الكريدي صايي حبسناه...

assoma

:: عضو بارز ::
أحباب اللمة
إنضم
22 مارس 2009
المشاركات
2,494
نقاط التفاعل
104
النقاط
79

الهلاو عليكم

هاوكي راكم دايرين ها الناس الزينين؟؟
كي راكم في دائرتكم.بلديتكم.ولايتكم..مع سخانتكم؟؟

انا اليوم خطر في بالي موضوع حبيت نطرحو عليكم
بما انو الازمة المالية العائلية كثرت وهذا راجع لنقص الراتب الشهري وزيد غلاء المعيشة والي مرة يخدم ومرة لالا..كلاه بوبي..وعلى حساب ماراني نشوف الراجل الي يخدم على عائلتو وحدو راه مايلحقش باش يلبي الحاجيات تاع اولادو واكيد يلجأ للدين..لذلك انتشرت فكرة عند الرجال انهم يفكرو انو نصفهم الآخر( المرأة) انها تكون تخدم هكذا باه تعاونو في المصروف ويتفاداو الدين.
ضروك الاسئلة الي راهي تدور في راسي هيا انو:

- علاه الراجل الي عندو راتب شهري يوصل روحو انو يتسلف مبلغ مالي من عند شخص آخر؟

- هل هذا راجع ليه على خاطر هو مايعرفش كيفاش يتصرف في الراتب تاعو كيما يلزم؟

- ولا الراتب قليل؟؟

- ولا صح الراجل الخدام وحدو في الدار ماينجملهاش ويلزملو مرأة تخدم؟؟

اريد تفاعل منكم

 
يسعدني ان اكون اول زوار هذا الموضوع

الكريدي حبساناه

الله غالب اختي هاذي هي الناس تخمم الا في روحها برك ماتشوفش على مصلحة الاخرين يخدموا من اجل عائلتهم

هاذي هي الرجال عنده راتب شهرية وهو يهز المال من عند اشخاص اخرين وما يخممش فيه نقلك علاه

راهي مالوا اللي مدسيها يخليها بلاك يحتاجها وياكل من عند رزق الناس ومن بعد كي يولي عندوا شهريتوا فاضلا

يسلكوا فيها

اختي انا نقول كلمة ربي يهدي ماخلق لأن الناس هاذوما كاين ياسر منهم في العاصمة والسلام عليكم
 
علاه الراجل الي عندو راتب شهري يوصل روحو انو يتسلف مبلغ مالي من عند شخص آخر؟
لازم راه مخصوص
- هل هذا راجع ليه على خاطر هو مايعرفش كيفاش يتصرف في الراتب تاعو كيما يلزم؟


- ولا الراتب قليل؟؟
صاديبون والراتب

- ولا صح الراجل الخدام وحدو في الدار ماينجملهاش ويلزملو مرأة تخدم؟؟ ماشي ديما





والفايق يقد روحه لوكان براتب بسيط وبدون اي مساعدة ،
عندنا جارنا سكن جديد ، راتبو بسيط وهو اقسم بالله غير بنى دار حذانا غير تقولي هذا طبيب سبيسياليست ما يقدرش يديرها ، كل هذا من الإصرار والعزيمة ، وعرف كيفاه يمشي دراهمو ، ومايجريش وراء عواطفو ويرفه ولادو...


رايي
 
الله يحسن العون خاوتي الناس صح ما عادتش لاحقة
 
كيعاد حاب يعيش معيشه كثر منو وكاين اللي صح محتاج الله يعين مارسي عليك ... سلالام
 
حتى الزوالي هاداك حليلو الدنيا صعابت
حتا مول الحانوت تاني هو بابات وليدات و يصرف عليهم
 
هذي هي الدنيا
مرة تلقاي العبد كافيه واش عندو مرة تلقايه مخصوص
وربي يكون في العون
ميرسي أسماء

 
الكريدي صايي حبسناه وسعني و نزيدك مليون

حنا واحد مكاشفيناه راك تعرف يا المغبون

عاش زوالي مات زوالي عاش ما كسب مات ما خلى

الغالي غالي كونك هاني القليل عمرو ما ينذل

زوالي و فحل نموت وما نحملش الذل صقصي و سأل غرب و صحرا وزيد التل

كلشي بالكريدي

الطاكسيفون بالكريدي

الحفافة بالكريدي

الطاكسيور بالكريدي

كلشي بالكريدي

كردي برك

قتلونا بالكريدي

 
الكريدي ممنوع والباب مفتوح والرزق على الله
 
اييييييييييييه لمعيشة وعرة بزاف علا بيها يروح للكريدي
 
اييييييييييييه لمعيشة وعرة بزاف علا بيها يروح للكريدي
يا بنتي واعرة تكتب هكذا وليس وعرة

