طفولتك أيها العضو/ة اللماوي تحت عدساتنا(العدد19) sozy

[أم الأولاد]

بعد وضعنا فكرة جديدة هي



طفولتك أيها العضو/ة اللماوي تحت عدساتنا

​

نقوم بدعوة ضيفة جديدة معنا لمدة أسبوع وهي الأخت

sozy


والتي نضعها تحت عدستنا اللماوية للتعرف عالمها الطفولي البري ء

بعض الأسئلة :


-هل كنتِ مشاكسة أم هادئة أيام الطفولة ؟

-ماهي لعبتك المفضلة التي كنتي تلعبين بها ؟
-اسم أفضل صديقة لديكِ في الطفولة وهل مازلت معك ؟



أهلا وسهلا بك أختي الكريمة
نتمنى أن تعجبك الضيافة
والرجاء من بقية الأعضاء سؤال الضيفة وأن جلسة ممتعة



للتذكير

شهادة شرفية للضيف

​

​

أما العضو الاكثر تفاعلا يتم منحه وسام ​

​

الطفولة . . عالمٌ مُخمليّ ، مُزدانٌ بقلوبٍ كالدُرر ، وأرواحٌ باذِخة الطُهر.
​

 

[حروف تائهة]

رد: طفولتك أيها العضو/ة اللماوي تحت عدساتنا(العدد19) sozy

السلام عليكم
بارك الله فيكي اختي على الموضوع المميز
و شكرا لكي على الاستضافة
ان شاء الله نكون خفيفة عليكم
و سوزي الطفلة ستجاوب على أسئلتكم بكل صراحة​

 

[حروف تائهة]

رد: طفولتك أيها العضو/ة اللماوي تحت عدساتنا(العدد19) sozy

بعض الأسئلة :
تفضلي اختي

-هل كنتِ مشاكسة أم هادئة أيام الطفولة ؟

كنت مشاكسة هه بصح مش ياسر
لاني كنت نخاف نوقع في المشاكل​

-ماهي لعبتك المفضلة التي كنتي تلعبين بها ؟

حبيبتي الدمية كنت مدلتها يااسر :d​

-اسم أفضل صديقة لديكِ في الطفولة وهل مازلت معك ؟

صبرين ربي يحفظها كنا قراب ياسر لبعض
لا فرقتنا الايام لكن احيانا تجمعنا الصدف
شكرا على الاسئلة اللطيفة​

 

[السلطانة]

رد: طفولتك أيها العضو/ة اللماوي تحت عدساتنا(العدد19) sozy

اهلا وسهلا بكِ اختي سوزي نورتينا مع عالم طفولتكِ

تتفكري اول نهار رحتي تقراي فيه شكون وصلك ؟ وهل بكيتي ولا لا ههه ؟
اسم المعلم او المعلمة لي قريتي عندهم في الابتدائي ؟
اسم التلميذة لي قعدتي معاها في نفس المنضدة ؟
المادة لي كنتي تحبي تقرايها ؟
​

 

[Bouchra zarat]

رد: طفولتك أيها العضو/ة اللماوي تحت عدساتنا(العدد19) sozy

اهلا وسهلا بضيفتنا sozy
ان شاء الله تكوني بخير

هل كنت تاكلين داخل القسم????
ماهي العلامة ضعيفة التي أخذتها وفي اي مادة ??
من هو شخص اقرب اليك في حياتك ??

