الجامعيات مايتزوجوش..

[أم أحمــــد يــسّ]

السلام عليكم
يعطيك الصحة حبيبتي أحلام والله موضوعك وحدو ههههه واصلا راكي هدرتي وجاوبتي في نفس الوقت
أولا قبل ما نجاوب على السؤال نقول أن الفتاة الجامعية كيفها كيف أي بنات، لي يقولك تخرج برا بزاف
كاين لي لا قراية لا خدمة وتخرج كل يوم ولي يقولك بنات الجامعة ماش متربيات التربية ماتدخل فيها لا
جامعية لا قاعدة في الدار الأخلاق وحدها، وكي نقول جامعية أكيد نقول جامعي لأنهم يشتاركو في نفس
المكان ونفس الظروف وأي حاجة تنطبق على المرأة تنطبق على الرجل، ثانيا لي يربط الفتاة الجامعية بالتسلط
وإلا حب العمل وتفرضو كشرط أثناء الزواج، نعرف بنات بزاااف ماش غير جامعيات يعني جامعيات وعاملات
وفي مناصب مليحة بزاف مايحلمش بيها أي انسان ولكن تفرط في خدمتها وتقولك نعيش حياتي الزوجية كما هي
بينما والله كاين لي داها لا جامعية ولا عاملة وبعد الزواج ولات تخدم وطلقت راجلها، على هادي ماش كلشي ينطبق
على الجامعية ولا على الماكثة، وأنا وحدة من الناس جامعية ولو يكتبلي ربي نخدم حتى ولو منصب مليح ونتزوج
نسبق الأمومة والحياة الزوجية على العمل، أولا لأني ماقريتش من الأساس على جال العمل قريت باه نكون انسانة
مثقفة، وثانيا لو نقولو بلي صح قريت باه نخدم فهذا رايح يكون على جال والديا وماش لنفسي القراية لي قريتها
من أجل العمل هي لوالديا وفقط، نوليو للسؤااااال ههههه
أنا جامعي ولا ماش جامعي المهم انسان مثقف والمثقف ماش بشهادتو بل بعقلو وأخلاقو المهم يخدم خدمة شريفة
يعني الصح في الشخص نفسو وماش في شهادتو، اما خدمتي راني جاوبت تقريبا عليها انا حابة نشبع من وليداتي
يعني لو حتى ربع ساعة نقضيها في العمل وبعيدة على وليداتي تعتبر خسارة ليا وكل كنوز الدنيا ماتعوضنيش عليها
اذا زوجي ظروفو صعبة ومحتاجني نعاونو نوقف معاه ونخدم لكن اذا مكفي روحو عندي مهمة أكثر اهمية وهي
تربية اطفالي
حسب الشوفة راني جاوبت على السؤالين ههههه
شكرا مجددا حبيبتي احلام على الموضوع
تحياتي​

اهلا صغيرتي ..
موضوعي وحدو لانو عندكم احلام وحدة مش زوج هههه ( متواضعة والله)..
هههه راني حاساتك حابة تشعلي في الرد وجاتك حشومة مني أيا اهدري براحتك ..وهذاك المغناطيس اللي شاداتو نتاع واش قلتلوا على الجامعية تقولو على الجامعي شباب علابالك بصح يقولولك لالا المجتمع الشرقي عينو على البنت مش الولد ( ذكورة موسوسة )..
( جماعة قالتلكم بنتي مش شارطة الخدمة ومش شرط جامعي اقرا زوج كتب ثلاثة وبالضبط روايااات المهم مثقف ياااعيني ... هااااراهي بنتي الشابة ههه)..
ربي يهنيك ويرزقك على حساب طيبة قلبك حبيبتي ..
شكرا لعطرك الدائم ..:Love:
...

 

[أم أحمــــد يــسّ]

هههههههه درتيلنا صورة تذكارية ولالا هههه​

هههههه لازم ..مي خسارة درتهالك في قصتك قبل البارح وماخرجتش شابة ...

