استشارة هدية للوالدة .. نحتاج رايكم

[abdou benk]

السلام عليكم

صح عيدكم و نهاركم مبروك كل عام و انتوما و لي تحبوهم بخير ان شاء الله

باه ندخل في الموضوع ديراكت ,, يوم الثلاثاء نروح لتركيا ان شاء الله كآول خروج لي من كوكب الجزائر

راني حاب نشري هدية لأمي ( ميزانية تاع 150 أورو ) .. حاب الهدية تكون قيمة و محترمة إذا عندكم أفكار نوروني الله ينوركم ان شاء الله

تزوجت اختي قبل شهر .. و من ذلك اليوم و أمي ما تعجبنيش ... تبانلي مهمومة و حزينة .. بقيتلها انا برك في الدار :X3::X3:

حاب نرجعلها البسمة :Love::Love:

إقتراحاتكم من فضلكم

 

[❤️كلي أمل❤️]

السلام عليكم
اخي شوف حاجة لي تحبها يماك وتميل ليها اكثر
ربي يخليهلك اخي

 

[Skor m@k]

السلام عليكم
ربي يقدرك على اسعاد والدتك
شوف خويا المرأة تقريبا تحب الهدية لي تتباها بيها قدام صديقاتها واهلها والجيران
والهدية لمليحة للأم هي لي تكون ديما قدامها
اي باش تفرح بيها مليح لازم تكون تستعملها ولا تشوفها كل يوم
خاطرش تقدر تشريلها كاش حاجة تستعملها ولا تشوفها مرة فالزمان وتعاود تخبيها
هناك الهدية تاعك ماتفرحهاش بزاف
ماشي كيما لي ديما تشوفها تتفكرك بلي عندها قيمة عندك
وتانيت النساء على العموم يحبو الهدايا تاع الذهب مثل خاتم ولا براسلي ولا سنسلة تكون صغيرة وشابة
تقدر تلبسها كل يوم ماشي مخصصة غير للأعراس
تانيت تقدر تهديلها ساعة فيها قلب او اول حرف من اسم امك في تركيا تلقاهم
وتانيت كي تروح لتركيا شوف كاش حاجة خلاف
يجوك افكار واش تقدر تشريلها
وايضا ننصحك قوللها واش نجيبلك معايا
أشريلها واش حبت وزيد أشريلها الهدية تاعك بلا ماتخبرها عليها
هكذا باش تفرح زوج مرات بواش طلبت منك وبالهدية تاعك
وان شاء الله تروح وتولي بالسلامة
​

 

[فيتامين سي]

ربي يباركلك فيها و يحفضها

 

[اسيل الحياة]

انا امي الصراحة الحاجة لي نجيبهالها تعجبها
المهم انها تحس انك تكون تفكرتها ودايرها في بالك رغم انك بعيد عليها
والحاجة التانية نتا تعرف ام تاعك ربي يخليهلك ان شاء الله
واش تميل من الاشياء
سفرة ميمونة بإذن الله

 

[rycerz]

المرأة عندما تكون أم و كبيرة في السن و لها أولاد ففي الحقيقة أن فرحتها في العموم هي لما ترى أبناءها و بناتها فرحين و ناجحين و سعيدين
لست أعرف الكثير بخصوص الهدايا و لكن برأيي يبدو لي أن أحسن هدية لأمك هي أن تأخذها في رحلة سياحية فذلك من شأنه أن يغير مزاجها و يصحح نفسيتها و يجعلها سعيدة و نشيطة .. لأنك لو تقدم لها هدية ففي الغالب ستفكر في إهداءها لإحدى بناتها (كما قلت لك فسعادتها هي في سعادة أبناءها و بناتها) ..
لكن بما أنك ذاهب لتركيا ففكرة جلب هدايا فكرة صائبة أيضا ... يوجد نوعان من الهدايا ، الهدايا سريعة الإستهلاك مثل مي يؤكل فتركيا مشهورة بحلوياتها الرائعة مثل الشامية و الحلقوم ، و توجد الهدايا الأخرى مثل الألبسة و الحلي .. و هنا يمكنك أن تجلب لها ألبسة تركية من النوع الجيد تناسب مرحلتها العمرية و حالتها الإجتماعية (النمط المعيشي) .. خاصة و نحن على أبواب الخريف ثم الشتاء .. يمكن أيضا إضافة مصوغات جذابة تناسب أيضا سنها و لو في الغالب النساء الكبيرات في السن يفقدن إهتمامهن بالحلي
لكن لا تنسى فكرة أخذها في رحلة سياحية حتى و لو داخل الوطن ، فإنها ذات تأثير إيجابي كبير​

