دعواتكم و فائدتكم??

الحالة
مغلق ولا يسمح بالمزيد من الردود.

sanaya

:: عضو بارز ::
أحباب اللمة
إنضم
8 ديسمبر 2016
المشاركات
3,495
نقاط التفاعل
38
النقاط
157
الجنس
أنثى
سلام خاوتي خواتاتي??
نشالله راكم ملاح??
الحقيقة خممت مع روحي نكتب و لا منكتبش قلت نكتب علاه نغلق البيبان بالاك شخص مر بتجربة ولا عندو دوا ولا كاش عفسة ??
الصيف هذا قبل شهرين ولا ثلاثة صراولي مشاكل كبار فالدار ذكرتهم سابقا المهم سببت لي بوعكة صحية
في ظرف أسبوعين كنت لاباس عليا
صرالي نزيف و تساقط للشعر و مشكل جلدي
المهم زرت طبيب و صرفت بزاااااف ولله الحمد بريت من هاذو كامل
حاجة وحدة قالي الطبيب راهو عندك فقر الدم
ونا فقر الدم راحلي من أيام الحمل
و ديجا كنت لاباس عليا فور
المهم السبب قالي معندك والو درت ليزاناليز بعثني عند وحدة قاتلي مكان والو
السبب تاعك هو القلق
و زدت رحت عند راقية قاتلي راكي ترقدي فالليل بالغيظ إتسما مقلقة زعفانة منعرفش كفاه تقولوها
الحمد لله بريت تماما الحمد لله
ولكن التعب لازمني نوض بكري نقول زعما نقضي ألف شغل نعيا بالخف
ونا فالعادة نخدم من الصباح حتى الليل و منعياش كاين اللي قاتلي عين و كل وحدة كفاه
المهم اللي عندهم كاش وصفة ولا دعاء ولا آية يفيدوني
ولله الحمد علابالي كاين ناس أكثر مني مصح تغيضني باسكو مجاتش من عند ربي جات من العبد
أما أمر الله مرحبا بيه
محتاجة تدعولي بالغيب بالشفاء و متفهموش راني نشكي الشكوى لله مي حبيت نستفاد منكم ولعل دعوة غريب بالغيب سيتقبلها الله
دمتم إخواني
كتبت هذه السطور و بكيت لأن اللمة والله هي المتنفس الوحيد و الملاذ الآمن بعد ربي سبحانو
دمتم إخوانا و أخواتا لي
و أسأل الله لكم الحفظ جميعا و دوام الصحة
سلام
 
لا باس سيدتي طهور ان شااء الله
شوفي والله و عن تجربة كل ما نطلب الدعاء من الاخوة في اللمة يأتي الفرج
لأنه في اللمة الناس الطيبين و المومنين موجودين بكثرة

اختي ربي يرزقك الشفاء و يعافيك و يبارك فيك و في صحتك و في اولادك

فقط نعلمك رقية فيها بركة للجسم و تزيد للجسم قوة
و هي كالتالي عندما تضعين رأسك على الوسادة
سَبِّحِي اللَّهَ ثَلَاثًا وَثَلَاثِينَ ، وَاحْمَدِي اللَّهَ ثَلَاثًا وَثَلَاثِينَ ، وَكَبِّرِي اللَّهَ أَرْبَعًا وَثَلَاثِينَ
 
لا باس سيدتي طهور ان شااء الله
شوفي والله و عن تجربة كل ما نطلب الدعاء من الاخوة في اللمة يأتي الفرج
لأنه في اللمة الناس الطيبين و المومنين موجودين بكثرة

اختي ربي يرزقك الشفاء و يعافيك و يبارك فيك و في صحتك و في اولادك

فقط نعلمك رقية فيها بركة للجسم و تزيد للجسم قوة
و هي كالتالي عندما تضعين رأسك على الوسادة
سَبِّحِي اللَّهَ ثَلَاثًا وَثَلَاثِينَ ، وَاحْمَدِي اللَّهَ ثَلَاثًا وَثَلَاثِينَ ، وَكَبِّرِي اللَّهَ أَرْبَعًا وَثَلَاثِينَ
بوركت أخي
ابحمد لله الذي رزقنا إخوانا و أخوات صالحات
سألتزم بها بإذن الله الله ينور لك قلبك و يفتح عليك بيبان الخير يارب
 
