رجاءا المساعدة

الحالة
مغلق ولا يسمح بالمزيد من الردود.

sanaya

:: عضو بارز ::
أحباب اللمة
إنضم
8 ديسمبر 2016
المشاركات
3,495
نقاط التفاعل
38
النقاط
157
الجنس
أنثى
لدي بنت عمرها ست سنين
غالبا مايكون عندها مشكل صحي والسبب نفسي
اول شيء كانت تعاني من حساسية شديدة وتبين أن سببها نفسي
وشفيت والحمد لله
ثم أصيبت بإمساك مزمن وجربت كل أنواع الأدوية وقال لي الطبيب أن إمساكها المزمن قد يكون مسببه مشكلا نفسيا
وبنتي منذ فترة الحمل كنت في مشاكل كثيرة ولم أكن مرتاحة إطلاقا ولم يكن الأمر بيدي وبعد الولادة كانت كثيرة البكاء بكاءا غير طبيعي
وبعد ولادتها لم أكن مرتاحة أيضا وأكيد الطفل عندما يرضع يشعر بآلام أمه والعجيب أنو الأشخاص اللي كانوا يسببولي المشاكل كانت تبكي كلما يقربو منها
وكوصلت عام ونص زادت ختها الصغيرة
وبدات تعاني من مشكل الغيرة
هصوصا وأن العائلة يفضلون الصغيرة كثيرا مالڨري قلتلهم راهي تحس وتلاحظ مي لاحياة لمن تنادي
وحاولت قدر الإمكان نخليها تحب ختها ونجمع بيناتهم ونجحت
و
مي ديما مقلقة وتبكي متحب تخرج متحب تلعب
وسقسيت مختصين فالمجال قالوا هادي نتيجة الظروف اللي مريت بيهم في مرحلة الحمل
والآن نحب المختصين فالمجال يعاونوني بأي نصيحة نقدر نعرف واش تحس فيه بنتي وكفاه نخليها تكون فرحانة و خصوصا نتقلق بويسك كل مشكل صحي يقولي طبيب عندو أسباب نفسية
والسلام عليكم
 
السلام عليكم
اختي مريم علاش ما تديهاش لطبيب نفسي
هو مختص في هذا شيء ويعرف المشكل لي
تعاني منو بنتك
ان شاء الله مايكون غير الخير وربي يشافيها
 
السلام عليكم اختي
الطفل الصغير يحس بكل صغيرة وكبيرة تصرا قدامو ولهذا التربية واعرة بزاف ولازم تعرفي كيفاه تتعاملي معاها خصوصا في هاذ الفترة لانها مرحلة انتقالية وبزاف حوايج يتغيرو فيها.
شوفي كاش طبيب نفساني يقدر يمدلك نصائح ..
المهم دور الام والاب في هاذ الااوقات مهم وما ننساش دور الاقارب لازم تفهميهم اكثر ولازم عليهم يتعاملو معاهل بالمثل كيما يتعاملو مع ختها الصغيرة لان الغيرة طبيعة الانسان ومرات يصراو حوايج بعيد الشر جراء هاذ الامور.
واذا كانت تقرا لازم تهدي مع المعلم لان المدرسة مكان جديد للطفل وبالتالي راح يحوس يتعلم حوايج جدد من ثما.
المهم ربي يشفيهالك ان شاء الله :)
 
السلام عليكم
اختي مريم علاش ما تديهاش لطبيب نفسي
هو مختص في هذا شيء ويعرف المشكل لي
تعاني منو بنتك
ان شاء الله مايكون غير الخير وربي يشافيها
صراحة مفكرتش نديها لطبيب نفسي كنت فقط أقتصر بالأسئلة
شكرا صح فكرة شابة
 
السلام عليكم اختي
الطفل الصغير يحس بكل صغيرة وكبيرة تصرا قدامو ولهذا التربية واعرة بزاف ولازم تعرفي كيفاه تتعاملي معاها خصوصا في هاذ الفترة لانها مرحلة انتقالية وبزاف حوايج يتغيرو فيها.
شوفي كاش طبيب نفساني يقدر يمدلك نصائح ..
المهم دور الام والاب في هاذ الااوقات مهم وما ننساش دور الاقارب لازم تفهميهم اكثر ولازم عليهم يتعاملو معاهل بالمثل كيما يتعاملو مع ختها الصغيرة لان الغيرة طبيعة الانسان ومرات يصراو حوايج بعيد الشر جراء هاذ الامور.
واذا كانت تقرا لازم تهدي مع المعلم لان المدرسة مكان جديد للطفل وبالتالي راح يحوس يتعلم حوايج جدد من ثما.
المهم ربي يشفيهالك ان شاء الله :)
مشكور أخي
من جهة الناس معندك مديرلهم ديجا كاين اللي ديرها بلعاني ويهدر مع لصغيرة ويخلي لكبيرة
المعلمة سييت نهدر معاها مي لقيتها مش مهتمة بزاف
أصلا هي متعرفش كفاه تعامل مع دراري تهددهم كامل الوقت وممكن هاذ الشي تاني أثر عليها
بقات النصيحة الأخيرة نديها لطبيب نفسي
هادي راح نشوف فيها لأنو ممكن هي آخر حل
وشكرا على كرم المرور
 
