لا فوبي (phobia)

[sami44]

السلام عليكم ورحمة الله



اليوم حبيت نهدر على لا فوبي
معلوم كل واحد منا في هذ الدنيا عندو حاجة كي يشوفها يشوك لحمو ويحمارو عينيه ويبداه العرق ويولي يترعد اي يفيبري
كيما خويا @حلم كبير. على ما اضن ما عندوش لا فوبي مي يخاف من الزواحف وركبو الخوف من نهار راح للامازون في الايماجيناسيون
🕸🕷
انا واحد من الناس عندي لا فوبي من حشرة ام اربعة واربعون نهار نشوفها نبات قاعد ونتخيلها في كل مكان واول حاجة نديرها نبدل حوايجي نحس بيها لاصقة فيا داخل السروال او تحت الكول تاع الفيستة او اي مكان ومرات ندوش و ناكد على شعري نفركو مليح
وفي هذ اللحضه كي ذكرتها ديجا بداتني لا فوبي
وكاين الي عندو لا فوبي من عباد معينين نهار يشوفهم يكون صايم يفطر كيما @السلطانة. مثلا

عندها مده كنت نخدم فلوبيتال وتعرفو لوبيتال نقص النضافة واش يتربى فيه
كنت جايز في الكولوار نشوف فرملية
رجليها يلحقو لضهرها لابسه صباط والصباط الثاني طار والعياط تقول شافت جن
انا تخلعت قلت لها واش كاين لصقت في ضهري وتقولي راه تحت البيرو انا حسبت المريض مات وخلعها كي دخلت لقيتو قرلو اصفر مجنح صح يخلع. بصح مش لدرجة الرعب. نهار قتلتو وارفدتو باش نرميه ولات تعاير فيا انت معفون اغسل يديك بالجافيل
لا حول ولا قوة الا بالله تدير الخير وتندم


وخطره جا عندي ولد خويا للشمبره قالي عمي اجري لينا دخل علينا فار
ايا رحت واديت معايا كل الاسلحة المتاحة من بالي وفروطوار وحتى الفليت و البريكي
نهار دخلت لقيت البيت فارغ هي غالقة على روحها في شمبره مع ولادها الصغار وتبكي تع الصح والفار صغير مسكين يلعب في الهول غاضني وغير وصلت ليه ضربة خفيفه بالبالي طاح مصروع درتو في صاشي وطبطبت عليها قلتلها خلاص اهو مات من الفرحة خرجت تجري باش تدير خمارها دارت الزربية تاع الصلاة فوق راسها. واحتفلت بالنصر تقول حررنا فلسطين ومن ذاك اليوم اي فار يجوز علر الفيراج تاع دارها تعيط في التلفون وليت كيما الحمايةالمدنية

وما ننساش خطرة كنت خدام عند واحد عندو فلا ما شاء الله
انا حكمت الطابق الاول والثاني
مع العلم انو ساكن في الطابق الارضي الي كان مفيني من قبل
وكان عندو مشكل في الدوش انسداد كل القنوات وبدات الميديتي كيما تعرفو
ايا رحت. كسرت الروسيفر تاع الدوش باش نعاودو القنوات كامل وهنا كانت الصدمه العامل الي خدم عندو من قبل حطلو الروسيفر على. البالوعة الرىيسيه وكانت طوبه او جرذ ساكنة تحتو عندها المخرج من وراء البيت تجيب الماكله من الكوزينة نورمال تقول راهي في المارشي وكانت والده12 جرذ صغير لقيتهم لحم قد ما كرهت يماهم قد ما غاضوني
كنا احنا أربعة ودخلنا في حرب ضروس باش قتلناها كر وفر من الكوزينة للصالون للشومبرة كوشي
وكان وليدو يصور بالهاتف كل الاحداث الماساوية الي جرات مع مستر جرذ
وهاذي تاع مستر جرذ خويا @الامين محمد. تكون عندو فكرة عليها
الى هنا الامر عادي. المشكل نهار. طلع الطفل ليماه وورالها الصور تاع الطوبة وولادها حلفت يمين ما تسكن في ذيك الدار وبالفعل بعد ايام ولات شونتيي والطابق الارضي رجعوه كاراجات
لكن صدقوني ما قدرتش نضرب هاذيك الطوبة غاضتني كي عندها ولاد صغار. مزية كان معايا وحد الشرير قلبو قاسي قتلها ورمى ولادها ودار معاهم سيلفي. قلتلو حرام عليك قاللي زكارة فيها راني حرمت عليا المعيشة