السلام عليكم ورحمه الله وبركاته
أولا حمدا لله على سلامتك أختي الفاضلة
ثانيا
أسباب التعب اللي نعرفها أنا واللي بعيدة كل البعد عن المس الشيطاني اللي يلوحو عليه كلش للأسف الشديد
السكر هو سبب رئيسي للتعب
وجباتك قللي فيها السكر ،وفي الصباح اعتمدي على الجبن كبديل للحليب مثلا أو لا تضعي السكر في الحليب ،الجبن يساعد على إمداد الجسم بالطاقة مدة طويلة حتى موعد الغداء .
لأنو السكر بكل بساطة يتحرڨ في أجسامنا بسرعة كبيرة ومن بعد نوليو تعبانين لأنو مصدر الطاقة راح .
على عكس الدهون الحيوانية كيما اللي في الزبدة أو الجبن فتتخزن لمدة طويلة وما نحسوش بالتعب ...


ومصدر آخر للتعب اللي يولي كمنبه لنقص فيتامين د في الجسم ،يعني الشخص اللي ناقصو فيتامين د في جسمو تلڤاه على غير عادتو تعبان ...
وما تنسايش واش مريتي بيه من مرض يعني الجسم يحتاج فترة نقاهة
وباه تعاوني جسمك على الاستعادة مبكرا اليك حساء نزع السموم من الجسم ،نحن نتناوله بين الحين والآخر
هناك خضار تطرد السموم من الجسم فإن جمعناها في حساء صارت نافعة بشكل كبير
الجزر ،البقدونس ( الكرافس ) ،البصل ،الكراث ،الثوم ،لا تضعي في الحساء زيت دوار الشمس هو في الأصل مادة تدر السموم في الجسم
استعملي القليل من الدهون الحيوانية ( شحم أو زبدة ) واطحني الكل واشربيه مساءا وحيد ( رايحة تجوعي فالليل خلي معدتك فارغة كيما الصوم ) وحاولي أن تمارسي بعض الحركات الرياضية في الأيام التي تشربي بها هذا الحساء لخروج السموم عن طريق العرق أيضا...
ونصيحة دعك من الكلام عن المس والعين والحسد ،هم موجودون أي نعم لكن شخص مصلي يقرأ الاذكار ويقرا القرآن محصن نفسو مليح من هاذ الاشياء والحمد لله ،التعمق في التفكير فيها يزيدك تعب وقلق ....
ربي يعينك نشالله
أدعو الله القدير رب العرش العظيم أن يشفيك ويذهب عنك كل سقم ،وينور دربك ويجعل كل خطوة تخطيها سلامة .
اللهم اشفي أختنا مريم شفاءا لا يغادر سقما ،واذهب عنها التعب وقدرها على أعباء الدنيا ومتعها بصحتها بقدرتك يا رب آمين يارب العالمين
 
السلام عليكم ورحمه الله وبركاته
أولا حمدا لله على سلامتك أختي الفاضلة
ثانيا
أسباب التعب اللي نعرفها أنا واللي بعيدة كل البعد عن المس الشيطاني اللي يلوحو عليه كلش للأسف الشديد
السكر هو سبب رئيسي للتعب
وجباتك قللي فيها السكر ،وفي الصباح اعتمدي على الجبن كبديل للحليب مثلا أو لا تضعي السكر في الحليب ،الجبن يساعد على إمداد الجسم بالطاقة مدة طويلة حتى موعد الغداء .
لأنو السكر بكل بساطة يتحرڨ في أجسامنا بسرعة كبيرة ومن بعد نوليو تعبانين لأنو مصدر الطاقة راح .
على عكس الدهون الحيوانية كيما اللي في الزبدة أو الجبن فتتخزن لمدة طويلة وما نحسوش بالتعب ...


