وليدي ثم وليدي ^^

الصحافية الساخرة

:: عضو بارز ::
أحباب اللمة
إنضم
5 جانفي 2017
المشاركات
3,482
نقاط التفاعل
8,102
النقاط
946
العمر
28
محل الإقامة
Jijel
الجنس
أنثى
السلام عليكم و رحمة الله و بركاته

راني هنا ياااو الترامواي تاع اختنا ليلوش دارلي ارتجاج في الليستوما ههههه معرفش كيفاه يقولوا المهم ارتجاج و لا الجاج كيف كيف ليسونسيال تفهموا عليا ;)

حبابنا فاللمة تعرفوا هذوك ايه هاااا ذوووو ككك اللي جامي يغلطوا
أولادهم ، ديما هوما الصح × الصح ..




يه و ارواح أنت و قولهم : وليدكم

يا جاري سب الرجل كبير عليه ، كي قالوا أمشي منا ما تقعدش تحت

التاقة تاع داري :mad: .. "حرية التعبير هههه " هو قال خاطر هذاك وليدوا

العزيز يدير واش يحب



وليدكم يا جاري ضرب طوموبيل فلان بالحجرة و كسر الزجاج ،

" المهم ما كسركش أنت " هو قال خاطر هذاك وليدوا الكبدة يحب

يلعب بالحجر " ثورة أطفال الحجارة" هههه


و المشكل الدبزة تولي دبزاات و سيوف أجدك تليق تصور وتصنع فيلم

فيه غير الأكشن و الرعب و العياط تاع النساء واش نقولكم بلاك ما كانش

اللي ما شهدش مثل هذه العجائن ( ماشي الماقارون ههه واش راح بالكم.

ديراكت للماكلة ياخي مجواعين :ROFLMAO: ) نقصد المعارك الطاحنة ماشي

الطاحونة اللي يرحيوا فيها الزيتون موسموا قرب على كل حال إن
شاء فيها هذا العام برميل بترول اه زيت ههه. وين لحقنا ااه للدبزة

كي تولي دبزات علاه في رايكم ؟ خاطر الوالدين ما يعجبهمش الحال

كي واحد يضرب ابنهم خاطر غلط ، مالغري ما دارلوا حتى تشوه ههه

شيخ كبير يسبوا واحد تاع البارح و كي يضربوا بكف تغيضها يماها.

الحنونة و تروح تشكي لباباه و تشعل عينيه كما سيف النار هههه و يجيب

القافلة الحربية موراه هذا نسيبوا يلعب كاراتي و هذا خوه يكسر الحجر

فالحبس :oops: و يتحاماوا على واحد في خاطر وليدهم لاخر يضرب

والثاني يكسر و الثالث يسلخ و "المضروب" السي وليدي العزيز :cautious:

يجيبوه يرد الضربة "هاهاها خلف التار هاو ليك اضرب ، حمر ، زرڨ ، صور

وحط فالفيسبوك & باش واحد ما يزيد يشكي على وليد واحد " :alien: فرايزر


هههه هذي يماه من التاقة خرجت تسيبورتي مع العنف يااس هههه
و العبارة المشهورة للنساء" حابين تقتلولي وليدي يا الغيارين ، زيدوا

خرجولوا عينوا باش المرة الجاية ما يزيدش يضرب ولاد الناس "

ومن هناك تخرج "الطاوس" البارسا كونطر الريال ههه فالتاقة تمت

معارك النساء ههه وحدة تنعت ليامها تهدر بالفرونسي و لاخرى تنعتلها

بالانجليزي :LOL: و ما تفراش الا وجها لوجه البنات شد من الشعر و النسا

الكبار انا ليك وانتي ليا ههههه ..

المهم ما تضربش وليدي ، وليدي يدير واش يحب .. وليدي ثم وليدي ..


