ناس بكري هدروا و قالوا.....اتمنى المشاركة من الجميع

الحالة
مغلق ولا يسمح بالمزيد من الردود.
- ضرب الليل طلع النهار
- الريح إللي جاء يديه
- بات ليلة مع الدجاج صّبح يقاقي
- عشية مع عشية تصبح المسلمة يهودية
- فاضل ولا مخصوص
ـ كسكسله يرجع لاصله
ـ ضيقة الروح تنسل السعف
ـ طرشاء وقالولها زغردي
ـ براح وغادي بهيمه
ـ الحمام لمكسر ينزل عالبرج الخالي
-صبرت قلبي للصبر ماباشي راني صابر والنار لهبت جاشي
-شيعت عيني للجبل ورقيتة كمش إيدي بالنوار شوك لقيته
-كونه زيتها في عكتها باين على قصتها
-الطايرة يخطف منها ريشة
-الفم المغلوق ما تدخله ذبانة
-مازاهش الواد او رامله راح اينقل من كوينين
-طول الخيط ايغدي لبرة
-عوانة في ام سلمى
-العود اللي تعقرو يطمزك
-ما يعجبك نوار دفلة في الواد داير ضلايل ولا يعجبك زين طفلة حتى تشوف الفعايل
-يالوالدين طيعو الذرية واعطوهم المصروف
-شوي من الحنة وشوي من رطابة اليد
-صاحب السوء إذا عفس على جناحك قصه
-الباب اللي يجيك منه الريح سده واستريح
-في النهار تحوف وفي الليل تخدم الصوف
-كل جرح يبرى يا صبرى وكل جرح تبيريه الضميدة كن كلمة السوء كل يوم تصبح وتمسى جديدة
-الجوع ايعلم السقاطة والفقر ايعلم لخياطة
-الي ما لحق قال اخ صيش
-قداش من نملة دخلت هاك الغار
-اللعب ماهوش بعشانا
-زيتنا ايبسس دقيقنا
-بعد ما شاب علقوله حجاب
- ضربات بالفيسان ولا ضربان باللسان
- إنلم فمي ولساني نروح لقبري هاني.
- إلي تضربو إيدو ما يحس.
- إلي ما شاورك هناكَ.
- القطة من العجلة جابت ذرها عميان.
 
ايه ناس بكري كانو بدهاء في لكلام
حنا درك نقولو حوحو يشكر روحو هههههههه
 
شكرا لكم جميعا على مساهماتكم القيمة في نجاح الموضوع .... شكرا اخي ش كاين اخيرا فيه واحد جابلنا امثلة من الغرب الجزائري بارك الله فيك.... شكرا اخي الباز و رانا ديما هنا بوجه واحد انشاء الله ما نبدلوهش .. شكرا اختي جزائرية فور شكرا نصرو و زمردة الايمان و الستار سوسو و كريم و محمد العباسي و سهى 86.... شكرا للجميع
مرحبا بكي اختي اريج و اسمحيلي ما سقسيناش عليك في غيابك .... انشاء الله تكوني بخير و عودة موفقة للمنتدى انشاء الله ....و بارك الله فيك على الامثلة الاخيرة التي اضفتيها للموضوع شكرا جزيلا.....

و انا اليوم جبت امثلة من كلام الحكمة تاع زمان
..
الزلط و التفرعين
..
اخرج لربي عريان يكسيك
..
اعطيني واحد فاهم و الله لا قرا
"و هذي نركز عليها بزاف لان كاين اللي حاسب كي قرا خلاص وصل للقمة و واحد ما فاهم خير منو ....نقلو راك غالط حبيبي و الدنيا تعلم اكثر من الجامعة ... وكاين فيها قصة واقعية صرات لدكتور قرانا انشاء الله كاش نهار نحكيوها"
 
الله يسلمك اخي السماح


الحمدلله وليت بخير وان شاء الله نقدم احسن واحسن فالمنتدى


ورانا نستناو فالقصة الواقعية باش تحكيهالنا وتفيدنا بيها ان شاء الله

واليوم جبت هاد المتال


(( الشردقة و البردقة ولعقوبة للي بقى))


(( قاقة في ورقة))



مرحبا بكي اختي اريج و اسمحيلي ما سقسيناش عليك في غيابك .... انشاء الله تكوني بخير و عودة موفقة للمنتدى انشاء الله ....و بارك الله فيك على الامثلة الاخيرة التي اضفتيها للموضوع شكرا جزيلا.....

و انا اليوم جبت امثلة من كلام الحكمة تاع زمان
..
الزلط و التفرعين
..
اخرج لربي عريان يكسيك
..
اعطيني واحد فاهم و الله لا قرا

"و هذي نركز عليها بزاف لان كاين اللي حاسب كي قرا خلاص وصل للقمة و واحد ما فاهم خير منو ....نقلو راك غالط حبيبي و الدنيا تعلم اكثر من الجامعة ... وكاين فيها قصة واقعية صرات لدكتور قرانا انشاء الله كاش نهار نحكيوها"
 
السلام عليكم
امثال رائعة و حضور ارووووووووووووع من الاعضاء
يعطيكم الصحة و هده بعض الامثال

خلاتوا ممدود و راحت تشوف محمود
الشركة هلكة لوكان في طريق مكة
لي كلى جاج الناس ايسمن جاجوا
المندبة كبيرة و الميت فار
ادا كان حبيبك عسل متكلوش كامل
لي في كرشوا تبن يخاف من النار
قاعد كي لطرش ف الزفة
راجلها في لحباس و هي تشطح في لعراس
مول الفول ايقول طياب
لي قرصاتوا حية يخاف من حبيلة
قفة ولقات يديها
لي يعجبك رخسوا فسوق تخلي نصوا
بات ليلة مع جاج صبح يقاقي
ما يحس بالجمرة غير لي كواتوا
ناس تعرس و ناس تتهرس
و مزااااااال ان شاء الله يعجبوكم
 
السلام عليكمانا تنيت حبيت نشارك
الى فتك بليلة فتك بحيلة
هدا مخص عوجت لحناك غير السواك
يدرهالقرع ويحصل فيها بو ششية
موضوع شباب تقبل مرورى
 
السلام عليكم ورحمة الله وبركاته

اليوم جبت هاد المتل

(( اضحك يافمي على همي ))
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top