باقي دروس الدورة

عفاف الجزائرية

:: عضو شرفي ::
إنضم
1 جوان 2008
المشاركات
7,675
النقاط
351
الدرس السادس :
باذنجان مشوي ومحشي في الفرن. لي بابا مالحين بالحم المفروم.فلان في الفرن

-----باذنجان مشوي ومحشي في الفرن:
المقادير:
حبات باذنجان حسب الاختيار
بصلة
لحم مرحي
جبن مثلثات
شابلير
نعناع يابس
ملح ثوم فلل اسود
نحتاجو ايضا لكريمة الجبن عبارة عن:
2ملاعق فرينة او نشاء
1/2 لتر حليب
قرصةملح
حوالي 7 حبات جبن مثلث او 1 جبن شاف

طريقة التحضير:
نحطو الباذنجان في الفرن ندهنوه بشوي زيت من فوق ونخلوه ينشوى على نار هادئة
بعد ما ينشوى نخرجوه ونحاولو نحفروه في الوسط


نأخذو اللب نتاعو نمحروه وفي مقلات نقطعو البصل مربعات صغار نحمصوهم في شوي زيت وملح وفلف اكحل بعد ما يتحمس البصل نضيفولو اللحم المفروم ونخلوه يطيب
وبعده نضيفولو الجبن الشابلير حوالي 3 مغارف والنعناع اليابس ونخلطو الكل مع بعضو


بعد ما نكونو حضرنا صلصة الجبن نقطعو فيها كمية نتاع كسبر اخضر ونحطو نصها في البلاتو نتاع الفرن


نعمرو حبات الباذنجان ونسدفوهم في البلاتو وباقي اللحم نحطوه كريات على الجنب


نزيدو نغطوها بباقي صلصة الجبن وندخلوها للفرن


نخلوها على نار هادئة قيس ما تتحمر لانه كل شي طايب وبعد ما تتحمر نخرجوها


وهنانقدموها




--------------------------
الطبق الجانبي لي بابا باللحم المفروم
المقادير:
قطع لحم
بصلة متوسطة
توابل من فلفل احمر ملح ثوم كسبر مطحون وكسبر اخضر فلفل اكحل
بيضة
1 كرام فراش
2ملاعق مايوناز
ملعقة موطار
وملعقة هريسة
جبن ابيض

طريقة التحضير:

نحطو كل المكونات اللي هي عبارة عن لحم بصلة صغيرة ملح فلفل اكحل كسبر مطحون وكسبر اخضر في الروبو ونرحيو كل شي مع بعض


بعد ما نرحيوه نحطو فيه بيضة ونعجنوها


بعد ما نخلطو كل شي نحطوها في لي مول نتاع لي بابا ونشكلوها على حساب الشكل ونحطو وسطها قطعة صغيرة زبدة



ندخلوها للفرن تطيب وبعد ما تطيب نخرجوها


نحضرو الصلصة اللي نحطوها في الوسط عبارة عن:
كرام فراش نخلطوها مع ملعقتين مايوناز وملعقة موطارد وملعقة هريسة نحطو علبة جبن ابيض وسنة ثوم وقرسة ملح ونخلطوها شوي على النار ونقطعو فيها كسبر


نعمرو حبات لي بابا في الوسط ونزينوها حسب الرغبة
انا بقالي لحم مرحي وبقاتلي شوي صلصة خلطتهم وحطيتهم في الوسط
وهذا الشكل النهائي


----------------------
فلان في الفرن

المقادير:
للكرامال 150غ سكر رطب
كاس تقريبا ماء

الفلان:
3 بيضات
120غ سكر رطب
1/2 لتر حليب
قرصة فاني

طريقة التحضير :
نحضرو الكارميل اولا نحطو لاسكر والماء في اناء


ونخلوها على النار يغلي حاتن يتغير لونو للاصفرار البني وننحيوه على النار


نحطوه في اكواب ونخلوه يبرد


من جهة تانية نحطو نصف لتر نتاع الحليب نديرولونص مغرفة صغيرة فاني ونخلوه على النار هادئة حتان يغلي

ونطلعو 3 بيضات مع 120 غ سكر رطب


حتان يتضاعف حجمهم
بعد ذلك نضيفولو الحليب تديرجيا مع مواصلة الخلط





بعد ذلك نفرغوه في الاكواب اللي حطينا فيهم الكراميل باه ندخلوهم للفرن


نحطوهم في بلاتو نكونو دايرين فيه الماء باه يطيبو في حمام مائي


وهذا شكلهم بعد ما يطيبو ونخرجوهم خلوهم يبردو ونقلبوهم





 
آخر تعديل:

