ناس سطيف شفتو اللي حب ينتحر

[Parfum floral]

السلام عليكم
راني رايحة نحكيلكم على موقف شفتو اليوم و شفوه بزاف ناس
اللي يعرف سطيف او زارها اكيد شاف الباطيمة لكبيرة (تقريبا ناطحة سحاب) ماشي مكملة بالبنية
اليوم و كيما قداه مرة واحد حاب ينتحر ثما جاو les pompiers و طلعوا ليه و قعدوا بزاف و هوما يهدرو معاه الراجل هاذا اللي حاب ينتحر قالوا بلي عندو اكثر من ساعتين و هو الفوق و معاه الحماية المدنية انا مشيت و خليتهم مازال يتحاورو معاه نتمنى يكونوا قنعوه باه يحبس.
اللي علابالو واش صرا مع هاذا الانسان ماذا بينا يقولنا راني محيرة عليه
انا حبيت اليوم نتكلموا شوية على هذه الظاهرة الانتحار يعني هل جهنم ارحم من الحياة هاذي

 

[Midia]

مرسي اختي على الموضوع المحير......................وانا ماشي من سطيف وهاذي اول مرة نسمع بالحكاية هاذي ....فريمون حاجة عجب ..........كاين ناس تحمل نار جهنم .....يا لطيف........
مرسي مرة ثانية اختي.................
​

 

[belgacem39]

شكرا اختي على هاد الالتفاته

انا منيش من سطيف لكني كل عام لازم نزورها ونعرف هاديك الباطيما و ربي اسمعنا اخبار الخير على هاد الانسان ربي يهديه و يرجع في قرارو و هاد الضاهره والله راهي رايحه تكبار عدنا بزاف وانا واحد من الناس شفت مثل هاد الموقف قدام عينيا

هادا واحد كان يقرى معايا و كان مديون بشويا دراهم وباباه ماعاونوش و لي يسالوه هدوه الا مسلكش
مالا ما لقى غير هاد الطريق باه يتهنى في حسابو هوا بصح نسى روحو انو راح يتحاسب بانه مشرك بالله ربي يسترنا

المهم حضرتلو وهوا ينحو فيه من الحبل لي شنق روحو بيه

وحد المنضر يا لطيف ربي يسترنا ويثبتنا على دين الاسلام

واذا سمهتي كاش خبر جديد قوليلي بارك الله فيك

تقبلي مروري

 

[4LI_4LGERI4]

والله يا اختي رغم فظاعة االموقف فضلا على حكمه الشرعي وجزاء المنتحـر .. إلا انو أصبح في بلادنا أمـر عااادي ..

وقبل أيام فقط حدث عندنا في سكيكدة وبالضبط امام البلدية إلي مقابلة دارنا إنو رجل حط البنزيل على جسمو وكان راح يشعل جسمو بالنار لولا تدخل الناس والحماية المدنية و قبلها بايّام كاين شاب أرمى روحو من عمارة فمات ..

الله يهدينا ويصلح أحوالنا ..​

 

[احلام 16]

ربي ان شاء الله يسمعنا خبر الخير .


الله يهدينا اجمعين.

 

[mimi.dz]

الله غالب سطايفية وعايشة ثم


بصح مسمعتش بيها

درك نحاول نسقسي

بصح حاجة تحيّر العقل قاعد في عقلو ورايح ينتحر

راكي لاعود سمعتي بهذيك الطفلة اللي قتلت روحها علاجال طفل كانت تمشي معاه

قالها صايي خلاص بيناتنا

ثاني طيشت روحها من فوق دارهم

هو راهو عايش حياتو وهي نار جهنّم تستنى فيها

ولاّ سمعتي على هذيك اللي قتلت روحها كي مجابتش الباك

والله غير تحيري

ربي يهدي ما خلق

شكرا حنونتي
​

 

[ايمان 02]

مهما كانت المأساة لي يعيشها بصح باه ينتحر لالالالالالالالالالااكيد غلط الشي لي يديروا فيه

 

[Parfum floral]

شكرا على مروكم جميعا و كاش جديد راني نقولك بصح نظن انو ما رماش روحو و الا رانا سمعنا بيه
ربي انشاءالله يهديه ​

 

[chemssou007]

أنــا من سطيف ​

و دارنــا لا تبعــد على البرج العــالي (اسمـ البنــاء الغير المكتمل)...​

لذا كنت شــاهدا جيدا على الأحداث و ليس هذه المرة الأولى ففي ضرف 3 أشهــر هذه المحاولة الثانية...​

و قد حدثت محاولة انتحــار منذ 4 أشهــر بمحاذاة "L'Assurance" حيث صعدت امرأة فوق شــاحنة و هددت بقتل نفسهــا...​

و معظمـ المطــالب تختــصر في شقة سكنية

و لكن لأنني توجهت للـ Villas Merouani لمـ أتمكن من مشــاهدة نهــاية الأحداث..​

تحيـــــــــاتي​

~~~Change We Need~~~​

 

[Parfum floral]

أنــا من سطيف ​

و دارنــا لا تبعــد على البرج العــالي (اسمـ البنــاء الغير المكتمل)...​

لذا كنت شــاهدا جيدا على الأحداث و ليس هذه المرة الأولى ففي ضرف 3 أشهــر هذه المحاولة الثانية...​

و قد حدثت محاولة انتحــار منذ 4 أشهــر بمحاذاة "l'assurance" حيث صعدت امرأة فوق شــاحنة و هددت بقتل نفسهــا...​

و معظمـ المطــالب تختــصر في شقة سكنية​

تحيـــــــــاتي​

~~~change we need~~~​

شكرا على تاكيد الحادثة بصح قلي انتحر والا لا
شكرا على المرور

 

[chemssou007]

أنـــا كما ذكــرت شهدت الحادثة و لكن ما نحبش " النش " كي بدا يتلمــ "الغاشي أنــا بدلت طريق و لكن التقــارير الصحفية أكدت أن الشــاب لمـ ينتحر بل تمكن عمـال الحماية المدنية من اقناعه بالعدول عن الأمــر...

و هذا هو المصـــدر

من هــنا


تحيــــــــاتي


~~~Change We Need~~~​

 

[Parfum floral]

شكرا اخي راك طمنتني و الله كنت محيرة عليه و شكرا مرة ثانية على الرد ​

 

[stayfi]

متتحيروش بربي انشاء الله مكان والو
انا بعيد على المكان لسرا فيه هذا الحادث مي قلولي قنعوه ومصرا والو
هذا اكل مسكين على
جال سكنا
لكن مهوش عذر با يروح يسويسيدى
وهذى الضاهرة قاوية بزاف
سيرتو فى قسنطينة وحضرت لواحد مسكين طيش روحو على القنطرة (قنطرة لحبال )
ربي يرحمو​

 

[Moha le sage]

ربي يكون في عون المحتاجين ...

بلادنا خطراش مافيهاش شبكة التكفل الاجتماعي بهاذ الناس لي عندها مشاكل والفقراء ..ديفوا يحوسو غير على كلمة حلوة يطلعو بيها المورال ..بصح الله غالب البيبان كامل مقفولة ...

هذي هي بلادي ............