناعة كنز لا يفنى !!
و الاولاد طبعا اغلى من الدراهم
وحتى اذا وفرت المرأة دراهم و خسرت اولادها في واش راح ينفعوها الدراهم ؟! . و حتى لكان حطت ا ولا دعا عند الناس راح يقول فيها الف كلمة ، و يحكموهم بلا رضا و يقولو هي تدي الدراهم و احنا نربيو ولادها
نعرف امرأة تخدم منذ اكثر من 25 سنة و عندها 16 سنة و هي تفرق بناتها الثلاثة على البيوت و زوجها حكمه داء السكري مؤخرا و تعب فقال لها توقفي على العمل بزايد عليك ، في الصباح نفرق البنات و في الليل نلمهم ، رفضت و لجئت لبيت اهلها و قالت له انا مانخليش خدمتي ( و في عمرها 50سنة ) شرطتها النهار الاول يعني الخدمة او الطلاق بالتالي فضلت العمل على اولادها
تحياتي
 
رد: الخدامة و اولادها

و عليكم و السلام و رحمة الله تعالى و بركاته
نشكرك اختي الغالية على مشاركتك و نحترم رأيك كي عاد ما لازمش يوافقني لانو الاراء تختلف ، و بعيد الشر عليك من الاشتعال .
بصح انا مستائة من كلمة القصعة لسببين
الاول انها تخدش الحياء العام ، الكلمة تخلق صورة في ذهن القارىء و احنا عندنا اخوة في الله يشاركونا في الموضوع يعني عيب
السبب الثاني انك تستهزئي بجدتي و جدتك و كامل الجدات
اما الدباغة و العرعار لكان كنت تعرفي فوائدهم ما كنت تضحكي عليهم ، و الادوية الحالية مشتقة من الاعشاب لا اكثر
اما العمل فلاحظي اني قلت ما عليش العمل للعزباء و العانس و المرأة الغير ولودة و المطلقة ، وقال لي ابن خالتي المحامي و هو يضحك (شفتي النساء نتاع المتارنيتي كامل انا اللي طلقتهم و بسرعة و فرحوا كامل ) . كيعاد الراجل كره يرجع ام في الليل يعني يغطي و يوجد الرضاعة . و كاينة الارملة يعني هاذو كامل معليش يخدموا بسبب حاجتهم للدراهم و حاجة المجتمع ليهم ، يعني كي نقصوا المرأة الام المجتمع مايتضرش و الاولاد ثاني .
تحياتي لكي غاليتي

يا ختيتي عذرا على الكلمة ..انا قلتها عادي لانو لو كانت تخلق الصور فحتى كلمة الولادة تخلق صورة على ما أظن ..على كل عذراا
اما اني نستهزأ لالا ختي انا بنت البلاد و فوق ما تتصوري نداوو بالدباغة و العرعار و جداتي و جداتك بسبتهم راني هنا نحكي معاك
انا حكيتلك على ضرورة عملها ضركا لأنو معظم الرجال ميخلوش نساهم يداوو عند الرجال فهنا تكون لاازم تخدم ..اوكي تخدم عازبة و العازبة هاذي متتزوجش ما تجيبش اولاد ؟ و لا كي تولد تخرج ؟؟
امي ماكثة و ماني ماكثة و رباونا و كبرونا الحمد لله ..بصح خالتي عاملة وربات وليدها كبر و قرا ثان و الحمد لله .ان شاء الله تكوني فهمتيني خيتو
اعتذر مرة اخرى ختيتي سلاامي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top