مشكلتي مشكلتي عويصة اعينوني

[مشكلتي]

السلام عليكم
انا شاب تجاوزت الثلاثين اعيش في عائلة فقيرة جامعي وموظف
مشكلتي والدي لا يهتم كثيرا بتجهيز البيت وتهيئته
منزلنا متكون من غرفتين ومطبخ ومستودع
منذ وعيت في هذه الدنيا ونحن نبيت في غرفة او غرفتين
الوالد والوالدة لا يملكون غرفة خاصة بهما
مثلا حاليا في صالة المعيشة يبيت أبي وأختين معه واخي والوالدة في المطبخ واحيانا في المستودع لما يبيع ابي سيارته
انا بصدد تجهيز الطابق الأول لكن ما بيدي حيلة راتبي لا يكفي خاصة وان أبي يريد مني ان اصرف على نفسي في المأكل والملبس واساعد في مصاريف البيت ولا ينظر لحالتي في تجهيز البيت وكل اصدقائي وابناء الحي تزوجو ولاباس بيهم ربي يباركلهم على كل حال.
حتى موضوع الزواج لا يطرح في البيت الا للتنكيت والضحك
حالنا مؤسف وبيتنا تسوده حالة من البؤس وكأننا نعيش في السبعينات لا مطبخ مهيء ولا دوش ولا مرحاض اكرمكم الله
حتى اني احاول جمع بعض المال لتهيئة الطابق الاول لكن انظر في حال الطابق الأرضي وضعه كارثي خاصة في نظر بنات هذا الجيل بالاخص اللي عندهم كلش ضروري الفايونس الكرلاج وحتى الكماليات هي ضرورات في نظرهن..
كما ان نفسي تتوق للزواج وتعبت كثيرا نفسيا ومعنويا وصرت أعيش في حالة من الروتين القاتل مما عاد عليا بالعصبية والقلق الدائم
لم اجد وقتا لعمل اضافي فوظيفتي تشغل كامل وقتي والراتب لا يلبي الاحتياجات كيف اتزوج وادفع المهر وووو
ما هو الحل؟؟​

 

[همس الوُرود]

وعليكم السلام ورحمة الله وبركاته
الله يفرج عليك أخي ويرزقك بالزوجة الصالحة إن شاء الله
إن شاء الله تلقى مساعدة من الأعضاء

 

[لؤلؤة قسنطينة]

السلام عليكم
عندي مدة مارديتش على المواضيع لكن اليوم ماقدرتش نشوف هاد المشكلة ونسكت
والله خويا صراحة حاسة بيك وبالوضع تاعك، لكن نقولك حاجة الحل راهو بيدك وهو أنك تحط ثقة كاملة
في ربي سبحانو، ماراكش تحوس على الحرام بالعكس راك تحوس على الحلال وتطلب في حاجة تاع صلاح وربي ماش رايح يخيبك
ربي هو لي يرزق وهو لي قادر بين يوم وليلة يرزقك بشي ماتتوقعوش، الله سبحانه وتعالى القدرة تاعو أكبر من أنو يوقفها طلب بسيط
يعني اطمع في رحمة ورزق ربي سبحانو، نتا اتوكل على ربي واسعى للخير وهو رايح يوفقك من عندو
ومازالو كاينين بنات لي يحوسو على راجل متربي وكلشي بغض النظر عن الوضع تاعو بالاك قلاااال بصح كاينين
ماتفقدش الامل وهز يديك لربي هو بكلمة واحدة برك قادر يغيرلك حياتك كاملة
وربي يرزقك كل خير ويفرج عليك من عندو ويرزقك بالزوجة الصالحة ان شاء الله فقط اصبر برك وحط الثقة في ربي
{إِنَّهُ مَنْ يَتَّقِ وَيَصْبِرْ فَإِنَّ اللَّهَ لَا يُضِيعُ أَجْرَ الْمُحْسِنِينَ} هادا كلام ربي سبحانو، مالا الصبر فقط خويا ورايح يفرج عليك ربي
ربي يوفقك لكل خير ان شاء الله
​

