█☼█اللقاء التاريخي....لأول مرة على مستوى المنتديات █☼█ ‏

حفيد هواري بومدين · 13 أفريل 2010

:laugh:
قبل ماندير الموضوع 80 مشاهدة يا الشعب نتاع التقرعيج:biggrin:

المهم واش راكم شويا؟؟؟

جرى لبارح في مدينة باتنة وبالتحديد جامعة الحاج لخضر

لقاء بين اعضاء اللمة

هو لقاء ماوش نورمال صح لانو حضر فيه 8 عضوات ومشرفين
نعم اخواني 8 عضوات
:angel_not:
المهم للقاء كان بحضور كل من
سي فلان مول الكوستيم و سي Moha le sage
اما من جانب العضوات :lol:
الغاشي كامل حاب يعرف شكون
المهم

هيلدا (اسراء)...معاك يا الخضرة (ريمة)

Imane89 (ايمان)

كلي امال (امال) ...الطفلة البريئة....عفاف arc
و امينة صحبت امال

والله اللقاء كان في قمة الروعة عرفنا نسا من المنتدى صح
كان في اطار أخوي والروح لي فيه شياخة وضحك والحمد الله فات احسن من لي كونا ماتوقعينو
حكمنا واحد الfou rire
:laugh:
الجماعة كاملة تضحك:laugh:
ربي يدومها

محمد ديكوفرينا فيه حاجة مليحة وجديدة خلاف الريبارسيون نتاع الميكروات
ينحي الحشمة يعني الطفلة لي تجي جديدة يديكودي بعد 5 دقايق تتنحالها الحشمة وتولي تحكي
:lol:

هيلدا
اسراء والله ماني قادر نعلق :laugh:عندها هواية في التصوار قدام الحشيش والنخل انسانة في منتهى الرقة وطوايشية 100 في ساعة :angel_not: التقرعيج والتقرعيج
:laugh:

ريمة معاك يا الخضرا
ماتخطيش من فمها الضحكة مام في الجنازة تضحك:001_wub:

والله عقلية فور ماكونتش نتوقعها هكا من المنتدى
تحب الريسك
:angel_not:
تخاف من ظلها
وخايفة لا تضعها الطريق
:laugh: يخي حالة يخي :laugh:

imane89
دات النضرات الحادة

شاوية وشينوية وعليها الهدرة :angel_not:
نتمنى في الحقلة القادمة تعطينا شويا من وقتها:yahoo:
ربي يحفظك ايمان :biggrin:

كلي امال وامينة
واش حنقولكم يعني ربي يخليكم لبعضاكم فكرتونا في بف وهركول
:lol:
تالمون يحكيو غير مع بعضاهم و في 4 سوايع شاركونا بزوج كلمات عاقلين وصوتهم مايتسمعش
ربي يحفظكم يا بنات المسيلة :angel_not:

الطفلة البريئة
والله يعني حاير طفلة بريئة صح اسمها في اللمة مطابق للواقع
سبحان الله

عفاف arc
مع انو جديدة في لمة
حكات معانا وشغل تعرفنا من بكري :angel_not:

وانتم كيفماه شفتو السي فلان ؟؟؟
:001_wub:

والله لاعقبنا وقت فور من 11 نتاع صباح ل 5 نتاع العشية
المهم كيما يقول موح
عودو ارواحو

هههههههههههههههههههههههههههه
:laugh::laugh:
وايكم بعض الصور

انا وموح والدوران مع موح مايتشبعش
:laugh:

ملاحظة
الموضوع كتبناه بعفوية
انا والمشرف محمد

تنويه برك كونت معروض

هادي مع موح مع انو الصور ماخرجوش ملاح

المهم هنا في الجامعة

:angel_not:

صورة واحنا مربعين والبنات يصورو فينا :angel_not:
خرجت ناقصة طياب يا اسراء:thumbdown:

هنا موح مداير قهوة ومريح مع les sacs
نتاع من اليمين لليسار :
هيلدا ....ريمة ...ايمان
:angel_not:

