معاكم سكرتيرة المير من دوّار اللمة .... الكل مدعو

قال يونس قاسم:

مين نبدا الهدرة تلفتلي صح والله
ماتشوفيليش بلاصة نخدم حارس برك عندكم
يا مجنونة انا عندي الاعوام لي فاتوا كامل كيف كيف
وصراحة من كنت صغير كانو السنوات افضل بكثير من الان
لكن نامل في الاعوام القادمة نصحح المسار و نلقى مون شاوية تاعي خخخخ
يعطيك الصحة ليليا الشاوية ههههه

إضغط للتوسيع...

قال لؤلؤة قسنطينة:

السلام عليكم
وعليكم السلام

صحيتي ليلوشة درتيلنا حصاد السنة الله يبارك

ايه لازم نزروعو وما نحصدوش لازم نشوف نقرعج عليكم

أولا ربي يفرحك وربي يتمملك على خير وتتزوجي وتديري دويرة ويوما نشوفو وليداتك هنا علاش لالا
ربي يوفقك ان شاء الله

امين حنونة يا رب ما تخميش انا غير نجيبهخم نسجلهم فاول يوم نحمل فيه هههههه

اما بالعودة لهدف الموضوع وهو انطباعاتنا حول عام 2016 والله يا أختي ليليا صدقيني عمري لا فرقت بين عام وآخر
الحمد لله على واش عطانا ربي سبحانو، اذا مرت علينا ظروف صعبة رايح يبعتلنا ربي حاجة تفرحنا وتعوضنا ولو
بالقليل على واش فات علينا من حزن ولا ألم، وهادي هي الحياة يوم مليح ويوم لالا
انا ساعات لما تقولي ماما تعبت يا بنتي يعني كبرت ومازالني نتمرمد ومشاكل وكلشي نقولها هادي هي متعة الحياة
حياة بدون مشاكل ومصاعب وانسان يجاهد تولي صامطة، يعني شوي هكا وشوي هكا باه نهار نفرحو نحسو بقيمة
الفرحة هاديك بعد المصاعب، والحمد لله

هي صح كلامك صواب مي امك ربي يحفظها كي قالتها راهي فراسها لمت كل اللي فات عليها انت صغيرة عندك امل ومازال ما تعبتيش ربع تعبها لما تلحقي لسنها تتفكري كلامها ايه الدنيا هكذا مشاكل وحلول ولازم نحملو مي الانسان تفوت عليه اوقات يتعب ويكره ويقنط مي لازم الايمان ويقول ديما ربي مخبيلي امور ملاح تهون عليه شوي سينو يا حبيبتي لو درنا على المشاكل نبني سبيطار قدام دارنا انا المهبولة وانا الطبيبة وانا المديرة حتى تلحقوني ونعمروه هههه

وعلى هادي حبيبتي ليليا ماعنديش مقارنة بين عام وعام بالاك نقارن بين فترة وفترة مثلا بين 13 سنة الاولى من حياتي و10
سنوات الاخيرة من حياتي تما نقولك لي فات مايتعوضش اما بين سنة وسنة والله فوطوكوبي
البارح برك دخلت ندير موضوع خاص بالمواضيع المميزة لقسم واش راك تهدر لسنة 2016 بعد مرور سنة 2015
والله نشفالها كي اليوم ودرك رانا رايحين ولا كتب ربي نوجدو تاع 2017

وهنا المشكل يا مريومة ياو 2015 كانت عندا ختها تومية 2016 وبعدو قالك 3 توائم ياو 2016 والكارثة لو تجي 2017 التوأم الرابع هذي يماهم كثرتها هههه
الحمد لله على كل شي

الوقت يجري واذا بالنسبة للمة الحمد لله كسبنا ناس ماشاء الله ربي يحفهم وربي يوفقهم
أمهاتنا هنا في اللمة ربي يحفظهملنا ويخليهم تيجان على رؤوسنا راهم يعوضو والدينا في العالم الافتراضي ربي يحفظلهم
وليداتهم ويفرحهم بيهم ويكونولهم ذرية صالحة
خواتاتنا وخاوتنا هنا في اللمة ربي يوفقهم لي حاب نجاح ربي ينجحو في دراستو ولي متمني خدمة ربي يرزقو بخدمة كيما
يحب قلبو ولي حاب يتزوج ربي يوفقو ويسهلو ويسرلو امرو ولي مريض ربي يشفيه ويعافيه ويكون عام 2017 عام خير عليه
ولي متمني ذرية ربي يرزقو ويفرحو ولي عندو أهل مراض ربي يشفيهم ويعافيهم ولي عندو اهل ميتين ربي يغفرلهم
ويجعل مثواهم الجنة ولي راهم غايبين علينا كااامل ربي يوفقهم وين ماكانو


