بكل صراحة

السها

:: صَآنع محتوى ::
:: صُنّآع آلمُحْتَوَى ::
إنضم
14 جوان 2022
المشاركات
387
النقاط
21
محل الإقامة
الجزائر سكيكدة
الجنس
أنثى
السلام عليكم اعضاء اللمة
اول حاجة نتمنى تكونوا سالمين غانمين و في راحة و نعيم...اما بعد 😁 جيتكم اليوم نفرغ قلبي و ان شاء الله الا كتب ربي و يكون عندي الزهر تتفاعلوا مع المنشور☺️ لاني في منتدى للاسف لا يقرأ و لا يسمع حرت وش نحط و لست انا فقط من اصابتني الحيرة الكثير من الاعضاء يقدمون مواضيع اقل ما يقال عنها رائعة ترفيهية علمية ادبية تثقيفية لكن لا استجابة 🤨 بالكاد يفوتوا زوج ثلاثه الا كثروا ربعة على الموضوع من منتدى فيه اكثر من الف مشترك و اكثر من مئة مشترك متفاعل لكن بالايقونه الخضرا فقط ...خويا فريد طاحو سنيه مسكين و هو ينهض و ينهض بالمنتدى الميت معاه ينوض و المنتدى قاعد راقد ...اركان كثيرة و جميلة في المنتديات شبه مهجورة اولها ركن القصة 😢 اتضح لي اني اكتب لنفسي انا نعرف القصص تاعي كي نتواحشهم نعاود نقراهم 🤨راني نكتب في اللمة للافادة العامة و المشكل هذا مش عندي برك 😩لي مدة و انا اتصفح و اتفحص المواضيع و المشاهدات و المشتركين شيئ يحير 😱🤔 و اذا شفت مشاركة واحدة نعرف بلاما نطل انه خويا الياس هذا العضو هو الوحيد الي يحفظ ماء وجه الموضوع و صاحبه😁 من هذا المنبر نقلو شكراااااا و كثر خيرك 🙏🙏🙏🙏🙏 اما بالنسبة لي يا سيدي قلت يمكن عياو ماللقرايا حطيت فيديو ها قلت يسمعو فقط حاجه ما تعبش خلاص 😂😂موسى الحاج كي الحاج موسى هذا يبكي على خوه😭 مع ذلك اعرج على المواضيع التي تستهويني و تناسب فكري و ثقافتي و اشارك فيها و ساعات هناك من يتجاهل ردودي لكن كي شفت الغاشي واحد ما يفوت لعندي غير كثر خيرهم خويا فيصل و خويا محمد و اختي الحنانه ذكريات و احيانا سلطانه و الاخ المشكور على مروره الياس ...اصابني نوع من الاحباط مش نوع واحد قول انواع و فكرت اني نخرج مالمنتدى لكن ثمة وصل نشأ بيني و بينه رغم كل الظروف الي تدفعني باش نخليه خاصة عندما شفت الاخ فيصل و هو يستميت باش يطلع منتدى و لا عندو فيه لا ناقة و لا جمل لكن الطريقة الي يمشو بيها الاعضاء سامحوني تعمل العلة في القلب اخي فيصل نقلك اك تنفخ في قربة مقطعه لا احد سينضم للمنتدى اذا كان معدوم تقريبا التفاعل و اذا كان و انضموا و شافو الحالة ميته راح ينسحبوا اكيد ما ننكرش كاين بعض المواضيع الي فيها اقبال محتشم لكنها لا تسمن و لا تغني اللمة في شيئ لكن خير من والو اهي عورا و لا عميا 🥴 قلت يمكن الديفو فيا انا و المواضيع الي نحطها ليست ذات اهمية و رحت انضميت في منتدى اخر كمية الاقبال و كمية المواضيع الجيدة فيه و طريقة الردود و النقاش قبالا يطلعلك المورال بصح حكمتني الغيرة علاه في منتدانا ما نديروش هك 😡😡😡 علاه وينوا المشكل هذا بخل و لا عدم اكتراث و لا وش تحديدا ...عالعموم انا قلت وش في قلبي و اخر ما نقول لخويا فريد ربي يكووووون في عونك....و انا اذا ما كنتش قلبي عاللمة و المنتدى ما نكتبش هذي الجريدة... من غير حساسية
احترامي للجميع 🌹
 