 

[abdou benk]

السلام عليكم
اخي شوف حاجة لي تحبها يماك وتميل ليها اكثر
ربي يخليهلك اخي

بارك الله فيك أخي

السلام عليكم
ربي يقدرك على اسعاد والدتك
شوف خويا المرأة تقريبا تحب الهدية لي تتباها بيها قدام صديقاتها واهلها والجيران
والهدية لمليحة للأم هي لي تكون ديما قدامها
اي باش تفرح بيها مليح لازم تكون تستعملها ولا تشوفها كل يوم
خاطرش تقدر تشريلها كاش حاجة تستعملها ولا تشوفها مرة فالزمان وتعاود تخبيها
هناك الهدية تاعك ماتفرحهاش بزاف
ماشي كيما لي ديما تشوفها تتفكرك بلي عندها قيمة عندك
وتانيت النساء على العموم يحبو الهدايا تاع الذهب مثل خاتم ولا براسلي ولا سنسلة تكون صغيرة وشابة
تقدر تلبسها كل يوم ماشي مخصصة غير للأعراس
تانيت تقدر تهديلها ساعة فيها قلب او اول حرف من اسم امك في تركيا تلقاهم
وتانيت كي تروح لتركيا شوف كاش حاجة خلاف
يجوك افكار واش تقدر تشريلها
وايضا ننصحك قوللها واش نجيبلك معايا
أشريلها واش حبت وزيد أشريلها الهدية تاعك بلا ماتخبرها عليها
هكذا باش تفرح زوج مرات بواش طلبت منك وبالهدية تاعك
وان شاء الله تروح وتولي بالسلامة
​

شكرا لك أخي الفاضل .. والله تقريبا استقريت على فكرة تاع سنسلة مليحة .. ماشي كبيرة و غالية مي نشوف وحدة تكون مقبولة و عندها معنى ، إن شاء الله نقدر نفرحها كيما يليق الحال . شكرا مجددا

ربي يباركلك فيها و يحفضها

الله يسترك يا خويا

 

[abdou benk]

انا امي الصراحة الحاجة لي نجيبهالها تعجبها
المهم انها تحس انك تكون تفكرتها ودايرها في بالك رغم انك بعيد عليها
والحاجة التانية نتا تعرف ام تاعك ربي يخليهلك ان شاء الله
واش تميل من الاشياء
سفرة ميمونة بإذن الله

الله يبارك فيك .. آمي فاقدة للمتعة بسبب ظروف صعبة مرة بها مع والدي .. علابيها ما قدرتش نعرف حاجة لي تفرحها

اكتشفت مؤخرا انها تحب لاكريم تاع شيكولا في رمضان كل يوم نجيب باط اكريم كبيرة تاع 20 آلف في السهرة .. نشوف في عينيها فرحة لا توصف هههههه

المرأة عندما تكون أم و كبيرة في السن و لها أولاد ففي الحقيقة أن فرحتها في العموم هي لما ترى أبناءها و بناتها فرحين و ناجحين و سعيدين
لست أعرف الكثير بخصوص الهدايا و لكن برأيي يبدو لي أن أحسن هدية لأمك هي أن تأخذها في رحلة سياحية فذلك من شأنه أن يغير مزاجها و يصحح نفسيتها و يجعلها سعيدة و نشيطة .. لأنك لو تقدم لها هدية ففي الغالب ستفكر في إهداءها لإحدى بناتها (كما قلت لك فسعادتها هي في سعادة أبناءها و بناتها) ..
لكن بما أنك ذاهب لتركيا ففكرة جلب هدايا فكرة صائبة أيضا ... يوجد نوعان من الهدايا ، الهدايا سريعة الإستهلاك مثل مي يؤكل فتركيا مشهورة بحلوياتها الرائعة مثل الشامية و الحلقوم ، و توجد الهدايا الأخرى مثل الألبسة و الحلي .. و هنا يمكنك أن تجلب لها ألبسة تركية من النوع الجيد تناسب مرحلتها العمرية و حالتها الإجتماعية (النمط المعيشي) .. خاصة و نحن على أبواب الخريف ثم الشتاء .. يمكن أيضا إضافة مصوغات جذابة تناسب أيضا سنها و لو في الغالب النساء الكبيرات في السن يفقدن إهتمامهن بالحلي
لكن لا تنسى فكرة أخذها في رحلة سياحية حتى و لو داخل الوطن ، فإنها ذات تأثير إيجابي كبير​