 

[أم أحمــــد يــسّ]

اهلا ڨمرونة

ههههههه يا اختي جبدتولنا موضوع الجامعيات وووو

قالك لا ظرافة لا ..... منكملش خير واش بيهم الناس تاع دوك جامعية واش معنتها تقرى ولا تتعرى ؟؟ اللي ماش متربي ماشي شرط جامعي باش نظلواا نحكوا ونقطعوا فغيرنا خاطر رهجونا بالجامعيات هم وسخ الدنيا ارتقوا شوية ، اللي مثقف صح والله ما يحكي هكا ويقول الجامعيات ما يتزوجوش و مش متربيين يااو التربية متحطتش عندكم برك يعني اللي ما قراتش ملاك و اللي قارية رجعوها طيما ابليس رسموا صورة زينة للناس باش غدوا ان شاء الله متربحوش ذنوب على ظهركم و تخسروا اخرتكم على جحال كلمة ، وهذو الجامعيات رباوهم والدينا ووالديهم مالا ميزوا فواش راهم قاعدين يهدروا

يا اختي ڨمرونة اي مجاتش فالجامعيات ولا ام الناس والمجتمع وراء المرى اللي تقرى يسبوها و يقولو فيها واللي تخدم هااا عيييب و اللي تخرج هاااااا حرااام شغل متبعين غير فالنساء هوما اللي فسدوا الدنيا هذي عاامة خاطر الموضوع عميق بزااف واش نقولوا رانا ماكثات بالبيت هههههههه

بالنسبة لسؤالك تاع تديه جامعي ولا مش جامعي ههههه جامعي يا اختي لازم يكون يخمم ماشي مزالوا تاع الهوى مي صراحة أنا ماني نخمم فالزواج ماعندي مواصفات الرجل و لا شروط هههههه ، والخدمة كي نكون محتاجة اكيد نخدم فزماننا لا خوك يمدلك لا والوا و الوالدين كي يكونو عاجزين لازم تخدم انا وحدة ناس تغيضني نشوف بابا مخنوق و شهريتو متكفيش ونطلبوا فحاجة منقدرش قلبي يخرج معاه سيرتو كمي تسمعوا بالصدفة يشكي للوالدة هنا منستعرفش بهدرة حتى واحد و نظرة الناس ليا متهمنيش كي نظطر نخدم و نحفى وواحد ما يسال لواحد حنا يظلوا يعسوا و يتفلسفوا وهم عارة الناس ،، و كي يظطروا يفهموا واش معنتها المرى كي تخدم ماشي حابة ولا كما فاهمينها الاغلبية بالنقص يظلوا يعايروا فالناس
شوفي ڨمرونة شعلتيني ههههخخخخههه
تسلمي على الموضوع الجميل

ههههههه هاهي وحدة من اللي قلت عليهم سريعي الالتهاب خخخخ
يابنتي ياك ماكانش حذاك كانش حاجة زجاج ؟؟ كسري كلش الا الميكرو والبورتابل نحتاجو تكملينا القصة ( مزال مابانش لقمر ههه)..
فهموني في حاجة قريتو الجزء الأول وشعلتو وعلاه واحد ماعلق على الجزئيين الآخرين ؟؟؟
ها قلنا نقاش وقريب يولي فيها كلاش خخخ..
انتي بالذات اسكتي لان الموضوع ساخر يعالج قضية ما وهذا هو لونك المفضل ولا بطلتي ؟؟
بالمناسبة الموضوع كتبتو انا وتخيلت النقاش برك من الواقع
يعني كلامك راهو ليا بالدرجة الأولى ..
وماناش نسبوا ولا نجرّحوا رانا نعالج قضية ورأي للشباب ونظرته للمجتمع وقضية العمل والزواج واختياره لماذا؟؟
وتعلمين انني جامعية وعاملة ..
تسلميلي على المرور ( الملتهب )
ربي يهنيك ويسعدك طمطوم...