ماتعرفيش قصة قيس و ليلى يخي يكتبو واعرة

واعرة بضم السين

خههههههههههههههههه

 
يروح للكريدي باسكو الشهرية نتاعو ما تكفيهش على ديك يلجأ و يسلف
و اكيد سببها المعيشة لي غلات و صعابت
تحياتي
 
اهلا ياو راكم جايبينها
زيدو اهدرو زيدو
ههههههه
نشكركم بزاف على المشاركة
وتفاعلكم
كل واحد عندو راي والاراء تختلف
ولازم نحترمو كل رأي ووجهة نظر
انا مانكذبش عليكم
خطرة تسلفت عشرة آلاف
ماوليتش نرقد الليل حتى رجعتها لمولاتها
 
آه نسيت نقول حاجة
كاين الي يتسلف الدراهم من عند كاش واحد
ويعطيلو الكلمة وينتا النهار ايgزاكت يرجعهملو
وكاين الي يعطي الكلمة...ومن بعد ماشافك ماشفتو حتى تروح انت تجري موراه وتقلو ردلي دراهمي
صح ولا لالا؟؟
 
ايه كاين منها تعودي تجري وراهم وبالاك مايرجعوهمش
واحد يقرا معايا عايش بالكريدي كل يوم سلفولي 20 30 50 حتان وصلها 500 و راهو مايرجعش دي فوا تحشمي حتى تقوليلو رجعلي هادا من الناس لي عايش كتر من لازم فوق مستواه
 

الهلاو عليكم

وعليكم الهلاو

هاوكي راكم دايرين ها الناس الزينين؟؟
كي راكم في دائرتكم.بلديتكم.ولايتكم..مع سخانتكم؟؟


غي اسكتي الحمان داير حالة


انا اليوم خطر في بالي موضوع حبيت نطرحو عليكم
بما انو الازمة المالية العائلية كثرت وهذا راجع لنقص الراتب الشهري وزيد غلاء المعيشة والي مرة يخدم ومرة لالا..كلاه بوبي..وعلى حساب ماراني نشوف الراجل الي يخدم على عائلتو وحدو راه مايلحقش باش يلبي الحاجيات تاع اولادو واكيد يلجأ للدين..لذلك انتشرت فكرة عند الرجال انهم يفكرو انو نصفهم الآخر( المرأة) انها تكون تخدم هكذا باه تعاونو في المصروف ويتفاداو الدين.
ضروك الاسئلة الي راهي تدور في راسي هيا انو:

- علاه الراجل الي عندو راتب شهري يوصل روحو انو يتسلف مبلغ مالي من عند شخص آخر؟

كاين رجال مرات الراتب ومايكفيهش لازم يتسلف باش يعين اسرتو سيرتو مع الوقت المعيشة راهي طايرة في السما والمواطن مانجمش يطير معاها


- هل هذا راجع ليه على خاطر هو مايعرفش كيفاش يتصرف في الراتب تاعو كيما يلزم؟

قادر هاك كيما قلتي وقادر اتبو قليل ومايلحقوش باش يفرلوا كلش


- ولا الراتب قليل؟؟

ايه كيما قتلك

- ولا صح الراجل الخدام وحدو في الدار ماينجملهاش ويلزملو مرأة تخدم؟؟

جامي

انا شخصيا مانقبلش مرتي تعاوني لانوانا الراجل وانا اللي لازم نخدم ونجيب المعيشة لابغى نخدم ليل نهار مي باش تعاوني مرتي ولازم نجيبها خدامة هذي ماتكزيزتيش عندي



اريد تفاعل منكم

h2 + 1/2 o2 = h20

هاكي تفاعل من عندي




ايا على خير اي

تربحوا
 

والله يا التفاعل تاع مينو
هههههههههه
ها الرجالة قالك والله مانجيبها تخدم
همالا عندك السخانة تضرك
هههههههههه
لكل الاعضاء
شكرا على المرور
 
إييييه
كلش ولا غالي درك ... ها شابغيتونا نديرو
لازم الكريدي
هو غير ماكلة وغارقين فيها
زيد الفاتورات من كل نوع ووين راهم رايحين
سي نورمال الكريدي

 
ماعليش اتسلفو وردوه في وقت قصير
ولا حاولو تنظمو الراتب
ياخي الراجل يقلك عندو الحكمة ويعرف يتصرف
ولا لالا؟؟
 
واش كاين18 واحد يحب الكريدي؟؟
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top