فكرة السفر صعبة شوي .. خليني نترسم في الخدمة مليح و من بعد ساهل

للعلم أني كل سنة نديها لجيجل .. هاذ العام ما رحناش بسبب زفاف أختي

لكن تبقى فكرة السفر مليحة .. إذا سهل ربي نديها لجبال الشريعة في العطلة تاع الشتاء

 

[abdou benk]

بارك الله فيكم كلكم

ربي يحفضلكم أمهاتكم و أبائكم و ربي يلاقينا في ساعة الخير

نلتقي بعد 12 يوم ههه

سلام

 

[GI Joe]

et bien mamak w nta ta3refha, la kanet theb la cuisine djibelha petrin w m3eh ktabat ta3 des gateau
w la kanet theb lebssa w ryeh l l turquie dijibelha foulard ta3 luxe
perso mama fel 3id kont mchouuumra ni 150 euro ni walou,, dertelha un soin l redjliha bel melh wel bicarbonate w chebeht 9leb savon w derthom f boita sghira farhet bihom hatan bkaat
sema maatkhafech rah ay cadeau ye3djebha ki ykoun men weldha,, bn courage

 

[rycerz]

للعلم أني كل سنة نديها لجيجل .. هاذ العام ما رحناش بسبب زفاف أختي

راك فور يا أخ .. باش يكون في علمك راهم قليل جدا لي يأخذ أمو في رحلة .. ربّي يبارك
تذكّرت ولد خالتي عندو مؤسسة مصغّرة لتركيب وسائل الحراسة و الكاميرات و الشاشات الكبيرة الإشهارية .. و في كل مرّة يجيه عمل في ولايات أخرى يستغل الفرصة و يأخذ معاه يماه باش تزورها و تشوف الجديد في كل مرّة حتى وين حوّس بيها قريب كل الولايات
--

لكن تبقى فكرة السفر مليحة .. إذا سهل ربي نديها لجبال الشريعة في العطلة تاع الشتاء

هاذي فكرة مليحة .. الشريعة هايلة خاصة مع التيليفيريك و الحيوانات لي تعيش في الجبل
أيضا ربما تيكجدة فهي أيضا رائعة​

 

[abdou benk]

السلام عليكم
رحت و رجعت بالسلامة و الحمد لله ..
أهم شيء إسطنبول تستحق الزيارة صح .. نهار ركبت في الطيارة للروتور طاحلي المورال هههههههههههه
بالمناسبة نقوللكم واش شريت باه نعطيكم فكرة لمن يجد نفسه في مثل حالتي سابقا ..

1- شال كبير تاع شتاء بـ20 ليرة :kiss: ( 1 ليرة = 46 دج يعني حوالي 92 آلف )
تقريبا مثل الظاهر في الصورة باللون + خطوط خفيفة جميلة

2 - قرعة ريحة giorgio armani code سيدات مليحة ياسر بـ 30 ليرة تقريبا 140 آلف

3 - ماكنة تاع خياطة صغيرة تشبه للـ agrafeuse يدوية صغيرة بسعر 10 ليرة = 46 آلف

4 - porte monnaie جلد حقيقي مصنوعة يدويا و مكتوب اسمها عليه بشكل فني رائع ( 45 ليرة من ميدان التقسيم ) حوالي 200 آلف

مجموع الهدايا حوالي 500 آلف مع بعض الشيكولا و الحلقوم و الكاكابيشو ,, أقسم بالله فرحة عظيمة عند الوالدة :Love::Love:

