مشكلتي مشكلتي

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
السلام عليكم
اولا اشكر كل القائمين على هذا المنتدى الرائع واشكر أيضا أعضائه وحكمتهم ورقيهم في الردود على المواضيع وهذا ما شجعني لكتابة مشكلتي هنا
مشكلتي قد تبدو للكثير منكم تافهة لكنها فعلا عقدتني
بداية أنا فتاة أبلغ 21 ربيعا طالبة جامعية هذا هو عمري في البطاقة وفي كل وثائقي لكن في الحقيقة ابدو صاحبة 16 سنة كاقصى تقدير حتى عندما أسأل على عمري وأقول 21 سنة ??? انت 21 ننن غير معقول والله عقدتني نظرة الناس وهدرتهم الجايحة من قبل لم اكن اكترث لكن مؤخرا صار الأمر يذايقني كثيرا كيف اتاقلم مع وضعي هذا
 
روحي للطبيب
يعاونك ان شاء الله
لربما عندك تأخر في نمو العظام او تأخر هرموني والله اعلم اما الناس
انا منين دك خلت 18 سنة للجامعة كانو يحسبوني نقري في الجامعة وكل واحد واش عطالو ربي.. وربي يهنيك
 
السلام عليكم ورحمة الله وبركاته
أهلا بيك حبيبتي وشكرا لفتح قلبك ومشاركتنا ما يضايقك، وبصراحة علاه تقلقتي بالعكس كاش قدك
قدما تكباري تبقاي كتكوتة وصغيرة هههه، مليحة ليك خطرة خلاف تلحقي للخمسين يحطوك مولات 30 :sneaky:
هاه كاش قدك، أنا المشكلة من صغري صاير معايا العكس، نقرا في الابتدائي يحطوني تاع متوسط
وفي المتوسط يحطوني تاع ليسي وفي الليسي والله دخلت للمدرج مع وحدة من عايلتي في الجامعة وقريت وواحد مافاقلي
أنك تباني أكبر من عمرك ربما هو مشكل أصعب من أنك تباني أصغر خاصة كونك إمرأة خاطر تعرفي المرأة تحب دائما تبقى صغيرة
لكن من وجهة نظري تبان كبيرة ولا صغيرة ماتنقص ما تزيد مالا ماتحطيش خلاص هاد الامر في بالك ونحيه نهائيا
ماتقوليش مثلا واش لازم ندير باه نبان قد عمري، يعني ماتعطيش لكلام الناس أهمية خاطر هوما إذا شافو وحدة قصيرة
يضحكو والطويلة يضحكو والكبيرة يضحكو والصغيرة يضحكو، إرضاء الناس غاية لا تدرك، ولي يقولك مستحيل تكوني
21 قولهم كاش مرأة تحب تكبر روحها؟ بصح صافي بليزيغ كي مازالني نبان صغيرة :cool: قوليلهم هكا وخليهم
عيشي حياتك حبيبتي وخلي الناس تهدر واش حبت، الأهم أنو مايهدروش في أخلاقك وتربيتك أما بقية الأمور ربي يسهل عليهم
المجتمع خُلق للكريتيك والقيل والقال، ربي يهديهم ان شاء الله، وربي يوفقك في دراستك عزيزتي
تحياتي
 
ماشي مشكلة هادي بالعكس مدح..
انا تاني عندي طفلين وعمري 33 سنة ومكانش لي امني حتى مرة كنت فطاكسي مع اني ندير نقاب كانت معايا عجوز كانت تحكي مع طاكسيور قالها مثلا هاد الاخت مسكينة دارهم غابنينها دايريلها لعجار وهي في عمرها مام با 16 عام ??????? قتله الله يخليك خف وصلني طولت على رضاعة ولدي قالي سيبا فري متزوجة وعيب عليهم داركم مزوجينك ووالدة وحتى ماشي بالغة ?????? انا مت بالضحك تحت عجاري ?????
بالعكس اختي كل النساء ترغب تبقى صغيرة السن وماشي مشكلة هدا دليل على انك جميلة جدا.. ربي يحفظك
 
ماشي مشكلة هادي بالعكس مدح..
انا تاني عندي طفلين وعمري 33 سنة ومكانش لي امني حتى مرة كنت فطاكسي مع اني ندير نقاب كانت معايا عجوز كانت تحكي مع طاكسيور قالها مثلا هاد الاخت مسكينة دارهم غابنينها دايريلها لعجار وهي في عمرها مام با 16 عام ??????? قتله الله يخليك خف وصلني طولت على رضاعة ولدي قالي سيبا فري متزوجة وعيب عليهم داركم مزوجينك ووالدة وحتى ماشي بالغة ?????? انا مت بالضحك تحت عجاري ?????
بالعكس اختي كل النساء ترغب تبقى صغيرة السن وماشي مشكلة هدا دليل على انك جميلة جدا.. ربي يحفظك