 

[أم أحمــــد يــسّ]

نشوف فيها كيف كيف كي لجامعيه كي لماهيش جامعيه والرسمي ماهوش في لمستوى الرسمي في طبيعة لمرا وفي الاخلاق والعقلية
وكل واحد كيفاش يحب يجيبها

عندك الحق اخي دحمان تبقى قضية اختيار وعقليات ..
ربي يهنيك ويسعد الجميع

 

[أم أحمــــد يــسّ]

انا اللي قلت لا ظرافة لا والو بيسك راني نقرى حاليا في الجامعة وقلت الغالبية يعني كاينين فتيات لاباس بيهم هذا مكان ​

لا اخي في الموضوع مكتوبة الجملة أساسا "
درتونا كرة لا ظرافة ولا لطافة لا روح مسؤولية.."..هذا جواب البنت
ويبقى الموضوع مجرد نقاش هزلي
شكرا لكم جميعا..

 

[أم أحمــــد يــسّ]

السلام عليكم

للأسف مستوى الجامعين اليوم لا يرقى أن نصنفهم في قسم المثقفين لعل نصنفهم كحاملي الشهادات إلا من رحم ربي

الجانب الذي يخيف الشباب من الجامعيات ليس من ناحية المستوى التعليمي بل من الناحية الأخلاقية ربما في كل مائة

فتاة تجد ثلاثة يصلحون يعني من هي التي لا تملك خليل اليوم إلا نادرا أما الإنحطاط فمشتركين فيه سواء كانت الفتاة

جامعية أو غير جامعية هذا هو واقعنا المر و من جهة أخرى الأكثرية منهم يتحججون دائما بإكمال الدراسة وبعد

الدراسة يتحججون بالعمل إلى أن يكبرون في السن و تضاف أسماؤهم إلى قائمة العوانس

شخصيا ابتعدت عن فكرة الزواج بجامعية إلى أجل مسمى يكفي ان تكون الفتاة لديها مستوى تستطيع تدريس الأبناء وهذا

المهم بالنسبة لي ، ;وبكل صراحة كنت أفضل ان آخذ فتاة جبلية ترعى المعز و الأبقار حتى النت لا تعرفه لكن يبدوا أن الفتاة

الجاهلة تعاني أيضا من سوء الأخلاق أصبح لا هذا و لا ذاك يرضيني حتى النية لم تبقى فالخبث يتربص بهذا الجيل من كل النواحي

حالنا يدعي للقلق فقط متمسكين بالقشة أو بصيص أمل كي لاننفر من شيء اسمه زواج .

تسلمي​

السلام عليكم..
أتعلم صدمتني حالك حال أخي للأسف هذا ماقلت عنه سابقا خلخلة في مشاعر وافكار شبابنا والمتسبب الأكبر واقع مرّ بعقليات اكثر مرارة..
انا معك في ان الشهادة لا تعني الثقافة وان اردنا ان نبدأ فسنبدأ من الباكالوريا فلم تعد كسابقاتها وبهيبتها وصار كل من هب ودب يأخذها ومن ثمّة ينتقل السقم للجامعة..
لا عليكم اخي الفاضل ستجد طلبك فتكفي النية الصادقة و" الطيبون للطيبات" ..فلكلِ شخص نصفه في مكان ما وسيجده في وقته ...
اسعدك الله دوماً..
تحياتي

 

[الصحافية الساخرة]