 

[طموحة]

السلام عليكم
أخي لا تيأس من كرم الله سبحانه وتعالى
ان الله أرحم بك وهو يرى حالك
ويرى أنك تسعى لكسب مالك بالحلال
أكثر من الاستغفار و الدعاء
وربي يلاقيك بزوجة صالحة كما تتمناها
ويصلح أمور بيتكم
​

 

[Amira28]

السلام عليكم
اولا اخي الزواج هو مكتوب ربي شكون راح تتزوجها ويقتاه تتزوجها راهي عند ربي نهار يلحق وقتك راح تلقا اللي تقبل بحالتك.
ثانيا لا تقنطو من رحمه الله انت علاه العصبيه خلي روحك سعيد بالشيء اللي عندك باباك لقا باه يبني فيلا ومادارش؟؟ ماشي بيدو انت اخدم واكسب دراهم حلال وحاول تخلي روحك سعيد.
ثالثا افتح موضوع زواجك وقلهم راك حاب تتزوج وراح تبني دار باه تتزوج باه باباك يفهمك ويكلفكش بمصاريف بزااف.
وهذا كامل لازم تصلي بزااف وتدعي ربي يفرج عليك
ربي يفرج عليك وعلى كامل شباب المسلمين

 

[ammmmoula]

اخي الكريم والله رحمة ربي واسعة والله ربي كريم ان مع العسر يسرا فان مع العسر يسرا وربي يفرج عليك

 

[Soumia hadj mohammed]

السلام عليكم
وعليك السلام ورحمة الله وبركاته
انا شاب تجاوزت الثلاثين اعيش في عائلة فقيرة جامعي وموظف
اخي ايضا شاب وتجاوز الثلاثين ، لا العيب في الفقر ولا الغنى اسعد الثري
ما شاء الله ، وفقك الله واعانك ورزقك من فضله
مشكلتي والدي لا يهتم كثيرا بتجهيز البيت وتهيئته
لا تقل انها مشكلة ولا تذكرها حتى لا يبقى عقلك منحصر في الاجابات السلبية التي يقدمها اليه فيجعلك حزِنا
قل كيف اغير من طبع ابي حتي يصبح مهتما ، ولاحظ ما سيقدمه لك عقلك
اقترح ان تبدا انت بالمحاولة ، فقط بالاشياء البسيطة ، مع بداية تغيير البيت الى الاجمل اكاد اجزم انه سيحرك ذلك شيءا في الوالد الكريم ويمد يده ايضا
الكل يود ان يعيش في فضاء جميل هادىء وما ان يتذوق منه القليل الا وسعى في جماليته اكثر
منزلنا متكون من غرفتين ومطبخ ومستودع
اسال الله ان يعينكم ويوسع عليكم في الدنيا والآخرة
منذ وعيت في هذه الدنيا ونحن نبيت في غرفة او غرفتين
وسيفتح ابناءك اعينهم على السعة باذن الله
الوالد والوالدة لا يملكون غرفة خاصة بهما
مثلا حاليا في صالة المعيشة يبيت أبي وأختين معه واخي والوالدة في المطبخ واحيانا في المستودع لما يبيع ابي سيارته
الصبر ثم الصبر يصحبه العمل وحسب وضعكم اخي يستلزم العمل المكثف ، سيتغير كل شيء فقط لا تيأس وكن طموحا لأبعد الحدود وثقتك بالغني الرزاق الكريم كبيرة
انا بصدد تجهيز الطابق الأول لكن ما بيدي حيلة راتبي لا يكفي خاصة وان أبي يريد مني ان اصرف على نفسي في المأكل والملبس واساعد في مصاريف البيت ولا ينظر لحالتي في تجهيز البيت وكل اصدقائي وابناء الحي تزوجو ولاباس بيهم ربي يباركلهم على كل حال.
جميل ذلك ،حسنا وابآك اين هو من تادية واجبه بخصوص المصاريف ام ليس لديه راتب ؟
ربي يهنيهم ، لكل منا نصيب ، فقط اصبر قليلا ، انما يوفى الصابرون اجرهم بغير حساب
حتى موضوع الزواج لا يطرح في البيت الا للتنكيت والضحك
لا عليك اليوم يطرح للتنكيت وغدا يطرح بجدية ، والقاطو عليا ^_^
حالنا مؤسف وبيتنا تسوده حالة من البؤس وكأننا نعيش في السبعينات لا مطبخ مهيء ولا دوش ولا مرحاض اكرمكم الله
لا حول ولا قوة الا بالله ، الله المستعان
حتى اني احاول جمع بعض المال لتهيئة الطابق الاول لكن انظر في حال الطابق الأرضي وضعه كارثي خاصة في نظر بنات هذا الجيل بالاخص اللي عندهم كلش ضروري الفايونس الكرلاج وحتى الكماليات هي ضرورات في نظرهن..
لا تدع مجال للتفكير بالسلبيات اخر شيء ان تفكر فيه هو ما يحب الغير ، ان بقيت هكذا لن تتقدم بخطاك
انت حاول بلوغ الهدف الاول بسرعة يعني من اجل سنك وحىدتى لا يؤثر عليك بالقنوط
حاول في تهيئة المنزل وبعدها ستتزوج زينة البنات واطيبهن يارب

