حكايتي مع رخصة السياقة 😎😎

sanaya

:: عضو فعّال ::
إنضم
8 ديسمبر 2016
المشاركات
2,929
النقاط
911
العمر
28
محل الإقامة
الجزائر
الجنس
أنثى
بون قبل ما نحكي واش صرا لازم تباركولي😍😍 من مدة و راني نسوق بلا بيرمي 😎😎
مالقري الأماكن اللي نقصدهم قليل وين يكونو فيهم الدرك🤓🤓
خترة راني رايحة لدارنا عند بابا شفت ال BRI خلعت 😱😱واش راهم يديرو علاه الغاشي كامل تما.....
مهم مشافونيش و ما من الخلعة بداو رجليا يرجفو😂😂 أيا رالونتيت شويا قدام الدودان و مبعد كجيت نكسيليري من شدة الخلعة كسيليريت بزاف😬😬 أيا بداو كامل يشوفو معايا مصح محبسونيش 😰😰كلحقت للدار قاالي بابا الحمد لله محكموكش باسكو راهم حكمو بزاف بلا كواغط قتلو و الله حفظني ربي غير شفتهم بديت نقرا قاالي واش كنتي تقراي؟ قتلو و الله مانشفا إذا كان قرآن و لا أحاديث المهم كما نقرا😂😂 من شدة الخلعة معلاباليش واش قريت الحمد لله سلكت بخير بيسك تقريبا ثلاث أشهر نشوق بلا بيرمي
المهم نولوللحكاية ياخي قتلكم زكارة محبوش ينجحونا بيسك المدرسة اللي كنت فيها مولاها ميمدش الرشوة .....
أيا خدمت كونت فالفايسبوك يعني حساب وهمي و بديت نراسل صفحات السياقة و نحكي المشكل حتى لحقت لصفحة بانتلي صحيحة أيا جاوبوني قالي منين جبتي حكاية الرشوة ومنا قتلو راني سير....
قالي لا مدام مفوتيش ١٥ امتحان متقوليش خسروني بلعاني وبلا بلا بلا بلا......
أيا جاتلي فكرة جهنمية في راسي قتلو شوف 😈😈عمي كان وزير ..... سابق و راني حكيت معاه قالي شوفي مع المسؤولين لكان مداروش الحل نهبط لبلاد نشوف معاهم😨😨
ونا كنت نكذب أولا عم بابا مش عمي ديراكت زيد مراحش نعيطلو علاجال البارمي
أيا جاوبوني قالي :
علاه حنا نحوسو نخلقو المشاكل ولا نحلوها
شوفي نمدلك النميرو تاع رئيس كذا و كذا بالولاية عيطيلو و شوفي معاه
و خبرينا واش قالك.....
أيا عيطت لهاذ الأخ قتلو منين جبت رقمو و حكيت لو لحكاية قالي مكانش منها قتلو راني سير بلي الرشوة كاينة منها طلب اسمي قتلو الاسم منمدوش هاوليك اسم مدرسة السياقة اللي راني فيها و كان مصر يدي اسمي ونا رفضت ....
بعد ١٥, يوم عاودنا الامتحان و العجيب و الغريب القسم كاااامل نجح اللي تعرف تسوق و اللي متعرفش
على الثانية عشر ليلا جاتني مكالمة و من قلة الأدب تعيط لشخص بوقت متأخر .....
ألو و شكون معايا ......
أنا فلان......
نو سمحلي شكون فلان......
بيسك نسيت خلاص مشفيتش على الاسم.....
ياو أنا رئيس كذا و كذا قوليلي فوتي الامتحان ....
ايه.......
نجحتي......
ايه.....
لازم تشكريني .......
علاه.......
بيسك أنا اللي هدرت عليك.....
هدرت عليا كفاش هدرت عليا و ما تعرفني.....
شوفي صباح فجهة العاشرة عيطلك باش تمديلي اسمك نمدو للانجنيور باش ينجحك و نتي مريبونديتيش بيسك كحكيتلو قالي جيبلي اسمها نجحها.....
اشنو .....
سمحلي دقيقة خويا........
علاه و انا قتلك نجحني غير أنا؟ لالا قتلك أرواح من جهة الحق و شوف مشكل الرشوة بسك الكل يشكي منها مش تنجحني غير أنا؟
ايه علابالي نجي مع الحق مي محال تجي وحدة عندي تطلب مساعدة و تروح هكذاك .......
لالا مطلبتش مساعدة ليا طلبتك بصفة رئيس كذا وكذا تشوف فالقضية لصالحي و لصالح كل الممتحنين ......
معليش المهم راني عيطلك تمديلي اسمك .......
علاه اسمي ياخي فريتها و نجحت واسمي واش دير بيه مثلا......
شوفي علابالك لكلاس كامل نجحت بسبتي بيسك للانجنيور كي معرفش اسمك نجح كامل صحاباتك ......
الحمد لله لوكان عطيتلك اسمي كان نجحتوني غير أنا ......
سمحلي خويا أنا مراح نمدلك اسمي بيسك معندو حتى معنى نمدو زيد راني فريتها الحمد لله راك هدرت علينا يكثر خيرك و ربي يجزيك اذا كان العمل تاعك لوجه ربي معندوش معنى تعرف صاحبة الشكوى سلام عليكم.....
هاذي هي حكاية الرخصة الحمد لله الشكوى جابت نتيجه مالقري كنت حاسبة مراح يدير الشكوى تاعي بعين الاعتبار ولكن هدر علينا كثر خيرو ولو أن نيتو خايبة و شحال مليييييحة كتطيح مع شخص نيتو خايبة تربح صلاحك بنية صافية و تروح تخليه .........
عييت من الكتابة ......
لكم التعليق.......
 

