وجدان وأنفال صور قديمة تعود للحياة

فريد أبوفيصل

:: مُسير اداري ::
طاقم الإدارة
إنضم
1 أوت 2008
المشاركات
7,955
النقاط
2,651
الجنس
ذكر
أردت استعادة صور قديمة روابطها منتهية الصلاحية واخترت هذه المرة صور نشرتها الاخت AmiR@RoRo في سبتمبر 2013 باسم amiraroro
الصور لا تظهر حاليا في موضوعها لانها مفقودة :

لكن هاهي الصور تعود الى النور من جديد ومع احلى طفلة واحلى ( وجدان و أنفال ) بنات خالها الله يبارك واجمل اناقة لباس الشدة راهي تقول نتاع الجص مفهمتش معنى الجص ؟

DSCN3033.JPG
DSCN3036.JPG

DSCN3041.JPG

DSCN3043.JPG

DSCN3046.JPG

من 2013 الى 2023 عشر سنين الله يبارك.
 

السلطانة

:: المديرة التنفيذية ::
طاقم الإدارة
إنضم
19 سبتمبر 2009
المشاركات
50,573
النقاط
821
محل الإقامة
الشرق-الوسط
الجنس
أنثى
الله يبارك ربي يحفظهم
عشر سنوات مرت يعني البنات هاذو اذا كانو وقتها سبع سنين ذرك راهم 17 عام.

الجص ممكن يقصدو بيه الشدة التلمسانية
منعرفش لعادات الغرب
ان شاءالله تكون الاخت اميرة بألف خير
هي ووالدتها الطيبة الخالة أم منير


مشكور لاسترجاع هذه الصور

تحياتي
 

آمِيْرَتُه

:: أستاذة:: عضو شرفي
إنضم
13 جوان 2011
المشاركات
14,422
النقاط
971
محل الإقامة
: ♥ قلب عسكوري ♥
الجنس
أنثى
السلام عليكم
ماشاء الله الشدة التلمسانية من أفخم و أجمل الألبسة التقليدية الجزائرية معروفة في منطقة الغرب وبالتحديد تلمسان وهران مستغانم ..... الخ والولاية المشهورة بها هي تلمسان والمقصود بالجص الحلي لراهم لابسينه على الجبين
 

ريحـان

:: أمينة اللمة الجزائرية::
طاقم الإدارة
إنضم
24 نوفمبر 2015
المشاركات
12,382
النقاط
2,801
محل الإقامة
الجزائر ♥
الجنس
أنثى
الله يبارك ما شاء الله
شكرا لمشاركتنا الصور الجميلة
 

ذكريات

m_souad
:: صُنّآع آلمُحْتَوَى ::
إنضم
14 أوت 2010
المشاركات
723
النقاط
651
محل الإقامة
تلمسان
الجنس
أنثى
ما شاء الله راهم درك عرايسات الله يبارك، شدة الجص @السلطانة هي لبس المجوهرات على مستوى الرأس فقط، المتمثلة فالجباين والزرارف، مع المنادل المفتولين بخيوط من الحرير، مرافقة لبلوزة المنسوج أو قسنطينية أو الكراكو مجبود أو فتلة أو النوع الي راه سائد درك وهو كراكو الشعرة،و قديما كاين الي كانو يحطو مجوهرات على الصدر وحاليا يزين الرأس فقط، تتميز ببساطتها وأناقتها، تختلف عن شدة القرفطان الي يكون الجوهر الحر يغطي كل الصدر من الرقبة حتى أسفل البطن ويزين بالمجوهرات الذهبية، وتزيد عليه الخرصة التي تعلق على مستوى الأذن والشاشية والتحويقة، فلباس القرفطان يتألف من عدة قطع والشدة على القرفطان مختلفة تماما عن شدة الجص، فهو لباس فخم فاخر ويحتاج لصبر كبير عند إرتدائه لثقله وثقل المجوهرات عكس الجص.
 
آخر تعديل:

ذكريات

m_souad
:: صُنّآع آلمُحْتَوَى ::
إنضم
14 أوت 2010
المشاركات
723
النقاط
651
محل الإقامة
تلمسان
الجنس
أنثى
الله يبارك ربي يحفظهم واش هو بنات تلمسان مهمرهم غال ههههه ،ربي يصونهم ويحفظهم.
ماشي كامل البنات مهرهم غالي، غلاء المهور عند العائلات العريقة في تلمسان الي يقولو حنا سكان تلمسان الأصليين، وكذلك عند الميسورين الحال هم أصلا يحوسو على الي كيفهم، كما نقولو بالعامية الخير يزيد على الخير، والزلط يزيد على الزلط😂😂 وهذا كان قديما حاليا ومع التغير الي راه كي تكون البنت متفاهما مع الخاطب ما يكلفوش عليه، وتاني تلمسان ماراهاش كما زمان ناسها باينين درك أي منطقة من الجزائر تخلطت كذلك تلمسان فيها النازحين من الولايات الأخرى او القرى من الي يفتشو على الخدمة، أو يعملون في إطارات ترغمهم على تغيير مقر سكناهم، يعني غلاء المهور ماشي في كامل مناطق تلمسان، تلقا الي يفتشو غير على ولد الأصل الي خدام ويخاف من ربي.
 
Top