امين ويا حوجي واش خليتينا حتى الدعاوي كملتيهم مريومة ههه
بالنسبة ليا لعام 2017 ان شاء الله ربي يحفظلي والديا ويوفقني في دراستي نتخرج ان شاء الله

امين يا رب وقلتي فقلبك ان شاء الله نتزوج هههه قوليها ما تشحميش الله يعطيك راجل يكون يستاهلك ويحطك فوق راسك

وان شاء الله ربي يحقق كل امنية في بال اي عضو من اعضاء اللمة لأنو والله هادي ايضا من امنياتي
بالتوفيق للجميع وان شاء الله يكون عام 2017 فرحة للجميع
تحياتي
​

إضغط للتوسيع...

قال (منير):

بسم الله الرحمن الرحيم
وعليكم السلام ورحمة الله وبركاته
سكريتتنا ومشرفتنا وسيدتنا ليليا
لقد حزبنى امرك...
مند سبع سنين على انتسابك هنا
ولم تتواصل مع احبتك حتى نصف هذه السنة.
تقولينها بملأ فيك هه

سلام عليكم خونا منير واش احوالك واش راهم الاهل والاحباب
ايه نقولها وما نحشمش الله غالب كنت فمكان اخر وبعدو قررت نجي هنا وما نروحش ولو تحاوزوني مارانيش رايحة
ايه وعلاه ما نقولهاش انا صريحة وجاي ضرك تشعل النار منير حابهم يحاوزوني
وماذا لو أتى سيدى الشاوى وعقد عليك عقد النكاح.

ايه عن قريب ان شاء الله:$:$

اكيد اننا لم نفلح فى عملية البحت عنك عبر غوغل.
سيأتى أحد الأعضاء وأظنه عمدة المحافظة السيد الأمين أحمد ثم يعقد جمع طارئ ويقول لنا بأن سكريتتنا ليليا في شهر(العسل)
ثم ينتهى الشهر لأول ونحن على أحر من الجمر لرؤيتك

غير ديرو حسابكم انا عام عسل قالو شهر انا شهر نكون نتأمل برك فيه :$
:$:$
ياو هذا مون شاوي ممو عينيا قالو شهر عسل راك عارف واش راك تقول يا راجل

قالو شهر غير استناو حتى تشبعو امين يدير اجتماع طارئ والا يقول ليدياراس انا نتزوج نخطفو ونقلّع ههههه


فياتنا نائب عمدة المحافظة السيد مالك فيقوم بجمع عام.
فيخبرنا بأن سكرتتنا ليليا قد ارهقها الحمل بعدما تعرضت للفحوصات الطبية والتى اخبرتها بأنها حامل بسبع توائم
ويتعذر عليها مواصلة العمل هه

ومالك قاعد غير ليها يعسني غير انا يا حوجي وعلاه 7 شكون قالك انا منن فصيلة الارانب يا لطيف واش تسالني ب 7

وبعد طوال الانتظار تعلن السيدة صاحبة (الشابو)
الأحمر وهى إحدى المقربات للسكرتتنا فى خبر عاجل نقلته وسائل الاعلام النقلية والسمعية والبصرية بان سكريتتنا ليليا
أنجبت أثنثى عشرة مولودا معظمهم ذكورا وهذا حسب التقارير الاولية مع العلم أن العدد قابل للزيادة

اواه خونا منير هذا اتهام انو سلالتي من سلالة الدجاج واش من 12 واش من قابل للزيادة وعلاه دجاجة اواه ان شاء الله 2 وبزاف عليا

ليحتدم الصراع بين العضوات لمن تحضى بالمصاهرة مع سكريتتنا ليليا .