sami44

:: مشرف ::
مجتمع اللمة العام
منتدى بيتي وموهبتي
منتدى الألغاز والنكت
ركن المسابقات الرمضانية
ركن سكاتشات اللـمة (إستراحة صائم)
طاقم المشرفين
إنضم
10 ديسمبر 2009
المشاركات
10,455
النقاط
751
بابابا كنت حاسبك ساهلة طلعتي عفريتة
اولا مبروك عليك البرمي وان شاء الله تسوقي وتفرحي بيه وتحوسي كامل الجزاىر بيه ومرحبا بيك في عين الدفلى انت والعائلة الكريمة
هو المشكل تاعك انا قريتو لما حطيتيه في السابق وتاسفت لحالك وغظتيني
وقريب شهر وانا نبكي شفني حالك ومن جهة ثانية بكيت خايف تدي البرمي وتولي تسوقي وتدوبليني في لوتوروت ونزعف
سيرتو مع انت عندك siri7 وانا R4
وتديري موضوعفي اللمة تتباهاي وتقوليلهم دوبليت سامي44 فلوطوروت تاع البويرة تقول كان حابس
نعرفك تهدري انتوما النسا تحبو تزيدو عليها وتشفي فيا وحد الاثرار @صمت المشاعر @ماغيكاي تشان.
و @أشرقت نفسي
وما ننساش خويا @حاتم07.
بصح غير ما تفرحيش تدوبليني نحبس ونكري 🚕 طاكسي وندوبليك زكاره

والله المشكل الي طرحتيه عانينا منو كلنا في وقت فات
ربما الفرق ان الوقت الي جوزت البرمي كان التكلفة قليله7500دج عكس اليوم راه 40000 دج على ما اظن وزيد التامبر كل مرة ب200 دج
وفي غالب الاحبان يطلبو منك علاوات اضافيه لتسريع العمليه
حتى المدة وتغيرت في لسابق كنا بين الامتحان والاخر اسبوعين فقط واليوم اصبحت شهر على ما اضن
هذي هي البلاد علموهم الرشوة واحنا حصلنا بيهم
من قبل كانو يقولولنا تعرف تسوق تدي بيرمي اسييريومعناه تحضر وفقط البرمي مضمون وللاسف كانو صحاب الدراهم والنفوذ ما يحضروش يدو البرمي بالدراهم برك واحنا خلصنا فالجره
المهم مبروك عليك وردي بالك مع العشية السيركيلاسيون تولي تخرجي تشري الشاربات تحصلي وما يكفيكش الوقت تديري الحريرة ابان ديري حسابك اشري الفرماج تاع البيدون
هكا نهار تحصلي تلقاي باش تكسري بسوندويتش
 