على جالوا تنوض القيامة ;) (y)

@ليليا مرام نتخيل فيك من النساء هذوك ما تخلي والوا تهدر كلشي
رابيد هههههه

ايا ويييو .. سلاام ..








































































































 
السلام عليكم ورحمة الله وبركاته
آه يا فطومة خايفة لا يوما ما أنا وياك نوليو وليدي ثم وليدي ههههه نوليو راسنا مربوط بمحرمة وحنا نجريو في الزنق :ROFLMAO:
المهم بالعودة للب الموضوع الآباء اليوم والأمهات ولاو يقدسو ولادهم زيد شوي ويحطو زربية ويعبدوهم
صح الطفل راهو زينة الحياة الدنيا وهادي ربي لي قالها أنا ديجا قلبي راهو متوحش وليداتي وانا مازال ماتزوجتش هههه
بصح وقت خطأ خطأ ووقت صواب صواب، الطفل هادا محتاج تربية ومحتاج طريق صحيح لازم يتعلمو
وكي يغلط لازم يتعاقب باه يعرف وينو الخطأ ومايعاودوش، بصح كي يعود هو عمرو 3 سنين ويضرب لي كبير عليه بكف
ويضحكولو كي يكبار يولي يذبح يماه وباباه نورمال، التربية مليحة والطفل كي يغلط يتعاقب، بكري كان الطفل يغلطو فيه
ولاد الجيران ويزيدو يكملو عليه والديه، أنا نشفى عليها كي كنا صغار ونقعدو مع بابا وماما كي يبداو يحكيو في امور
عائلية تقولي ماما روحو لهيه لدرك كبرنا ومازلنا ماندخلوش رواحنا في امور الكبار مع اني انا بعد كبيرة ماش صغيرة
بصح بقات عندنا هاديك الحشمة وبقات عندنا حدود مالازمش نتجاوزوها، أما درك يجيوك ضياف ومعاهم شياطن ماش اطفال هههه
يبداو يصوطيو يدرولك العاب اولمبية في الدار ويماهم تشوف معاهم وتضحك وكن تعيطي عليهم برك تشنف عليك
وقادرة حتى تقطع علاقتها بيك وتقطع صلة الرحم كاملة على جال فصعون صغير ههههه وهادي صرات بزاف في افراد العائلة
المهم واش نقولو ربي يهديهم وان شاء الله مانكونوش كيفهم يوما ما خاطر تربية الاطفال صعيبة بزاااف ومخوفتني صراحة
لأنو الجيل الجديد هادا ذكي بزاف وعندو نشاط زائد وباه تحافظي على طفلة وتخرجيها مرأة صالحة ولا على طفل وتخرجيه
رجل صالح ماش ساهلة والله، ربي يعين كل الآباء والامهات ان شاء الله
شكرا فطومة على الموضوع
تحياتي

 
السلام عليكم ورحمة الله وبركاته
آه يا فطومة خايفة لا يوما ما أنا وياك نوليو وليدي ثم وليدي ههههه نوليو راسنا مربوط بمحرمة وحنا نجريو في الزنق :ROFLMAO:
المهم بالعودة للب الموضوع الآباء اليوم والأمهات ولاو يقدسو ولادهم زيد شوي ويحطو زربية ويعبدوهم
صح الطفل راهو زينة الحياة الدنيا وهادي ربي لي قالها أنا ديجا قلبي راهو متوحش وليداتي وانا مازال ماتزوجتش هههه
بصح وقت خطأ خطأ ووقت صواب صواب، الطفل هادا محتاج تربية ومحتاج طريق صحيح لازم يتعلمو
وكي يغلط لازم يتعاقب باه يعرف وينو الخطأ ومايعاودوش، بصح كي يعود هو عمرو 3 سنين ويضرب لي كبير عليه بكف
ويضحكولو كي يكبار يولي يذبح يماه وباباه نورمال، التربية مليحة والطفل كي يغلط يتعاقب، بكري كان الطفل يغلطو فيه
ولاد الجيران ويزيدو يكملو عليه والديه، أنا نشفى عليها كي كنا صغار ونقعدو مع بابا وماما كي يبداو يحكيو في امور
عائلية تقولي ماما روحو لهيه لدرك كبرنا ومازلنا ماندخلوش رواحنا في امور الكبار مع اني انا بعد كبيرة ماش صغيرة
بصح بقات عندنا هاديك الحشمة وبقات عندنا حدود مالازمش نتجاوزوها، أما درك يجيوك ضياف ومعاهم شياطن ماش اطفال هههه
يبداو يصوطيو يدرولك العاب اولمبية في الدار ويماهم تشوف معاهم وتضحك وكن تعيطي عليهم برك تشنف عليك
وقادرة حتى تقطع علاقتها بيك وتقطع صلة الرحم كاملة على جال فصعون صغير ههههه وهادي صرات بزاف في افراد العائلة
المهم واش نقولو ربي يهديهم وان شاء الله مانكونوش كيفهم يوما ما خاطر تربية الاطفال صعيبة بزاااف ومخوفتني صراحة
لأنو الجيل الجديد هادا ذكي بزاف وعندو نشاط زائد وباه تحافظي على طفلة وتخرجيها مرأة صالحة ولا على طفل وتخرجيه
رجل صالح ماش ساهلة والله، ربي يعين كل الآباء والامهات ان شاء الله
شكرا فطومة على الموضوع
تحياتي