كما ان نفسي تتوق للزواج وتعبت كثيرا نفسيا ومعنويا وصرت أعيش في حالة من الروتين القاتل مما عاد عليا بالعصبية والقلق الدائم
شيء طبيعي يحدث معك ، حاول ان تكن ردة فعلا ايجابية وكلما زاد الياس زادت ايجابيتك
لم اجد وقتا لعمل اضافي فوظيفتي تشغل كامل وقتي والراتب لا يلبي الاحتياجات كيف اتزوج وادفع المهر وووو
ما هو الحل؟؟
لا تكلف على نفسك الكثير الكثير حتى ترهقها ، الصحة اولى
ولا تطرح على نفسك اسئلة تجعل عقلك يرد عليك بالسلب فقط
​

تحية طيبة لك اخي
وفقك الله
​

 

[Hakan]

ياخويا الحل بسيط بالنسبة للمسكن عليك بالكراء وابني حياتك بيسك الاب اللي ما يخممش في مستقبل اولادو
نضن يعطيلهم ميساج واحد وهو انو ابنيو حياتكم بنفسكم هذي من ناحية المسكن واذا تحاول تبني رايح يتكلفلك بزااف هذي اولا
ثاني رايح يكون شيء ماشي مليح لانو المليح في نظر الفتيات على قولتك راهو تخطى الحدود ضركي راهم يحوسو على كوزينة نتاع قناة سميرة
وعلى غرفة زوجية فيها كل متطلبات الحياة الكاملة .
اما من ناحية المهم تقدر توفر من خلال انو تنحي على روحك شويا يعني عوض تشري الملابس الجديدة تكفيك ملابس مستعملة هذي اذا حاب تضحي
ومافيها حتى عيب واكيد تكون سلعة نتاع الخارج باسكو تشد مليح تضرب بيها عام كامل نورمال
وخبي للعاقبة والمهر ماهوش حاجة كبيرة اذا كانت الطفلة اللي تخيرها ماهيش تحت البيع عند والديها باسكو لازم تخير البنت
اللي حابين يستروها والديها وبين البنت اللي حابين يبيعوها
الحاجة الاخرى وهي انو تدفع ملف السكن يعني اذا كتب ربي وتزوجت رايح تصبر خمس سنين في الكراء
ومن بعد يفرج ربي بكاش سكنة
ثالث حاجة ما تقولش انو مكانش بنات ما تبغيش الزوالي ابدا لانو مادام كاين الرجال يبغي الزوالية اكيد كاينة طفلة تحب الراجل لرجولتو ماشي لانو
بدراهمو اوكي وشوف يااخي اللي يبغي الحلال والعيشة الحلال تجيه ديفوا يقنطن من حالتو لكن ديما ديما حط انو راك تحت الاختبار نتاع ربي
واللي المدة نتاعو غير معلومة كيما قلت انت منين شفيت على عمرك هكاك لكن يجي وحد الوقت تتفكر انو كانت برك من ايام زمان
وربي يفرج على خويا ..سلام.​

