ارحموا من في الارض يرحمكم من في السّماء

لؤلؤة قسنطينة

:: عضو بارز ::
أحباب اللمة
إنضم
13 أفريل 2013
المشاركات
14,618
نقاط التفاعل
54,535
النقاط
1,756
العمر
31
محل الإقامة
قسنطينة
الجنس
أنثى
السلام عليكم أهل اللمة الكرام واسعد الله أوقاتكم
ماشاء الله رانا مقبلين على عشر ايام مباركة فيها الاجر والثواب مضاعف ماتضيعوش مثل هاد الفرصة
بالنسبة للأخوات ادخلوا للموضوع لي واضعتو في توقيعي رايحين نتشاركو فيه باذن الله على مايرضي الله ويزيد الأجر والثواب ان شاء الله (ندير في الاشهار هههه)
المهم ندخل في الموضوع، بالاك كثير من الناس في اللمة يعرفو تعلقي الشديد بالحيوانات وكرهي الشديد لأذيتهم
اذا كان الانسان طول وعرض وعندو لسان باه يهدر ويدافع وكي يتظلم يغيضنا ونبكيو عليه فمابالك بحيوان مايهدر
مايبكي ما يعبر على لي في قلبو قط في الطريق تضربو برجلك مسكين مايشكيش بصح الشكوى تاعو تروح طول عند ربي سبحانه، ظلم مثل هاد الكائنات حسابو كبير عند ربي للناس لي غافلة
المهم بما أنو بعد ايام عيد الاضحى المبارك رايحة نتكلم على الكباش، هاد المخلوقات المسكينة لي حتى هي ما منعتش من أذية البشر (عيب حتى نسميهم بشر لأنو الاعمال لي يديرو فيها الحيوان ويحشم منها)
المهم بلا مانذكر آداب الذبح خاطر ربي سبحانو دارلنا طرق باه نذبحو بيها هاد المخلوقات وماناذيوهمش لكن لا يهتمو بيهم لا والو، يجيب عشر كباش يوقفهم قدام بعضاهم يجيب الاول يضربو على رجلو يطيح مسكين ويجبدو بالموس طول
ويبقى يتخبط والكباش لخرين يتفرجو علاه عليكم يعني؟ تقولو حيوان مايفهمش؟ وعينيه تاني مايشوفوش؟
تقدر نتا يحطو بشر كيفك يذبحوهم بالواحد ونتا تتفرج وتستنى في دورك؟ اقسم بالله غير نتفكرها نشبع بكا
حرام علينا والله كاين امور لازم نحتارموها باه ماناذيوهمش مساكن، المهم لا علينا
النقطة لي حبيت نحكي عليها هي هاد المخلوقات (باه مانقولش بشر) يربي كبش ويديرو للمصارعة
خليوني نتنفس شوي خاطر كي نتفكرهم لاطونسيو تطلعلي، آخر مرة نشوف في حصة على التلفاز جايبين واحد مربي كبش صابغلو راسو وراسملو في ظهرو، اصلا ربي خلقو في أحسن صورة ماشاء الله علاه تشوه فيه؟ ولا نتا ضد الجمال
كيما نتا موشم وشعرك طالع كي الشيطان حبيت تخرب في الحيوان مسكين، المهم يحكمو يديرو بيهم مصارعة
ويهيجوهم مساكن والمشهد لي قتلني تاع كبش اثناء المصارعة ضربوه ساحلو الدم وطاح مسكين مات
آه يا ربي علاه المنكر هادا؟ ناس راهي تتمنى تشري كبش تتقرب بيه لربي وناس تخسر على كبش باه تلعب بيه وتقتلو نورمال كي ماكاين والو، ربي خلقلنا الحيوانات باه نستفادو منهم سخرهملنا ربي لينا باه ناكلو لحمهم ونستفادو من جلدهم ماش باه نعذبوهم ونقتلوهم هكاك، والله حرام هاد الشي ويوجعني قلبي منو، ساعات تلقى كبش تاع 7 ملاين يمدو لولدو فيه زوج سنتيمتر مايبانش من الارض يديه يلعب بيه ويعذبو، يعني ولينا نستهينو بالارواح
بالاك تقولو هاد الشي ماعندو حتى معنى، ماتنساوش إمراة سقات كلب ربي غفرلها كامل ذنوبها ومرأة حبست قطة دخلت للنار، ماراهوش عيب كي تجي تمشي وتلقى جماعة تاع نمل تجبد روحك من طريقهم باه ماتعفسهمش، ماش عيب تلقى في طريقك حلزون كي تصب الامطار تهزو من الارض وتحطو على جنب يعودو يعفسوه، ماش عيب تحط عند طاقتك شوي خبز للعصافير الجائعة، ماش عيب تمد شوي حليب لقطة جيعانة هادو اعمال تحسبوهم تافهين لكن عند ربي عندهم قيمة كبييييرة، نتا ترحم مخلوقات ضعيفة وربي يرحمك من فوق
المهم واش رايكم في تعذيب الاضاحي واستغلالهم في المصارعة (وهنا أكدت على الاضاحي خاطر في موسم عيد)
يعني كاين لي يتصارع بالكلاب وبمختلف الحيوانات
المهم اعطيوني رايكم حول هذا الموضوع وصح عيدكم مسبقا ههه
تحياتي