لازم نفرقو بين الخوف والفوبيا

المهم هذة قصص من الواقع وانتوما واش من فوبي عندكم
ومكالاه تلعبوها رجلة كاين الي نهار يشوف العنكبوت يودر صوالحو
كيما @لؤلؤة قسنطينة.
وكاين الي ما نخافش عليهم كيما @ليليا مرام. بنت الدوار تعذب الكلب وترجعو اليف نورمال
وما ننساش @ماغيكاي تشان. ما نقوللكمش مناه تخاف نخليه لغز مادامها غائبة نهار تجي نفضحها







​

 

[لؤلؤة قسنطينة]

السلام عليكم ورحمة الله وبركاته
فكرتني بالموضوع لي نهار طرحتو في قسم النكت، وسميتو شكون عندو اللوبيا هههه
والله يا الفوبيا هادي، قتلتني بتاع أم أربعة وأربعين والله نفس الشي أنا تاني، برك بدّل الشخصية الرئيسية وجيب محبوبة الجماهير العنكبوت، لأنو عندي فوبيا كارثية منها صح صح، ديجا والله نهار نتزوج نشرط على الراجل أنو يسنييلي على ورقة بلي مسموح عليا نوضو في أي وقت وفي أي ظرف باه يقتلي عنكبوت معلّق في الحيط، لأني والله نرقد في بيت فيها فار ورقدت صح في بيت فيها فئران ماش فار برك ونورمال، بصح كن نشوف عنكبوت في بيت ومايحكموهاش مستحيييل نبات فيها.
أنا ماما بكري كانت حاطتني نتمسخر يعني نحب نلعبها، بصح كن جيت نحب نلعبها، نطبقها على الحشرات كامل، بصح أنا غير العنكبوت مانحملهاش، حتى صورة في التلفاز مانحملهاش نبقى نشوف مع جنابي، ديجا كن نشوف عنكبوت في حيط ولا في بلاصة معينة ويقتلوها وتنتهي الحكاية، نجيبها شهر مانقربش للبلاصة هاديك، تقولي ماما يخي ماتت، نقولها ماتت على روحها بصح البلاصة مشكوك في أمرها حتى نتأكد بلي الوضع آمن باه نقرب من تم ههه.
نحكيلكم مرة في القايلة قاعدة انا وماما نتفرجو، وانا قاعدة نكونيكتي في اللمة يعني هازة التيليفون في يدي والتلفاز نتونس بيه زعما وماما مسكينة ترقد بالقاعدة، عييت فيها تروح ترتاح قاتلي لالا، هيا زادت رقدت وانا قاعدة نكونيكتي ونحس بحاجة فوق كتفي فوق التريكو تاع الصوف لي لابستو فوق القندورة، انا غير دورت بلعقل وشفتها، عيطت عيطة سمعوها من الهند، التيليفون طار في السماء التريكو نحيتو ورميتو في السماء، البكاوات الدنيا مقلبة، ماما ناضت مفجوعة تقولي واش صرا، وانا نبكي نقولها رتيلة رتيلة، ماما تقولي وينهي الرتيلة تاع الهم، دورت لقات التريكو في جهة والتيليفون في جهة وانا اقسم بالله نرعش نترعد وحدي، جبتها شهر مانلبسش التريكو هاداك من الخوف.
وكي تقتل ماما العنكبوت، نروح نتخبا رغم اني نكرها بصح تغيضني، نقولها هزيها وارميها، تقولي والله مليحة نتي اهربي وانا نهزها، ومن بعد كي تقتلها نجي نطل بلعقل نقولها ماتت؟ تقولي هيه، نقولها يخي متأكدة بلي ماتت؟ شفتيها مليح يخي؟ تقولي ماما غدوة تخرج شهادة الوفاة ونثبتلك بلي ماتت ههههه.
ومرة نضت فليل نشرب الماء من الكوزينة عجبك فليل وشفتها في الحيط وفي الظلمة، تقول عندي نظر خاص بالعناكب، ماقدرتش ندخل للكوزينة بقيت في الباب وميتة بالعطش، ناضت ماما فليل لقاتني واقفة قدامها، تخلعت قاتلي نتي كاش نهار تحبسيلي قلبي، قتلها عطشت قاتلي اشربي شكون حاكمك قتلها عندي نص ساعة وانا واقفة ماقدرتش ندخل، قاتلي علاه؟ قتلها عنكبوت، قريب عطاتني بدبزة هههه
هادا الرد طويل درك الرد الجاي نكملكم قصص أخرى تشبعو ضحك