ومصدر آخر للتعب اللي يولي كمنبه لنقص فيتامين د في الجسم ،يعني الشخص اللي ناقصو فيتامين د في جسمو تلڤاه على غير عادتو تعبان ...
وما تنسايش واش مريتي بيه من مرض يعني الجسم يحتاج فترة نقاهة
وباه تعاوني جسمك على الاستعادة مبكرا اليك حساء نزع السموم من الجسم ،نحن نتناوله بين الحين والآخر
هناك خضار تطرد السموم من الجسم فإن جمعناها في حساء صارت نافعة بشكل كبير
الجزر ،البقدونس ( الكرافس ) ،البصل ،الكراث ،الثوم ،لا تضعي في الحساء زيت دوار الشمس هو في الأصل مادة تدر السموم في الجسم
استعملي القليل من الدهون الحيوانية ( شحم أو زبدة ) واطحني الكل واشربيه مساءا وحيد ( رايحة تجوعي فالليل خلي معدتك فارغة كيما الصوم ) وحاولي أن تمارسي بعض الحركات الرياضية في الأيام التي تشربي بها هذا الحساء لخروج السموم عن طريق العرق أيضا...
ونصيحة دعك من الكلام عن المس والعين والحسد ،هم موجودون أي نعم لكن شخص مصلي يقرأ الاذكار ويقرا القرآن محصن نفسو مليح من هاذ الاشياء والحمد لله ،التعمق في التفكير فيها يزيدك تعب وقلق ....
ربي يعينك نشالله
أدعو الله القدير رب العرش العظيم أن يشفيك ويذهب عنك كل سقم ،وينور دربك ويجعل كل خطوة تخطيها سلامة .
اللهم اشفي أختنا مريم شفاءا لا يغادر سقما ،واذهب عنها التعب وقدرها على أعباء الدنيا ومتعها بصحتها بقدرتك يا رب آمين يارب العالمين
يااااه خويا خبير تغذية و معلاباليش
صح مخممتش فالنظام الغذائي ممكن هو راهو ناقص مش متوازن
راح نطبقهم كامل وان شاء الله يروح التعب هذا
ياك المشكل مهوش فالمرض ولكن العائلات فالغالب ميتقبلوش الكنة تمرض و لا تريح شويا
راح نطبقهم كامل وفكرتني بحساء الخضر صح مليح للصحة
شكرا لدعواتك و الله يمنحك بالمثل إن شاء الله
بارك الله فيك و أبعد عنك كل سوء
 
اهلا بالحنونة
ربي يشفيك ويعافيك لازم تهتمي بجسدك ونفسيتك طنشي كل شي ولا تدخليه في قلبك خمي في ولادك وتجنبي كل ما يقلقك
وعالجي نفسك بالاعشاب وارقي نفسك اقرئي سورة البقرة فيها فوائد عظيمة
 
الجزر ،البقدونس ( الكرافس ) ،البصل ،الكراث ،الثوم ،لا تضعي في الحساء زيت دوار الشمس هو في الأصل مادة تدر السموم في الجسم
استعملي القليل من الدهون الحيوانية ( شحم أو زبدة )
هههههههههههههه يا حوجي انا راك لميتلي كل الامور اللي نكره ماكلتهم هههههههه

بصح فكرة تنقية الجسم من السموم راهي فكرة ممتازة
و بزاف ناس راهم يحكوا عليها زيد احكيلنا عليها و يا ريت تعطينا وصفات اخرى
 
هههههههههههههه يا حوجي انا راك لميتلي كل الامور اللي نكره ماكلتهم هههههههه

بصح فكرة تنقية الجسم من السموم راهي فكرة ممتازة
و بزاف ناس راهم يحكوا عليها زيد احكيلنا عليها و يا ريت تعطينا وصفات اخرى