الامين محمد

:: أمين اللمة الجزائرية ::
طاقم الإدارة
إنضم
7 أفريل 2015
المشاركات
15,424
النقاط
2,381
محل الإقامة
الجزائر الحبيبة
الجنس
ذكر
اهلا اختي السها الغالية العالية
كل الامور اللي شكيت انها سبب العزوف عالجناها و وفرنا كل سبل الراحة
للكتابة و الرد و فتحنا باب الحرية على مصرعيه للجميع
حتى موضوع الاوسكار المعنيين بالبترشح لم يمروا
حتى المحادثة ما ردوش عليها
يقي عندي حل و هو نعمل رقية للمة بلاكش العين راهي اصابتها او سحر ههههههه

ما عرفتش و ما فهمتش
لكن
(سوف نبقي هنا). سوف نبقى هنا كي يزول الألم سوف نحيا هنا سوف يحلو النغم. موطني
سأبقى هنا حتى و لو بقيت لوحدي اختي السها

راني هنا اللي راهي عائق امامكم خبروني بيها الآن اغيرها
 

السها

:: صَآنع محتوى ::
:: صُنّآع آلمُحْتَوَى ::
إنضم
14 جوان 2022
المشاركات
387
النقاط
21
محل الإقامة
الجزائر سكيكدة
الجنس
أنثى
اهلا اختي السها الغالية العالية
كل الامور اللي شكيت انها سبب العزوف عالجناها و وفرنا كل سبل الراحة
للكتابة و الرد و فتحنا باب الحرية على مصرعيه للجميع
حتى موضوع الاوسكار المعنيين بالبترشح لم يمروا
حتى المحادثة ما ردوش عليها
يقي عندي حل و هو نعمل رقية للمة بلاكش العين راهي اصابتها او سحر ههههههه

ما عرفتش و ما فهمتش
لكن
(سوف نبقي هنا). سوف نبقى هنا كي يزول الألم سوف نحيا هنا سوف يحلو النغم. موطني
سأبقى هنا حتى و لو بقيت لوحدي اختي السها

راني هنا اللي راهي عائق امامكم خبروني بيها الآن اغيرها
المشكلة فينا احنا كأعضاء للاسف مش في التنظيم يا تشوف منتديات اخرين عربية ردودهم تحشم حتى ترد عليها بطريقة عادية ، حتى المواضيع القابلة للنقاش ذات اهمية بالغة طابوهات في المجتمع العربي يقام تخليلها و مناقشتها من كافة الجوانب و الله غرت تمنيت اللمة تكون هك تفاعل و ردود مدروسه و قيمة تضيف ليست مجرد تكرار او نسخ و لسق لازم احنا كأعضاء نتبدلو علاه نروح ننشر جديدي في منتدى عربي اخر و منتدى بلادي اولا بيه ...عالعموم انا كنت صريحة و نتمنى يكون هناك رد فعل ايجابي
 

الامين محمد

:: أمين اللمة الجزائرية ::
طاقم الإدارة
إنضم
7 أفريل 2015
المشاركات
15,424
النقاط
2,381
محل الإقامة
الجزائر الحبيبة
الجنس
ذكر
المشكلة فينا احنا كأعضاء للاسف مش في التنظيم يا تشوف منتديات اخرين عربية ردودهم تحشم حتى ترد عليها بطريقة عادية ، حتى المواضيع القابلة للنقاش ذات اهمية بالغة طابوهات في المجتمع العربي يقام تخليلها و مناقشتها من كافة الجوانب و الله غرت تمنيت اللمة تكون هك تفاعل و ردود مدروسه و قيمة تضيف ليست مجرد تكرار او نسخ و لسق لازم احنا كأعضاء نتبدلو علاه نروح ننشر جديدي في منتدى عربي اخر و منتدى بلادي اولا بيه ...عالعموم انا كنت صريحة و نتمنى يكون هناك رد فعل ايجابي
اوافقك تماما الحاجة السها
لازم مستوى مناقشة الافكار يرتقي الى مستوى اعلى
و الله يا ريت اختي
نبيداو حنا اختي و المحموعة اللي راهي تتحرك
نطرح موضوع يحتاج الى حوار و افكار و نركز معاه و الكل يدافع و يحاجج
ممكن الامر يخلي الناس تلتحق بالركب
افكر في أيقاد شمعة في قادم الايام بلاكش تضاء اللمة من جديد
 