حفيد هواري بومدين · 14 أفريل 2010

اني جيت
يسما خليتو حتان الغاشي كامل عقب وانا ندير الرد اللخر:crying:
الموهيييم:

اسراء والله ماني قادر نعلق

:laugh: وعلاه تضحك ولا تفكرت كيفاش نخرج في التصاور:angel_not:

عندها هواية في التصوار قدام الحشيش والنخل

ههه راح تبهدلو بينا موح يحب يصور قدام الحيوط وانا نحاول فيه قدام النخلة خير باش تبان الجامعة شوي تصلح

انسانة في منتهى الرقة
lol
وطوايشية 100 في ساعة :angel_not:
التقرعيج والتقرعيج
:yahoo::yahoo::yahoo:

راه عبدو مقالكم والو
نحكيلكم انا واش خلا
شفتو مجاو يجيو حتان نور الملح من 9 وحنا نستناو حتا 11 وحاجة باش جاو لعرايس:laugh:
خرجنا قابلناهم قدام لاري تاع ليبوس
كي نزلو درنا بيهم في 8 هه تقول راح نحنيولهم
موح جاتو نورمال علا خاطر مالف ويعرفنا
وعبدو تشوكا وحار ملقا ميدير
وزادا معرفناش قلنالو هيا قولنا كل وحدة وين راحت ومفرز والو انا جابني علا المرة 3:sneaky2:

من بعد هبطنا حبينا ندوهم للبارك مشينا شوية وهزينا j9 كي وصلنا للبارك اللول لقيناه مقفول

جاو ينزلو قلتلهم اطلعو نكملو قعدنا نمشيو حتا وصلنا للبارك الثاني زادا لقيناه مقفول

عندهم ازهر معوج

عاودنا نزلنا ونستناو باش نروحو
واش فرحت:yahoo: كي جات j9 وحدة باش تروحنا
المهم تقسمنا فيها شوية من اللورة وشوية من القدام وقعدنا نمنشرو في الغاشي
موح وعبدو مكانش عضو ممنشروش فيه:blink: وأنا وريمة غير نقولولهم عيب عليكم :angry:يهديكم ربي
ههههههه
واحد الراجل انا عفستو :001_rolleyes:وطفل صغير محبش ينوضلي من لبلاصة وانا كي لعجوز نحاول
وريمة هزت واحد المموش ناض يبكيلها في وجهها

المهم عاودنا روحنا دخلنا للبيتيزريا نتغداو
كامل كلينا غير كلي أمال غاضها مول البيتيزريا قاتلك نخليلو شوية:001_tt2:
وهديك ريمة حكمت الملح وتلوح في الكاس تاع الماء ههههه وتخلط:mellow::mellow:
عبدو راهي كاين نص صورة وهي تعب بالملح حطها:lol:

المهم كملنا وبصحتنا:001_wub: عقبنا للجامعة وجبناها عشية ضحك وطوايش
موح ناس ملاح انا شفتو من قبل وصدقوني انسان ميتشراش بالذهب:angel_not:
وعبدو ومادراكم ما عبدو في للول جاء يبان حشمان وداخ فينا ومن بعد تحلتلو العقدة ونبانو نعرفوه من 6 سنين
عقلية فوور ربي يدوها:angel_not:
وحنا لبنات هانا معروفات عقدتنا محلولة من بكري:yahoo::w00t:
والله جبناه يووم فوووور وهايل
اجمل لقاء في حياتي وعلابالي مايتعاودش
:thumbup:
راني تعبت من بعد نجي نكمللكم واش دارو وماقالوش:001_unsure::001_unsure:
راهم خباو عليكم نص لحكاية

عبدو حط تصاور ساكي والريحة والخاتم والساعه وريمة والملح وهدوك للي بعثتهملك:sneaky2:
حطهم لا نحطهم:001_tt2:

حفيد هواري بومدين · 14 أفريل 2010

رد ريمة
ريمة معاك يا الخضرا
ماتخطيش من فمها الضحكة مام في الجنازة تضحك:001_wub:

:angel_not: بهدلتني :angel_not:

والله عقلية فور ماكونتش نتوقعها هكا من المنتدى
:cursing: وش كنت تتوقع :cursing:
تحب الريسك
:angel_not:
تخاف من ظلها
:cursing: ياو نخاف نتودر ههههه ما نعرفش نروح :001_wub:
وخايفة لا تضعها الطريق
:laugh: يخي حالة يخي :laugh:
خاطر بابا يسوق بلعقل :001_wub:
والسيد مول البيس قريب راح يطير :cursing: دارلي السكتة :cursing:
*****
****
الحق النهار فات فوووووووور و نحالي اللوش تاع الخطرة الي فاتت :angel_not:
اسمع لا فوتو تاع الصيكان راهي ما تبانش :cursing:
موح ناس ملاح كي الخطرة اللولة
و السي فلان مول الكوستيم امممممممم نقول ولا نسكت
:angel_not: :angel_not: هههههه
اول مرة فات على موضوعي قالي ضرك نقفلو :crying:
من ثم عقدني ما زدتش درت بيه

مي كي تلاقيا لقيتو انسان فووور و ناس ملاح :angel_not:اكي نزل من التاكسي قابلوه 6 بنات ما فهم والو

من الحشمة مسكين هز التيليفون ههههه
اييييييي ما قتلهمش على الشياب الي بقاو يتفرجو في موح ؟؟
و الطفل الصغير الي ماخلاش هيلدا تقعد :001_wub: ههههههه خلعاتو هوهوهوهوه
و وينهي لافوتو تاع الريحة و صبعك و ساعة موح :cursing:
الطفلة البرئة بريئة قلبا و قالبا :angel_not:
و شوكاتها هيلدا :001_wub: هههههه سرسورة نقلهم واش درتيلها :angel_not:
كلي امال و صاحبتها امينة يهبلو تاني :001_wub: عاقليين و ناس ملاااااح
حنونتي ايمان قلقوها صحاباتها
روحو و خلاوها :cursing: على بيها سمطولها القعدة :cursing:
عفاف اي صاحبتي من بكري
و ملي روحت و هيا تشكر فيكم
اسراء مهبولة تاعنا تقول نعرفها من عهد الثورة :angel_not: هههه خليها تهدر واش دارت ههههه
ايييييييف هدرت بزاف :scared:
القاء روعة مع اعضاء روعة
لعقوبة للمرة الجاية

Moha le sage · 14 أفريل 2010

خير وعافية عليكم

وش راكم لباس

حبيت نشكر كامل البنات اللي دارولنا وجه و قامو بينا و على راسهم هيلدا و معاك يا الخضرا الي كانو العقل المدبر :thumbup1:
وش حبيت نقول ..

عندي رسالة واضحة وضوح الشمس .. اللي يحب يتلاقا باي عضو اخر يتصلو في بعضاهم وربي يسهل على كل واحد ..علاه مشروطة عليا ندير مقابلة مع فلان ولا فلتان ؟؟ ولا حاطيني مشرف ثاني برا :confused1:

انا عبد و نحب نحكي و عندي des amis في اللمة نحب نشوفهم .. وواحد ما يدبر على خوه واش يدير ..رانا احرار و رانا كبار .. و كل واحد يدير وش يخرج عليه

راني حاير في ناس يسجلو البارح واحد ما يعرفهم ويقولولك علاش معيطتلناش

hmy: حنا رانا ديفوا معرفة تاع عام و عامين و نحشمو نقولو نتلاقاو تالمون مهيش ساهلة سيرتو في وقتنا تاع المشاكل ... بصح كل واحد معروف بوجهو .. ونا منديرش بسودو و تصويرة تاع شجرة في صورتي الرمزية .. بالعكس حاط كلش عليا .. واللي مافي كرشو تبن ما يخاف من نار

ونتحدى اي واحد في الجماعة لي راها تحكي و تشر يمدو تصاورهم ولا يمدو عنوانهم ..psk لقاو الهدرة باطل من ورا ليكرون ..