حقيقة هذا ما قدرت نخمم .. المهم فرحت أمي .. رغم آني لقيت انواع هدايا كثيرة لكني استقريت على هاذو

شكراا للجميــ‘ع

 

[ريحـان]

السلام عليكم
رحت و رجعت بالسلامة و الحمد لله ..
أهم شيء إسطنبول تستحق الزيارة صح .. نهار ركبت في الطيارة للروتور طاحلي المورال هههههههههههه
بالمناسبة نقوللكم واش شريت باه نعطيكم فكرة لمن يجد نفسه في مثل حالتي سابقا ..

1- شال كبير تاع شتاء بـ20 ليرة :kiss: ( 1 ليرة = 46 دج يعني حوالي 92 آلف )
تقريبا مثل الظاهر في الصورة باللون + خطوط خفيفة جميلة

2 - قرعة ريحة giorgio armani code سيدات مليحة ياسر بـ 30 ليرة تقريبا 140 آلف

3 - ماكنة تاع خياطة صغيرة تشبه للـ agrafeuse يدوية صغيرة بسعر 10 ليرة = 46 آلف

4 - porte monnaie جلد حقيقي مصنوعة يدويا و مكتوب اسمها عليه بشكل فني رائع ( 45 ليرة من ميدان التقسيم ) حوالي 200 آلف

مجموع الهدايا حوالي 500 آلف مع بعض الشيكولا و الحلقوم و الكاكابيشو ,, أقسم بالله فرحة عظيمة عند الوالدة :Love::Love:

حقيقة هذا ما قدرت نخمم .. المهم فرحت أمي .. رغم آني لقيت انواع هدايا كثيرة لكني استقريت على هاذو

شكراا للجميــ‘ع

السلام عليكم
الهدايا ماشاء الله وربي يفرحك كيما فرحت الوالدة
فقط لي بعض الاسئلة
كذلك لي رغبة في زيارة تركيا و نتمني تخبرني بعض التفاصيل.
مثل كم سعر تذاكر لتركيا ذهاب و اياب
كذلك هل ذهبت مع جماعة او وحدك فقط
اسفة ع الاسئلة و شكرا

 

[*حزن النبلاء*]

و عليكم السلام و رحمة الله و بركاته

حفظك الله و حفظ الله لنا والدينا

 

[abdou benk]

السلام عليكم
الهدايا ماشاء الله وربي يفرحك كيما فرحت الوالدة
فقط لي بعض الاسئلة
كذلك لي رغبة في زيارة تركيا و نتمني تخبرني بعض التفاصيل.
مثل كم سعر تذاكر لتركيا ذهاب و اياب
كذلك هل ذهبت مع جماعة او وحدك فقط
اسفة ع الاسئلة و شكرا

وعليكم السلام ..
مكاش مشكل ..
رحت وحدي لحقتني الفيزا يوم 17 جويلية 2017 بعد 5 أيام من طلبها .. عن طريق وكالة سياحية جابهالي مقابل مليون و 900
فيزا إلكترونية يبعثوهالك في البريد الإلكتروني صالحة 6 آشهر .. و لكن تقدر تدخل بيها مرة واحدة فقط لمدة شهر ..
بالطبع يلزم طبع الفيزا على الورق لأنك تحتاجينها عند شرطة الحدود في الجزائر و في اسطنبول ,,, عطاولي فيزا صنف C1
عندما وصلتني الفيزا حجزت عبر موقع الجزائرية للطيران .. لأن الخطوط التركية غالية شوي فرق تاع 2 ملاين أو 3
http://fly.airalgerie.dz/CAB/IBE/SearchAvailability.aspx
عند الإختيار و الحجز عبر موقعهم يبعثولك في الايميل الذي سجلت به فاتورة فيها المبلغ و معلومات الرحلة صالحة لمدة 48 ساعة .. يجب الذهاب لمكتب بريد الجزائر و تعطيهم كود الحجز ( تجده في رسالة الايميل التي وصلتك عند التسجيل ) و عندما تدفع المبلغ الذي في الفاتورة يتم تأكيد الحجز ..إذا لم تذهب في 48 ساعة سيلغى الحجز تلقائيا ..
انا الحجز تاعي كان بـ3ملاين و 900 ذهاب و إياب ... و الأسعار تتغير مع العرض و الطلب + المواسم .. و الأسعار تكون في قمتها في الصيف و في رأس العام ( جماعة الريفيون)
انا قمت بالحجز يوم 20 جويلية .. الانطلاق يوم 4 سبتمبر يعني قبل رحلتي بـحوالي 35 يوم ,,, الي كان جالس قدامي في الطيارة قالي حجزت قبل أسبوع فقط و السعر 5 ملاين و 200
يعني فرق بين تذكرة تاعي و تاعو مليون و 300 بسبب انه تأخر في الحجز . هو تاجر عندو رحلة كل الشهرين قالي في الشتاء سعر التذكرة يطيح حتى 2 ملاين و نص ( ذهاب و إياب).

