حفف بولا زيروو زير الرونجاس وروتري مليح وانفخ صدرك وابدا تخنزر دير لامة تحت لسانك ولي يخرب فيك اجبد عليه مجرد دعابة اخي العزيز نتمنالك النجاح من كل قلبي
صهيب ........العام هاذا عام الاصلاحات يعني سيكون اسهل الاعوام يعني جا بين التعليم القديم و الجديد من الاصلاحات ....... ستكون هناك نصف ساعة زيادة في كل مادة و هناك امتيازات اخرى نزعو الدرسين الاخيرين من امتحان الباكالوريا نظرا لان الكثير من الطلاب لم يتلقو الدرسين الاخيرين و زيد فوق هاد الشي كامل عندك لوكان تجيب الباك كل واحد من الاعضاء يعطيلك كادو هههههههههه غير جيبها
سلام...واش خويا صهيب خلاص راه لحق الصح درك ماكاش هاذي الخلعة لازم لمورال يكون طالع بسيف نقولك دير كيما أنا ياك رانا كيف كيف تفاءل خيراا تجده وزير شويا بقانا 20 يوم هكذاك كسر راسك فيهم باه تكون اتخدت الأسباب وتوكل على ربي وماتخممش يفوت كي الماء ونجيبوه كامل و كي اليوم إن شاء الله .... تفاهمنا الباك حنا نجيبوه إن شاء الله ماشي هو يجيبنا وربي يوفقنا ويكون معانا يارب آمين
يا خو واش هدا شوي كراج راك دزيري متنساش رجال الثورة وزيد الباك واش شبح ولا غول ياك غير امتحان كالبقية عادي طول شوي برك عسى ............. متنخلعش اوعدنا بالنجاح
يا خويا كنت انا تانيك خايف لكن قريت الشي الي قالولي أقراه وزيد راح يجيك سؤال رسمي قريتو دير في بالك انو الشي الي يصرا راه من عند ربي اقرى خويا وربي ينجحك آمين
يخاه على صهيب مادير والو في بالك دير ربي والنبي في قلبك وازدم وماتخاف والو........ اتكل على ربي سبحانه وادعيه الصباح ولعشية وانت دير لي عليك وخلي الباقي رانا ندعولك وانت تان ادعي لختي معاك باش اجيبو
لازم عليك اولا الثقة بالنفس الثبات والعزيمة على النجاح ومتنساش تقرا اية الكرسي وشعارك ديما من طلب العلى سهر الليالي ومن طلب العلى من غير كد اضاع العمر في طلب المحالي انشاء الله النجاح حليفك غير ما تخافش ربي كريم
خويا نقولك حاجة اذا شافك ربي قريت او تعبت للباك ماهوش راح يخيبك ختراه ربي عمرو مايضيع تعب انسان وننصحك تدعي بزاف بزاف او في كل وقت وكون متاكد بلي ربي ماهوش راح يخيبك اذا دعيتو او ربي يوفقكم كامل