 

[لؤلؤة قسنطينة]

وقبل مانبدا نحكي قصص أخرى عندك الحق كي قلت كاين فرق بين الخوف والفوبيا، أنا نخاف مثلا من الكلب، بصح خوف عادي، كي تشوف كلب ضخم معدي قدامك تخاف، بصح نعدي قدامو عادي مانهرب ماوالو، خاطر خوف بديهي وطبيعي، أما الفوبيا فشيء آخر
مرة قاعدة في البيت وغلقتها بالمفتاح كي جيت خارجة باه نفتح المفتاح ونخرج نلقى عنكبوت تما قدام الباب في الحيط وتسوطي، ولكم أن تتخيلو الفاجعة، كلما تسوطي هي نعيّط أنا، ماما جات تجري تسمع العياطات والبكاوات، تقولي افتحي الباب وانا نبكي ونقولها مانقدرش أي تسوطي فيا، وهي طولها مسكينة 3 ملم ماتشوفهاش بالعين المجردة بالاك، ماجيت ندير الكوراج ونزرب نفتح المفتاح، خلصت من البكاء، كي دخلت ماما وشافتني في الحالة هاديك، ولي كانت حابستني نقطة ماتبانش، حكمها الشوك هههه قاتلي نتي كارثة، قتلها خايفة كاش نهار نتحبس انا وولادي في كاش بيت وتشعل النار وتكون عنكبوت قدام الباب ماتخليناش نخرجو ونتحرقو كامل هههه، واحد الأفكار هوليودية.

ومرة قاعدة في الصالون مع بابا وماما، معرف علاه هزيت تيليفوني رايحة نشوف حاجة، هادا راني بالتيليفون وبجنب عيني شفت حاجة كحلة تجري من بعيد منين الزربية، قلت لماما راني شفت حاجة واقيلا رتيلة، قاتلي ماكانش راكي تتخايلي، هوما كملو حياتهم عادي، وانا طفيت التيليفون وبقيت مدققة مع الزربية عيني تروح يمين ويسار، لازم نكون جاهزة لأي هجوم، هيا عدات ربع ساعة هكاك ولا كتر، ولأنو الزربية فيها رسومات ماتوضحتليش الرؤية بصح شكيت في حاجة هكا، قلت لماما شفتي النقطة البعيدة هاديك، راهي هي راهي لتم مخبية روحها، قاتلي ماما راهي رسمة قتلها اني قتلك رتيلة، هيا ماما حركت الزربية وتبدا لخرا تجري، ونسوطي انا جيت واقفة فوق الكانابي، ونقولها اقتليها اقتليها اي جاية ليا، وانا راني في قمم جبال الهيمالايا هيليكوبتار وماتلحقنيش، بابا مات بالضحك، سورتو كي ختي تقولي عيب مراة قدك تدير هاد الشي، وانا المعاير راهم يخبطو فيا وانا راني نتأكد مع ماما نقولها يخي ماتت؟ يخي ماهربتش، ديجا ماجيت ننزل من المطرح بالسيف نمشي ونشوف من ومن.
تقولي ماما بسبتك ديت ذنب مئات العناكب، وتقولي كاش نهار يهجمو عليك فليل يديرو مظاهرات يتمتيلهم عايلتهم كامل ههه.