ثم حجزت فندقي عبر موقع www.booking.com الرائع جداا جداا تجد فيه أكثر من 1500 فندق بما تريد من كل الخصائص
انا اخترت منطقة بيازيت beyazit او لاليلي laleli .. لأنها أفضل منطقة فندقة في اسطنبول و قريبة من الترامواي و الميطرو و كذا قريبة من العديد من المواقع المهمة مثل آيا صوفيا و المسجد الآزرق و قصر طوبكابي و سيتارن بازيليك و مسجد السليمانية و مناطق التسوق و تجارة الجملة ..
انا حجزت في فندق فخم بـ55 آورو لليلة واحدة فقط لأني كنت أشك في موقع www.booking.com و لكن عندما وصلت للفندق و أعطيته جواز السفر وجدت كل شيء حقيقي الحجز و غرفني جاهزة . ولكن غالي الفندق في الصباح بدأت في زيارة الفنادق المجاورة تقريبا زرت 20 فندق .. الأسعار مختلفة من 30 إلى 80 آورو غرفة لشخصين ..
و استقريت في فندق sembol المميز ( وقعت لي حادثة في ذلك الفندق .. السيدة التي تغسل الملابس اسمها ملاك اعطيتها سروالي و شوميزا تغسلهم و نسيت فيهم 100 أورو .. في الليل لقيتهم مغسولين و 100 أورو التي نسيتها فوق السرير ، أمانة كبيرة لم اكن انتظرها )
للتذكير صاحب فندق sembol قالي عندنا غرف بـ60 آورو لليلة .. في الشتاء مكاش خدمة ترجع بـ25 آورو لليلة ( يعني من مليون و 200 الى 500 آلف )

هذا الجزء الآول .. سأعود لكتابة اجزاء اخرى فيها فنيات تكسبك مالك و وقتك :Love:

آي إستفسار راني هنا

 

[abdou benk]

ملاحظة أخرى .. صاحب الوكالة السياحية كلحني ..
الفيزا حسبهالي بـمليون و 900 و أنا كنت غبي و لم أبحث .. طحت على راسي لأني كنت فرحان ..
من بعد إكتشفت انه كان بإمكاني أن أطلب الفيزا وحدي من موقع الخارجية التركية ..
نظام طلب الحصول على التأشيرة الالكترونية
السعر 50 دولار بسعر السوق السوداء 170دج للدولار يعني 850 آلف حق الفيزا ... بلغة آخرى حق الوكالة أكثر من مليون !!!!
الآن كلشي آصبح مرتبطا بالأنترنت .. لا تحتاج لشيء إذا كنت تعرف تستخدمها

 

[ريحـان]

ملاحظة أخرى .. صاحب الوكالة السياحية كلحني ..
الفيزا حسبهالي بـمليون و 900 و أنا كنت غبي و لم أبحث .. طحت على راسي لأني كنت فرحان ..
من بعد إكتشفت انه كان بإمكاني أن أطلب الفيزا وحدي من موقع الخارجية التركية ..
نظام طلب الحصول على التأشيرة الالكترونية
السعر 50 دولار بسعر السوق السوداء 170دج للدولار يعني 850 آلف حق الفيزا ... بلغة آخرى حق الوكالة أكثر من مليون !!!!
الآن كلشي آصبح مرتبطا بالأنترنت .. لا تحتاج لشيء إذا كنت تعرف تستخدمها