هههههههههههه
حنا جيل الثمانينات كامل جينا نكرهو الكسبر والمعدنوس والكرافس ما فهمتش لاه
أنا ثاني ما نحبهمش بصح كي عرفت بلي فيهم فوائد وليت ناكلهم وزيد الجزر ما نحبوش طايب بصح كي يكون مرحي مع كلش يعڤب هههه
أما على الوصفات هاذي أنجع وصفة يعني باه تستنى نضيفلك ليها البطاطا والجريوات والحمص هههه لالا هاذي هي وتجي لونها أخضر وكي تحب تعڨبها أعصرلها الليمون برك
ولازالة السموم يا حبذا يكون هذا الحساء مصحوب بثلاث أيام صوم علاجي
واش هو الصوم العلاجي
سقسيني نڤولك
ولا نڤولك
رايح نخبرك بلا ما تسقسي ههه
الصوم العلاجي ماهوش كي الصوم العادي تنوض الصباح تشرب الماء وفقط كثر من الماء وإذا كان عندك دواء مثلا للسكري سخن فنجال من الحساء واشربه باه ما تشربش الدوا على معدة خالية ،وصوم طوال النهار بهذا الشكل في منتصف النهار إذا كان عندك دواء دير نفس الشي كيما الصباح واشرب الماء بزاف لأنو رايح يساعد على عملية التبول اللي تخرج السموم وخاصة نتاع الأدوية المتراكمة في جسمك
وفالمساء أشرب صحن حساء وحدو ( عندك تاكل الخبز هاه وهاه تفسد كلش ) ههه
لمدة ثلاث أيام وانت على هاذ الحال ،كاين اللي يقدر يصبر خمسة أيام
يعالجو بيه مرضى السكري هنا باه ينحيو الأدوية خلاص
المهم بعد الصوم هاو عندك تڤول ناكل واش نحب وأعود الى البربوشة والمعجنات والحلويات ووو
نو نو نو
تدير حاجة اسمها تعديل الغذاء
تاكل الخبز الكامل يعني تشري الرقدة ولا الڤمح من عند اللي يطحن وتڤولو أنا ما تنحيليش النخالة خلاص هي كيف كيف شاري شاري ويطيح أقل واقيلا
أنا شريت الرقدة( شعير مرحي ) جبتها معايا ههه
وحاول تاكل الخضرة مفورة ( ياو صعيبة علابالي تجيك البكية وتغيضك عمرك ههه سقسيني نڤولك )
والزيت هذاك نتاع دوار الشمس هو المصيبة والبطاطا المقلية هي عدوة الجسم ،كي تطيبو بدل الزيت بالشحمة كيما كانو يديرو بكري ...


بصح من بعد كي تشوف تحسن وتشوف أنك بديت تولي الإنسان نتاع بكري قبل ما تمرض،وتولي تحس روحك خفيف نشيط .
صدقني رايح تفرح ويبانلك الأكل كامل مكانش ڤدام صحتك ...


أنتظر ردك
وكوراج برك جربها واش خسرت بالعكس
أيا ربطة كرافس في خاطرك
الكرفس1.jpg
ربي يعينك

 
هههههههههههه
حنا جيل الثمانينات كامل جينا نكرهو الكسبر والمعدنوس والكرافس ما فهمتش لاه
أنا ثاني ما نحبهمش بصح كي عرفت بلي فيهم فوائد وليت ناكلهم وزيد الجزر ما نحبوش طايب بصح كي يكون مرحي مع كلش يعڤب هههه
أما على الوصفات هاذي أنجع وصفة يعني باه تستنى نضيفلك ليها البطاطا والجريوات والحمص هههه لالا هاذي هي وتجي لونها أخضر وكي تحب تعڨبها أعصرلها الليمون برك
ولازالة السموم يا حبذا يكون هذا الحساء مصحوب بثلاث أيام صوم علاجي
واش هو الصوم العلاجي
سقسيني نڤولك
ولا نڤولك
رايح نخبرك بلا ما تسقسي ههه
الصوم العلاجي ماهوش كي الصوم العادي تنوض الصباح تشرب الماء وفقط كثر من الماء وإذا كان عندك دواء مثلا للسكري سخن فنجال من الحساء واشربه باه ما تشربش الدوا على معدة خالية ،وصوم طوال النهار بهذا الشكل في منتصف النهار إذا كان عندك دواء دير نفس الشي كيما الصباح واشرب الماء بزاف لأنو رايح يساعد على عملية التبول اللي تخرج السموم وخاصة نتاع الأدوية المتراكمة في جسمك
وفالمساء أشرب صحن حساء وحدو ( عندك تاكل الخبز هاه وهاه تفسد كلش ) ههه
لمدة ثلاث أيام وانت على هاذ الحال ،كاين اللي يقدر يصبر خمسة أيام
يعالجو بيه مرضى السكري هنا باه ينحيو الأدوية خلاص
المهم بعد الصوم هاو عندك تڤول ناكل واش نحب وأعود الى البربوشة والمعجنات والحلويات ووو
نو نو نو
تدير حاجة اسمها تعديل الغذاء
تاكل الخبز الكامل يعني تشري الرقدة ولا الڤمح من عند اللي يطحن وتڤولو أنا ما تنحيليش النخالة خلاص هي كيف كيف شاري شاري ويطيح أقل واقيلا
أنا شريت الرقدة( شعير مرحي ) جبتها معايا ههه
وحاول تاكل الخضرة مفورة ( ياو صعيبة علابالي تجيك البكية وتغيضك عمرك ههه سقسيني نڤولك )
والزيت هذاك نتاع دوار الشمس هو المصيبة والبطاطا المقلية هي عدوة الجسم ،كي تطيبو بدل الزيت بالشحمة كيما كانو يديرو بكري ...