 

[لؤلؤة قسنطينة]

@السلطانة
@الامين محمد
@Skor m@k
@حلم كبير
@ماغيكاي تشان
@ليليا مرام
ارواحو تضحكو شوي

 

[sami44]

@لؤلؤة قسنطينة الله يعطيك الربح ضحكت حتى ضرتني كرشي
ويوسفني القول انعريسك غير موجود اجري على روحك وين راه الي يقبل شرطك
ايماجيني الراجل يجي عيان و مهرود من التعب كي يرقد ويرتاح تنوضيه يقتل عنكبوت
هاذي في حضارة الانكا وما صراتش
انتي لازملك واحد من توع ناسيونال جيوغرافيك
والي راه غايضني كامل يماك مسكينة راهي تعاني معاك ربي يجيب الخير
والله غير عندي صاحبي بلومبي يخاف العنكبوت اكثر من التمساح وتعرفي البلومبي خدمتو توجور في الفيراجات تحت البوطاجي تحت البينوار المكان المفضل للعنكبوت ايبان دار مانوفر سبيسيال يبدا الخدمة قدامو واذا شاف الانسة عنكبوتة يقتلها باش يفتحلو الطريق
قتلتيني بالضحك الله يعطيك كيلو سعادة مع هذ العشيه سيرتو تاع شهادة الوفاة

 

[الامين محمد]

هههههههههههههههه ياااا مجرمين علاه تخربوا فيا
رايح تفضحوني و انا عامل روحي ابوشهاب ههههههههههه
انا صح عندي فوبيا من البحر ما نعومش فيه نمشي على الشط
و رحمة نازلة العوم نونونو نحس بواحد الرهبة منه يعني شي عظيم قدامي

عندي المدام عندها فوبيا من كل الحشرات و الحيوانات
نهار تشوف فار والله ما ترقد و تبقى ترجف و تبكي كي الطفل الصغير
حتى نحكموه و تشوفه بعينيها
و تكره تربية القطط و تحسه اسد راح يفترسها و تغلق كامل البيبان و التواقي ههههههههههه

تفكرت مرة اختي شافت قط و هي تخاف من القطوطة و الكارثة ان القط كان مريض
و غير طبيعي يمشي غير بالعقل و هو يموه كأنه راح يموت
بقات الطفلة خايفة و مرعوبة و تقول للوالدة القط راح يجيني
و والدة تقول ليها ما راحش يجيك اصلا منين راح يدخل

الكااااارثة والله ما عرفنا كيف دخل في الليل
راح رقد عند اختي اللي كانت خايفة منه في الليل بقات تتحسس
لقاته راقد في حضنها و تقوم تصرخخخخخخخخ حتى تلموا الجيران ههههههههههه
و هي تقول قلتلتم راح يجي عندي قلتلكم و هي تبكي هههههههههههه

 

[sami44]

راك حاب تقولي كامل عندكم لا فوبي
شيعتك ولد بلاد وتبيع لاكريم تخاف البحر يا الفضايح ما تقولش هك ليليا نهار تدري تشبع ضحك عليك انا كنت حاسبك تراس وسيد الناس
كنت نقادرك بزاف يا خو كب دريت بيك تخاف البحر رايح نعاود حساباتي نورمالمون ات من الهند القديم موالف تعوم في الواد والقلت كييفاش تخاف البحر
اما بالنسبة للقطط اول مرة نسمع بلافوبي تاع القطط اهي مريم تربيهم وتعيش معاهم نورمال محلوقات اليفة ونضيفة بصح ما علابالهاش بلي القط يحب العناكب سينون تبطل تربيهم
اما هاذي تاع الفار ما تزيدنيش الفار خلقو ربي يعذب النسا راني نقوللك نسات الخمار ودارت زربية تاع صلاة فوق راسها هو ما يخوفش بصح يلعب على المورال
@الامين محمد هاذي تاع العوم لازم تفهمني فيها انا كنت معول نعرضك على تبحيرة في البلج ولا شنوة ضهرت خواف ونخاف تحشمني مع صحابي​

