منتدى اللمة الجزائرية

اخطيك علاش تكسري فراسك ..

يا ودي نكون نورمال حتى يجيني هذاك الصوت في راسي تع هيا بنا إلى الموندياال تحكمني ديبريسيون كحلة خخخ نشالله فيها خير ياربي

علاه واش كاين ؟

دخلت لموقع الفاف قالوا يناقشوا برك ،كشما تكون عقوبات برك أما الماتش فمستحيل يتعاود مادام القرعة صاي بيسك اذا عاودوه مصداقية الفيفا تروح ويديرو بلبلة على الكاف .

@"viola" زعما قالك نحاو نتيجة تع دزاير و الكاميرون .. كون تغرقي فهاد المواضيع متخرجيش تبقي من فيديو لفيديو وهي مدام مكانش حاجة رسمية تع صح ماتأمنيش باسكو كل واحد يغني وحدو.. عيشي حياتك وكي تظهر اي نتيجة رسمية اي توصلك متخافيش

لالا رسمي قالو مناقشة بصح مدولنا أمل
حكيم شكون قالك راني نستنى يتعاود انا راني طامعة ينحو الكاميرون و يطلعونا حنا خخخخ تخيل بن عيادة يقطع هجنة خطيرة لنيمار والله راه لضرك تحرق في قلبي منعرف كون يخرجو أدلة تع الصح باللي كاين رشوة و ميديرو والو ثان الفيفا تروح مصداقيتها لالا !

شدي في ذاك الخيط ما فيهاش ، بن عيادة و الكبار دخلو في حيط اذا صحتلهم كاس افريقيا العام الجاي في كوت ديفوار راهم هايلين ، راحتلنا فرصة وروحوها بيديهم زوج دقايق ما صبرولهمش

زيد كمل عليا زيد كون نروحو تخلصلي الفيزا اشهدوا يا أهل اللمة ديستيناسيو استاد الخيمة و سوق واقف فالغيبية

ههههه ديجا فكرتيني التيكيات تباعو لازم نشرروهم من عند جماهير الكاميرون خخخخخ ناس ريزارفات للماتشات وخيرت المقاعد وحنا يحوسو يعاودو ماتش هههه

نورمال هذوك يبرزولك بفريجيدار عادي نروحو برك انا راه عندي أمل تع مهابل علابالي مفيهاش بصح الأمل محبش يروح