المير النايلي و الفجايع ج 13..

الصحافية الساخرة

:: عضو بارز ::
أحباب اللمة
إنضم
5 جانفي 2017
المشاركات
3,482
نقاط التفاعل
8,102
النقاط
946
العمر
28
محل الإقامة
Jijel
الجنس
أنثى
السلام عليكم و رحمة الله و بركاته

( من كان يظن أن تكون هذه هي النهاية الغريبة ...)

المير صلاح على كوكب الأرض ?


تساءلات ، حيرة و الجميع مندهش .. كل من في الحفل مندهش ، يدخل صلاح

عليهم ليس كعادته ، ليس هو ذاك الشخص الطريف و الغبي أبدا كل شيء قد

اختلف فيه ، وجهه و ملامحه قد أصبحت مخيفة و عنيفة و كذلك صوته المرعب

ما إن صرخ فيهم بقوة و قد احمرت عيناه : " راكم تحتفلوا هناااا و أنا لهيه

حفرتولي قبري تمساح آااه "

يدير عنقه من حوله ثم يوجهه نظره نحو صموتة و هي تخفي طبلها خشية منه

، يقترب منها ببطئ إلى أن يقف عندها و يهمس في أذنها كلمات قليلة فتتجمد

في مكانها ، ثم يصرخ فيها مخاطبا إياها بعنف : " قلتلك نحبك دوك تطبلي بالفور

، وما دابيك ما تجبسيش خلاااص ? "

تبدأ صموتة في الضرب على الطبل بقوة خوفا من أن يزيد غضب خضراكوس

فلا تدري ما يفعله .. و بينما هي على هذا الحال إذا بالمير صلاح يثور فجأة و يجن

جنونه فيضرب الطبل بقدمه و يقذف به نحو قطورة زوجته ليصيبها في رأسها

فيغمى عليها ، وسط دهشة الجميع


صلاح يضحك قائلا : " أصبت الهدف ، كان راح يكون هدف أسطوري لوكان قستك

أنت يااا " تتغير نبرة صوته فجأة موجها كلامه إلى مستر الزرقاش : " مي انت

دالتك دوك تلحق ، استنى نكمل مع النسا تاعي قبل " ثم يوجه نظره نحو ليلوش

قائلا : "أنتم النسا واعرين ، من موراي كنتي تذبحي فيا و زدتي وسوستي قطورة

و مشيتيها في طريقك هكذا خصارة العشرة اللي كانت بينا ، بصح حسابك معاي

من بعد ، استناي و تشوفي "

ينطق سكر محروق من بين شاربيه : " كيفاه حتى سلك هذا "

صلاح : " راني نسمع فيك يا سكاكير ، حاب تعرف كيفاه حتى سلكت ، اييه حكاية

طويلة ، و أكيد ما راحش تصدقوني لوكان نقولكم كيفاه سلكت " ثم يضحك بقوة

، يصمت للحظة فيقول : " الزفيطي اللي كليته سلكني كما وصلت و فتح التمساح

فمه و ذاق لحمي لقاها زفيطي ولا يطير سما أرض ، الحمد لله يا ربي اللي سخفت

هذاك الوقت على الزفيطي ،، جننت التماسيح ڨاع " ثم ينفجر ضاحكا و يواصل

كلامه : " ودوك الجني صلاح راه ڨدامكم ، ما كنتش علابلي بلي اللي يقدر ينجو

من هذوك التماسيح راح يدي طاقة كبيرة اللي هي من عالم آخر و دوك واحد

ما يقدر يتجرأ يوقف في وجهي "

ينطق مستر الزرقاش قائلا : " الجني اللي تم واش صراله ؟ "

صلاح يضحك بقوة مجيبا إياه : " هاهاهاهاهاااا هذاك الدايم ربي أصلا التماسيح

هجموا عليه حكمهم الهبال افترسوه ديراكت ، و الاستاذة الفضيلة ڨمرونة

مسكينة كانت ناس ملاح ڨاع البايرات شنتفوها " ويواصل ضحكه


يقف سكر محروق من مكانه مرعوبا قائلا : " ما تقوليش أبواب غابة الوحوش

تفتحت ؟؟ "

صلاح يبتسم بخبث قائلا : " علاش راك خايف ؟ راهم يحوسوا عليك البايرات ديجا قريب

يوصلوا و نزوجوك بوحدة منهم ، واش رايك ؟ عرسك انا نخدمهولك علي كلشي

ماتخممش "


-سكر محروق : " الهربة تسلك يا جماااعة ، اهربوا قبل ما يلحقوا بيكم هنااا "


يضحك صلاح من موقف سكر محروق قائلا له و للجميع : " وين تهرب بيك

بيهم .. ما عندكم وين تهربوا سيرتوا أنت .. "


أنتم في عداد الموتى ?

أتوقف بكم هنا يا أصدقاء ? انتظروا الباقي و النهاية قريبا ?