 

[حروف تائهة]

رد: طفولتك أيها العضو/ة اللماوي تحت عدساتنا(العدد19) sozy

اهلا وسهلا بكِ اختي سوزي نورتينا مع عالم طفولتكِ
أهلا بيك اختي ام ياسمين ربي يحفظك
تتفكري اول نهار رحتي تقراي فيه شكون وصلك ؟ وهل بكيتي ولا لا ههه ؟
ايه نتفكره كنت رايحة للروضة انا و بابا
هههه يا حسراااه قلبت الدنيا بالبكاء :d بصح مبعد كي شفت الحالة عجبتني ههه
اسم المعلم او المعلمة لي قريتي عندهم في الابتدائي ؟
في العربية قراني سيدي ابو بكر ربي يحفظه
و في الفرنسية ميسيو السعيد ربي يحفظه
اسم التلميذة لي قعدتي معاها في نفس المنضدة ؟
صاحبتي صبرين و كي بدلونا قعدت مع بنت عمي ريمة
المادة لي كنتي تحبي تقرايها ؟
العربية و الرياضيات كنت نحبهم ياسر
​

شكرا اختي على تواجدك
نورتيني
تحياتي :regards01:​

 

[السلطانة]

رد: طفولتك أيها العضو/ة اللماوي تحت عدساتنا(العدد19) sozy

-شخصية مرعبة كنتي تخافي منها ههه ؟
-موقف مضحك صرى في القسم بقى معلق في ذاكرتك لليوم ؟
-واش كنتي تحبي تدي معاك كلمجة ؟




​

 

[السلطانة]

رد: طفولتك أيها العضو/ة اللماوي تحت عدساتنا(العدد19) sozy

هل تتذكرين هذه الصور المتحركة ؟

​

 

[Bouchra zarat]

رد: طفولتك أيها العضو/ة اللماوي تحت عدساتنا(العدد19) sozy

ماهي افضل سنة دراسية التي مرت عليك

 

[حروف تائهة]

رد: طفولتك أيها العضو/ة اللماوي تحت عدساتنا(العدد19) sozy

اهلا وسهلا بضيفتنا sozy
ان شاء الله تكوني بخير
أهلا بيك اختي بشرى
الحمد لله .. سؤال عليك
هل كنت تاكلين داخل القسم????
ههه لا أبدا كنت نخاف يشوفني سيدي يقول للبابا ههه :d
ماهي العلامة ضعيفة التي أخذتها وفي اي مادة ??
أقل نقطة أذكرها كانت 6/10 في الفرنسية في الابتدائي
اما في المتوسطة كانت نقاطي في الاجتماعيات دائماا تحت العدل :down:
من هو شخص اقرب اليك في حياتك ??
أمي ربي يحفظها
و بنت عمي ريمة كي نا صغار

مشكورة اختي على تواجدك
نورتيني
تحياتي :regards01:​

 

[السلطانة]

رد: طفولتك أيها العضو/ة اللماوي تحت عدساتنا(العدد19) sozy

هل كنتي شاطرة في مادة التعبير الكتابي ؟
ماذا كنتي ترسمين في وقت فراغك ؟ هل احببتي الرسم ام لا ؟
مادة الرياضيات هل كنتي تفهمينها بسرعة ؟
مادة الفرنسية هل كنتِ تفهمينها ام نص نص ؟
موقف مضحك حصل مع معلمة مادة اللغة الفرنسية احكيلنا عنو ؟
​

 

[Bouchra zarat]

رد: طفولتك أيها العضو/ة اللماوي تحت عدساتنا(العدد19) sozy

شخصية كرتونية كنتي تحبينها

ما هي أجمل هدية تلقيتها في طفولتك

من كـان يدلعك

 

[حروف تائهة]

رد: طفولتك أيها العضو/ة اللماوي تحت عدساتنا(العدد19) sozy

-شخصية مرعبة كنتي تخافي منها ههه ؟
كنت نخاف من العجائز ههه وين نشوف عجوزة نبدل الطريق :d مانيش عارفة علاه ههه
-موقف مضحك صرى في القسم بقى معلق في ذاكرتك لليوم ؟
كان يوم جابو فيه الصورة الجماعية للقسم
سيدي طلع في الصورة مغمض عينيه
كامل لمناه علاه راقد وقت التصوير
مسكين عيا يفهم فينا بلي لحظة التصوير رمشة عينه
و حنا ماحبيناش نفهمو ههههه
-واش كنتي تحبي تدي معاك كلمجة ؟
كنت ندي الخبز و الفرماج و مرات البيض و الشينة :-r




