هل انا طبيعية ؟؟؟؟

Smile Queen

:: عضو مُتميز ::
إنضم
2 سبتمبر 2012
المشاركات
587
نقاط التفاعل
925
النقاط
51
محل الإقامة
باتنة
السلام عليكم
عارفة الموضوع تاعي غريب شوية من عنوانو
لكن فعلا لا افهم ما الذي يحدث لي في هذي الايام
توفيت حماتي السابقة وقبل وفاتها اتصلت بي تطلب السماح لان لها يد في طلاقي
لم اسامحها وقلت لها ذلك قلت لها بالحرف الواحد حسبي الله ونعم الوكيل فيكم
بعدها بأيام سمعت بخبر وفاتها لان منزلهم قريب جدا منا
حاسة بالذنب وفي نفس الوقت قلبي لم يسامحها لم اكن بحياتي قاسية الى هذا الحد
لم اتخيل في حياتي ان اكون في هذا الموقف انسان ميت لا اقوى على مسامحته !!!
اتمنى نصيحة من القلب او كلمة تمكنني فقط من حذف هذا الحقد من قلبي
لم اتخيل ان اكون قاسية هكذا ولم اكن هكذا في حياتي
 
اختي الشعور بالظلم شيء قاس جدا وحاسة بيك

علابالي باللي شعورك بالصدمة كي قالتلك عجوزتك بالي كانت السبب في انفاصلك عن زوجك كان كبير و شيء طبيعي تكون ردة فعلك هكاك
هي صح غلطت بصح ربي كتبلك انك تكوني مطلقة و لازم ترضي بالشي لي كتبو ربي سبحانو دائما احسني الظن بالله وقولي ربما ربي سبحانو حطها سبب فقط باه تتغير حياتك للافضل
المراة توفات وطلبت منك السماح كوني متسامحة مع نفسك ومع الناس كبري قلبك وسامحيها وادعي ربي يغفرلها ويعوضك الاحسن
بالتوفيق
 
هما صح والله مايخلو لواحد يسامحهم وهاد الحموات والله لوكان منسمحولهومش يتعذبو فالدنيا قبل الاخرة...
كوني كريمة وسامحيها ربي يرضى عليك ويخلي ناس تسامحك وتدعيلك ادا غلطتي في يوم مع كاش انسان، سامحي وخليها على الله....
 
السلام عليكم و رحمة الله و بركاته

اختي ضوكا هاذي راهي في قبرها و انت هاذاك ما كتبلك ربي كي ما تسامحيهاش ما راكيش رح ترجعي الزمان للخلف نقولك صفي قلبك و سامحيها و ادعيلها بالرحمة و المغفرة خاطر هاذاك ما يكون الواحد محتاج في ظلمة القبر . . . و ما تخمميش ربي أكيد رح يبين الحق ..ربي يفرج عليك حبيبتي و يهنيك

سلام
 
أختي نصيحة لوجه الله ......لاكن تدبريها بعقلك لا بقلبك

قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: « الرَّاحِمُونَ يَرْحَمُهُمُ الرَّحْمَنُ ... »
الصحيحة (922)
 
السلام عليكم اختي
اول شي انت ما غلطتيش وماشي قليل انو تظلقي لو عندها يد ربي يسامحها واحنا مش منافقين لانو شعبنا يديرها كحلة ولنا يجي يموت عيطو لفلان يسامحو انا وحدة ما نسامحش لانو الضر مرات يكون كبير بزاف انت قلبك ما سامحهاش ما قدرتيش تقوليها على كل حال ربي يغفرلها ويسامحها وانساي الموضوع عادي
 
السلام عليكم
قال الله تعالى
*الَّذِينَ يُنفِقُونَ فِي السَّرَّاءِ وَالضَّرَّاءِ وَالْكَاظِمِينَ الْغَيْظَ وَالْعَافِينَ عَنِ النَّاسِ ۗ وَاللَّهُ يُحِبُّ الْمُحْسِنِينَ (134)*
سورة الاسراء الاية 134
 
اختي انوي انك تسامحيها
لانها انتقلت الى دار الاخرة و ان شاء الله يعوضك باحسن هو مكتوب علينا جميعا انما تختلف الاسباب
ربي يعينك و يقويك على نزع الضغينه اللي بقلبك عليها و تسامحيها حتى تجدي في ميزان حسناتك
 
وعليكم السلام
المسامح كريم اختي
هي ربي يحاسبها وانتي بيضي قلبك
راهي تحت التراب ربي يرحمهاان شاء الله
 
يا حبيبتي ممكن الشي لى دارتهلك لا يغتفر وشي يقهر ربي سبحانه ويسامح فاين نحن من كل هادا
لو كان راها عايشة بلاك وصرالها موقف قدامك راح تغيظك
ومابالك الموت اللى حرمها من تصفية امورها
وزاد راها طلبت منك سماح وندمت
والله يا دنيا ماندو منها حاجة سامحيها يكون ليك اجر كبير
ولى فات مات
حنا راهم عايشين معنا وكل يوم يسمعونا كلام مسموم والنفاق لى يجى منهم ومانعاملوهمش بالمثل
وما بلك انسان هاجر الدنيا وتركها
 
استعيذي بالله من قسوة القلب فعواقبها وخيمة في امور الدنيا وحتى في عباداتك
تذكري ان كلنا مصيرنا الى الموت والقبر فلماذا لا نسامح ونعفو
من شيم الكرام العفو عند المقدرة فما بالك مع حماتك وهي مسلمة مثلك فكيف يكون هناك حقد بين المسلم واخيه فما بالك اذا مات اخوه؟؟؟؟
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top