و عليكم السلام و رحمة الله

هههههههههه شفتي يا مريومة تخافي نولوا كيفهم وليدي ثم وليدي و حنا بالاك ربي يستر نهزوا كلاشينكوف و نتيريوا على جال وليداتنا ههههههخخخخهه
ربي يستر هذا ما كان ، كما قلتي المسؤولية واعرة على هذي ديما نقول : تاع تتزوجي صغيرة وانتيا روحك ماشي مسڨمة و مزالك زهوانية كتر على الزهوانية ههههه سي با لابان تتزوجي وتجيبي دراري و تحطيلهم "ديسباسيتو" باش يسكتوا هههههخخههه اوااااه خطيرة ياوو غدوا يسكتوك انتي و يحطولك "حبيبتي نحبها كتر على يما " عههههههه و موتي ههه

مرسي مريم على المرور الجميل
سلام
 
هههههه والله يا غاليتي صيغة اللي حكيت بيها ضحكتني ياسر ياسر
موضوع دزيري مية بالمية
هههههه
ايه صح ياحصراه على بكري تقولو ولدك راه ضرب ولدي يزيد يضربوا قدامك
ودوركا تقولو يجي يضربك انت ويزيد بنك يكمل عليه
واش نهدر واش نخلي
وبقية الكلام راه قالتو حبيبتي مريومة @لؤلؤة قسنطينة
تحياتي
 
السلام عليكم
والله ضحكتيني مع الدبزة وتخلطت كي التشكتشوكة هذي ماقلتيهاش هههههههه
لوكان نحكيلك على واش صرالي مع النوع هذو تكذبي عنيك هههه
كان عندي عصفور فالكاجة ووليد بنت عمي جاو فالصيف هذا سكنو قدامنا
ولادها ماشي من فصيلة الانس كامل عندهم شلا سبيسيال
المهم كانو فالصيف هذا غير ولادها لي يدخلو لدارنا
مكاش لي يسكن قدامنا غير هوما
وانا علبالي بلي يسرقو شاحل من حاجة نشوفوهم يسرقو فيها ويكذب لك عينيك
وحد النهار كان عندنا عرس ممبعد سهرنا وفليل ماوليناش بكري وفالصباح بابا راح يخدم وانا ويما مانضناش بكري
هوما دخلو لدار لقاونا راقدين داو العصفور بلا كاجة وراحو باعوه
كي حوسنا عليه كي نضنا مالقيناهش وموحال يهرب
كي حكمتهم ماحبوش يهدرو قلت ليماهم هههههههه
ويا ليتني ماقلتلهاش وليت انا لي ظالم وانا لي ماشي مليح
قالتلي مكاش العاقل قد ولادي وقالتلي كي عاد يسرقو كاش حاجة يجيبوهالي لدار كي ماجابوهاش سافيك ماشي هوما
ممبعد قالتلي غاضك عصفور شحال يسوى نمدلك مليون هههه الريح فالشبك
وواحد جا قالي شفتو داه العصفور في كرطاب وباعو لوحد الدراري
هكذاك ماحبتش طيح من فوق العود يماهم
وباباهم ماحبش يهدر معايا كي قلتلو ولادك سرقو هههه
في عوض يضربهم ولا معلباليش واش يديرلهم السي خونا يزعف عليا هههه
مي نهار يطيحو ولادو في مول الفول ومايرحمهمش هناك يتحسر لوكان غير ضربتهم باش مايزيدوش يسرقو
هكذاك الناس غير ماتخافيش يجي النهار وين يولو يضربو والديهم والناس تتفرج
هناك يولي يقول وليدي وليدي
يعطيك الصحة ختي فاطمة موضوع طوب ولا توب هههه المهم فوووووور