ربي يهدينا

انا حر ونتلاقا مع من نحب ووقت من حب و ما نستنا حتى واحد يجي و يوريلي صلاحي ..

اللمة تعرفت فيها على ناس ما شاء الله .. وبربي ان شاء الله نتلاقى كامل حبابي فيها وكامل اللي عزاز عليا ..

عجبتني بزاف l'ambiance اللي درناها .. و تالمون كنا نعرفو بعضانا من قبل حسيت روحي نحكي مع ناس نعرفها وموالف نشوفها ..

مزلت بربي ان شاء الله ندير لقاءات خرين و ندور في ولايات خرين اذا كتب ربي

مزلت نروح لواد سوف و بسكرة وولاد جلال و سيدي خالد .. بربي ان شاء الله

الله غالب منقدرش نهبط النيفو كل مرة ونعاند اللي ناقصين عقلية ..بصح نقول للي حاب يجي لسطيف مرحبا و لي حاب نتلاقاه يعرضني .. وراه يشوف محمد هذا دوريجين ولا طايوان

هيا البون شونص عليكم و الي لقاء قادم

هاذي فوطو تاعي مع الـ vtt الي شريتها ..لواحد لعبد حاب يشوفها

M!ss_f@ti · 14 أفريل 2010

الله يبآركـ
ربي يدومـ اللمة ان شآء الله
أنآ في هآذ المنتدى نتلآقى مع houda1005 و mayss و narimene و yassine34
par ce que نقرآو في ليسي وآحد

السلآمـ عليكمـ

SOUHA · 14 أفريل 2010

وي عبدو مرحبا بيك في ولايتي انت والاعضاء لي جاو معاك خسارة كنت حابة نكون معاكم مي التصور مخرجوش بلاك تكونو تصورتو قدام درنا باه نعتلكم وين نسكن بصحتكم ربي يدومها

الفنك الدهبي · 14 أفريل 2010

بصحتكم لعقوبى لينا

Fethi.dz · 14 أفريل 2010

- المرة الجاية بيبيلي نجي ( :biggrin: هههههههههه ) <<< زعما راح يجي

tongue_smilie

- ربي يباركــ و يدوم هذه الصدقات بيناتكم و ما يطربوكش بعين زرقة

tongue_smilie

**الريحآنة** · 14 أفريل 2010

وعلاه مقلتوليش ولا تخدمو غير في سيكري :huh:

صحا فيكم ،، لو كان غير كنت معاكم هههههه

المرة الجاية ان شاء الله لازم تكتب اعلان او تنويه

هكا نتعرفو عليكم ،،

يعطيك الصحة
سلام

Djamel.Dz · 14 أفريل 2010

بصحتكم اخي ،ربي يدومها محبة

nada242008 · 14 أفريل 2010

بصحتكم اللقاء.باين جا مليح
قلنا نديرو لقاء مع بنات باتنة زربتونا ودرتوه مع بعضاكم:sneaky2:
المرة الجاية ندير لقاء مع هيلدا وندوش وحدهم:001_wub:

Iman89 · 14 أفريل 2010

السلام عليكم هادا وين وصلت للدار
يعطيك الصحة عبدو راك قايم بيها انا وياك تقول مافواياجينا هههههههههههه
وينهم الجماعة ايبالي انا اول وحدة راح نبدا التمنشير ونعبر على شعوري
والله بارك الله فيكم لقاء كان فووووووور مالقري كنت شوية قلقانة مي والله احسن يوم في حياتي يعطيكم الصحة وماندمتش كي عرفتكم تاع الصح يوم يدخل فالتاريخ عبدو وموح راكم فالقمة واشي هو حاجة ماتفوتكم هههههههههه
علاه اعبدو خويا ياخي نشوف فيكم نورمال علاه يعني ههههههههههه رام عينيا برك هكاك دايرين هههههه واش هادي تاع اعطينا شوية من وقتك ياخي وين تتحركوا نتحرك معاكم ولا راك على البورطابل هههههههههههه
ربي يدومها

