ضيفتنا الاولى في كوزينة جزائرية

الحالة
مغلق ولا يسمح بالمزيد من الردود.

nada242008

:: عضو بارز ::
أحباب اللمة
إنضم
24 جانفي 2009
المشاركات
10,214
نقاط التفاعل
17,700
النقاط
351
الجنس
أنثى
بسم الله الرحمان الرحيم

اولا اهنئكم بحلول شهر رمضان الفضيل
وان شاء الله تصوموه بالصحة والهنا
*
*
*
كما وعدناكم من قبل سنقوم باستظافة عضوات المطبخ الجزائري
كل يوم ضيفة تشاركنا مائدتها واطباقها
نتقرب ونتعرف عليها اكثر
من خلال بعض الاسئلة
ضيفتنا في اول يوم من رمضان
هي الاخت الغالية والطيبة

**عفاف الجزائرية**

المتميزة بردودها ومواضيعها واطباقها
واشكر لها قبول الاستضافة
*
*
*
الاسئلة ستكون في مجال الطبخ
بمعني بطنك تحت المجهر
مائدتك الرمضانية وسينية السهرة
مع بعض الاسئلة عن حياتها الشخصية
*
*
*
سافتتح قائمة الاسئلة
بانتظار باقي البنات
ان شاء الله تكون خفيفة عليك

1- بطاقتك الشخصية
2- سبب اختيارك لاسمك المستعار
3 -هواياتك
4-مثلك الاعلى
5-حكمتك في الحياة
6-صفي نفسك في كلمتين
7- طبقك المفضل
8-الاكلة التي تجيدين طبخها بشهادة الاهل او الاصدقاء
9- الاكلة التي لا تودين طبخها ابدا
10- موقف طريف في المطبخ
11-برامج الطبخ التلفزيونية المفضلة عندك
12-كم وجبة رئيسية تاكلين باليوم
13-هل تاكلين بين الوجبات
14-هل تحبين اكل البيت ام المطاعم
15-عضوة تتمنين ان تاكلين معها
16-افضل مشروب عندك
17-كم كان عمرك حين طبختي اول مرة
18-ماهو اول طبق طبختيه
19-هل انت من النوعية التي تغامر بتجريب الوصفات
*
*
*
هههه نخلي الدالة للعضوات
وان شاء الله تكون راقتلك الاسئلة

 
آخر تعديل بواسطة المشرف:
لي عودة يعني فتحتي بيا شهر رمضان
ايا ماعليه
درك نوليلك
 
راناااااااااا نستونااااااااو يا عفاااااااااااف
لا مفر من ايدي ام نداااااااا
جوبي على هدو ودوكا نوليلك اناااا
عندي اسئلة بززززاف

 

1- بطاقتك الشخصية
جزائرية بنت 28
2- سبب اختيارك لاسمك المستعار
دايما وين نسجل نكتب اسمي الحقيقي مع كلمة جزائرية مانعرف علاه
بالاك الروح الوطنية خخخخ

3 -هواياتك
شكون خلافو حبيبي المطبخ السفر ونحب نتامل في البحر الشجر الجبال الحوايج اللي نقدر نشوفهم وهوما ما ينطقوش
4-مثلك الاعلى
والديا+خويا لكبير
5-حكمتك في الحياة
الـحـيـاة مـلـيـئـة بـالـحِـجـارة فلا تـتـعـثـروا بِـهـا بـل إجـمـعـوهـا
وابـنـوا بِـهـا سُـلـمـاً تـصـعـدون بِـه نـحـو الـقِّـمـة

6-صفي نفسك في كلمتين
نية وقلبي كبير معليهش نزيد كلمة؟؟
7- طبقك المفضل
المحاجب
8-الاكلة التي تجيدين طبخها بشهادة الاهل او الاصدقاء
يقولو محاجبك سبيسيال وما نعرف راهم يقولو
9- الاكلة التي لا تودين طبخها ابدا
هذا اعتراف وكون يشوفوه شي ناس يضحكو عني
ما نحبش نطيب الحوت والعدس:cra_zy:

10- موقف طريف في المطبخ
مرة وكنت صغيرة 11 سنة جيت نطيب البسبوسة نسيت ما حطيتش البيض وحطيتها في الفور ما حبتش تتلمد
غفلت الدار ورميتها خليها بيناتنا:showoff:

11-برامج الطبخ التلفزيونية المفضلة عندك
كاينة قناة فتافيت نتبع بعض الحصص كيما حورية ومن مصر وزوج اخرين ما نعرفش واش اسمهم
من خلافها ما نتبعش

12-كم وجبة رئيسية تاكلين باليوم
وجبتين الغداء والعشاء برك
13-هل تاكلين بين الوجبات
لالا ما ناكلش:sadwalk:
14-هل تحبين اكل البيت ام المطاعم
كل حاجة في وقتها مليح
يعني اكل البيت ماكانش احسن منو
مي تجي ايامات كي تاكلي في المطاعم بالشياكة والاناقة والبرستيج تاني تكون مليحة
مي ماش في بلادنا:schmoll:

15-عضوة تتمنين ان تاكلين معها
سقسي ابتسام تقوللك هههههه:rolleyes:
16-افضل مشروب عندك
حمود بوعلام ودي عايزة كلام
17-كم كان عمرك حين طبختي اول مرة
كنت 9 سنين عملت القاطو
اما الطبخ ممكن 11 سنة

18-ماهو اول طبق طبختيه
هههههه فكرتيني في لقطة
راحت الوالدة لفرنسا وبقيت انا برك وخويا وبابا وكنت صغيرة يعني 11 سنة العام اللي دخلتلو للكوزينة
جيت نطيبلهم السباقيتي نضت عمرت الكوكوطة مرقة ولحتها
ونستنى فيها تنشف
جات تشبه للشربة فارميسال
وليت نسيح في المرقة حتان خليتها نورمال
هذا اول حاجة طبختها وخربتها وبعدها وليت ربة مطبخ

19-هل انت من النوعية التي تغامر بتجريب الوصفات
بزاف بزاف بزاف
*
*
*
هههه نخلي الدالة للعضوات
وان شاء الله تكون راقتلك الاسئلة



يا اختي واش نقوللك ان شالله نكون عرفت نجاوبك
اكيد مادام الاسئلة من عندك اكيد تروقلي
ايا نستناو الاخوات يجيو

مرسي ليك حبيبتي ندوش على العرضة وعقبال كل البنات
:sheer::sheer::sheer:
 
اهلا وأهلا عفوفة مرحبا بيك في ركن العصر ههه جاياتك بد الشغل ان شاء الله
 
اهلا اهلا اهلا بعمتي عفوفة
منــــــــورة يا غالية

ويا طاطا ام ندى كشما خلتيتيلنا الأسئلة هههههههه

واش راح تطيبي ليوم ؟

نتمنالك اقامة طيبة وممتعة
 
خليني نحل عينيا نرجعلك هههههههههه
 
يعطيكم الصحة انا تاني مور الفطور نفطن مليح
 
وينكم ووين الاسئلة:eek:_o:
 
رمضان كريم كل عام وانتم بخير
 
ايا درك فطنتلك وشربت كاس قهوة سخونة هههههههههههه
متقولوش راكم صدقتو

هل دخولك المطبخ من نفسك او امر من احد ..??????

هل تجيك مرات حالة تقولين توبه ادخل المطبخ ..واخر مرة ?????


نفترض انك تزوجتي وما تعرفين تطبخي شو راح يكون احساسك ...??????

