منتدى اللمة الجزائرية

شا درتي

زيدو سقسو

سقسيناك غير باش منخلوهاش في قلبك
بصح اذا باغية تسيي كيدك فينا شوفي جهة اخرى

انا نعرف الكيدي تاع بابجي برك

ما نحكيش بطلت خخخ حكيم باينة تع كيدهم عظيم نتا اصلا متأمنش بقدراتي

هاو ضركي تخليهالي في قلبي انطقي بحكايتك

متأكد أنك مهبولة هههههه خبرينا واش عملتي

خخخخ صحا
لبارح درت دي سوندويتش تع ليزابا و قعدنا ناكلو خويا مشافش كان منهيه راحت ليه ختي قاتلو شريلنا قازوز و كانت لڨايلة سخاانة محبش يروح قلها سخانة ايا انا السوپر وومن رحت ليه ديتلو سوندويتش قتلو ناخيتك روح شري و نمدلك حقي شحال فرح يحسب روحو دار لافار قعد يتقلش تمديهلي قع

قتلو معليش روح برك راح فذيك السخانة و خيرها بااردة كي جا قتلو نحوس نعترفلك بحاجة قالي وشني قتلو هذاك اصلا سوندويتش تاعك حقك مش تاعي ياخاوتي والله مني نزيد عليكم بحرف ق جاتو الدمعة قالي حسيت روحي الحمار الطموح رحت نجري فالڨايلة

يااااااااااااامجرمة قبشتي مشاعره مسكيييين ههههههههههههه

جامي شفت خويا رح يبكي كيما البارح

يخي ما اسموش حكيم برك

مالا راكي عاد جديدة في الدومان
انا خويا موالف نقوله روح تشري ونخلصك وكي يجي نعطيه دراهم لي ابي مدهملي وقالي عطيهم لخوك، من لحيته ونبخرله
كل مرة نعاودهاله ويطيح في نفس الفخ مسكين

لالا محمود مخلوق راه لضك مقنوط