إحســاس بــراءة · 14 أفريل 2010

السلام عليكم
بصحتكم يا خاوتي
ربي يدوم المحبة بيناتكم ان شاء الله
مرسي على الصور هايلين
سلامي ليكم كامل

نقاء الروح · 14 أفريل 2010

بصحتكم اللقاء ربي يدوم المحبة

sahiko hamza · 14 أفريل 2010

مليح .... ربي يبارك

أفراح الجزائر · 14 أفريل 2010

الصح الصح أنا غرة منكم والله
أي راني عارضتكم لتلمسان اذا قدرتو والله مرحبا بيكم وماتنسوش تجيبولي معاكم ريمة واسراء
المهم بصحاتكم وربي يدوم الصداقة لي جمعتكم

Iman89 · 14 أفريل 2010

قال nada242008:
بصحتكم اللقاء.باين جا مليح
قلنا نديرو لقاء مع بنات باتنة زربتونا ودرتوه مع بعضاكم:sneaky2:
المرة الجاية ندير لقاء مع هيلدا وندوش وحدهم:001_wub:

خسارة ستنيناك قلت لاسراء وريما باه نتلاقاوك زعما اليوم سع ماصلحتليش عندي شوي ظروف روحت المرة الجاية نشالله وجيبي ندوش معاك

معاك يا الخضراء · 14 أفريل 2010

قال nada242008:
بصحتكم اللقاء.باين جا مليح
قلنا نديرو لقاء مع بنات باتنة زربتونا ودرتوه مع بعضاكم:sneaky2:
المرة الجاية ندير لقاء مع هيلدا وندوش وحدهم:001_wub:

صار هاكا :crying:

قال Iman89:
السلام عليكم هادا وين وصلت للدار
يعطيك الصحة عبدو راك قايم بيها انا وياك تقول مافواياجينا هههههههههههه
وينهم الجماعة ايبالي انا اول وحدة راح نبدا التمنشير ونعبر على شعوري
والله بارك الله فيكم لقاء كان فووووووور مالقري كنت شوية قلقانة مي والله احسن يوم في حياتي يعطيكم الصحة وماندمتش كي عرفتكم تاع الصح يوم يدخل فالتاريخ عبدو وموح راكم فالقمة واشي هو حاجة ماتفوتكم هههههههههه
علاه اعبدو خويا ياخي نشوف فيكم نورمال علاه يعني ههههههههههه رام عينيا برك هكاك دايرين هههههه واش هادي تاع اعطينا شوية من وقتك ياخي وين تتحركوا نتحرك معاكم ولا راك على البورطابل هههههههههههه
ربي يدومها

هههه مرحبا حبوبة كي وصلتي على خير :001_wub:
معليش المرة الجاية
ردي راني بعتو لعبدو انا اللولة

و راهو طول ما حطوش :scared: ههههههه والله توحشتك يا المصيبة كون غير شفناك قبل ما تروحي :crying:

nada242008 · 14 أفريل 2010

قال iman89:
خسارة ستنيناك قلت لاسراء وريما باه نتلاقاوك زعما اليوم سع ماصلحتليش عندي شوي ظروف روحت المرة الجاية نشالله وجيبي ندوش معاك

ان شاء الله المرة الجاية نتلاقا بيكم
البارح كان اول يوم ليا في الخدمة ومالقيتش روحي مليح
و ان شاء الله نخلفوها

ولد بلاد · 14 أفريل 2010

هههههههههههه خليتو محمد يعس في السيكان :crying:

ابصحتكم التحويسة خاوتي

█☼█اللقاء التاريخي....لأول مرة على مستوى المنتديات █☼█ ‏

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو مُشارك ::

:: عضو منتسِب ::

:: إدارة اللمة الجزائرية ::

:: عضو مُتميز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو مُتميز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو بارز ::

:: عضو مُشارك ::

المواضيع المشابهة