كلمة في الثلج كالثلج تتراكم الايام بداخلنا ثم تذوب
لضلام : فإني رغم الظلام لست بيائس.....فالفجر من رحم الظلام سيولد
.الغابه اذا البلد صارت غابة ليس شرطا ان نصبح حيوانات
البحر خارجه هادئ وانيق وداخله عالم عميق
_ما قولك في الحفلات المختلطه كيما تاع سلوكينغ
اولا الغناء حرام ثانيا حفلة مختلطة رجال ونساء وهذا ما يدفع الى ارتكاب المعاصي والكثير لذلك نسال الهداية من الله
_ما قولك فر دخول النساء للمدرجات لمتابعة الكره
دخول المرأة للمدرجات حرام وما هو حرام لا نقاش فيه
_ ما قولك في اقتحام المرأه لمجال عمل الرجل اقصد سياقه الالات الثقيله طيحتو علينا البق
المرأة يجوز عملها اذا لم يكن مختلطا مع الرجال لذلك اعتقد ان سياقة الالات الثقيلة فيها اختلاط
انا في رايي منحبش اعمال الرجال بسكو لكل جنس اعمال تناسبه
_هل حصل وان وقعتي في مقلب احدهم وضحكتي حتى البكاء
ههههه نعم كثيرا وخاصة مقالب اخي الصغير توجور يدقدق فيا ههههه
_هل حصل وصادفتي حادث مرور على الطريق
نعم مرة واحدة ولكنه لم يكن خطيرا مجرد شجار
_وهل انتي من اللذين يحبون اللايف عندما يكون المشهد موثر او حادث او كذا
لا طبعا وهذا اكثر ما اكره فعوض ان يساعدوا الشخص يصورو فيه عيب والله
_شحاث بعيد الليسي عليكم تروحي فالبيس ولا ابيي
ليس بعيد بزاااف ونروح ابيي
_تتكلي على يماك فالبيت ولا تعاونيها يد بيد وما تقوليليش نعاون نعرفك كسوله
ههههه لالا بالعكس انا توجور المسؤولة في الدار خاصة انو يما عاملة وتستحق المساعدة
كثيرا وانا البنت الوحيدة في البيت وزيد الدراسة اووووف
_لو ما كنتيش مريم واش تتمناي تكوني. اختاري شخصيه شخصيه كرتونيه
مريم ....اه شكون مريم تغلطلي في سميتي ياك هاكا زعفت مانجاوبش
_ ما قولك فالكراتين جاوبي نا نبيعش هههه
الكراتين لي يدريوه الاولاد هههه منحبوش سيرتو اذا كان في شعر طويل نحسو تشبه بالنساء
_ اذا كنتي بالصحراء وعطشتي كثيرا ومعك جمل ما العمل اللذي تقومين به
نقتل الجمل ونشرب دمو نيهههههاهاهاها
الافكار الشيطانية هههه
_ لو قدر لك ان تذهبي امريكا ما هو اول شيء تقومي بيه عند النزول من الطائره
نروح لوالت ديزني في لوس انجلوس
_ما هو احساسك في ليله البرد والشتا والريح والتىيسيتي مكاش والكونكسيون مكاش والشموع مكاش
اممم النعاس
_ماذا تعرفين عن هذ الاكلات
الزفيطي اصله بوسعادي ولا مسيلي مي نظن اغلب الولايات يعرفوه غي نتاع البرد اممم
الدوباره هي اكلة بسكرية الاصل ومنحبوش بسكو منحبش الحمص
المهراس. تقريبا هو الزفيطي البغرير اممم هذا وش نحب خاصة مع العسل
الرقاق. شباب المسمت روعة مي منعرفش نطيبو غير يما ديرولنا ربي يحفظها يجيها يهبل
.المعروك نموت عليه مع القهوة الفطير حتى هو يعجبني
المطلوع شباب العصبان منحبوش بزااف اذا كان مع الحمص.الشرشم منحبوش التريدة اووه التريدة نحبها و
المشوك تقليدي وشباب وغير مكلف التشاراك العريان شباب اذا كان بالسكر كلاصي مي هاد السنين ناس ولاو يحبوه عصري
بوسو لا تمسو شباب روووعة هشيش ويذوب في الفم راك قتلتني
الدزيريات حبي نموت عليهم سكران طايح فالدروج نحبه بالطريقة التقليدية بصح جامي خممت في اسمه هههه ونسيت القاضي وجماعتو الاكلة التقليدية ممو في حجر امو هايل مي لازم ميكونش فيه حمص تكربابين هاذي وصفة قبائلية ياك
مالغري هاك مي كليتها هههه على كرشي نخلي عرشي
كلشي مجربتو ياك خذ الحكمة من افواه المجربين عندك تقراها مجانين
لي عودة
في انتظارك
هههه