"فطوم"


صموتة هي العضوة صمت المشاعر ? الطبالة منعرفش
عضويتها دوك بدلت اسمها

الزرقاش هو @الأزرق الملكي
سكر محروق هو @Skor m@k

ڨمرونة هي @قمر الوادي

ليلوش هي @ليليا مرام

قطورة هي قطر الندى منعرفش عضويتها الجديدة تبدل اسمها​

 
آخر تعديل:
هههههههههههههه راني نقرا في الموضوع على 5 نتاع الصباح
شفتي عجب كيما هذا ههههههههههههه
في انتظار الجزء القادم
 
تسلمي طمطومة ع الجزئين الآخيرين
استمتعت بالقراءة ( وبدوري هههه)
رغم انك قلبتيلي لساني للدارجة وزدتي قطعتيه وعطيتيه للتماسيح ههه
ننتظر التتمة يا مبدعة واعذريني هذه الأيام ظروفي لم تسمح لي بمشاركتك مواضيعك...
موفقة دوما
 
هههههههههههههه راني نقرا في الموضوع على 5 نتاع الصباح
شفتي عجب كيما هذا ههههههههههههه
في انتظار الجزء القادم

?????? ههخخهههه ايه مليح تنشط خلايا دماغك هههخخه

مشكور اخي الامين ☺
 
تسلمي طمطومة ع الجزئين الآخيرين
استمتعت بالقراءة ( وبدوري هههه)
رغم انك قلبتيلي لساني للدارجة وزدتي قطعتيه وعطيتيه للتماسيح ههه
ننتظر التتمة يا مبدعة واعذريني هذه الأيام ظروفي لم تسمح لي بمشاركتك مواضيعك...
موفقة دوما

إن شاء الله
هههخههه ايه البايرات دارو فيك رايهم ههخخه

اانت معذورة اخيتي ☺ لا عليك لكل ظروفه و ربي ييسر امورك برك إن شاء الله

دمت بخير عزيزتي
 
السلام عليكم
ياااااااااي ياااااي ههههههه
كنت متأكدة بلي صلاح ماياكلوش التمساح هههههه عودة ميمونة سي المير ههههه
يعطيك الصحة فطومة رووعة رووعة كل مرة جزء جديد و يشوقنا للي بعدو
ان شاء الله برك يسامح المساهدة تاعه مطيشة ههههه
ربي يوفقك فطومة في انتظار الجديد
 
السلام عليكم
ياااااااااي ياااااي ههههههه
كنت متأكدة بلي صلاح ماياكلوش التمساح هههههه عودة ميمونة سي المير ههههه
يعطيك الصحة فطومة رووعة رووعة كل مرة جزء جديد و يشوقنا للي بعدو
ان شاء الله برك يسامح المساهدة تاعه مطيشة ههههه
ربي يوفقك فطومة في انتظار الجديد

و عليكم السلام و رحمة الله
امبيين

اهلا مطيشة ههههه عجباتك صلاح ما يموتش تموتو على البطل توجور ما تخافيش مكاش حزن ??? لا دمع لا والو كاين خنونة ???

ايه انتيا يا مطيشة اصبري تجي دالتك هههه تحسبي نسى عليك عههه

ربي يجفظك ختيتو ? ،، مرسي

واستناي الجديد ههه
 
@Salah eddin يااو وييينك ?
راني هنا ههه
بصح مليحة كي قلبتيني سيريو ههه
يخرج عليا السيريو انا :cool:
راني شاريها للقمر ههه قمر الوادي نحوس نشوف وش يصرالها ههه
و @حروف تائهة ههه نتي راكي ما ظهريش في هذي الحلقة
و الازرق درق قاع مش يبان ههه
المهم دخلت الحية في بعضها و خلاص
شكرا
 
السلام عليكم
ياااااااااي ياااااي ههههههه
كنت متأكدة بلي صلاح ماياكلوش التمساح هههههه عودة ميمونة سي المير ههههه
يعطيك الصحة فطومة رووعة رووعة كل مرة جزء جديد و يشوقنا للي بعدو
ان شاء الله برك يسامح المساهدة تاعه مطيشة ههههه
ربي يوفقك فطومة في انتظار الجديد
انا من جيهتي راكي مسامحة
شوفي برك مع الصحافية كاشما ادير ههه


 
السلام عليكم ورحمه الله وبركاته
هههه هههه قريت الجزء 12 ڨلت راح صلاح في كيل الزيت ههههه
ومن بعد دار عليهم بوسبع أرواح ياو وزاد دا القوى الخارقة النايلي والفجايع صح
واش نڨولك عام ربح وكسرة نشالله حتى القمرونة مرمديتها معاه يالطيف
عندك مخيلة واسعة تستاهلي كل التشجيع
واصلي على درب التألق
بارك الله فيك

إحترامي وتقديري
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top