ماذا ستطبخين اليوم سيدتي الجزء9

[imane27]

اسمهان فلفل خدمتو فالدار
بصحتك اللوبية هدا وين خرجولى صور

 

[cherine]

شيرين والله مانعرف يمكن مركز رفع الصور انتهت صلآحيته وهاهم رانى عاودت رفعتهم

والرولى هاهو ليك

عندي سؤآل للاخت ايمان اولا بصحتك الكبدة اممم تشهي وسؤالى الفلفل مرقد شريتيه هكا ولا خدمتيه عجبنى بزاف
​

يم يم بانو الصور
ماشاءالله جاك كلشي يهبل
يعطيك الصحة حنونة ​

 

[ŚσÚмĨÁ.Ďz]

اذآ ماكآنش مانع اختى ايمان معليش تعطينى الوصفة نتاعو ؟

تحياتى
​

 

[cherine]

ااسوومتي راني غايا وانتي ان شاءالله راكي بخير​

 

[ŚσÚмĨÁ.Ďz]

شيرين يم يم بانو الصور
ماشاءالله جاك كلشي يهبل
يعطيك الصحة حنونة
/////////
الله يسلمك يالحبيبة
ويخليييك

 

[cherine]

هذا فطوري اليوم شربة فريك وبوراك

بالمناسبة الديول خدمتهم فالدار الطرقة سهلة وبسيطة

بصحتك الفطوور اختي
يعطيك الصحة ​

هذا غداي تاع اليوم روز بالخضرة و فلفل مرقد
صح غداواتكم كااااامل
أختي أم فاروق واش راكي توحشتك إن شاء الله تكوني بخير
شيرين واش راكي دايرة مع الحمل أختي
إسمهان الرولي جاك هايل شهيتوني فيه
مريم بصحتك اللوبيا و المطلوع
أسماء بصحتك الطعام
إسمهان الله يبارك على هاذوك اليدين المدلان جاك تحفة يعطيك الصحة أختي
​

اهلين ام دودو
بصحتك الرووز والفلف حنونة تاكليهم بالصحة
الحمدلله غايا غير خطراتش يحكمني الوجع في كرشي من تحت يقتلني والحمدلله على كل حال
انتي كيراكي حبيبة ان شاءالله غايا ​

مساء الخير عليكم يالبنات واش راكم
ربي ابارك عليكم راكم كامل اممممممممممممممممممممممم يم يم يم
واش طيبتو شهتوني وانا مع قهوة
ربي ابارك في صحتكم كامل

شرين درك نصورلك الصورة والموضوع راها عاملاتو ندى

اوكي حبيبة ومشكووورة ​

سلام لبنات واش راكم صح فطوركم بالواحدة اطباكم كلها تشهي يعطيكم الصحة
لبارح عشايا كان كبد المحموس على طريقة هاي هوب وفريت وفلفل مرقد

بصحتك اموونة يسلم يديك
طيابك دايما يشهي ويهبل ​

 

[cherine]

فطوري اليووم كان كاري بالدجاج والجلبان باللحم
شريتهم من برا مانيش نطيق نطيب :sadwalk:​

 

[l'algeroise]

مساااء الخير عليكم لبنات صح غدااااكم كااامل
اسمهان البسكوي رولي جاك هيل
ايمان بصحتكم فطور يشهي مام أنا كنت حاسبة الفلفل مشري أعينا الوصفة
أم دودو و أم سيرا بصحتكم
تسنيم و أم منصف بصحتكم البيتزا كون ناكلها صباح و عشيا مانكرهاش
أنا البارح درت للعشا شورما بالخبز العربي وصفة أم ندى اليوم لغدا درت لي كاني لوني جيت نحط الصور مالقيتش ليكتور كارت كي نلقاه نحط الصور ​

 

[عشقي الامارات]

ibtissem yssa9ssi alik elkhir 7anouna
mer7ba bi om farou9
weliti???