ههههههه هاهي وحدة من اللي قلت عليهم سريعي الالتهاب خخخخ
يابنتي ياك ماكانش حذاك كانش حاجة زجاج ؟؟ كسري كلش الا الميكرو والبورتابل نحتاجو تكملينا القصة ( مزال مابانش لقمر ههه)..
فهموني في حاجة قريتو الجزء الأول وشعلتو وعلاه واحد ماعلق على الجزئيين الآخرين ؟؟؟
ها قلنا نقاش وقريب يولي فيها كلاش خخخ..
انتي بالذات اسكتي لان الموضوع ساخر يعالج قضية ما وهذا هو لونك المفضل ولا بطلتي ؟؟
بالمناسبة الموضوع كتبتو انا وتخيلت النقاش برك من الواقع
يعني كلامك راهو ليا بالدرجة الأولى ..
وماناش نسبوا ولا نجرّحوا رانا نعالج قضية ورأي للشباب ونظرته للمجتمع وقضية العمل والزواج واختياره لماذا؟؟
وتعلمين انني جامعية وعاملة ..
تسلميلي على المرور ( الملتهب )
ربي يهنيك ويسعدك طمطوم...

ههههخخخههه ڨمرووونة واش بيك بلاك راكي تحسيني اشتعلت هههه مي ماشي لدرجة نكسر بورتابل ولا نعيط اواااه برك عطيت رايي خاطر هذا موضوع بزااف يفوت عليا نكونو قاعدين فالدار ولا مع البنات ويتجبد موضوع هذا وكل واحد يجبد من عندوا و يتفلسف ههههن
هاا وانتم نردو ميعجبكمش الحال منردش ميعجبكمش تان هههههه ما التهبتش متخافيش موضوع هذا فات عليا بزاف والتهبت فيه زمااان شوي هههه
تسلمي

 

[الصحافية الساخرة]

انا اللي قلت لا ظرافة لا والو بيسك راني نقرى حاليا في الجامعة وقلت الغالبية يعني كاينين فتيات لاباس بيهم هذا مكان ​

ههههه توسيييس خويا بلاك لوكان تعاود تشارشي هنا تلقى بلي ماش غير انت قلتها !!!

 

[أم أحمــــد يــسّ]

ههههخخخههه ڨمرووونة واش بيك بلاك راكي تحسيني اشتعلت هههه مي ماشي لدرجة نكسر بورتابل ولا نعيط اواااه برك عطيت رايي خاطر هذا موضوع بزااف يفوت عليا نكونو قاعدين فالدار ولا مع البنات ويتجبد موضوع هذا وكل واحد يجبد من عندوا و يتفلسف ههههن
هاا وانتم نردو ميعجبكمش الحال منردش ميعجبكمش تان هههههه ما التهبتش متخافيش موضوع هذا فات عليا بزاف والتهبت فيه زمااان شوي هههه
تسلمي

ههههههه مهبولة طمطومة صح
ايه ماترديش نقولو سامطة وتردي نقولو طمطمتيها خخخخ
لالا نتوقع الإلتهاب مع الموضوع عاظي باسكو راكي جامعية ههههه
تسلمي ..

 

[Hakan]

ههههه توسيييس خويا بلاك لوكان تعاود تشارشي هنا تلقى بلي ماش غير انت قلتها !!!

​

 

[ندى الشاوية]

والله قستيلي الجرح
انا شخصيا دايمن يمر عليا هذ الموضوع واحد يقلك مانديهاش جامعيه ولوخر يقلك نديها جامعيه والطفله ادير حس وماتبع راي حتى واحد
نبدالك من اللول انا نقرى فالجامعه حاليا
بالنسبه ليا اصل الطفله هو لي يحكم فيها وتربيه والديها .... كاين قداه من وحده حابسينها بين اربع حيطان ومدايره العجب المعجب
ثانيا ماش كل جامعي مثقف وهذي حاجه ناكدهالك ...... تلقايه جامعي ولا جامعيه وبكثير مثقف فدومانو هذا اذا كان مليح ... وكاينين لي واصلين غير بالدز والحفاظه وشوي كوبياج
الخدمه انا نشوفهاحريه للمراه وهذا يبقى راي الشخصي تاعي متاكده انو انا شخصيا حابه نخدم باه نفرح والديا بصح اذا زوجت ولقيت روحي مانيش قادره نوفقبين داري وخدمتي وزيد اذا راجلي رح يكون مدخولو كافينا انا واش دارهالي نتعب روحي
بصح ناكدلك انو اذا ماخدمتش رح يكون قراري ماش مسيفه عليا
واخيرا نحب راجلي جامعي ولا لالا
كيما قتلك من قبل ماش كل جامعي مثقف
وانا حابتومثقف .... من الاحسن جامعي ومثقف ومدين يخاف فيا ربي وزيد يدعمني
المهم كون نكمل نحكي ماش رح نحبس
تقبلو مروري​

