مشكلتي عجب

الحالة
مغلق ولا يسمح بالمزيد من الردود.
م

مشكلتي

كلمة المرور: 4algeria2024
إنضم
19 أكتوبر 2013
المشاركات
778
نقاط التفاعل
4,351
النقاط
51
السلام عليكم ورحمة الله وبركاته
اكتشفت انا بنت جيرانا عمرها 12سنة تتكلم مع الاولاد ودايرة علاقات كثيرة قرات كل رساءلها في الفيسبوك تفاجات انها تاني تواعد طفل معها في المدرسة
قررت ان اخبر اهلها خايفة مايصدقونيش
قلت نحكمها وحدها ونخبرها اني شفت الفيسبوك تاعها واش دايرة فيه اعطيها درس في الاخلاق ولكن تراجعت خفت على روحي رانا في وقت ميشي مليح ادا كانت عمرها 12سنة ودايرة العجب نقلكم الصح خفت على روحي
وفي نفس الوقت ضميري ما خلنيش نخليها تايهة ودارهم معلبالهمش
واش تنصحوني نتوما وربي يجازيكم
 
رد: عجب

السلام عليكم

تم الإعتماد

يا أختي ماتقوليش لأهلها إنصحيها بالتي هي أحسن

وإن شآء الله لي عودة إن استطعت​
 
رد: عجب

السلاام عليك
اختي لا راجاءا متقوليش لاهلها كماا قلت الاخت عبير انصحيها وارشديها
تخافي تكوني نت مصدر تشتت الابنت معا عائلتها
وشكرا
​
 
رد: عجب

السلام عليكم
كيما سبقوني الأخوات الكريمات وقالو
البنت هادي إذا شفتي منها عيب ولا خطأ اتكلمي معاها وانصحيها وجها لوجه وماش تخبري والديها
أولا قادر والديها متعصبين بزاف كاشما يديرولها وتتفكك الاسرة وتتعاقب الطفلة بما ل ايرضاه العقل
وإلا تكون اسرة راخفة الحالة خلااص لدرجة تقولك رانا علابالنا وساكتين ونتي ماتدخليش روحك
مالا لتجنب كل هذا اتكلمي مع الطفلة مباشرة وانصحيها بالتي هي احسن ربما تسمعلك وتتجاوب مع كلامك
حاولي معاها وإن شاء الله خير
بالتوفيق

​
 
رد: عجب

ولا يا أختي إذا خفتي كيما قلتي إذا خفتي تنصحيها هكاك ديراكت حاولي تحكي معاها فالموضوع بطريقة غير مباشرة مثلا أنو تفتحي موضوع قدامها على العلاقات الغير شرعية أنها حرام و أنو وأنو..وتحاولي كيفاش تخليها تندم وحدها على وش راهي تدير
 
رد: عجب

الفتاة لاتزال صغيرة
تقدري تنصحيها كيما قالت الاخوات
وتوعيها بخطورة العلاقات مع الشباب

بارك الله فيك
 
رد: عجب

السلام عليكم

كلنا إخوة
​
سعات الواحد يجي يفهم يدوخ
مع أن صاحبة المشكلة مجهولة إلا أني أقول غطي عورتك لعل هناك من يتفرج فيها
شكون لعرفك انها بنت جيرانكم لولم تكوني تتربص بها او لم تكون تدخل وتخرج هنا وهناك مثلها
ربي يقدر الخير ويصلح الأحوال ويهدي عباده​

تقبلوا تحياتي
 
آخر تعديل:
رد: عجب

وانت لماذا تتجسس على حسابات غيرك ؟؟؟؟؟؟؟؟؟؟؟؟

قادر تنصحها تقولك انت مادخلك في خصوصياتي

على كل حال حاول تنصحها بالتي هي احسن
 
رد: عجب

من الهدرة باينة بلي صاحبة المشكلة انثى والله اعلم
اضافة الى ذالك حسيت انو السن نتاعك يتراوح بين 16 الى 18 على الاكثر
المهم خيتي كيما قالو اللي سبقوني انصحيها وما تقوليلهاش شفت حسابك نتاع الفايسبوك
لا قوليلها راهي جاتني وحدة من صحاباتك وقاتلي بلي فلانة راهي دير علاقات
وقاتلي قوليلها تحبس سينون راني نقول لاهلها اوكي كي شغل اخلعيها بحاجة مكانش
اوكي وقوليلها انا راني قتلها خليني ننصحها ومكان لاه تبيع عليك اهلك
وفي نفس الوقت انت راكي تنصحي وتوجهي فهمتيني سلام ..​
 
رد: عجب

السلام عليكم
ياو راها لعبت
....
ههه
ماكان لا صغير لا كبير
الله يسلك على خير
و الله لتحير ..ياودي المشكل من الوالدين و الاسرة عموما
لارقابة لا والو
الله يهدينا
* عار البلاد على ماليها .....*


​
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top