آخر تعديل:

sanaya

:: عضو فعّال ::
إنضم
8 ديسمبر 2016
المشاركات
2,929
النقاط
911
العمر
28
محل الإقامة
الجزائر
الجنس
أنثى
بابابا كنت حاسبك ساهلة طلعتي عفريتة
اولا مبروك عليك البرمي وان شاء الله تسوقي وتفرحي بيه وتحوسي كامل الجزاىر بيه ومرحبا بيك في عين الدفلى انت والعائلة الكريمة
هو المشكل تاعك انا قريتو لما حطيتيه في السابق وتاسفت لحالك وغظتيني
وقريب شهر وانا نبكي شفني حالك ومن جهة ثانية بكيت خايف تدي البرمي وتولي تسوقي وتدوبليني في لوتوروت ونزعف
سيرتو مع انت عندك siri7 وانا R4
وتديري موضوعفي اللمة تتباهاي وتقوليلهم دوبليت سامي44 فلوطوروت تاع البويرة تقول كان حابس
نعرفك تهدري انتوما النسا تحبو تزيدو عليها وتشفي فيا وحد الاثرار @صمت المشاعر @ماغيكاي تشان.
و @أشرقت نفسي
وما ننساش خويا @حاتم07.
بصح غير ما تفرحيش تدوبليني نحبس ونكري 🚕 طاكسي وندوبليك زكاره

والله المشكل الي طرحتيه عانينا منو كلنا في وقت فات
ربما الفرق ان الوقت الي جوزت البرمي كان التكلفة قليله7500دج عكس اليوم راه 40000 دج على ما اظن وزيد التامبر كل مرة ب200 دج
وفي غالب الاحبان يطلبو منك علاوات اضافيه لتسريع العمليه
حتى المدة وتغيرت في لسابق كنا بين الامتحان والاخر اسبوعين فقط واليوم اصبحت شهر على ما اضن
هذي هي البلاد علموهم الرشوة واحنا حصلنا بيهم
من قبل كانو يقولولنا تعرف تسوق تدي بيرمي اسييريومعناه تحضر وفقط البرمي مضمون وللاسف كانو صحاب الدراهم والنفوذ ما يحضروش يدو البرمي بالدراهم برك واحنا خلصنا فالجره
المهم مبروك عليك وردي بالك مع العشية السيركيلاسيون تولي تخرجي تشري الشاربات تحصلي وما يكفيكش الوقت تديري الحريرة ابان ديري حسابك اشري الفرماج تاع البيدون
هكا نهار تحصلي تلقاي باش تكسري بسوندويتش
يااااه متخافش اسامي بيسك منسوقش فالطرق الرئيسية غير فالبلاد برك اتسما مندوبليش
الامتحان تحط ١٢٠٠ دج و اذا حاب تنجح تزيد ٤٠٠٠ دج باش تضمن النجاح و المدرسة اللي ترشي أكثر هي اللي تنجح
و يخسروك بلعاني بلا حتى غلطة
ياو خترة وحدة فالكرينو قدامنا ضربت البيكي و خلطت الحالة وربحت حتى نهار هدرت قلت يا نهدر على حقنا يا نريسكي حتى تحكمني لابوليس من غير بارمي و الحمد لله جابت نتيجه
شكرا خويا سامي للمرور
 