.ماهي الأكلة التي تحبها عائلتك وأنتي لا تحبيها ؟

.مين قدوتك بالمطبخ ؟؟

هل تستخدمي الميكرو يف؟

وماهي الاطباق الشعبيه المشهوره في بلدك ؟؟؟

مانوع الكاميرا اللي تصورين بها طبخاتك؟؟


عضوه تعجبك طبخاتها او طريقه تقديمها؟؟؟
نخليلكم الخط ادا مافيش راني نرجع
ههههههههه
 
السلام عليكم و رحمة الله تعالى و بركاته
رمضان كريم ينعاد عليكم بالصحة والهنا
يعطيك الصحة أم ندى أحسنت الاختيار
عفاف راهاا بين يدينا درك هادي هي فرصتكم باش تتعرفو عليها مليــح
درك نجيك استناي برك
 
اه يا عفاف راهم عصروك
هل تحبين الطبخ من قلبك؟
ماهي اطباق التي تجدينها بمهارة؟
 
سلام اختي عفاف
صح رمضانك
و صح رمضان كل ناس اللمة
ان شاء الله ما يكونش غالبك رمضان ههه
المهم
واش طبختي اول يوم رمضان؟؟
تحبي المالح و لا المسوس؟؟
واش هي الماكلة اللي تشوفيها عند الناس و تقولي اوااه ماجاتهاش بنينة لنديرها انا خير؟
مانكثرش عليك علابالي الاعضاء رايحين يقومو بالواجب
صح فطورك
 
ايا درك فطنتلك وشربت كاس قهوة سخونة هههههههههههه
متقولوش راكم صدقتو

هل دخولك المطبخ من نفسك او امر من احد ..??????
اغلب الاحيان ندخللو من نفسي
يعني ساعات برك وين نكرهو وتجيني حالتي نولي نطلقو
اما اغلب الوقت انا نحب ندخل للمطبخ

هل تجيك مرات حالة تقولين توبه ادخل المطبخ ..واخر مرة ?????

ههههههه والله هي ساعات وين نمل خصوصا كي منين نفطن وانا في الكوزينة ونوجد وننوع ومباعد ييجيو ياكلوها مام با 5 دقاييق وينوضو من الطابلة بلا يعطيك الصحة
نولي نفشل ونقوللهم انا نستاهل نقلش فيكم هههههه

نفترض انك تزوجتي وما تعرفين تطبخي شو راح يكون احساسك ...??????
اكيد نحس انه ينقصني شي
لكن الواحدة كي تكون عندها ارادة حتى وما تعرفش تولي تتعلم سواء من اهل زوجها او من التلفزيون ولا النت درك راه كل شي كاين غير اللي ما تحبش تتعلم


.ماهي الأكلة التي تحبها عائلتك وأنتي لا تحبيها ؟
المشكل في الاكلات ماشي فيا انا لساهلة
المشكل عندي اخ ديما ما باكلش معانا خصوصا الاكلات اللي بالبصل
ديما احنا ماكلتنا وحدنا هو ماكلتو وحدو

.مين قدوتك بالمطبخ ؟؟
امي حفظها الله ورعاها واطال بعمرها يا رب

هل تستخدمي الميكرو يف؟
الصراحة ايه احيانا نستخدمو خصوصا كي نكون مزروبة ونحب نديكونجلي حاجة نستعملو

وماهي الاطباق الشعبيه المشهوره في بلدك ؟؟؟
طبعا الشخشوخة المهراس والمحاجب وبربوشة الاعراس نتاع البصلة والزبيب والسكر

مانوع الكاميرا اللي تصورين بها طبخاتك؟؟

nikon_s220_450.jpg

كنت نستعمل في هاذي داتها اختي معاها لعرس ولدها وكي رجع خويا نحاوهالو في لاديوان
درك راني نصور بالموبيل نتاعي
samsung-sgh-f480.jpg

عضوه تعجبك طبخاتها او طريقه تقديمها؟؟؟
والله الصراحة كل العضوات تعجبني اطباقهم وكامل اطباقهم في القمة من ام ندى اليك الى روز عفوفة3 فريدة ام ايناس كيما كانت
الاوخات الجدد اللي انظمولنا كامل اطباقهم ما شالله

نخليلكم الخط ادا مافيش راني نرجع
ههههههههه
تنوري وقت ما تاشئين اختي بسومة
 
اه يا عفاف راهم عصروك
راكي تشوفي اشريفة اختي
هل تحبين الطبخ من قلبك؟

والله ماشي غير نحبو نعشق فيه
ماهي اطباق التي تجدينها بمهارة؟
الصراحة اي طبق نشوفو ما يصعابليش