 

[لؤلؤة قسنطينة]

@لؤلؤة قسنطينة الله يعطيك الربح ضحكت حتى ضرتني كرشي
ويوسفني القول انعريسك غير موجود اجري على روحك وين راه الي يقبل شرطك
ايماجيني الراجل يجي عيان و مهرود من التعب كي يرقد ويرتاح تنوضيه يقتل عنكبوت
هاذي في حضارة الانكا وما صراتش
انتي لازملك واحد من توع ناسيونال جيوغرافيك
والي راه غايضني كامل يماك مسكينة راهي تعاني معاك ربي يجيب الخير
والله غير عندي صاحبي بلومبي يخاف العنكبوت اكثر من التمساح وتعرفي البلومبي خدمتو توجور في الفيراجات تحت البوطاجي تحت البينوار المكان المفضل للعنكبوت ايبان دار مانوفر سبيسيال يبدا الخدمة قدامو واذا شاف الانسة عنكبوتة يقتلها باش يفتحلو الطريق
قتلتيني بالضحك الله يعطيك كيلو سعادة مع هذ العشيه سيرتو تاع شهادة الوفاة

قتلتني تاع البلومبي هههه والله حكمتني الفجعة في بلاصتو مسكين، كلي شخص رميتو في غابة وقتلو فيها أسود هههه ربي يكون في العون.
وماما مسكينة والله تديرلي رايي، في الاول كانت حاطتني لاعبتها، ومن بعد لقاتني مع الكلاب نورمال وكامل الحيوانات والحشرات لي من المفروض يخافوهم البنات انا نورمال، يسما باينة فوبيا صح، ونهار شافت التيليفون طاير في السماء عرفت بلي مني بالصح هههه، خاطر يستحيل تيليفونك غالي ترميه الرمية الملتهبة هاديك ههه، يعني كتر خير ماما، بصح ختي مدايرة رايها فيا ساعات تلقاني قاعدة تايهة تقولي حبسي كيما راكي، واشوا هاداك .. ماتجي تكمل الجملة نسوطي من بلاصتي بعد، ولا نقولها واش كاين واش كاين، وتجي كلي سمفونية، تبدا من أدنى صوت في الحنجرة حتى أعلى صوت، واش كاين وااش كااين وااااااش كاااااااين، نولي نتخبط وحدي وهي تضحك، تديرهالي مكرا نولي نبكي، مرة ماما ماكانش في الدار ولقيت عنكبوت في الحوض، قريب معرف واش نديرلها، نقولها ربي يعطيك ماتتمناي ارمي عليها الماء برك تهبط باه نقدر نقرب من الحوض، تقولي اخطيني مارانيش قاعدتلك، نولي نرمي كرامتي بعيدا ونحاولها بكل الكلمات الرقيقة الطيبة هههه ماتجي ترمي عليها الماء الدم ينشف في عروقي، كي تخلص نقولها يخي نزلت صح وشفتيها بعينك؟ تقولي ماتقلقينيش لا نعاود نجبدها هههه
وأنا ساعات ماما تجيبلي حاجة ماعلاباليش واش، نقولها بعديها عليا كانت فيها عنكبوت عام 1830 على الساعة كذا وكذا، نقولها مشكوك في أمرها، ولا ساعات كي نلقى عنكبوت نجي نجري لماما باه تقتلها، نقولها علابالك عنكبوت كبيرة كيما تاع الامازون لقيتها وتقتل ازربي اقتليها ولا تقتلنا، تروح ماما تجري تلقاها مسكينة ماتبانش بالمجهر تقولي هادي كبيرة؟ نقولها هيه كبيرة وخطيرة نتوما لي تستهينو بالأمر، وانا مهما عنكبوت تاع الحشيش لي ماتقرصش كن نلقاها فوق يدي نموت في بلاصتي، يسما المشكل فيها مانحملهاش.
ونهار نتزوج بإذن الله، المهر تاعي قتل العناكب خلاص حددت الهدف تاعي، تخاف يحكمهالي ويعاقبني بيها ساع رحت فيها، نعلم ولادي يقتلوها باه يدافعو عليا.