 
813149.gif
 
السلام عليكم
اختي بما انني من عاصمة الماشية ورؤوس الماشية يااختي انا من اشد الكارهين لوحد القاشي يشري الكبش على جال قرونو
من اجل المعارك هذو نحسو انسان رخيس ولا يمت للانسانية واي واحد يبيع رؤوس اللماشية لوكان يدري انو الماشية
نتاعو رايحة لمثل هذه المعارك يصيب ما يبيعش ابدا لانو صراحة شيء مقزز من ناس ماعندهاش ضمير
خاصة مع ايام العيد المباارك وصراحة هذي الظاهرة شفتها بزاف عند ناس الشماال لانو قليل اللي يعرفو قيمة الانعام هذي
اللي سخرها ربي ولوكان جاو يحسو بشعور ناس البادية والناس اللي ترعى بمثل هذي المواشي
وكاين شي مربين يخسر من جيبو وينحيها على روحو وعلى ولادو باش يبيع هذاك الكبش بسومة مع الخسارة من بعد هوما يعاودو البيع
بسومة خيالية ويهفو الاغبياء اللي يجرو وراء القرون ساعات نقول لوكان جا الواحد عالم يدير تعديل وراثي على الكباش هذوما
باش ما يعودوش يربيو القرون ويخليهم سبيسيال للناس هذو نتاع المعارك ربي يهديهم ويهدي الامة كاملة في مثل هته الايام المباركة
 
وعليكم السلام
كاين انت وبعض الاخوه هنا ما شاء الله مواضيعكم في القمة يستمتع الزائر بقرائتها والمشاركه فيها لكن الفرق لي شفتو هو انهم يتكلمو شويه ويتركو مجال للاضافه لكن انت تحكمي الموضوع ديريلو عمليه جراحيه وتشريح من جميع الجوانب ما تخلينا والو ومن بعد تختميها بالمهم اعطونا رايكم هههه
كفيت ووفيت اختي ومعك حق في كل ما ذكرتيه ربي يهدينا ويهديهم
 
الله أكبر الله أكبر الله أكبر لا إله إلا الله الله أكبر الله أكبر ولله الحمد
 
الله أكبر الله أكبر الله أكبر لا إله إلا الله الله أكبر الله أكبر ولله الحمد
الله أكبر الله أكبر الله أكبر لا إله إلا الله الله أكبر الله أكبر ولله الحمد
الله أكبر الله أكبر الله أكبر لا إله إلا الله الله أكبر الله أكبر ولله الحمد
الله أكبر الله أكبر الله أكبر لا إله إلا الله الله أكبر الله أكبر ولله الحمد
الله أكبر الله أكبر الله أكبر لا إله إلا الله الله أكبر الله أكبر ولله الحمد
الله أكبر الله أكبر الله أكبر لا إله إلا الله الله أكبر الله أكبر ولله الحمد​
الله أكبر الله أكبر الله أكبر لا إله إلا الله الله أكبر الله أكبر ولله الحمد
الله أكبر الله أكبر الله أكبر لا إله إلا الله الله أكبر الله أكبر ولله الحمد
الله أكبر الله أكبر الله أكبر لا إله إلا الله الله أكبر الله أكبر ولله الحمد
الله أكبر الله أكبر الله أكبر لا إله إلا الله الله أكبر الله أكبر ولله الحمد
الله أكبر الله أكبر الله أكبر لا إله إلا الله الله أكبر الله أكبر ولله الحمد
 
جزيتي خيرا
عين العقل .