ماغيكاي تشان

:: مشرفة ::
منتدى التنمية البشرية
ركن التوعية الدينية النسائية
ركن خيمة رمضانية (يـوميات صائم)
ركن المسابقات الرمضانية
طاقم المشرفات
إنضم
27 جويلية 2013
المشاركات
11,271
النقاط
1,656
الجنس
أنثى
اصبري تشوف يروحلي الشوكاج ونرجعلك
لا حول ولا قوة الا بالله العلي العظيم
 

Badrou94

:: عضو مُشارك ::
إنضم
7 جوان 2018
المشاركات
151
النقاط
9
العمر
24
محل الإقامة
Batna
الجنس
ذكر
كلشي مبروكك ليك ختي

انا دفعت الملف تاع السياقة لكن مدفعتش قيمة الملف لان صاحبالمدرسة دار اعلان انو الملف مجاني تسلك غير الامتحانات ... يعني ربحت مليون و ميتين في الجييب .... شاركت 5 مرات في امتحان الكود و ماديتش قريتلو و حفظتو و تعبت لكن بدون جدوى ... حتى انني شفت انجنيور معرفة باه يعاوني لان نستاهل ننجح خاطر قريت لكن منجحتش ... انا سمعت باللي فيها حكاية رشوى لان ثمن الامتحان 2500 دج + 200 دج ثمن التامبر .... يعني احسبيها 2700 * 5 = مليون و 400 الف .... بزاف .... يعني اللي مشاركين معايا كامل نجحو الامتحان الكود هذا غير انا حسييت روحي اغبى الاغبياء حسييت روحي منستاهلش ننجح و منستاهش ااني نسوق و تكون عندي رخصة كيما الناس ... .عقدت العزم و احرقت ملف نتاعي و بطاقة الممتحن انني منزيدش ندير حكاية البارمي في راسي نهائيا ... علابالي في بلادنا لازم يكون عندك البارمي تحتاجو تسوق بيه و تخدم بيه لكن بالنسبة ليا انا كرهتو و مانيش حاب نسوق ولا نزيد نتعب و نخسر صوارد بدون جدوى .... وش ندير ببارمي اذا معنديش سيارة ... عندي طموح و اهداف بزاف و االسيارة اخر شيئ نبغيه زيد الثمن نتاعها غالي يعني ارخس سيارة متسواش ب 60 مليون .... و العمل راهو يرزق ربي باي عمل ميطلبش رخصة السياقة .... علابالي هذا فشل و احباط اللي خلاني ندير هك بالصح والله والله والله نفضل انو يبقى قلبي محروق على رخصة السياقة و منسوقش و منجيبش البارمي احسن من انني نشتريه و نربحو للمرة الاولى في كل امتحان كيما يديرو الناس ... نفضل انو نقعد بلا بارمي خير منجيبو برشوة .... يمكن شاف فيها ربي خير كي مجبتوش وبلاك ربي مكتبليش نجيب البارمي
المهم هاذي هي قصتي ....
 

sanaya

:: عضو فعّال ::
إنضم
8 ديسمبر 2016
المشاركات
2,929
النقاط
911
العمر
28
محل الإقامة
الجزائر
الجنس
أنثى

sanaya

:: عضو فعّال ::
إنضم
8 ديسمبر 2016
المشاركات
2,929
النقاط
911
العمر
28
محل الإقامة
الجزائر
الجنس
أنثى
كلشي مبروكك ليك ختي