مشكورة اختي اسئلتك خفاف ضراف كيما انتي
 
السلام عليكم
صح رمضانك اختي عفاف
راهم الفحلات قايمين بالواجب معاك
ههههههههههههههههه
عندي سؤال واحد ليك
تخيلي راكي معروضة عند اقارب ليك و عملولك اطباق انت متحبيهاش واش هو رد فعلك
كل عام وانت بخير
 
سلام اختي عفاف
اهلا اختي عيدوش
صح رمضانك
الله يسلمك اختي
و صح رمضان كل ناس اللمة
ان شاء الله ما يكونش غالبك رمضان ههه
المهم
واش طبختي اول يوم رمضان؟؟
الشربة اساس المائدة بوراك وفلفل الزعماء+سلاطة طاجين حلو
طبقجانبي عبارة عن بطاطا مسكرفجة بالللحم المرحي ولاصوص

تحبي المالح و لا المسوس؟؟
طعامي كامل مسوس
وساعات وين نكون مقلقة نرهجهم بالملح:shiny:

واش هي الماكلة اللي تشوفيها عند الناس و تقولي اوااه ماجاتهاش بنينة لنديرها انا خير؟
اختي متزووجة تدير الفلفل الحميص راجلها ما يحبوش ناشف يحبو مهرس والطماطم يطيبوه شويا ويخلوه بالماء نتاعها
انا هرجها نقوللها اللي نطيبو انا خير

مانكثرش عليك علابالي الاعضاء رايحين يقومو بالواجب
صح فطورك


اله يسلمك اختي منورة ورمضانك كريم وصحا لفطورك انتي تاني وكل العايلة
 
السلام عليكم و رحمة الله

و صح رمضانكم يا البنات ربي يتقبل منكم و منا صالح الأعمال

راني جديدة و مش جديدة ههه نعرفكم أكل مليح مليح :shay: بالصح جامي شاركت معاكم :sadwalk:

المهم يا الزينة عفاف ماعليش نوجهلك شوية أسئلة :shay: ::

1- قداش كان عمرك كي صمتي ؟؟
2- هل مرة في رمضان جعتي و قلتي ماعليش حلي ناكل برك:showoff: ؟؟
3- شحال من مرة درتي الماكلة مالحة :eek:i-o:؟؟
4- دخلتي للكوزينة بكري الله يبارك شكون كان يعلمك الطياب ؟؟
5- شكون القدوة تاعك في الكوزينة ؟؟
6- تحبي تاكلي بزاف:eek:_o:؟؟
7- واش هي الأداة المفضلة عندك في الكوزينة ؟؟
8- تحبي تبدعي في الوصفات ولا تطبقيها صم يعني as it is
9- تحبي الأكلات الشعبية و تحبي طيبيها ؟؟
10- واش من طبق ولا أطباق جاوك صعاب و بالسيف باش تعلمتيهم ؟؟
11- شحال من مرة فشلتي في طبق حاولتي ديريه ؟؟

امممم نظن هاذو بزاف عليك :sheer:هههه
أيا صح فطورك يا الزينة :re_gards:و بالاكي ماتجاوبيش ههه :cra_zy:
ربي يتقبل منك و من كل العاآآئلة ..

سلاآآآمــ ،،

مريم
^ــــ^
 
السلام عليكم
صح رمضانك اختي عفاف
راهم الفحلات قايمين بالواجب معاك
ههههههههههههههههه
عندي سؤال واحد ليك
تخيلي راكي معروضة عند اقارب ليك و عملولك اطباق انت متحبيهاش واش هو رد فعلك
كل عام وانت بخير

نغمض عيني وناكل وامري لله


هه والله يا اختي مريم غير صمتي وفطرتيني على سردوك
يعني ما سالتيش وكي سالتي حبستيلي راسي
يعطيك الصحة يا لساجية
وصحا لرمضانك ولفطروك
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top