وربي يدومها ضحكة ان شاء الله ^^

 

[لؤلؤة قسنطينة]

بالمناسبة أنا نهار رحنا لحديقة الحامة في العاصمة، كي لحقت قدام أقفاص الأسد والنمر والفهود هبلت بالفرحة، لصقت في الشباك هاداك لي يفصل بين الإنسان والحيوان، كانت أسعد اللحظات في حياتي هههه، كان حلمي نشوفهم لدرجة درنا الحديقة كاملة وكي عدنا مروحين ترجيتهم نزيد نشوف الأسد وجماعتو مرة أخرى وزدت عاودت رحت شفتهم، خاطر نحبهم بزااف، نخاف منهم كخوف طبيعي كونهم حيوانات مفترسة بصح نقرب ليهم عادي.
بصح لو تقولي كاين قفص خاص بالعناكب لاشتا داخل صندوق تاع زجاج نموت في بلاصتي، من بعيد ومانحملش نشوفها

 

[sami44]

والله غير وحدك يا مريم جاني النعاس طيرتيهلي من الضحك ومش من عادتي نضحك في الليل نخاف الجيران يقولو هبل
وانا نكتب في الرد جاني احساس بلي عنكبوت اسود راه في الصباط لكحل تاعك الي راهو في البلاكار الي تجيك مليحة ما تلبسيهش غدوة الصباح
والي ما قدرتش نفهمها كيفاش حشرة نقدر نقتلها بصبعي تدير كامل هذ العجب
الامين قالك نخاف نعوم قلنا معليش اختو تخاف القط نقولو كبير و من سلالة الاسد انا ام 44 نقولو طويلة وعندها الرجلين بزاف تقرصك تقرصك لا مجال للهرب بصح عنكبوت ما دخلتش في راسي مرات تطيح في الماكلة الواحد ياكلها بلا ما يحس
واش نقولك الله يجيب الشفا والله يصبر زوجك المستقبلي وان شاء الله يقبل شروطك ولو انها تعجيزية

 

[sami44]

ونسيت باش نقولك @ماغيكاي تشان ما علابالهاش بهذ الديفو نهار تولي وتدري تبطل سير
وثاني بناسبة الحديث عن العناكب في رأيك من هو الشخص الي يتلاقى بالعنكبوت يوميا في عمله لدرجة انو يوالفها ويولي يكلمها نورمال
هذي نخليهالك لغز كي تقعدي فكري معاها​

 

[لؤلؤة قسنطينة]

يا يما قالك تطيح في الماكلة وناكلها، انا رجلها كن تطيح في الطريق نشوفها، صار في الظلمة وشفتها، كيفاه في الماكلة هادي، ماتوسوسنيش لا مانزيدش ناكل
وشكون هادا لي يتلاقى بالعنكبوت وتولي فاميلتو؟ أعطيني اسم المهنة درك، باه ندير حسابي.

 

[sami44]

يا يما قالك تطيح في الماكلة وناكلها، انا رجلها كن تطيح في الطريق نشوفها، صار في الظلمة وشفتها، كيفاه في الماكلة هادي، ماتوسوسنيش لا مانزيدش ناكل
وشكون هادا لي يتلاقى بالعنكبوت وتولي فاميلتو؟ أعطيني اسم المهنة درك، باه ندير حسابي.