عفاف الجزائرية

:: عضو شرفي ::
إنضم
1 جوان 2008
المشاركات
7,675
النقاط
351
أخر درس

الدرس السابع:
طاجين الزيتون بالمصران
صابلي مالحين
معجون الليمون


طاجين الزيتون بالمصران
المقادير:
مصران منقي من الشحوم
لحم مرحي
كمشة روز
شوي فارميسال
بصلة
ثوم
توابل ملح فلفل اكحل فلفل احمر رند وخليط الاعشاب عبارة عن زعيترة اكليل نعناع يابس
زيتون اخضر
كمشة حمص
2 بيضات
زيت + مغرفة سمن
معدنوس
1 جومبو الذوق حسب الاختيار

طريقة التحضير:
في القدر او الطنجرة نحضرو الصلة البيضاء عادي نرابيو البصل مع الثوم نحطو عليها شوي زيت ملح فلفل اكحل ورقتين رند ونخلطو شوي وبعد ذلك نطحنو فيها حبة جومبو نغلوه يغلي شوي ونمرقو
نكونو غلينا الزيتون باه ننزعولو الملح نتاعو وبعد ما يكون المرق طاب شوي وبدى يتخثر نحطو الزيتون والحمص وننقصولو النار نخلوه على نار خفيفة



ننحيو شوي من اللحم ندوزنوه بشوي ملح فلفل اكحل ومعدنوس مقطع رقيق نعملوه كريات ونحطوهم بجنب بعد ما يناصف المرق في الطياب نلوحوهم فيه





من جهة تانية نجيبو المصران نتاعنا بعد ما كنا نقيناه نحطوه نملحوه


ونجيبو الحشو
عبارة عن لحم مرحي ارز فارميسال نص بصلة مقطعة رقييييق نص ربطة معدنوس زيتون اخضر مقطع رقيق ملح فلفل اكحل ثوم وفلفل احمر وكسبر مطحون

نخلطو الكل مع بعضو ونكسرو فيه 2 بيضات


نجيبو الخيط ونبداو نعمرو في المصران نتاعنا نعملوه كريات صغار لكن بشرط ما نحشوهاش بزاف نخلو شوي فراغ ونربطو ونخلو فراغ بين الربطة والربطة والصورة توضح ذلك

نحطو في قدر ماء ملح ورقتين رند وخليط الاعشاب وشوي زيت


نخلوه يغلي ونلوحو فيه السلسلة نتاع المصران المحشي بعد ما نكونو ثقبناه ثقوب صغيرة نخلوه يغلي في الماء حتان ينضج


بعد ما ينضج نصفوه من الماء ونقطعو كل حبة على ختها



نحطو السمن في مقلاة ونحمرو الكريات المحشية


من جهة اخرى نضربو طلة على المرقة نتاعنا بعد ما تكون نضجت والحمص طاب نحطو الكريات
في لمرق ونخلوه تعقد معاهم تقريبا ربع ساعة


العصرة نتاع الليمون تمد مذاق اخر عند التقديم

وهذا الشكل النهائي



 

عفاف الجزائرية

:: عضو شرفي ::
إنضم
1 جوان 2008
المشاركات
7,675
النقاط
351
لي صابلي مالحين
المقادير :
العجينة المورقة
الحشو :
3 مغارف مايوناز
مغرفة هريسة
جبن شيدر او غرويار
قبضة كسبر او معدنوس حسب الاختيار
قرصة ملح وفلفل اكحل

الطريقة :
نحلو العجينة المورقة بسمك يكون شوي رقيق نطبعو بالطابع نتاع الصابلي



وندخلوه يطيب


بعد ما يطيب نخلطو المايوناز والهريسة مع الملح اولفلفل الاكحل الحشيش مقطع رقيق اذا عندنا غرويار مبشور او نبشروه او نبشرو جبن شيدر نحطوه على النار يدفى برك يرجعلنا يتلاصق بعد ما يذوب الجبن

(أنا ما حطيتش الهريسة باسكو الوالدة ما بغاتش الحرور)
نلصقو كل حبة مع اختها





ونقدموها مع اي صلصة حسب الاختيار





 

عفاف الجزائرية

:: عضو شرفي ::
إنضم
1 جوان 2008
المشاركات
7,675
النقاط
351
معجون الليمون
المقادير :
1كغ ليمون
1كغ سكر
كاس ماء
عود قرفة

طريقة التحضير:
نبرشو الليمون ننحولو القشرة الصفراء
نقطعوه على 4 وننحولو القلب نتاعو


نخلوه يبات ليلة في الماء يخرج منو المرارة نتاعو


في الغد نصفوه ونحطوه في طنجرة نغموه بالماء ونخلوه يغلي ونصفيوه
نغليوه 3 مرات



المرة الثالثة نحطو السكر والماء والقرفة في اناء ونخلو السكر يذوب (أنا استعملت نص سكر عادي والنص التاني سكر قندلي )


ونحطو فيه الليمون ننقصولو النار نغطوه ونخلوه يعقد ويتشرب مليح

مرة على مرة ننزعو الرغوة اللي من فوق




وبعد ما يعقد العسل نتاعو ويطرى الليمون نحطوه في اناء ونقدموه



 
Top