 
هههههه والله يا غاليتي صيغة اللي حكيت بيها ضحكتني ياسر ياسر
موضوع دزيري مية بالمية
هههههه
ايه صح ياحصراه على بكري تقولو ولدك راه ضرب ولدي يزيد يضربوا قدامك
ودوركا تقولو يجي يضربك انت ويزيد بنك يكمل عليه
واش نهدر واش نخلي
وبقية الكلام راه قالتو حبيبتي مريومة @لؤلؤة قسنطينة
تحياتي

هههههههه دزيري مية بالمية .. ربي يدوم ضحكتك يا اختي ، شفتي وين وصلنا غلط الناس و متغلطش وليدك عليها نشأ جيل يقتل تاع الحباسي ههههه ربي يستر
مرسي ختيتوا على المرور ^^
تحياتي لك
 
السلام عليكم
والله ضحكتيني مع الدبزة وتخلطت كي التشكتشوكة هذي ماقلتيهاش هههههههه
لوكان نحكيلك على واش صرالي مع النوع هذو تكذبي عنيك هههه
كان عندي عصفور فالكاجة ووليد بنت عمي جاو فالصيف هذا سكنو قدامنا
ولادها ماشي من فصيلة الانس كامل عندهم شلا سبيسيال
المهم كانو فالصيف هذا غير ولادها لي يدخلو لدارنا
مكاش لي يسكن قدامنا غير هوما
وانا علبالي بلي يسرقو شاحل من حاجة نشوفوهم يسرقو فيها ويكذب لك عينيك
وحد النهار كان عندنا عرس ممبعد سهرنا وفليل ماوليناش بكري وفالصباح بابا راح يخدم وانا ويما مانضناش بكري
هوما دخلو لدار لقاونا راقدين داو العصفور بلا كاجة وراحو باعوه
كي حوسنا عليه كي نضنا مالقيناهش وموحال يهرب
كي حكمتهم ماحبوش يهدرو قلت ليماهم هههههههه
ويا ليتني ماقلتلهاش وليت انا لي ظالم وانا لي ماشي مليح
قالتلي مكاش العاقل قد ولادي وقالتلي كي عاد يسرقو كاش حاجة يجيبوهالي لدار كي ماجابوهاش سافيك ماشي هوما
ممبعد قالتلي غاضك عصفور شحال يسوى نمدلك مليون هههه الريح فالشبك
وواحد جا قالي شفتو داه العصفور في كرطاب وباعو لوحد الدراري
هكذاك ماحبتش طيح من فوق العود يماهم
وباباهم ماحبش يهدر معايا كي قلتلو ولادك سرقو هههه
في عوض يضربهم ولا معلباليش واش يديرلهم السي خونا يزعف عليا هههه
مي نهار يطيحو ولادو في مول الفول ومايرحمهمش هناك يتحسر لوكان غير ضربتهم باش مايزيدوش يسرقو
هكذاك الناس غير ماتخافيش يجي النهار وين يولو يضربو والديهم والناس تتفرج
هناك يولي يقول وليدي وليدي
يعطيك الصحة ختي فاطمة موضوع طوب ولا توب هههه المهم فوووووور