هي صح لو نخمم ناسبكم لازملي نجيب 25 ويا ربي مي الله غالب نجيب زوج ونشوف القرعة وليد شكون وبنت شكون ندي لولادي نتوما وزهركم

كانت هذه آخر الأخبار المتعلقة بسكرتتنا مرام ليليا.
هذا مع العلم أن كل حقوق البث محفوظة.
مع التحفظ لبعض تصريحات شهود عيان.

واش من شهود عيان هذو كلاو اللوبيا قبل ما يرقدو وزادو تفرجو هاري بوتر وارواح تشوف ههه اواه شهودك عميين يسامحوني

ويترأسهم السيد رابح والسادة أم ياسمين.وأبو ندى.
وهم محل تقة.

محل ثقة هذي راك غالط فيها ننصحك عاود حساباتك ومش كل اللي ذكرتهم عندهم علاقة معايا

بعد فاصل نمر إلى حصيلة سنة 2016
إلى ذالك الحين نامركم فضلا منكم لاامرا منا
أن تبقوا معنا الى ذاك الحين

إضغط للتوسيع...

قال بسمة مرام:

حبيبتي شكرا على حصاد رائع وتحيه ليك وللمير او مدير لمه سيد محمد امين ولكل اعضاء
حبيت نقلك 2016عادي عندي اسوء سنوات ما كل حياتي سوء
مي حبيت نقلك هنا في ليله انا معنديش بزاف مي لعقوبه بلاك عام 2017 وناوبك على هادا سوال وتحياتي

إضغط للتوسيع...

قال (منير):

بسم الله الرحمن الرحيم
السلام عليكم ورحمة الله وبركاته
عدنا والعود منيرو.

اهلا وسهلا
وعدت والعود ليلوشو

حصيلة سنة 2016 مضت من عمرى منيرو
.1 أحمد الله على كل حال

الحمد لله يا رب

.2 تعرضت فى او سطها إلى صدمة نفسية مما تسببت لى فى توقف عن الحركة في شقى الايمن والتى كانت ولازالت تؤذى بى إلى الشلل النصف
.3 مند الصدمة توقفت عن التداريب الرياضية لبناء الجسم
والجرى وللمسافات الطويلة

الله يشافيك ويعافيك يا رب وانت علاه تتقلق

.أسوء رحلة قمت بها إلى مكة والمدينة مع زوجتى الثانية
وكانت مدتها أربعون يوما..

هاهم مساوئ الزوجة الثانية هههه سور الاولى دعات عليكم ههههه خرجت فيكم بصح
يا راجل 40 يوم معاها فمكة ولخرى مسكينة خليتوها ايييييييه هنا فهمت على تشللت من نصفك الاول هههه

.4 قيامى برحلة لأوروبا مع زوجتى الأولى وابنها والتى كانت ممتعة فى بعض اللحظات

هذي محاولة تسلل يعني رحت تراضيها فقتلك ههه اممم لو انا محال تشوفها لخرى 40 يوم فمكة وهذيك للخارج ويا ربي واقيل 15 يوم رجال حقارين

.5فقدت زوجة اخى يرحمها الله بمكة والتى توفيت هناك بعد معاناتها مع المرض المزمن والتى صلينا عليها صلاة الجنازة فى الحرم المكىبعد صلاة العشاء في منتصف رمضان الماضى وكان آخر لقاء بها قبل يومان فى المدينة الطبية بحى العزيزية

الله يرحمها يا رب ويسكنها فسيح جناته يا رب ويلاقيكم بيها فجانته ويا سعدها ارض طاهرة

.6 انتسابى للمة فى .......2016/09/3
.
اهلا وسهلا بيك خير ما درت


7 التفكير في مشروع السكن فى الارياف خارج مدينتى مراكش التابعة للمدن المملكة المغربية الشريفة وذالك من أجل الابتعاد عن الضوضاء والهرج....

احسن ما تعمل اصلا السكن فالارياف خير من العاصمة المشاكل


.8 محاولة جادة لإعادة النظر إلى الرجوع لقاعة الرياضية الخاصة من أجل استئناف تمارينى الرياضية

ايه الرياضة مليحة وبعد على كل شي يقلقك


.9 الأخذ بمحمل الجد الابتعاد عن كل ماقد يكون سببا لى في الشلل النصفى.