ها وخدي والطاكسيور هادا واش دخلو؟
والله راحت الحكاية كامل من بالي وتفاجأت من الطاكسيور، وتحت العجار وين تعرف مولات ال16 وال 20؟
صدق لي قالك كي تركب مع طاكسيور ومايحكيش معاك اعرف بلي سرقوك هههه
وصراحة فكرني بواحد الشوفور تاع البيس كان يقولنا يا حسراه بكري كنت المرأة تحت الملاية ونعرفها :LOL:
 
ها وخدي والطاكسيور هادا واش دخلو؟
والله راحت الحكاية كامل من بالي وتفاجأت من الطاكسيور، وتحت العجار وين تعرف مولات ال16 وال 20؟
صدق لي قالك كي تركب ما طاكسيور ومايحكيش معاك اعرف بلي سرقوك هههه
وصراحة فكرني بواحد الشوفور تاع البيس كان يقولنا يا حسراه بكري كنت المرأة تحت الملاية ونعرفها :LOL:
?????? واه ختي انا قلت نقوله ولدي باش زعما يعرف متزوجة ويحبس الهدرة يا ختي هداك وين زاد بينتله بلي ڨاع مارانيش نسمع فيه وانا ميتة بالضحك تحت عجاري ?????? بصح الاكيد هدا داير سوق النسا ويعرفه غاااااااااااية الغاية ????
عفوا من صاحبة الموضوع
 
اهلا اختي
مهوش مشكل كبير عادي بالعكس اذا كان الناس يصغروك
شوفي انا بناتي الناس يحسبوهم خواتاتي راهو عندي 27 سنة و شحال من خترة نكون في عرس يسقسوني تخطبت ولا لا
ياااااه نحس روحي طايرة بالفرحة خخخخخخخ
شوفي طبيب عظام و طبيب هرمونات راجل خالتي طبيب هرمونات قال لنا الطفل و لا الطفلة كتكون قصيرة ولا عندها جسم ضعيف مقارنة بعمرها قادرة تتعالج نورمال ولكن تقصد الطبيب بأقرب وقت متأجليش هذا ماكان
إذا راكي قصيرة عليك بالرياضة
أنا كنت قصيرة و واظبت على الرياضة قبل ما نلحق ل 25 سنة دوكا راني 1،61
لأنو الرياضة تزيدلك فالطول
أما إذا كانت البنية ضعيفة فعليك بزيارة الطبيب
و أخيرا شوفي نتي كفاه تشوفي روحك الصورة اللي تمديهالك لروحك من الداخل هي الصورة اللي يشوفوك بها الناس
لأنو كوثقي من روحك الهدرة تاعهم مراح تأثر فيك
و كذلك اذا كانت البنية ضعيفة عليك بالعسل الحر و المكسرات هاذو يفيدوك بزاف و ربي معاك
 
السَلآْم عَلْيُكّمٌ وٍرٍحَمُةّ الله وٍبُرٍكآتُهْ

اختي غالبا نقدر نفهمك لخاطر
عندنا في العائلة حالة مثل هذي
لكن مع طفلة مزيونة و شابة
برك قليلة في صحتها
مع ذلك اختي متخليش هذ
الامر يأثر عليك و متعيريهش
اهمية و تعطيه اكثر من حقه
لانك راكي تقولي عقدك و هذي
حالة نفسية ما يلقيش توصليها
نوصيك ثقي بنفسك واحبيها كيفما
كانت و حمدي ربي كاين ناس عندهم
مشاكل صحية اكثر من هكا علابيها
وقت تحسي روحك استسلمتي لهدرة
الناس لي ما تنقص ما تزيد تفكري
انك كاملة برجليك و يديك
ومتنسيش تاخدي راي الطبيب
ادا نموك عادي و يحتاجش ادوية
او العكس يتعالج
في الاخير ربي يحفظك اختي
و متديري حتى شي في بالك
?
 
ثِقي بنفسك فقط ولا تكترثي لترهات يقذفها غيرك ليكسروا ثقتك بنفسك او ليغطوا نقصهم وعجزهم بحالتك...
عددي ايجابياتك تفوزين بنفسك انتِ وتتغلبين على هواجسك المُميتة...
( جميلة انتِ كيفما خلقكِ الله جلّ وعلا..فالله لا يخلق إلا كل جميل...تذكريها دوما)
 
نرحب بك معنا في عائلة اللماويين و اللماويات
كما قلت الكثير قد يراه ليس بمشكل كبير
لكن قد تكون بالنسبة لك هو تدمير لمواهبك و تحطيم أحلامك و مهاراتك
جربت ان اتقمص شخصك لأحس بالقليل ما تحسينه.
كما جاء في كلامك:
أنا فتاة أبلغ 21 ربيعا طالبة جامعية
هذا من الأشياء التي عليك استعمالها مع الناس لاقناعهم ان سنك 21 سنة
مثلا بطاقة الطالب او شهادة التسجيل... هذه وثائق نقدر نتركها في جيبي و كلما شكك شخص في سني اقدمها له ليشلل عينيه

و أقول لك كما قالت الاخت:
إرضاء الناس غاية لا تدرك
فما الشخص يظهر اكبر من سنه يشككون فيهو اذا يظهر اصغر من سنه يشككون
فلن تسلمي من السن الناس.