بصح من بعد كي تشوف تحسن وتشوف أنك بديت تولي الإنسان نتاع بكري قبل ما تمرض،وتولي تحس روحك خفيف نشيط .
صدقني رايح تفرح ويبانلك الأكل كامل مكانش ڤدام صحتك ...


أنتظر ردك
وكوراج برك جربها واش خسرت بالعكس
أيا ربطة كرافس في خاطرك
مشاهدة المرفق 94109
ربي يعينك

صباح الخير اخي حلييم
هههههههههه انا قلت راح تقولي طيب فريت و زيد فوقه مايوناز
و كملها ببيبسي و ضربها برقدة ههههههههههههه
سااع زدت صعبتها عليا تسمى قولي دخل للحبس و اخلاص ههههههههههههه
والله ق صعيبة خصوصا معايا انا شهيتي مفتوووحة على طول و نحب الماكلة يااسر

راح نفكر في الوصفة الاولى لانها خالية من الصيام ههههههههههههه

ربي يجازيك خويا حلييم
 
صباح الخير اخي حلييم
هههههههههه انا قلت راح تقولي طيب فريت و زيد فوقه مايوناز
و كملها ببيبسي و ضربها برقدة ههههههههههههه
سااع زدت صعبتها عليا تسمى قولي دخل للحبس و اخلاص ههههههههههههه
والله ق صعيبة خصوصا معايا انا شهيتي مفتوووحة على طول و نحب الماكلة يااسر

راح نفكر في الوصفة الاولى لانها خالية من الصيام ههههههههههههه

ربي يجازيك خويا حلييم
هههههههههههه والله صعيبة بصح مفييييدة
الوصفة الاولى كول الحساء ليلا
ومارس رياضة المشي
ربي يعينك نشالله ويشفيك ويعافيك ويكتبلك السلامة من كل سقم آمين
إحتراماتي
 
السلام عليكم ، الٱخوة ما شاء الله ما خلاو شيء إلا و أفادوك بيه، وأنا عن نفسي كي نحس روحي بهذي الحالة نكثر الاستغفار و الدعاء ب اللهم إني أسألك العفو و العافية و المعافاة في الدنيا والآخرة، ربي يعطيك الصحة و يهدي بالك.
 
السلام عليكم ، الٱخوة ما شاء الله ما خلاو شيء إلا و أفادوك بيه، وأنا عن نفسي كي نحس روحي بهذي الحالة نكثر الاستغفار و الدعاء ب اللهم إني أسألك العفو و العافية و المعافاة في الدنيا والآخرة، ربي يعطيك الصحة و يهدي بالك.
امين يارب جزاك الله خيرا ولنا ولكم أجمعين
 
اهلا بالحنونة
ربي يشفيك ويعافيك لازم تهتمي بجسدك ونفسيتك طنشي كل شي ولا تدخليه في قلبك خمي في ولادك وتجنبي كل ما يقلقك
وعالجي نفسك بالاعشاب وارقي نفسك اقرئي سورة البقرة فيها فوائد عظيمة
ان شاء الله يارب ربي يحفظك
 
مرحباا اختى الغالية عليكى بالصلاة والاكثار من الاستغفار وقراءة القران ايضاا تقربي اكثر من الله عز وجل فالراحة كلها لديه ربي يرح بالك ونفسيتك وجسدك وطهوراا ان شاء الله
 
وعليكم السلام ورحمة الله وبركاته

طهورا ان شاءالله اختي الغالية اكثري من سماع القرآن افتحي اليوتيوب واستمعي وقومي بواجباتك المنزلية
سترتاحين
 
وعليك السلام اختي
ربي يحفظك و يعينك حبيت فقط نستفسر منك اختي كم ولد عندك و عمر اصغرهم و هل انت في بيت العائلة الكبيرة و كم مر على آخر مرة رحتي فيها عطلة مع زوجك والاولاد
 
مرحباا اختى الغالية عليكى بالصلاة والاكثار من الاستغفار وقراءة القران ايضاا تقربي اكثر من الله عز وجل فالراحة كلها لديه ربي يرح بالك ونفسيتك وجسدك وطهوراا ان شاء الله
امين يارب شكرا❤❤
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top