 

[أم أحمــــد يــسّ]

والله قستيلي الجرح
انا شخصيا دايمن يمر عليا هذ الموضوع واحد يقلك مانديهاش جامعيه ولوخر يقلك نديها جامعيه والطفله ادير حس وماتبع راي حتى واحد
نبدالك من اللول انا نقرى فالجامعه حاليا
بالنسبه ليا اصل الطفله هو لي يحكم فيها وتربيه والديها .... كاين قداه من وحده حابسينها بين اربع حيطان ومدايره العجب المعجب
ثانيا ماش كل جامعي مثقف وهذي حاجه ناكدهالك ...... تلقايه جامعي ولا جامعيه وبكثير مثقف فدومانو هذا اذا كان مليح ... وكاينين لي واصلين غير بالدز والحفاظه وشوي كوبياج
الخدمه انا نشوفهاحريه للمراه وهذا يبقى راي الشخصي تاعي متاكده انو انا شخصيا حابه نخدم باه نفرح والديا بصح اذا زوجت ولقيت روحي مانيش قادره نوفقبين داري وخدمتي وزيد اذا راجلي رح يكون مدخولو كافينا انا واش دارهالي نتعب روحي
بصح ناكدلك انو اذا ماخدمتش رح يكون قراري ماش مسيفه عليا
واخيرا نحب راجلي جامعي ولا لالا
كيما قتلك من قبل ماش كل جامعي مثقف
وانا حابتومثقف .... من الاحسن جامعي ومثقف ومدين يخاف فيا ربي وزيد يدعمني
المهم كون نكمل نحكي ماش رح نحبس
تقبلو مروري​

اهلا عزيزتي مرحبا بك وبفضفضتك الأنيقة..
كلامك كلو واقع وتبقى التربية هي الصح يعني ( ربي بنتك واطلق..)
وتبقى قضية عقليات ومكاتيب..
ربي يهنيك ويرزقك بزوج صالح ان شاء الله..
مرحبا بمشاركتك وشكرا لطيب فضفضتك..

 

[GI Joe]

kayen chii bnet na9sso b 9imetna eey 3raft que mm li mahomch residentes f la cité w yroho ydoro a 200km 3la dar w traweh 3la L 5 zaama ta3bana men les td ,, koun djit radjel w nchouf bzef hakda sah sah nef9ed l amal fel djinss hada kamel !! mais heuresement kayen w kayen w kayen mm li ma9ratech w mateslohch l dar donc mich ma9ass maais bon
ana lia mich affaire djami3i, kima ygolo ykoun fahem w alah la 9raa, w jaamais la net9abel yetkaber 3liya wahed b 9rayto w khademto donc ana mandirhech l ness
w l khadma tkoun la kona na9ssin f chhar wala 3andna projet bayen sinon ana li nechrot manakhdemch hh
​

 

[أم أحمــــد يــسّ]

kayen chii bnet na9sso b 9imetna eey 3raft que mm li mahomch residentes f la cité w yroho ydoro a 200km 3la dar w traweh 3la L 5 zaama ta3bana men les td ,, koun djit radjel w nchouf bzef hakda sah sah nef9ed l amal fel djinss hada kamel !! mais heuresement kayen w kayen w kayen mm li ma9ratech w mateslohch l dar donc mich ma9ass maais bon
ana lia mich affaire djami3i, kima ygolo ykoun fahem w alah la 9raa, w jaamais la net9abel yetkaber 3liya wahed b 9rayto w khademto donc ana mandirhech l ness
w l khadma tkoun la kona na9ssin f chhar wala 3andna projet bayen sinon ana li nechrot manakhdemch hh
​