 

[tasnim55]

ام دودو الروز يشهيييييييييي امممممم صبحانة الله طليتي على قلبي هذا وين كنت نهدر اعليه لشرين وجبتيلي صحن الروز ربي يكثر من امثالك حنونة بصحتكم ام دودو فعلا يشهيييي ومع هذاك الفلفل يما يما الله يبارك
ايمانو دائما متالقة باطباق تشهي الله يبرك بصحتكم حنونة
شرين يسلمو على الكلام الطيب مشاء الله والعزومة وصلت الله يهنيك ويفرحك على قد نيتك يا طيوبة
راجية العفو والله يوم المنى نشوفك حنونة وفوق الراس والعين واحسن بيتزا ما بين ايديك انتي تامري امر اختي الغالية
​

 

[tasnim55]

مساااء الخير عليكم لبنات صح غدااااكم كااامل
اسمهان البسكوي رولي جاك هيل
ايمان بصحتكم فطور يشهي مام أنا كنت حاسبة الفلفل مشري أعينا الوصفة
أم دودو و أم سيرا بصحتكم
تسنيم و أم منصف بصحتكم البيتزا كون ناكلها صباح و عشيا مانكرهاش
أنا البارح درت للعشا شورما بالخبز العربي وصفة أم ندى اليوم لغدا درت لي كاني لوني جيت نحط الصور مالقيتش ليكتور كارت كي نلقاه نحط الصور ​

مساء الانوار لالجيرواز وشراكي وبصحتك وش تغديتي بالهناء والبتزا ميش خصارة فيك يالغالية لمخيرة راهي ليك:re_gards:

 

[l'algeroise]

تسنيم الله يسلمك حنونة تعيشي ​

 

[ام سيرا]

ام سيرا بصحتك شربة لفريك والبوراك​

الله يسلمك حنونة

 

[ام سيرا]

أم سيرآ الله يبآرك عليك ختي ربي يحفظك
بصحتك وآش طيبتي والديول يعطيك الصحة
يبآنو هآيلين حطيهملنآ في موضوع من فضلك​

اوكي حنونة طلباتك اوامر

 

[tasnim55]

بسومة وينك راني نسنى في الرد من فضلك راكي على بالك منقدرش نبعثلك رسالة على الخاص :cra_zy:
​

 

[imane27]

لبنات هاهي وصفة فلفل مرقد هى ماشي لية تاع ياسمين وانا طبقتها
دري فلفل حار ولا حلو انا درتهم فى زوج قطعيه صغير ولا دريه فى روبو ودربي مرة او مرتين مع ثوم انا قطعت كلش وغمريه بوزيت زيتون وملح فلفل لكحل وكروية وغلقى عليه وخليه يترقد 4 ايام بعد 4 ايام ضفلو زيتون مقطع دوائر وخليه يومين يزيد يترقد وقدميه انا ستعملك زيتون فيه جزر مقطع صغير ياعنى مدوزن على هداك جا لونو احمر بالتوفيق

 

[ŚσÚмĨÁ.Ďz]

لبنات هاهي وصفة فلفل مرقد هى ماشي لية تاع ياسمين وانا طبقتها
دري فلفل حار ولا حلو انا درتهم فى زوج قطعيه صغير ولا دريه فى روبو ودربي مرة او مرتين مع ثوم انا قطعت كلش وغمريه بوزيت زيتون وملح فلفل لكحل وكروية وغلقى عليه وخليه يترقد 4 ايام بعد 4 ايام ضفلو زيتون مقطع دوائر وخليه يومين يزيد يترقد وقدميه انا ستعملك زيتون فيه جزر مقطع صغير ياعنى مدوزن على هداك جا لونو احمر بالتوفيق

اهآ طريقة رائعة الف شكر ليك على الرد اختى ويعطيك الصحة

 

[oumniati]

بصحتكم واش طيبتو كااااامل يا بنات شهيتوني في اللوبيا غدوة ان شاء الله نصبح عليها هههههه
اليوم مازال ما فكرت حتى حاجة راني غير نطلع ونهبط ما عرفتش واش نطيب

اهلا بيك سيتيفيان وحج مقبول لجداك
مريومة ربي معاك اختي

 

[imane27]

لبنات وراكم وراه عشاكم صح عشاكم

 

[l'algeroise]

SAHA 3CHEKOM KEMEL

HEDA MOUSKOUTCHOU

HEDI CHAWARMA TE3 OM NADA

HEDOU LEMHEJEB TE3 DIK NHAR LA PHOTO MAKHARJETCH MLIHA