سلام اخباركم الله يخلينا دائما بنات المنتدى وصافي تنفيد ونستفيد
نخليكم مع الصور ديال البيتزا الي عملت اليوم واي سؤال هنا رهن الاشارة
العجين عملت فيها رابعة الفورص وملعقة الزبدة وملعقة زيت الزيتون ومليحة وخميرة الدار وتعجن بالماء الدافئ ونعملها في سريبيتى ونحطها في الثلاجة بين ما وجدت الباقي لاصوص
لاصوص عملت مطيشة محكوكة في الحكاكة شوية ملح ابزار تحميرة وزيت الزيتون وخليتها حتى نشفت مزيان
قطعت البصل والفلفلة رقاق وعملت كل وحده فيهم بوحدها في زيت بلدية ملح ابزار والفلفة نفس الشيء وخليو ا الكل يبرد مزيان حتى لاصوص باش ماتخصرش العجينة
هنا وجدت الزيتون الاسود مقطع الفرماج الاحمر محكوك والطون
سرحت العجينة في لاطة ديال البسطيلة وفرشت الكل
وهنا خدت مقلة حطيتها تسخن مزيان من بعد هزيتها وحطيت فيها شوية زعتر بقيت نحرك فيه حتى سخن حكيتوا بين ايديا ورشيت على البيتزا
تم تكبير الصور ..
وهنا مني خرجتها من الفرن جات غزالة وهشيشة