اهلا الزينة...
شكرا على مرورك العطر ..الله يزيّن أيامك يارب..
صحيتي ..الدنيا فيها وفيها بصح كل واحد وتربيتو وعقليتوا..
مشكلة الثقة صعيبة مع هذيك الشريحة اللي مش مليحة ، لكن كل واحد يمثل نفسو واصلوا..
جيبوا فاهم ولا يجعلوا باش قرا..هذي هي ، القراية مش كلش كيما قلتي ..
أيا ربي يهنيك ويرزقك ماتتمني خيتي..
تسلمي ...

 

[بنت سطيف]

السلام عليكم حبيبتي قمر الوادي

أنا كي سمعت واش دارت لعبة الحوت الأزرق ، عرفت وين راه المشكل تاعنا
قاع هاد الشي ومبعد تلقاي الجزايري يقولك مانديهاش قارية ومانديهاش تعرف التكنولوجيا والأنترنت والفيس بوك....الفتاة لي نتزوجها نجيبها من الجبل ولا الريف لازم تكون قطة مغمضة ماتعرف والو
أيا وارواحي انت وافهمي، الأجيال كيفاه راح تتوعى وتتربى اذا كانت الأم جاهلة وغير واعية!!!!
وزيد برايي الشاب اللي يتوسوس من البنت اللي تعرف الأنترنت والتكنولوجيا وآخذ عليهم نظرة سيئة نعرف بلي هو مخلط بزاف في هداك الدومان وعلى هكا يعتقد بلي كامل الناس خاينة .

ملخص الأمر:
((الخيانة الزوجية نادرة، واذا كانت تبدو لك مألوفة ومنتشرة، فذلك لأن الروائح الكريهة من صفاتها أنها تفوح وتنتشر ويكثر حولها الكلام.
أما الزواج الناجح والعلاقات السوية والبيوت الشريفة فلا يسمع عنها أحد ولا يتكلم عنها أحد)).مصطفى محمود

 

[السلطانة]

وعليكم السلام ورحمة الله وبركاته
ياموسوستهم يامعذبتهم هههه :p:p:p:p:p
حتى تفكرت خالي دونتيست
كي كان يقرا في الجامعة يقولنا مستحيل نديها جامعية
ايا شوي اداها دونتيست كيفو بعد ونسا واش كان يقول على الجامعيات
دوك كاين جامعية من جامعية
انا شفت جامعيات متربيات ومتخلقات قراو وحكمو سابعهم وشفت جامعيات خارجات على الطريق
ولي يخطبهم يتوسوس منهم :X3::X3::X3::X3::X3::X3::X3::X3::X3::X3::X3::X3:
يعني الواحد يدعي ربي يطيحو في بنت الحلال وخلاص

 

[أم أحمــــد يــسّ]

السلام عليكم حبيبتي قمر الوادي

أنا كي سمعت واش دارت لعبة الحوت الأزرق ، عرفت وين راه المشكل تاعنا
قاع هاد الشي ومبعد تلقاي الجزايري يقولك مانديهاش قارية ومانديهاش تعرف التكنولوجيا والأنترنت والفيس بوك....الفتاة لي نتزوجها نجيبها من الجبل ولا الريف لازم تكون قطة مغمضة ماتعرف والو
أيا وارواحي انت وافهمي، الأجيال كيفاه راح تتوعى وتتربى اذا كانت الأم جاهلة وغير واعية!!!!
وزيد برايي الشاب اللي يتوسوس من البنت اللي تعرف الأنترنت والتكنولوجيا وآخذ عليهم نظرة سيئة نعرف بلي هو مخلط بزاف في هداك الدومان وعلى هكا يعتقد بلي كامل الناس خاينة .