السها

:: صَآنع محتوى ::
:: صُنّآع آلمُحْتَوَى ::
إنضم
14 جوان 2022
المشاركات
387
النقاط
21
محل الإقامة
الجزائر سكيكدة
الجنس
أنثى
اوافقك تماما الحاجة السها
لازم مستوى مناقشة الافكار يرتقي الى مستوى اعلى
و الله يا ريت اختي
نبيداو حنا اختي و المحموعة اللي راهي تتحرك
نطرح موضوع يحتاج الى حوار و افكار و نركز معاه و الكل يدافع و يحاجج
ممكن الامر يخلي الناس تلتحق بالركب
افكر في أيقاد شمعة في قادم الايام بلاكش تضاء اللمة من جديد
كان اقلها موضوع التحرش الجنسي بالاطفال موضوع جد جد جد مهم و المناقشة فيه تعم عالفائدة يمكن نلقاو اشياء كانت متغطية علينا بعض الامور الوقائية هذي الظاهرة مرض نفسي و لا خلقي ولا وش تحديدا حلول من وجهة نظر البعض الاسباب تباينها بين الدول و الديانات السبب الرئيسي او حتى الثانوي حطيت قصة ذات نهاية مفتوحة النقاش فيها ما يخلاصش منا للعام الجاي قلي واش صرا قعدنا انا و خويا فيصل و الاخت ذكرى ندورو في ساقية نحاجيو و نردو على بعض 😂 خلاها التونسي يزي عاد😒 تقريبا انا فاقدة الامل 😤 حاول انت يمكن من عندك تصيب ديجا شوف من وقتاه حطيت الموضوع مش يستدعي هذا زادا المناقشة ؟ راه يعني الجميع دووووون استثناء وينهم الردود 🤔 غير الي يطل و يفوت هذا الا طلوا من الاساس يا بوحميد يا خويا و كلهم خوتي الي هنا لكن شوي حركة ناس بكري يقولو في الحركة بركة المهم ربي يجيب الخير و خلاص
 

فريد أبوفيصل

:: مُسير اداري ::
طاقم الإدارة
إنضم
1 أوت 2008
المشاركات
7,955
النقاط
2,651
الجنس
ذكر
كتبت وحذفت حديثا مطولا رايت ان لاداعي له

أستاذتي المحترمة خجلت أن أشارك هنا فيكون هذا الموضوع نسخة من نفس المواضيع الملقاة على رفوف التهميش واللامبالاة و التي تعد فيها المداخلات على الأصابع و زد عليها بنفس الأنامل إن لم تعد فيها الردود بأصابع دجاجة نحيلة (منسلة)

ويكون نداؤنا كصراخ في حلم لا يسمعه الا صاحبه.

اذا أردنا الحديث عن التفاعل علينا تشريح واقع ومستقبل المنتديات والمدونات بأكثر تفصيل حتى لا نفاجئ بهذا الواقع الحقيقي المرير.

قد يكون التخصص الملجئ والمنجى الوحيد للمنتديات الحالية الباقية.
مع الحفاظ على قيمة المنتدى كموقع آمن ومحترم يمكن مراقبة المحتوى والمستخدم .

والحديث طويل وكثير ومرير وياليت أصحاب البيت يعلمون

ربي يعطينا الصبر للبقاء في المحاولة والا القربة اللي رانا ننفخوا فيها نعملوها بندير ونريحو
 

السها

:: صَآنع محتوى ::
:: صُنّآع آلمُحْتَوَى ::
إنضم
14 جوان 2022
المشاركات
387
النقاط
21
محل الإقامة
الجزائر سكيكدة
الجنس
أنثى
مداخلاتك تعجبني فيها نوع من السخرية المره للاسف....لا تحزن فالمصيبة ان عمت خفت 🤪😂 هاو انا برك الي تتحط مواضيعي عالرف عالاقل نعمل بيك الكوراج 😁 و خلي القربه نشوفو كيفاه نرقعوها مازال الحال عالبندير و لعراس الدعوه ثلج و برد 😬 ....و الله هناك منتديات مزالت قائمة و مازال فيها التفاعل بدرجة يغريك لتتخلى عن مواقع التواصل لما فيها من تعاضدد و مساندة ...لا انكرك جاءتني رسالة على الخاص يدعونني للانضمام الى منتدى اخر و قد كنت متردده و بعد الاضطلاع عليه قلت خلي نجرب و نشوف اذا كانت جميع المنتديات بحال منتدانا...انبهرت بطريقة الرد انبهرت بالتحليل للمواضيع انبهرت بطريقة تقييم النصوص تحس انك حقا مع ناس لهم نفس ميولك و تقديرك للامور و الله حشمت صرت اعطي اهمية لردي عليهم اكثر من النص ذاته و لما جيت نتفحص المنتديات لقيتها ماشاء الله عندهم الحركة تحس ان المنتدى ينطق وحدو ..اين تكمن المشكلة في لمتنا ...مافهمتش عالعموم نهار تعول تقلب القربه بندير اعرضني نجي نزغرت عالاقل نديرو شوي حس 😂😂😂 خير من هذا الكالم
تحياتي يا فريد يا ابو فيصل و قسمك على ربي
 

