رباعيات في حب الله

الحالة
مغلق ولا يسمح بالمزيد من الردود.

MoOn TeArS

:: عضو بارز ::
أحباب اللمة
إنضم
2 أفريل 2007
المشاركات
7,110
نقاط التفاعل
24
النقاط
317

((الليل طويل ))

الليل طويل وانا ابتديت
والنور جميل شوفته بكيت
ربك غفور فى قلبى نور
وانا روحى شمعه فى كل بيت

 
((انا بدعى))

انا بدعى فى ليله القدر
وبحلم بالرضا والستر
اله الكون يصبرنى
وانا ماسك فى ايدى الجمر..........يا يا ياالله
 

((انا وشى ليه ))

انا وشى ليه شاحب
والهى لي حاسب
فى ذنوب انا غرقان
من الكعب للحاجب........يا يا يا الله
 

((بجرى على مهلى))

بجرى على مهلى
وشيطان بيندهلى
وانا بستغيث يا غفور
تسامحنى على جهلى
 

((بكيت فى غروبى))

بكيت فى غروبى
ياشمس البصيره
وبفرد ذنوبى
وانام على الحصيره
بفضله وكرمه انا زورت حرمه
وبشبع بنوره بعينى الضريره
 

ــــــــــــــــــــــــــــــــــــــــــــ
((توبت ياربى))

توبت ياربى وقلبى جريح
نقطه مطره تخاف من الريح
واى سراب يبانلى سحاب
ونفسى اكون فى الحق صريح
 

((جانى الريح))

جانى الريح بيقول للراوى
والمصابيح من برج سماوى
زرعت الحب بزور وتقاوى
وكنت جريح والرب يداوى
 

((حلو ومر))

حلو ومر الصبر يمر
والحكمه من طبع الحر
سر القلب يبان فى الحب
حب الله فى ايديه الامر​
 

((حلو ومر))

حلو ومر الصبر يمر
والحكمه من طبع الحر
سر القلب يبان فى الحب
حب الله فى ايديه الامر​
 

((دوام الحال))

دوام الحال يا دنيا محال
لاعز يدوم ولاأرث مال
ولما بعوز يارب كنوز
تشبعنى بلقمه حلال.......يا يا يا الله
 

((ذره سكر))

ذرة سكر فى الفنجان
قالت الرحمه من الرحمن
لما بدوب من الحب فى نوره
روحى تشبع اى جعان..........يا يا يا الله​
 
((ذو الجلالة ))

ذو الجلال والكمال زيدنى من نعمتك
القمر بدر وهلال والتمام بقدرتك
مهما ههرب من الزنوب العيون فى القلوب
ببكى ليك لما اكون
واتعشم فى رحمتك

يا الله
 

((رب الارباب))

رب الارباب وحنين تواب
العيشه عذاب فى زمن كداب
صبرنى يارب على اللى انا فيه
وافتحلى بنورك مليون باب​
 
((رب احمينى))

رب احمينى فى الزمن القاسى
لما اخاف من اهلى وناسى
من مخلوق يقدر يحاسبنى
وقصاد ابنى اطاطى له راسى.....يا يا يا الله
 

((سامحنى ياربى))

سامحنى ياربى انا كنت طاغى
بأيدى بداوى العيب بالعيب
لحاد ما جانى مريض وشفانى
ونفسى اموت وانا طاهر الايد​
 

((سبحان الله))

سبحان الله من غيره اناديه
للروح الطاهره الف دليل
فى شروق وغروب بترش النور
وتشوف الشمس فى نص الليل

سبحان الله
 


((سبحان الله))

سبحان الله النور وهاج
وجميل الصورة من غير تاج
ورسول الله بيطير فى سماه
بيقابل ربه فى المعراج............الله الله​
 

((طيبون طيبات))

طيبون طيبات
والربيع من النبات
بدعى من قلبى واقول
يارب سترك على البنات
 
((عطر طيب ))

عطر طيب من النسيم
من الصراط المستقيم
يا رحيم يا كريم
خدنى من دار اللئيم
 

(( عيبو مستور ))

عيبه مستور
يخاف من النور
وليل ونهار ينام فى بحور
لكن ربه شايف قلبه
وقادر يكشف المستور​
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top