- إنضم
- 15 مارس 2009
- المشاركات
- 8,138
- نقاط التفاعل
- 3,560
- النقاط
- 356
أحب هاجوس الشعر من كل نوع
والنادرة تصبح بي وامسي بها
والهامة الى ماتعرف الا الخضوع
كم في ميادين الشرف ترتيبها
مع كبار السن يأتيني خشوع
وأشعر براحة ما أحد يدري بها
كم شايب ما هو من الدنيا جزوع
متمرس فيها وفي أساليبها
لحيته فيها شيب لكنه قنوع
شوفوا بياض التجربة في شيبها
ويأعياد ميلاد البدر ليت الشموع
الي البشر في أعيادها تضحي بها
ماتنور لرجلا من الدنيا خنوع
ماتنور الا للرجال وطيبها
واذا الطلوع أصعب على نفوس التبوع
يامشرق احلامي وياتغريبها
أنا النزول أصعب علي من الطلوع
ميزة بعض الاحيان ماودي بها
وقف هنا لحظات خليها سبوع
في الصدر غنوة ودي اغني بها
واللي سواتي غنوته جروح ودموع
بكيه ولكن مستحي يبكي بها
واذا الخطأ قدام ياطيب الرجوع
مالت على نفس ما تستر عيبها
واذا الوقوف يصير من بعده وقوع
الجلسة الي بينهم ياطيبها
ما يذبحك من داخلك الا الطبوع
الى تمارسها ولا توصي بها
اطلب رضى الله دام قلبك روع
واثني الصلاة الى تبي تصلي بها
وضع الجسود يشابه وضع الركوع
استحضر الدعوى قبل تدعي بها
يارب سبحانك عساي من الجموع
الي على النار يحرم تعذيبها
العاقل // le sage