الرومانسي الجاد

:: عضو مُشارك ::
إنضم
19 فيفري 2021
المشاركات
480
النقاط
21
محل الإقامة
بُعد آخر..!!
الجنس
ذكر
ايييييه اللمة نهار كانت لمة وحد الوقت
بصح نورمال هكا يبانو لي عندهم كتابات تستاهل متابعة مكاش بزاف غاشي ساهل نفرزوهم😁
ديفوا نلقا سوجيات شابين بصح ما نرياجي ما نحط تعليق نخاف نتكروشاا مع مولاه -نتوسوس ههه-
 

السها

:: صَآنع محتوى ::
:: صُنّآع آلمُحْتَوَى ::
إنضم
14 جوان 2022
المشاركات
387
النقاط
21
محل الإقامة
الجزائر سكيكدة
الجنس
أنثى
ايييييه اللمة نهار كانت لمة وحد الوقت
بصح نورمال هكا يبانو لي عندهم كتابات تستاهل متابعة مكاش بزاف غاشي ساهل نفرزوهم😁
ديفوا نلقا سوجيات شابين بصح ما نرياجي ما نحط تعليق نخاف نتكروشاا مع مولاه -نتوسوس ههه-
الا لقيت مواضيع شابه تستهويك علاه ما تريياجيش 😩 لازم الطرف الثاني يتقبل الرأي المقابل عادي مش الي يكتبو قرآن لازمنا نمشيو عليه كاين نقاش راقي و الاختلاف كيما يقولوا لا يفسد للود قضية و الموضوع الا نشر على صفحات المنتدى هو قابل للمناقشة الفكرية في حدود الادب و الاحترام المجادلة و المناقشة تبعث الحياة في المواضيع مره اخرى تشجع و مد رايك او استفسارك بكل بساطة و بكل ثقة و بكل رقي شرط مش كعبر و تيري لازم يكون مدروس تحت اسس ثقافية علمية ادبيه او حتى سياسية المهم يكون له منفعة مش غير اناقش باش اناقش فقط و انا ما فاهمه فيها والو ....جميل ان كل واحد في المنتدى يدب الحياة في الركن الي يحبوا هو الشاعر يناقش في الشعر و الكاتب يناقش في القصص و النصوص النثرية و السياسي يناقش في المواضيع و الاخبار و السياسية و..و...و هكذا فقط تعيش اللمة و تعم الفائدة على الجميع 🌹🌹🌹
 

{مُدَلَّلَتُهُ}

:: أستاذة ::
إنضم
18 أوت 2008
المشاركات
15,023
النقاط
1,171
محل الإقامة
Nëvêr Lànd
الجنس
أنثى
السلام عليكم و رحمة الله و بركاته

يا حسراه شحال انطرحوا مواضيع هاكا فاللمة و نقولو هاذا هو الموضوع لي ينوض من السبات الطويل و مبعد يتنسا الموضوع و مولاه يكره و العجلة تمشي ..

اولا حكاية المنتديات تقريبا نقص فيها التفاعل بسبب مواقع التواصل الإجتماعي .. خاصة فئة الشباب . أما الانسان الناضج فأكيد رح يفضل المنتديات خاطر المحتوى منتقى و عليه مشرفين ...

مثلا لا هدرنا على اللمة رانا نشوفو ردود محتشمة و قليييلة من طرف الوافدين الجدد ولا حتى الأعضاء القدم .. بلا ما نهدرو على المواضيع الهامة من قبل كان يحتدم النقاش فالمواضيع حتى يتدخل المشرف في كثير من الأحيان.
الآن الأعضاء لي كانو ناشطين أغلبيتهم راه عندهم مسؤوليات عمل مثلا أو عائلة فماراهمش يدخلو بزاف و الا يشوفو الجديد بلخف و يخرجو يعني البركة فالبقية لازم ينشطو شوية يعاودو يرجعو الروح للمنتدى .
 

abdelghani_06

:: عضو منتسِب ::
إنضم
18 جانفي 2023
المشاركات
43
النقاط
3
محل الإقامة
العاصمة
الجنس
ذكر
واش راح نقلك يا ختي يا حسرتاه انا جديد على اللمة مي مدبيا ندير لبوسيبل ديالي ندخل عيباد ولا نبارطاجي مواضيع مليحة لي تفيدنا كامل ان شاء الله الاحوال تاول للاحسن بارك الله فيك الاخت
 
Top