ملخص الأمر:
((الخيانة الزوجية نادرة، واذا كانت تبدو لك مألوفة ومنتشرة، فذلك لأن الروائح الكريهة من صفاتها أنها تفوح وتنتشر ويكثر حولها الكلام.
أما الزواج الناجح والعلاقات السوية والبيوت الشريفة فلا يسمع عنها أحد ولا يتكلم عنها أحد)).مصطفى محمود

اهلا عزيزتي....
( حاولت نراسلك ولكن....مغلق هههه)
وعلاه بقات القطة المغمضة في زماننا؟؟؟
تجي مغمضة وتخبش من اول يوم ..
نرجع لرائعة شوقي( الأمّ مدرسة اذا اعددتها اعددت شعبا طيب الاعراق)
ولا يجيبها جاهلة وتزيد تنشر الظلام من حولها...ياو زماننا ولاو في زوج متعلمين وهاتهم يحققو حاجة مع همّ لجيال هذو..
وكيما قلتي لموسوس هو اللي شاف كلش وبخبثو خلى فكرة الخبث للجنس الآخر حجة ليه..
ربي يهدينا جميعا...
شكرا لمرورك الطيب

 

[أم أحمــــد يــسّ]

وعليكم السلام ورحمة الله وبركاته
ياموسوستهم يامعذبتهم هههه :p:p:p:p:p
حتى تفكرت خالي دونتيست
كي كان يقرا في الجامعة يقولنا مستحيل نديها جامعية
ايا شوي اداها دونتيست كيفو بعد ونسا واش كان يقول على الجامعيات
دوك كاين جامعية من جامعية
انا شفت جامعيات متربيات ومتخلقات قراو وحكمو سابعهم وشفت جامعيات خارجات على الطريق
ولي يخطبهم يتوسوس منهم :X3::X3::X3::X3::X3::X3::X3::X3::X3::X3::X3::X3:
يعني الواحد يدعي ربي يطيحو في بنت الحلال وخلاص

هههههه خدمتي هذيك...ايا هذا خالك ربي يحفظو كون فكرتوه في كلامو وشوفو الرد( هااااا كلش بالمكتوب يابنت أخيتي ههه)
اكيد ربي خلق وفرق واصابع اليد مش كيف كيف ...ندعو ربي يهدينا ويهدي خاوتنا للطريق الصالحة...
ميرسي على المرور الباسِم...

 

[بنت سطيف]

اهلا عزيزتي....
( حاولت نراسلك ولكن....مغلق هههه)
وعلاه بقات القطة المغمضة في زماننا؟؟؟
تجي مغمضة وتخبش من اول يوم ..
نرجع لرائعة شوقي( الأمّ مدرسة اذا اعددتها اعددت شعبا طيب الاعراق)
ولا يجيبها جاهلة وتزيد تنشر الظلام من حولها...ياو زماننا ولاو في زوج متعلمين وهاتهم يحققو حاجة مع همّ لجيال هذو..
وكيما قلتي لموسوس هو اللي شاف كلش وبخبثو خلى فكرة الخبث للجنس الآخر حجة ليه..
ربي يهدينا جميعا...
شكرا لمرورك الطيب

دام حرفك الأنيق أيتها المتميزة
مراسلتك لي شرف كبير حبيبتي
سأنظر ربما مشكلة بإعدادات الخصوصية وأقوم بالتعديل باذن الله

 

[أم أحمــــد يــسّ]

دام حرفك الأنيق أيتها المتميزة
مراسلتك لي شرف كبير حبيبتي
سأنظر ربما مشكلة بإعدادات الخصوصية وأقوم بالتعديل باذن الله

سلمتِ عزيزتي..
الشرف لي..
ان شاء الله