Recent content by دزيري

هييه يا دينا نعقل روحي ملي كنت نقول لبابا راه ضربني استاذ ولا يجي جارنا يشكي لبابا يقولو وليدك راه ضرب بني يوقع فيها كثر من wwe على مباشر ههههههه نشبعها خاباطي قدامو و درك تقلبت اية

ههههه معليش مممم انا نشوف افضل استثمار في جزائر هو ماكلة اي حاجة تخص ماكلة تمشي في جزائر فرماج قاضو حجر شجر المهم اي حاجة عندها علاقة بالاكل تصلح في دزايير

ياو ولله كون جات بنتي غي نفلي على لي جا يخطبها بيت بيت زنقة زنقة و نحمر فيه عليه لا يغلط ولا يحسب روحو في قهوة موح اشرب وروح ههههههه لخاطر طفلة مين يبطل لي خطبها واعرة و تعرفو مجتمع لسانو اطول من برج خليفة سيرتو اذا كانت عاقلة هههههه يوليو يدرو استوديو تحليل خاص بيها مهم نصح بنات ما يتهوروش...

وزيد ثاني مشكل في دولة و ثفة تجي تفتح حاجة يكرهوك روح منا ارواح هنا روح لهيك ههههههه و ثقة تع خدامة لي تخدمهم عنك بلا مانحكيو على سابوطاج من لافامي ولا غيرهم يكون عندك منتوج يخلوه و يروحو يشرو وحدوخر غير باه مايخليوكش تطلع عليهم هههههههههه و كاين لي يقولك يلعن بوها دراهم و موفيسو نروح...

اولا راس مال باه تستثمر لازم يكون لاباس بيه و بزيادة لازم تكون عندك معرفة على معاملات و تسير الخ لخاطر راه واعرة تفتح شركة ثالث شيء لازم تعرف وش ينقص ويلايتك مثلا من جميع نواحي مثلا ينقصها ملبنة ولا مصنع تع قاطو هخههه الخ الخ

الله غالب مظاهر خداعة ياما بنات حسبناهم ملتزمات و هوما تحت سواهي دواهي وياما بنات متبرجات سيفيليزي و تلقايها حاكمة بلاصتها خاطيها تخلاط الخ الخ

لالا راكي غالطة في بزاف صوالح نهار نروح نسقسي على طفلة مانسقسيش لي جا في طريقي وخلاص ثانيا انا طفلة تهدر مثلا مع لي يقراو معاها في كلاستها ولا في حومتها هدرة عادي نورمال مشكل ماهوش هنا مشكل في طفل لي تمشي و ممكن انتي مامشيتيش عنهاش تحكي هاك لخاطر صحابي شفتهم كيفاه يديرو ياو ماشي...

ولله ما فهمنا دوك لازم واحد يدبر فيها وحدة بنت حلال و هي مازالها في ليسي قبل ما يطيرو بيها ههههه و لا يدخلوها في دومين هذا

الحمد لله فاتح علينا ربي انا مادابية بنت تكون شابة متربية و ما تكونش مشات ولا خلاطة وو اذا تطلب مهر 100 مليون درك حنا ماناش نحوسو على دراهم صح راه في بنت

سلام عليكم انا سجلت على جال هذا موضوع مهم كاين بنات يقولك دراري كامل مشاو ياو هذي مكاش منها قع انا واحد جامي مشيت صح عجبوني بنات كنت حاب نمشي معاهم مبصح ماحبيتش لخاطر علابالي راح تكون سبة مبعد كي يولو يسولو عليها و يوقولو بلي مشات الخ الخ المهم مانيش انا وحدي برك لي مامشيتش كاين بزاف...