سفود الاصحاب

[Abdou...]

واش تشفى صاحبي 16 سنة مع السفود، ما عندي مانحكي قالت اللحمة وينك يا الكبدة اللي بلا صاحب ڨعدتي بخوك الشحم جابدة أرواحي نحكي ليك على صاحبي الطماطم ... مازال ما عاداني واللي نطق بيا شبعان غير تفكر الاصحاب ملمومين في سفود ...
طماطيشا لحمة طماطيشة لحمة وعندي ڨعدة مع الفلفل البارد والبصل .

 

[إلياس]

غير مفهوم

 

[أبو خديجة]

مافهمت والو

 

[نجـود]

كلام شاعري وقصة حب حزينة داخل سفود

وكأنه حديث عن تفرق الأصحاب وتباعدهم..
بعبارة أخرى: كي تروح اللمة تروح البنة.

شكرا لخيالك..

 

[الامين محمد]

ياتل انا ما فهمت والو
بأي لغة تتحدثون يا قوم هل هناك من يطرجم لنا هههههه

 

[أبو خديجة]

ياتل انا ما فهمت والو
بأي لغة تتحدثون يا قوم هل هناك من يطرجم لنا هههههه

 

[فريد أبو فيصل]

السفود هو الشواء
وهذا يتحدث على مطرق شواء فيه كبدة ولحم وطماطيش وبصل...
وكأنو رثاء على اللمة والصحبة والجماعة

 

[ابن المليون]

يا عبدو ماشي سفود اللي تهدر عليه هذا محراب يتعلق فيه الجوع كيما تتعلق الروح بين نار ونور ستاش عام وانت تقلب في اللحم
بصح الحقيقة راك تقلب في سر الصبر وتطيب في نية ما تتحكاش اللحمة نادت للكبدة قالت وينك يا أختي في الشهوة والشحم ضحك
وقال أنا الشاهد اللي يذوب باش غيري يشبع حتى الطماطم يا صاحبي ما بقاتش خضرة ولات دمعة حمراء في صحن اللمة نقعدو
ناكلو بصح اللي يتشبع هو القلب كي يلقى صحابو مجموعين على نار وحدة السفود يدور والدنيا تدور معاه
وكل واحد فينا يتشوى بشوية حتى يولي طعمو ذكرى
ربي يدومها قعدة ماشي قعدة طياب قعدة روح تلقى روحها في وسط الدخان

شكرا لك يا عبدو

أقمت لنا مجلسا من وهج وذكر حيث تصير اللقمة معنى والرفقة مقاما والنار بابا إلى دفء لا يرى
فمبارك هذا الجمع الذي يشبع الروح قبل الجسد ويترك في القلب أثرا لا ينطفئ
دام لك هذا النور ودامت لك صحبة إذا حضرت حضر المعنى​