فوري نواري طرطة هايلة

اليوم طبقت وصفة حطتها اختي ياسمين في مندى اخر و جاتني هايلة و حبيت نفيدكم بوصفتها
الوصفة بقلم صاحبتها

فوري نوار بطريقة سهلة من مطبخي
بعد بسم السلام عليكم
هدي وصفة من وصفات لفوري نوار وطريقتها سهلة ولديدة
المقادير:
البسكوي
4بيضات
120غ سكر
100غ فرينة
25غ كاكاو
فاني
رشة ملح
للتزيين: كريم شانتي
شكولا
معجون
سيرو
التحضير:نضرب البيض والسكر+ملح والفاني مليح حتى تصبح رغوةثم نغربل الفرينة والكاكاو ونضيفهم لخليط البيض ونخلط بمغرف بشوي باش ميهبطش نديروه في مول مربع او مستطيل مفرش بورق الطبخوندخلها تطيب في فرن 200درجة لمدة 10د.


طبعا نخدم كيكتين نضاعف المقاديرلاني نحتاج كيكتين
عندما تبداي عملية مونتاج التارت ضعي ورق الطبخ يساعدك في العمل كتجي ترفدي التارت

ثم ندير طبقة بسكوي ونسقيها بالسيرو انا السيرة لنشربو بيه التارتات غالبا منطيبوش ندير سكر نحلو مليح فلما ونشرب لتارت وجربوها تجي تارت مشربة وهايلة



ثم ندهنو بطبقة خفيفة من المعجون


وندير فوقه طبقة خفيفة من كريم شانتي


طبعا سبق وحضرت كريم شانتي في مواضيعي لكن اليوم درت كريم شانتي بالكريم فريش تجي الد
كريم شانتي: درت كمية من كريم فريش سائلة وتكون باردة + فاني + شوي سكر قلاسي وخبطتهم حتى ولات كريمة بصح ملازمش تخبطي بزاف غير تطلع حبسي لانها تفسد
اما كريم شانتي بودرة:100غ بودرة شانتي+فاني+2مغارف سكر قلاسي+كاس ماء ليس مملوء ويكون بارد نخبط حتى تولي كريمة.
بعد مدهنت البسكوي بالكريم ندير فوقه طبقة ثانية من البسكوي ونسقيها كدلك بالسيرو


ثم نغطي كامل البسكوي بلكريم شانتي طبعا تحبي تزيدي الطبقات الى 3 لكي الاختيار


ثم ناخد الشكولا ونبشرها بواسطة سكين البطاطة ناخد الشكولا ملازمش نلمسها باليد راح تدوب ندير ورق ونمسكها ونبشرها باش نزين البسكوي



وهنا تحصلنا على رقائق الشكولا


طبعااي شكولا تختاريها تاع ميزان او علب ونغطي البسكوي بالشكولا المبشورة

هدا تطبيقي للوصفة

أمممممممممممم كااااااااااملة ليا
أخرجو من الموضوع ولا وش قلتي كوثر هههه
هايلة يعطيك الصحة الاخت ياسمين كانت وصفاتها كلها هايلة مش عارفة علاهماهيش تدخل للمة
يعطيك الصحة تطبيق رائع شكلا وأكيد طعما تاني

راه ليك يا غاليتي روز
فعلا الاخت ياسمين وصفتها ناجحة و مضمونة نا شخصي مجربتها
اسعدني مروركي و افرحني ردكي تحياتي ليك روزيتا

يعطيك الصحة اختي فريدة
ديما تتحفينا بالتطبيقاااااااااااات
هايلة

غير الصباح كنت نكتب فيها قلت نعماها جاتك هايلة يعطيك الصحة

مممممممممممممممممممممممممممممممممممممممممممممممممممممممممممممممممممممم جاتك تهبل تهبل تهبل .

مشكورات يا خوتاتي على المرور الطيب و الردود المفرحة تحياتي للجميع

يعطيك الصحّة تستحقي تقييم شكراً لك كوثر

الف شكر لكم على المرور و الردود الاطيبة تحياتي لكم

الله يباارك يا اختي جاتك فور
يعطيك الصحة

هايلة فريدة تطبيقاتك روعة يعطيك الصحة وربي يفرحك دنيا واااااااااااااااخرة ان شاء الله