انا دفعت الملف تاع السياقة لكن مدفعتش قيمة الملف لان صاحب المدرسة دار اعلان انو الملف مجاني تسلك غير الامتحانات ... يعني ربحت مليون و ميتين في الجييب .... شاركت 5 مرات في امتحان الكود و ماديتش قريتلو و حفظتو و تعبت لكن بدون جدوى ... حتى انني شفت انجنيور معرفة باه يعاوني لان نستاهل ننجح خاطر قريت لكن منجحتش ... انا سمعت باللي فيها حكاية رشوى لان ثمن الامتحان 2500 دج + 200 دج ثمن التامبر .... يعني احسبيها 2700 * 5 = مليون و 400 الف .... بزاف .... يعني اللي مشاركين معايا كامل نجحو الامتحان الكود هذا غير انا حسييت روحي اغبى الاغبياء حسييت روحي منستاهلش ننجح و منستاهش ااني نسوق و تكون عندي رخصة كيما الناس ... .عقدت العزم و احرقت ملف نتاعي و بطاقة الممتحن انني منزيدش ندير حكاية البارمي في راسي نهائيا ... علابالي في بلادنا لازم يكون عندك البارمي تحتاجو تسوق بيه و تخدم بيه لكن بالنسبة ليا انا كرهتو و مانيش حاب نسوق ولا نزيد نتعب و نخسر صوارد بدون جدوى .... وش ندير ببارمي اذا معنديش سيارة ... عندي طموح و اهداف بزاف و االسيارة اخر شيئ نبغيه زيد الثمن نتاعها غالي يعني ارخس سيارة متسواش ب 60 مليون .... و العمل راهو يرزق ربي باي عمل ميطلبش رخصة السياقة .... علابالي هذا فشل و احباط اللي خلاني ندير هك بالصح والله والله والله نفضل انو يبقى قلبي محروق على رخصة السياقة و منسوقش و منجيبش البارمي احسن من انني نشتريه و نربحو للمرة الاولى في كل امتحان كيما يديرو الناس ... نفضل انو نقعد بلا بارمي خير منجيبو برشوة .... يمكن شاف فيها ربي خير كي مجبتوش وبلاك ربي مكتبليش نجيب البارمي
المهم هاذي هي قصتي ....
بزاااااف انا فالامتحان تخلص 1200 دج مصح فهملي كفاه خسرك خمس خترات بالاك بلعاني
نقولك صح أنا كخسروني فشلت و غاضتني و قررت نحبس مبعد قلت لا لازم نجيبو
و منيش فاهمة علاه الملف مجاني اتسما صاحب المدرسة مخلصش أتعابو ولا كفاه و لا تفوت غير الامتحان
المهم مالازمش تفشل بدل المدرسة و كاين ولايات الرخصة اسهل شيء اتسما تجيبها من الخترة الأولى دون تعب
المهم متفشلش بيسك البيرمي راح ينفعك زيد نهار يفتح ربي طوموبيل تسوفري باش تجيبو املا من درك ديرو خير و بدل المدرسة بصح باش تقول منجيبوش لااااا ابسط شيء ممكن تدخل تخدم في خدمة تستلزم السياقة نقل بضائع مثلا و تلقا البيرمي مكاش و تروحلك لوكازيون يعني رأيي الشخصي لأنو كل حاجة درتها ربحتها نهار تستحقها تلقاها واجدة
و ربي يسهلك ان شاء الله
 

sanaya

:: عضو فعّال ::
إنضم
8 ديسمبر 2016
المشاركات
2,929
النقاط
911
العمر
28
محل الإقامة
الجزائر
الجنس
أنثى
كيما قالتها شيماء
اصبري يروحلي الشوك 👹
ما نخافوش عليك قادرة على روحك ما شاء الله 💪💪💪
عندما يستلزم الأمر😂😂😂😂 يا اختي لااااازم💪💪💪 هههههه بلعقل بالاك تحرقي البوراك خلي الشوك لمور المغرب😂😂😂
 