 

[زاد الرحيل]

يا اخي كان الله في عونك ،لكن اعيب عليك و اعذرني والدك فقير وكلنا فقراء و الفقر ليس عيبا فالفقير الشريف افضل مليون مرة من الغني اللص او الذي مصدر ماله حرام المهم ليس لك الحق ان تتعصب على اهلك فقد ادووا واجبهم باتجاهك و اكثر اوصلوك للجامعة فبارك الله فيهم،فالدور عليك الان لترد لهم الخير و تساعدهم ابدا باعداد الغرفة لوالديك اولا ثم غرفة للبنات و للاخوان و من بعد ذلك تتفرغ لنفسك حتى لا تواجه بعد ذلك مشاكل و لا يلاحقونك في شيئ
اما المضاهر فمن تختارها يجب ان ترضى ب ضروفك و الا ستبقى طوال عمرها تطلب وتطلب و ربما تطلب منك طرد اهلك من المنزل اصبر يا اخي على الزواج قليلا حتي تصلح امورك فا والله ستكره منه بمجرد مرور اشهر والديك اولى و اولى و الله يبارك لك بعد ذلك و ييسر لك امورك من حيث لا تحتسب

 

[نونا حنونة]

الله يكون في العون

 

[ليليا مرام]

السلام عليكم اخي الكريم
اول شي الله يفرج عليك وعلى كل شبابنا لانو الكل يعاني نفس المشكل
خويا اول شي رتب الاولويات في راسك وثاني شي لازم التعاون انت وحدك ما تقدرش انت باه تجهز الطابق الاول والارضي وين اهلك كارثي ما جياش وفنفس الوقت كا تقدرش تبدا من الارض وتطلع تدي دراهم بزاف والبريكولاج هذاك يدي دراهم اكثر واكثر اول شي انت احكي مع باباك واذا كاين خاوتك يعاونك واذا لالا انت جهز الطابق الاول اول شي يلزمك غرفة ومطبخ وحمام هذو الضرورين انت المرا اللي تتزوجها مش لازم تجهزلها طابق كامل في بداية حياتكم تكفي شمبرة وكوزينة وحمام بالنسبة للارضي مرة مرة اخدم حاجة الحمام مش لازم شي غالي او فاخر عادي وبعدو المطبخ على قد ما تقدر واهم شي المعاونة احكي مع يماك
ما تقدرش تخدم شعال من خدمة في وقت واحد الله غالب هذا مقدورك الله يعينك وننصحك استغفر الاستغفار يفتح ابواب بزاف صدقني عن تجربة
الله يفرج عليك

 

[aljentel]

الله يكون في عونك

 

[أم أُنٌَيسة]

السلام عليكم و رحمة الله تعالى و بركاته
اسال الله ان يرزقك بما تحب فيما يحب و يرضى لك ان شاء الله يارب
اصبر و استخر الله في كل عمل تفكر فيه وان كان فيه خير لك سيقدمه وان كان فيه شر لك سيخرجه من بالك و يصفى دهنك باذن الله تعالى
و اللي فيه خير يجيبو ربي اكيد دائما و ابدا
لو ترى كل الخيارات اللتي امامك ستختار ما انت فيه الان وما اختاره الله لك فالله دائما يحب الخير لعباده
تحياتي احترامي و تقديري​