مرحلة وتفوت أختي حاولي تخرجيها تحوس وتبدل الجو وماتديهاش لطبيب نفسي مازالها صغيرة عل هذا الأمور وربي معاك أختي
 
مرحلة وتفوت أختي حاولي تخرجيها تحوس وتبدل الجو وماتديهاش لطبيب نفسي مازالها صغيرة عل هذا الأمور وربي معاك أختي
راهي تخرج وتبدل الجو مام فالدار ندير معاها أنشطة
مي المشكل هادو المراحل تاع الصغر سوا كانت صغيرة ولا فترة الحمل أثروا عليها بزاف
مي من جهة الطبيب النفسي صراحة منعرفش
حابة نديها ومن جهة صح كما تقولي صغيرة
أنا نحب حاجة تخليها تعبر وتخرج وش كاين بقلبها وهاكا ترتاح وتريحني
هي المشكل متهدرش زعما تغيضها حاجة وتسكت وهداك السكات يأثر عليها وولي مشاكل صحية ولكن أسبابها نفسية
مع العلم أنو نتقرب منها بزاف ونحكي معاها
مي متهدرش بزاف
شكرا على مرورك أختي سلام
 
السلام عليكم و رحمه الله تعالى وبركاته

ديري لبنتك فحص عام للفيتامينات الموجودة في جسمها لانو نقصها او زيادتها يسبب مشاكل ،مثل فيتامين دال ،الكالسيوم... الخ
اختي الفاضلة قرأت مشكلة ابنتك وأنا عندي نصائح غذائية:
غيري لها الماء واختاري الماء الغني بالاملاح المعدنية لانه مفيد للامساك المزمن. خاصة المغنيزيوم فهو يساعد على الشعور بالنشوة والفرح.
الشوكولا السوداء ولو مرة في الاسبوع مثل الدواء لأنها مرة جدا.
ثم نوعي لها الخضار في اكلها لان الخضار غنية بالالياف.
أما مشكلتها النفسية فأضنها تحتاج الى اهتمام اكثر من والدها لانه مصدر الامان للطفل ،ياخذ الحنان من الام والامان من الاب .
واجعلي ابوها يرقي لها في قليل من الماء مع الصباح ،واعطيها تشربه.
دعيها تختار لعبة تحبها واشتريها لها هذا سيحسسها بالفرحة ،انها اختارت شيئا بنفسها.
اتمنى ان تفيدك نصائحي
وادعو لها من قلبي بالشفاء.
تقبلي مروري مع فائق الاحترام والتقدير
حلم كبير(y)
 
حقا اختي راهي كاينة واقيلا مشرفة ( اذا لم تخني ذاكرتي) طبيبة نفسانية تقدر تساعدك
 
اعتقد ان الامر وارثاتو من احد الوالدين ممكن واحد منكم مقلق
و الحل هو بثلاث طرق
الأول لازم تحس بالأمان و الحنان منكما باحتضانها و الحديث معاها
مع الصبر حتى و لو واصلت في دلالها لازم تكوني صبية معاها و تلعبي معاها
و حتى و لو مللتي مالازمش تبيني ليها
الحل الثاني الرقية في الماء انت من ترقيلها بقراءة آيات من القرآن في ماء
و تخليها تشرب و تغسليلها منه وجها هكذا حتى ولو كانت مصابة بعين رايح ترتاح
الثالث استعيني بنصائج طبيب نفسي رايح يساعدك كثيرا
و الله اعلم
 
مرحبا بك اختي الغالية ..
اعتقد ان إبنتك لديها مشكل جسدي و ليس نفسي ، الامساك يأتي من مرض الامعاء الغليظة (المصران) ، هناك من عندهم امعاء طويلة تسبب الم و انتفاخ و بالتالي قلق
انصحك بعرضها على طبيب مختص في الامراض الباطنية و الجهاز الهضمي ، و ابعديها عن الطب النفسي لانه سيزيد من حالتها ، تفهميها انت بالذات .. حاوريها و ساعديها
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top