ما تقصدينه هو انه تريدي ابراز مكانتك في المحيط و الناس يستصغرونك بسبب المظهر.
لكن أنت اثبتي لهم العكس بافكارك و نصيحة مني لك كل من يستصغرك ابتعدي عنه لأنه فقط يجب تحطيمك
و كل من يقويك و يغذيك بكلمات جميلة و يفتح لك المجال للحوار اكسبيه
و ابتعدي عن القعدات النسائية لأن نسبة كبيرة من النساء يطعنون الاخرين بكلمات دون ان يعطوها اي معنى...

مثلا امراة متزوجة و لم يرزقها الله بعد بالاولاد... ففي الغالب لما تكون في جلسة فرح او عند طبيب او... ترى الاخريات يوحدون الله و يرددن مثلا عبارة: "شتي شتي مسكينة ما عندهاش الدراري..."

مثلا شخص له مرض عضوي الاغلبية ينظرون له بعين الشفقة في الطريقة و يرددون: شوف مسكين... مسكين شفني...

مثل هذه العبارةهي تحطم الانسان مهما كان قوي فعلينا جميعا الابتعاد عنها و تقييم الشخص بافكاره و عدم استعمال الشفقة في حياتنا او على الاقل امام الشخص...
 
هواري بومدين.، تم حظره "حظر دائم". السبب: مخالفة القوانين / التعدي على فرد من الطاقم الإداري
سلام عليكم أختي
مام انا أختي عندي 19 سنة و يقولولي عندك 25 سنة بسبب اللحية و ماغير ذلك ... لكن منتعقدش منهم يمكن راهم يمتسخروو معاك يقصرو. هادا مكان ما تخديش هدرتهم على محمل الجد فاهمة قصدي أختي و من أحسن روحي عند طبيب نفساني هوو يزيد يفهمك و يقولك واش تعملي و ربي معاك أختي لعزيزة و متقلقيش روحك
تحياتي أخوك حسين ✊✊
 
السلام عليكم ورحمه الله وبركاته
عادي كانو يقراو معايا بنات لدرجة أننا نڤولولهم روحو للمدرسة وهوما فالثانوية ويضحكو ويڤولولنا وانتم واش درتو فيها ،وفالسبور قصة أخرى نلعبو بنات مع ولاد كرة القدم ونلڤاو هاذيك الطفلة الله يبارك تلعب تڤول لاعب محترف
خلقنا الله مختلفون لحكمة أكيد فأن تكوني بريئة في وجهك وعندك ملامح البراءة فهذا جد جميل لأن من ينظر اليك سيشعر بالراحة ،وغالبا ما تجد هذه الفئة محبوبة من جميع الناس دون أن تعلم
وإذا كان هناك انتقاد فهو فيص غيرة لاغير ،الناس في كل الأحوال ستتكلم وستنتقد
فأعطيك نصيحة ...طنشي طنشي طنشي ،وحطي صوفات في أذنيك واهتمي بحياتك
من راقب الناس مات هما دعيهم يموتون ببطء
أرجو لك التوفيق في حياتك
إحترامي وتقديري
 
السلام عليكم ورحمة الله وبركاته
مشفتيش انا خالي لما يلقاني كل مرة يقللي كون تروحي تقراي مع تع الابتدائي وحد ميفيق بيك
ولما نروح للعراس انا نحلف وهوما يحلفو والله عندي 25 سنة وهوما 18 سنة تكذبي وعادي ههههههههه لا اهتم بالامر كثيرا
والحمد لله لى مارزقني، لكن خالي يهبطلي المورال تع ابتدائي هههههههههههه
لا تهتمي غاليتي براي الاخرين مايدي ميجيب
اسال الله ان يرزقك بما تحبين في ما يحب ويرضى لك
تحياتي احترامي وتقديري لشصخكم الكريم الطيب
في امان الله وحفظه​
 
احلى ما فى الموضوع انى كنت اخش السينما ببلاش على اساس انى فى ابتدائى وزمايلى كانوا بيدفعوا فلوس على اساس انهم فى اعدادى هههه
 
اللى ما يهتم بالناس يعيش حياة جميلة
 

وانتى علاه تقنطى ارمى وراك عادى ولا يهمك
كونتغاغ غدوة من غدوة. تكبرى ويبقاو يحسبوك صغيرة
وهذا شئ ليك مش ضدك
حتى انا شحال من شخص يحسبنى نقرا فالسيام ماكسيموم
مى فالحق سيام يا حسرى علىاياموو
عادى متهتميش برك وهادا شئ ميزعف ماولو
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top