و عليكم السلام
ههههههه خلاص المرة الجاية نشوف التشكتشوكة هذي وين نديرها فراسك ههههههه

ياااا بصح تاع هذو ماشي من فصيلة الانس كامل هههههه وزاد يسرق عصفور ههه غدوا يسرق بنك هههه و تقول للقاضي ابني لوكان سرق لوكان جابهم عندي يحكم القاضي عليها مشاركة في جريمة السرقة و التغطية على ولدها و يحبسها فكاجو تاع العصفور هههخخههه ، والله ما يخمموا كامل و ميتعلموش من الناس اللي سبقتهم درڨ على وليدك غدوا يتلوى على عنقك ..

( تاع العصفور فالحقيقة والله تهنى منك. مسكين كنت قاتلوا بالشر ههههه )
مرسي ماليكو على الرد الطوب ولا طوبا كيف كيف هههه
سلام
 
السلام عليكم و رحمة الله
ههه
في الحقيقة عجبني الموضوع ... راني نقزت من الطرامواي تاع ليليا و جيت هنا
ههه
بصح عدك ليفوقولي برك ههه
بالنسلة لموضوعك ... كاينين هذو العباد ... الي ولادهم جامي يقلطو و جامي يكذبو و جامي يظلمو واحد
من المفروض كي يجيك واحد و يقولك بنك دارو لا عمل
روح شوف مع بنك قبل لانو مش منطقية يجيك على جال باه يظلم بنك
بصح هذو لالا ... اولادهم تقول نازلين عليهم من السما
بن عميييي
ههههه
نشفا بكر كي يجي كاش واحد شكي الطفل لوالديه .. يشبعوه مطرق الطفل هذاك و ما يرقدش
ههه
وضرك الي يشكي ... يشبع مطرق
pdDRWcwY_400x400.jpg

عههه
شكرا على الموضوع

 
السلام عليكم و رحمة الله
ههه
في الحقيقة عجبني الموضوع ... راني نقزت من الطرامواي تاع ليليا و جيت هنا
ههه
بصح عدك ليفوقولي برك ههه
بالنسلة لموضوعك ... كاينين هذو العباد ... الي ولادهم جامي يقلطو و جامي يكذبو و جامي يظلمو واحد
من المفروض كي يجيك واحد و يقولك بنك دارو لا عمل
روح شوف مع بنك قبل لانو مش منطقية يجيك على جال باه يظلم بنك
بصح هذو لالا ... اولادهم تقول نازلين عليهم من السما
بن عميييي
ههههه
نشفا بكر كي يجي كاش واحد شكي الطفل لوالديه .. يشبعوه مطرق الطفل هذاك و ما يرقدش
ههه
وضرك الي يشكي ... يشبع مطرق
pdDRWcwY_400x400.jpg

عههه
شكرا على الموضوع


و عليكم السلام و رحمة الله
ههههه متخافش واحد ما يفيقلك بصح ما كاش ضمانة ههه ، و مليح كي عجبك الموضوع عندك برك تشتكي على وليد باباه و يماه و تشبع مطرق خهههخه

شفت يا خويا "صلاح" عوض ما يوجهوا ولادهم و يفهموهم ، معليه ما تضربش وليدك بصح فهموا بالهدرة و غلطوا حتى وهو مظلوم باش ما يخرجلكش غدوا حراميي من الكبار هههه
هذي هي بن عمييييي ههه

مرسي صلاحو على المرور ^^
سلام
 
لم يفسد الأبناء الا الأباء خاصة الأم التي أعمتها أمومتها
ربي يصلح أولادنا



يااا رب ..

صدقت أختي "ميلينا"
شكرا لك على المرور ^^
 
لم يفسد الأبناء الا الأباء خاصة الأم التي أعمتها أمومتها
ربي يصلح أولادنا

جابتها ميلينا
للتربيه دور لكن اين هي التربيه السليمه .
مشكورين .
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top