لا لا غير ديري حسابك يا اختي كاين البانتر وبدرجة اقل البلومبي
من المعلوم ان البانتر يصبغ يتلاقاها في كل فيراج والبلومبي مسكين تحت البينوار تاع الدوش وتحت البوطاجي وفليباتيمون هي تحب لاكاج ديسكاليي
سبحان الله التقرعيج حتى في الحشرات وكاين
والله هو الفوبيا موجودة في مجتمعنا كثيرا مرات نتلاقى بحالات نحسها مستعصية وحاب نعرف السبب

 

[لؤلؤة قسنطينة]

لا لا غير ديري حسابك يا اختي كاين البانتر وبدرجة اقل البلومبي
من المعلوم ان البانتر يصبغ يتلاقاها في كل فيراج والبلومبي مسكين تحت البينوار تاع الدوش وتحت البوطاجي وفليباتيمون هي تحب لاكاج ديسكاليي
سبحان الله التقرعيج حتى في الحشرات وكاين
والله هو الفوبيا موجودة في مجتمعنا كثيرا مرات نتلاقى بحالات نحسها مستعصية وحاب نعرف السبب

وانا نشوف في مواضيعك وحسيت بلي عندي رغبة في هاد الأعمال الحرة، خلاص بطلت نرجع للكتابة أحسن.
وباه نزيد نشوكيك كتر أنا عنكبوت ميتة ونخاف منها

 

[sami44]

عنكبوت ميتتة بالفعل تشوكيت وطار القرمود
ونضن بدا يركبني الخوف من العنكبوت راكي صورتيه على انه سلاح نووي احكمي الكتابة تاعك وديري بلاكة عند الباب ممنوع دخول العناكب
ماهيش رايحة تمنعهم وانما تنحيلك التوسويس
​

 

[ام أمينة]

السلام عليكم
شكرا على الموضوع الرائع
و طليت على قلبي
انا عندي فوبيا من الفئران و من الظلام
كي نسمع اسمو نولي نتحسس و نولي نتخيل فيه يجوز عليا و نولي نسمع تصفارو
و سبحان الله تقول نحس بيه بلي كاين و نشم ريحتو
و الله عندها يومين حطيت العشاء و رحت نعيط لزوجي و بناتي يتعشاو و نشوفو فالهول يمشي وليت نعيط من دارنا سمعوني
جا راجلي يجري قلتلو اجري فار فار
قالي حسبالي نحرقتي و لا كاش ما طاح عليك و هذا غير الفار لي دارلك هكذا
قتلو و ولا يغزل فيا بيه و يقوليشوفي هذا فار ماشي سبع

و فالظلام نحس كـأنو كاش واحد راهو يخنق فيا و نعطيكم واحد السر الا رحت ضيفة لكاش بلاصة نحشم نقولهم نخاف الظلام
نخلي لاطورش تع التيليفون شاعلة ليل كامل ولات تلعبهالي انا نرقد وهو يديشارجا و يطفى
وليت شريت فيوزة صغيرة جدا تلصق فلابريز وين نروح نديها معايا و نجيب السبة ببناتي ينوظو فالليل ههههههههه

لي عودة ان شاء الله

​

 

[sami44]

السلام عليكم
شكرا على الموضوع الرائع
و طليت على قلبي
انا عندي فوبيا من الفئران و من الظلام
كي نسمع اسمو نولي نتحسس و نولي نتخيل فيه يجوز عليا و نولي نسمع تصفارو
و سبحان الله تقول نحس بيه بلي كاين و نشم ريحتو
و الله عندها يومين حطيت العشاء و رحت نعيط لزوجي و بناتي يتعشاو و نشوفو فالهول يمشي وليت نعيط من دارنا سمعوني
جا راجلي يجري قلتلو اجري فار فار
قالي حسبالي نحرقتي و لا كاش ما طاح عليك و هذا غير الفار لي دارلك هكذا
قتلو و ولا يغزل فيا بيه و يقوليشوفي هذا فار ماشي سبع