Badrou94

:: عضو مُشارك ::
إنضم
7 جوان 2018
المشاركات
151
النقاط
9
العمر
24
محل الإقامة
Batna
الجنس
ذكر
بزاااااف انا فالامتحان تخلص 1200 دج مصح فهملي كفاه خسرك خمس خترات بالاك بلعاني
نقولك صح أنا كخسروني فشلت و غاضتني و قررت نحبس مبعد قلت لا لازم نجيبو
و منيش فاهمة علاه الملف مجاني اتسما صاحب المدرسة مخلصش أتعابو ولا كفاه و لا تفوت غير الامتحان
المهم مالازمش تفشل بدل المدرسة و كاين ولايات الرخصة اسهل شيء اتسما تجيبها من الخترة الأولى دون تعب
المهم متفشلش بيسك البيرمي راح ينفعك زيد نهار يفتح ربي طوموبيل تسوفري باش تجيبو املا من درك ديرو خير و بدل المدرسة بصح باش تقول منجيبوش لااااا ابسط شيء ممكن تدخل تخدم في خدمة تستلزم السياقة نقل بضائع مثلا و تلقا البيرمي مكاش و تروحلك لوكازيون يعني رأيي الشخصي لأنو كل حاجة درتها ربحتها نهار تستحقها تلقاها واجدة
و ربي يسهلك ان شاء الله
1- والله يا اختي علمي علمك كيفاه خسروني 5 خطرات
2- منعرف بالاك دار الملف مجاني بصح يعاود يرجع صواردو كي يخسرك في الامتحانات
3- ياي والله لا نبدل المدرسة و لا نعاود الملف ... خسارة الصوارد فرات ... مكتبش ربي مكتبش راح تكتب تاع ذراع ؟ الخدمة راهي خير ربي بلا بارمي مانيش ملتزم برخصة القيادة باه نخدم الحمد لله عندي شهادة جامعية نخدم بيها ... البارمي ماهوش اجباري ..... تروح لوكازين على روحها والله معمبالي ... ضركا انت ربي سهلك فيه و مخسرتيش فيه صوارد بزاف علابيها مفشلتيش بصح انا فشلوني بالعاني و زيد خاسر فيه مليون و 400 هاذي في الكود .... المهم الله لا تربحو و ربي يجيبهالو اذا كان سبب خسارتي في الامتحان بشكل عمدي سواء هو ولا الانجينيور
4 - انا والله والله والله بالبارمي هذا لانديرو ولا نحوس عليه الا في حالة خاصة ... انو نلقى مدرسة سياقة و يسهلي فيه يعني يعاوني باه ننجح نقولو قداه نسلك فيه و ننجح لكن الامتحان نخدمو عادي يعني كون نخدم راهو ينجحني بصح كون منخدمش مينجحنيش ... راح نكون نزيه
5 - ان االسعاة هاذي معنديش الصوارد و البارمي باه ديرو يكلفك على الاقل 3 ملاين ... و انا يا ربي نصرف على دارنا و عائلتي يعني يروحو صواردي في عائلتي افضل مايديوهم ولاد الحرام ... صواردي تعبت عليهم و منقمرش على رخصة قادر منجيبهاش طووول
 

الروسي

:: عضو منتسِب ::
إنضم
18 ماي 2019
المشاركات
48
النقاط
3
العمر
26
محل الإقامة
Djelfa
الجنس
ذكر
ههههههههههههه قصة مشوقة ظهرتي واعرة يامحاينك
ماتقضيش صوالحك مع هذو الشمايت الا بهذي العقلية
ويقلك على نياتكم ترزقون
المهم مبروك عليك وسهمنا تاع القاطو ماتنسيش​
 

sanaya

:: عضو فعّال ::
إنضم
8 ديسمبر 2016
المشاركات
2,929
النقاط
911
العمر
28
محل الإقامة
الجزائر
الجنس
أنثى
ههههههههههههه قصة مشوقة ظهرتي واعرة يامحاينك
ماتقضيش صوالحك مع هذو الشمايت الا بهذي العقلية
ويقلك على نياتكم ترزقون
المهم مبروك عليك وسهمنا تاع القاطو ماتنسيش​
هههههههههه الحمد لله يااااااربي
حنا فزمان تاع مصالح مي مليحة الواحد يجيب حقو من غير ما يأذي شخص و لا يفرط في دينو
أما على القاطو راك روتار خلاص بعد😂
 
Top