بصراحة كل شي وضحتو ربي يجازيك
و فهمت مليح برك عندي سؤال
وشي هي المليحة انك تسافر وحدك او مع جماعة تابعين لرحلة سياحية لتركيا​

 

[abdou benk]

بصراحة كل شي وضحتو ربي يجازيك
و فهمت مليح برك عندي سؤال
وشي هي المليحة انك تسافر وحدك او مع جماعة تابعين لرحلة سياحية لتركيا​

أنا سافرت وحدي لأن الوكالات لم تقنعني ... مثلا وكالة عرضو عليا رحلة أسبوع فيها بـ5 ملاين ( بدون الطائرة و الفندق ) :

- رحلة البوسفور و التجول في مضيق البسفور بالسفينة لمدة 4 ساعات مع مقاطع فلكلورية تركية
- رحلة جزيرة الأميرات و ركوب الحنطور مع الغذاء على الواجهة البحرية
- زيارة أيا صوفيا و المسجد الأزرق و قصر التوب كابي و السوق المغطى
- رحلة بورصا و صعود التيليفيريك
- رحلة صابانجا مع زيارة اكبر حديقة حيوان

^^^

هذا البرنامج كملتو في 3 آيام :p ( لم اذهب لبورصا مكافانيش الوقت )
و العديد مع العروض التي لم تقنعني بعدما شاهدت خريطة أسطنبول و عرفت أماكن المعالم السياحية هاذي لا تمثل إلى 10% ..

مثلا للذهاب إلى جزيرة الأميرات يجب أن تقطع بحر البوسفور بالسفينة ( ستجد ان رحلة البوسفور مضمنة الذهاب إلى جزيرة الأميرات ساعتين بالسفينة و العودة ساعتين = 4 ساعات لي يقولو انها رحلة بحرية !!!!!!!!!!!!! ) .. باه تركب الحنطور مش واعرة تلقاهم بالعشرات يستناو و الجولة بالدراجة الهوائية أفضل :Love: ( جربتهم في 2 )

 

[abdou benk]

أنا في الليل نبحث عن أهم المعالم في اسطنبول و نماركي اسمهم بالتركية في ورقة
الصباح بما أن الفطور على الفندق نفطر مليح و ندي معايا sac a dos تاعي نعمر فيه القاطو و البايط تاع الشيكولا و قرعة تاع ماء 0,75 لتر هههه
نطلع للشومبرا نزيد ندير فيه الكيتمان و الباسبور و Power Bank باه نشرجي البورطابل كي يطيح الباتري :X3: .

في اسطنبول كاين مراكز الإعلام منتشرين من أجل السياح .. كاين واحد مش بعيد نروحلو نعتلو البلايص لي راني حاب نروح ليهم ( يلزم يكون اسمهم بالتركية لكي يفهموك مثلا تقولو جزيرة الأميرات لن يفهموك !!! يقولولها بالتركية جزيرة بويوكادا ) و هوما في المركز الإعلامي يعطيك خريطة الميطرو و خريطة الترام و يقولك ماذا تفعل لتصل لما تريد و كل شيء مجاني .

مثلا للذهاب لفلوريا آكواريوم .. قالي اركب الترام من هذه المحطة و اهبط في محطة امنونو و تلقى الحافلات ابحث على رقم BN2 اركب فيه و اهبط في لاري اسمه بايشليم .. تلقى لاكواريوم
لا يوجد أسهل من النعت تاعهم .. تديلك 4 سوايع زيارة هذا المعلم بالطريق ذهاب و إياب ...
و أيضا للذهاب لجزيرة الأميرات تركب الترام من أقرب محطة ليك تهبط في ايمنونو .. تدخل الميناء و تركب سفينة بويوكادا ( على حساب وين تحب تروح كل سفينة وين توصل )
هاذو يحسبهملك الوكالة السياحية في يومين .. أنا كملتهم في يوم ... تعشيت في الجزيرة و رجعت للفندق 12 تاع الليل

أهم شيء يلزم تمشي ببرنامج منظم باه ما تخسرش الوقت باطل