اهلا بيك أخي وجزاك الله بالمثل وزيادة ان شاء الله
بارك الله فيك على كرم المرور
تحياتي
 
السلام عليكم
اختي بما انني من عاصمة الماشية ورؤوس الماشية يااختي انا من اشد الكارهين لوحد القاشي يشري الكبش على جال قرونو
من اجل المعارك هذو نحسو انسان رخيس ولا يمت للانسانية واي واحد يبيع رؤوس اللماشية لوكان يدري انو الماشية
نتاعو رايحة لمثل هذه المعارك يصيب ما يبيعش ابدا لانو صراحة شيء مقزز من ناس ماعندهاش ضمير
خاصة مع ايام العيد المباارك وصراحة هذي الظاهرة شفتها بزاف عند ناس الشماال لانو قليل اللي يعرفو قيمة الانعام هذي
اللي سخرها ربي ولوكان جاو يحسو بشعور ناس البادية والناس اللي ترعى بمثل هذي المواشي
وكاين شي مربين يخسر من جيبو وينحيها على روحو وعلى ولادو باش يبيع هذاك الكبش بسومة مع الخسارة من بعد هوما يعاودو البيع
بسومة خيالية ويهفو الاغبياء اللي يجرو وراء القرون ساعات نقول لوكان جا الواحد عالم يدير تعديل وراثي على الكباش هذوما
باش ما يعودوش يربيو القرون ويخليهم سبيسيال للناس هذو نتاع المعارك ربي يهديهم ويهدي الامة كاملة في مثل هته الايام المباركة

وعليكم السلام ورحمة الله وبركاته
أهلا بيك خويا حكيم
والله صدقت ناس لا علاقة بالانسانية، باه يشري خروف مليح وباهي يتقرب بيه لربي يروح هو يشوهو أولا
يردو يشبه للكلب حاشاك ويزيد يعذبو ويتصارع بيه ويقتلو ولينا نستهينو بالارواح اولا وثانيا بدل ما نستغلو
هاد النعمة لي عطاهالنا ربي ولينا نتشيطنو بيها، حسبنا الله ونعم الوكيل في هاد العباد
وكيما قلتها ماش هوما لي رباو هاد الكباش ولا تعبو عليهم ولا نحاو من لقمة ولادهم باه يسترزقو بيهم
هوما دفعو فيهم دراهم وداوهم واجدين يروحو يتاجرو بيهم ويديرو بيهم مباريات ولا يبيعهم لناس لا رحمة ولا شفقة
واش نقولو ربي يهديهم برك وربي يعافينا برك، واصلا قولي راهم اطفال يقتلوهم بلا رحمة ولا شفقة خلي يا حيوان
يعني انصح ولا عاود ربي يهديهم ويهدينا
شكرا خويا حكيم على كرم المرور
تحياتي
 
  • أعجبني
التفاعلات: Hakan
وعليكم السلام
كاين انت وبعض الاخوه هنا ما شاء الله مواضيعكم في القمة يستمتع الزائر بقرائتها والمشاركه فيها لكن الفرق لي شفتو هو انهم يتكلمو شويه ويتركو مجال للاضافه لكن انت تحكمي الموضوع ديريلو عمليه جراحيه وتشريح من جميع الجوانب ما تخلينا والو ومن بعد تختميها بالمهم اعطونا رايكم هههه
كفيت ووفيت اختي ومعك حق في كل ما ذكرتيه ربي يهدينا ويهديهم

اهلا بيك خويا ^^
بارك الله فيك يفرحني انو مواضيعي تكون عندها ولو نسبة قليلة من الاهمية على الاقل يكون فيها مغزى
هههههه حتى ولو درك نحب نرد على موضوعي قادرة نزيد نكتب جرنان ههه مابردتش قلبي
خاصة هاد الموضوع بالذات نتحسس منو بزاف، راني تكلمت على فئة الكباش برك لو تكلمت على جميع الحيوانات كنت مانسكتش ههه
الله غالب مخلوقات ضعيفة تحتاج العطف لكن الشعب تاعنا تقول تخلق غير للتعذيب
ربي يهدينا ويهديهم ان شاء الله
شكرا لكرم المرور
تحياتي
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top