​

شكرا اختي على الاسئلة اللطيفة​

 

[حروف تائهة]

رد: طفولتك أيها العضو/ة اللماوي تحت عدساتنا(العدد19) sozy

هل تتذكرين هذه الصور المتحركة ؟

في الغابة قالو من يسري في كل مكان ههه
ماوغلي فتى الادغال هههه و هذاك شيريخان الشرير

قوقل قالي بلي هذي مايا و رحلة الاحلام ههه
بصح نا ماتفكرتهاش :-r

هذا سمبا .... هل شاهدتم ذئبا في البراري يأكل أخاه ههههه :regards02:

​

..........

 

[حروف تائهة]

رد: طفولتك أيها العضو/ة اللماوي تحت عدساتنا(العدد19) sozy

ماهي افضل سنة دراسية التي مرت عليك

السنة السادسة ابتدائي
مع انو كل سنة و عندها مميزاتها :graduation:​

 

[Bouchra zarat]

رد: طفولتك أيها العضو/ة اللماوي تحت عدساتنا(العدد19) sozy

هل كنت غيورة من اخواتك
هل تتمنين ان تعودي طفلة
هل هربت من مدرسة وكم من مرة
هل غشيتي في امتحان

 

[حروف تائهة]

رد: طفولتك أيها العضو/ة اللماوي تحت عدساتنا(العدد19) sozy

هل كنتي شاطرة في مادة التعبير الكتابي ؟
لا ههه من طبعي منحبش اكتابة ياسر :smile02:
لكن أتذكر مرة كان تعبير على الثورة و الشهداء عبرت من قلبي ههه
سيدي عجبه التعبير و بقا غير يشكر و يعاود ههه حسيت روحي حاجة كبيرة :d
ماذا كنتي ترسمين في وقت فراغك ؟ هل احببتي الرسم ام لا ؟
كنت نحب الرسم و حصة الرسم
كنت نرسم المناظر الطبيعية و مرات نرسم عباد و بنات و نتفنن ههه
مادة الرياضيات هل كنتي تفهمينها بسرعة ؟
ايه كنت ماشاء الله عليا في الرياضيات :graduation: و الحمد لله
مادة الفرنسية هل كنتِ تفهمينها ام نص نص ؟
بصراحة الفرنسية كنت نكرهها كره شديد لاني ما كنتش نفهمها
لكن تو الحمد لله
موقف مضحك حصل مع معلمة مادة اللغة الفرنسية احكيلنا عنو ؟
في المتوسطة قرتني مدام في الفرنسية
كان يقرى معايا ولد عمي الشيكور هه كان مهبلها مسكينة
مي ربي يحفظها كانت تقري تاع الصح
​

...........

 

[يونس قاسم]

رد: طفولتك أيها العضو/ة اللماوي تحت عدساتنا(العدد19) sozy

اهلا زكية
واش هو اسم الدلع ؟
هل حقرتي واحد من كنت صغيرة ؟

 

[حروف تائهة]

رد: طفولتك أيها العضو/ة اللماوي تحت عدساتنا(العدد19) sozy

شخصية كرتونية كنتي تحبينها

ريمي و سالي و أكيرا تاع المقاتل النبيل :thumb_up02:
ما هي أجمل هدية تلقيتها في طفولتك
دبدوب أبيض صغيور يهبل ههه من عند أختي :love01:

من كـان يدلعك

تقريبا كامل كانو يدلعوني
ماماو بابا خوالي اعمامي ​

 

[زهرة اللمة]

رد: طفولتك أيها العضو/ة اللماوي تحت عدساتنا(العدد19) sozy

اوووووووه حبيبة قلبي زكيتي
مرحبا بيك
زكية كان شقية و لا حشيشة طالبة معيشة
موقف عرضتي فيه اهلك للاحراج
موقف حدث في طفولتك ادى الى تغيير مجرى حياتك
لي عودة حبيبة​