الحل عندي انت اعدل بين زوجاتك او جيبلهم الثالثة هههه دوماج راني تخطبت نجي نسقمهملك ههههه هاكا صحتك تتعدل نخاف تتشلل كلك وندي ذنوبك


.10 ومن ضمن المخططات عندى هى الإخلاص لهذا البيت الثانى واهله.

ايه لازم تخلص حنا الخائن نعلقوه فالمنتدى الفوق وعندنا الجلاد يا محاينك واعر راني وصيتك يخنقك كالجاج راني قتلك

تلك عشرة كاملة من الأشياء التى اعترتنى خلال هذه السنة
والأخرى التى سأعمل فى تحقيقها
بوركت مشرفتى ليليا على موضوعك الهادف
والله أسأل أن تكون نهاية هذا العام بداية الافراح والمسرات لكل ابناء هذا العالم الاسلامى
دمت بود خيتو ليلو
_ختاما
الفت انتباه السادة الحضور على هذا المتصفح ان يلتمسوا لى الاعذار اذا وجدوا أخطأ كتابية
فجل كتابته تكون عفوية ناهيك انى استخدم فى التواصل معكم بهاتفى SAMSuNG 4

إضغط للتوسيع...

قال لؤلؤة قسنطينة:

ههههههههههه
هيه نتي تاني كاين دعوات في القلب مايتقالوش علاه تحشمي فينا درك هههه
حتى نتي جيتي تقولي الله يعطيك راجل يحطك فوق راسو قلتيلي يحطك فوق راسك ههههه
يسمى حابتو يحطني فوق راسي ويعوجلي رقبتي هههه
غير نضحك

ايه مريومة وانا قلت خليلي كاش دعوة ايا كملتيهم بصحتهم عندهم جداهم تدعيلهم هاكا ههههه دعاوي نتاع بكري

قتلك يحط فوق راسك ههههه اواه نيتو يا مريومة هذا راه عند امو وواعر راه ناوي يحطك فوق راسك هههه نيتو قالت مريومة مش انا اللي يجي الاول ارفضيه ذاك مول دعوتنا يعوج الرقابي ههههه


عجبتني تاع التوأم درك المشكل راهم 7 توائم والله أعلم هههه
شكرا ختي ليليا ربي يحفظك كاش قدهم ولادك مستقبلا عندهم أم مشاغبة وقاتلتهم ضحك هههه
ربي يهنيك ختي ويكملك لي في بالك
تحياتي


​

إضغط للتوسيع...

قال sosobibicha:

السلام عليكم
واش راكي ؟
عندي مددددة مكتبتش رد هنا ...

وعليكم السلام
واش راكي بيبيشا ضربوك ببعين والا رحلتي هههه

مبروك عليك الخدمة الجديدة خدمتي ليكيp شوفيلي كاش بلاصة معاكم و متخافيش نتهلا

ايه ما لقيت واش ندير درنا بلدية فاللمة شوفي نسجلو الخدامين الجدد عند مالك انت حطي طلب خطي وانا ساهل المعارف مع الوالي ديركت اخطيك من المير الامين صاريلو كيما زوخ يبغي غير يحوس ويبحبح برك ههخخخ


يعطيك الصحة درتيلنا best of ههههه :thumb_up02: بالنسبة ليا الاعوام تقريبا كيف كيف كيما كان فيه ذكريات مليحة فيه ذكريات سيئة بما انك بديتي من 2015 نديرو نظرة شاملة اممم 2015 انضميت للمة الحمد لله لقيت ناس فوور الله يبارك . وفاة جدتي ربي يرحمها . 2016 اول حاجة معدل الباك و الميزيرية نتاعو لكن كان عام جيد الحمد لله خير من 2015 و حتى 2017 رايح يبقى نفس السيناريو ههههه يتعاود لكن نتمنى يكون عام خير و ينسّي في الاعوام الماضية ان شاء الله

الى هنا ينتهي لقائي بكم الى موعد آخر باذن الله :p

شكرا على الموضوع ليليا بارك الله فيك
​

دمتم بخير و في امان الله

إضغط للتوسيع...