و فالظلام نحس كـأنو كاش واحد راهو يخنق فيا و نعطيكم واحد السر الا رحت ضيفة لكاش بلاصة نحشم نقولهم نخاف الظلام
نخلي لاطورش تع التيليفون شاعلة ليل كامل ولات تلعبهالي انا نرقد وهو يديشارجا و يطفى
وليت شريت فيوزة صغيرة جدا تلصق فلابريز وين نروح نديها معايا و نجيب السبة ببناتي ينوظو فالليل ههههههههه

لي عودة ان شاء الله

​

من حقك تخافي من الفار هو صغير بصح عندو الخزرة تاع سبع حتىفي حديقة الحيوانات ما يحطوهش يخافو ياكللهم الزرافة ولا الفيل
هذا هبال مشي خوف
العنكبوت وقلنا معليش القط وفوتناها الضفدع قلنا من سلالة الديناصورات معليش بصح الفار هذا من الطف مخلوقات الله والدليل انو كي يشوف البشر يهرب يحشم
وبالنسبة للضلام غلبتيني نعطيك الحق وننصحك تشري بريكي من الكبار تحطيه فالصاك
ربي يجيب الشفا

 

[Autumn leaves]

السلام عليكم
@لؤلؤة قسنطينة
بالله من جد تخافي من العنكبوت ,,
هذا مسكين يموت أسرع من سرعة الضوء..
يعني قتل بعوضة يستغرق وقت أكثر من قتل العنكبوت,,
..
أما @sami44 فاللي تكرهه ما يخوف كثير,,
قتله مش صعب ,, وتخفيه صعب ع طول تحس فيه ,,
مرة طلع في رجلي ,, ع طول تحس فيه عكس الزاحف اللي أكرهه أنا..
أكره الزواحف خاصة السحالي لأنها من فصيلة الديناصورات ,, مقززة مرة..
أمس كان فيه فتحة صغيرة جنب المكيف ,,
جبت السلم ع أساس أسدها ,,
طلعت المحروسة دخلت ومتخبية ,, أول ما حست علي دخلت الغرفة..
طبعا قفزت من السلم من أعلى درج فيه..
اليوم أمشي بصعوبة .. من ظهري
بعدين استعنت بجماعة آخرين طلعوا يخافوا أكثر مني ,,
المهم فتحت الشباك وقعدت أراقب من بعيد فترة لحد ما خرجت من الشباك ..
و أنتهت المأساة بأقل الخسائر..
..​

 

[Hakan]

انا كنت مربي سحلية هههه
صراحة ما عنديش فوبيا معينة خخخخما زال ما اتكتشفتهاش
نخاف من الثعابين بدرجة الخوف خخخ بصح نورمال يبانلي حنش نقتلوا عندي زوج ضحايا من فصيلة الثعابين
والجرذان حكيتلكم وحد النهار كنت راقد لقيتو قاعد في وجهي يشم فيا ههه ورفدتوا بيدي بدون شعور وخبطتو في حيط ههه
بصح ماماتش حتان نضت وقتلتو اما لافوبي والله ما كاين
صح وحد النهار برك طلعت في وحد الصوندا نتاع الماء وكانت طويلة بزاف مهم وانا طالع في السلم نتاعها شفت التحت خلعت هبطت التحت خفتها
من بعد قلت عندي فوبيا خخخ هيا وانا تالمون متفرج الكرتون بزاف غاضتني روحي يقولولي عندك فوبيا المرتفعات خخخ رحت لوحد البلاصة عليا
وطلعت فيها وعدت نعيط خخخخ ونشتم في المرتفعات هههه والحمد لله راحت الخلعة
صراحة لازم تواجه الخوف نتاعك مهما كان عنكبوت ولا صرصور لانو مهما يكون تبقى مجرد مخاوف ما تخليهاش تسمطلك حياتك موضوع جميل ربي يهنيك خويا سامي ...​

 

[حلم كبير]

السلام عليكم ورحمة الله تعالى وبركاته
مواضيعكم قمة راني بالتيليفون لعشيا نشالله نولي
علابالي مقصر في حقكم اعذروني
ا